Ombiga tayi lunguna
1 Mesiku etimulongo lyomwedhi omutimulongo gwomumvo omutimugoyi guupongekwa wetu, Omuwa okwa lombwele ndje a ti: 2 “Muna gwomuntu, nyola esiku lyonena, oshoka esiku ndika olyo esiku ndyoka omukwaniilwa gwaBabilonia ta tameke ekondeko lyaJerusalem. 3 Lombwela aantu yandje aatangalali eyele ndika ngame, Omuwa Omupangeliawike tandi ti kuyo:
Tula ombiga peziko,
yu udhitha omeya.
4 Tula mo oontumba dhonyama,
iiyoko niilama,
udha mo omapandwa.
5 Kutha onyama yonzi;
tula iikuni kohi yombiga.
Tema ombiga yi pye,
omasipa noontumba.”
6 Omuwa Omupangeliawike ota ti: “Akwetse, oshilando shaadhipagi! Osha fa ombiga ya kakatela iikogo, ya tinda okuyela. Ontumba nontumba tayi kuthwa mo, noinamu kala we sha. 7 Moshilando omwa dhipagelwa mo, ihe ombinzi inayi tikila pevi, mpoka ontsi tayi yi siikile. Oya tikile kemanya. 8 Onda thigile ombinzi mpoka; itayi vulu okusiikilwa notayi pula ofuto.”
9 Omuwa Omupangeliawike ota popi ta ti: “Yaye oshilando shaadhipagi! Ongame mwene tandi gongele iikuni. 10 Eteni utale iikuni! Pepeleni omulilo! Tulii po onyama! Telekeni omuhoka! Lungunitheni omasipa! 11 Ngashingeyi tuleni ombiga yi li owala pomakala, yi lungune ya geta. Nena ombiga otayi ka yelithwa ishewe, sho iikogo ya pi ko, 12 nando iikogo ayihe itayi zi ko komulilo. 13 Jerusalem, iihuna yoye yoluhondelo oye ku nyateke. Nando nda kambadhala oku ku yelitha, owa kala wa nyata. Ito ka yela we, sigo wa lambelwa kondjahi yandje. 14 Ongame, Omuwa Omupangeliawike, nda popi. Ethimbo lya thikana, ndi ikwatele ko. Kandi na ohenda nuulunde woye nenge ndi ku uvitile olukeno. Oto geelelwa shoka wa yono.” Omuwa Omupangeliawike okwa popi.
Eso lyomukiintu gwaHesekiel
15 Omuwa okwa lombwele ndje 16 a ti: “Muna gwomuntu, mepathimo limwe otandi ka kutha po omuntu u mu hole unene. Ino yemata nenge u lile nenge u pitithe omahodhi. 17 Ino uvika to hekumuna. Ino ikulula epalu nenge u kale oompadhi dhowala, u holole oluhodhi. Oshipala shoye ino shi siikila nenge u lye iikulya yoosa.”
18 Onda li tandi popi naantu ongula onene. Ongulohi omukiintu gwandje okwa si, nongula yanakwasha onda ningi, ngaashi nda lombwelwa. 19 Aantu oya pula ndje ya ti: “Oshike to ningi ngaaka?”
20 Onde ya lombwele nda ti: “Omuwa okwa lombwele ndje, 21 ndi lombwele Aaisraeli elaka ndika: Otamu itangele otempeli. Omu hole oku yi tala nokuya kuyo, ihe Omuwa ote ke yi nyatekitha. Aana yeni aamati naakadhona mboka ya kala muJerusalem, otaa dhipagelwa molugodhi. 22 Nena otamu ka ninga, ngaashi nda ningi. Itamu ka siikila iipala yeni nenge mu lye iikulya yoosa. 23 Itamu ki ikulula omapalu nenge mu kale poompadhi dhowala, mu yemate nenge mu lile oosa. Otamu ka kombwa po moluulunde weni notamu ka kemenathana. 24 Nena otandi ka ninga endhindhiliko kune; otamu ka ninga ayihe mbyoka nda ningi. Omuwa ota ti, uuna shika tashi ningwa, otamu ka tseya kutya oye Omuwa Omupangeliawike.”
25 Omuwa okwa ti: “Muna gwomuntu, ngashingeyi otandi ke ya kutha otempeli ndjoka haye yi inomene noku yi nyanyukilwa noye hole oku yi tala nokuya kuyo. Otandi ka kutha po oyana aamati naakadhona. 26 Esiku ndyoka tandi shi ningi, ontauki otayi ke ku hokololela ehanagulo ndika. 27 Esiku tuu ndyoka oto ka galulilwa omukumo gwokupopya, ngoka wa kanitha, e to ka popya naye. Pahedhi ndjika oto ka ninga endhindhiliko kaantu, noyo taa ka tseya kutya ongame Omuwa.”
Ombiga tayi lunguna
1 Mesiku etimulongo lyomwedhi omutimulongo gwomumvo omutimugoyi guupongekwa wetu, Omuwa okwa lombwele ndje a ti: 2 “Muna gwomuntu, nyola esiku lyonena, oshoka esiku ndika olyo esiku ndyoka omukwaniilwa gwaBabilonia ta tameke ekondeko lyaJerusalem. 3 Lombwela aantu yandje aatangalali eyele ndika ngame, Omuwa Omupangeliawike tandi ti kuyo:
Tula ombiga peziko,
yu udhitha omeya.
4 Tula mo oontumba dhonyama,
iiyoko niilama,
udha mo omapandwa.
5 Kutha onyama yonzi;
tula iikuni kohi yombiga.
Tema ombiga yi pye,
omasipa noontumba.”
6 Omuwa Omupangeliawike ota ti: “Akwetse, oshilando shaadhipagi! Osha fa ombiga ya kakatela iikogo, ya tinda okuyela. Ontumba nontumba tayi kuthwa mo, noinamu kala we sha. 7 Moshilando omwa dhipagelwa mo, ihe ombinzi inayi tikila pevi, mpoka ontsi tayi yi siikile. Oya tikile kemanya. 8 Onda thigile ombinzi mpoka; itayi vulu okusiikilwa notayi pula ofuto.”
9 Omuwa Omupangeliawike ota popi ta ti: “Yaye oshilando shaadhipagi! Ongame mwene tandi gongele iikuni. 10 Eteni utale iikuni! Pepeleni omulilo! Tulii po onyama! Telekeni omuhoka! Lungunitheni omasipa! 11 Ngashingeyi tuleni ombiga yi li owala pomakala, yi lungune ya geta. Nena ombiga otayi ka yelithwa ishewe, sho iikogo ya pi ko, 12 nando iikogo ayihe itayi zi ko komulilo. 13 Jerusalem, iihuna yoye yoluhondelo oye ku nyateke. Nando nda kambadhala oku ku yelitha, owa kala wa nyata. Ito ka yela we, sigo wa lambelwa kondjahi yandje. 14 Ongame, Omuwa Omupangeliawike, nda popi. Ethimbo lya thikana, ndi ikwatele ko. Kandi na ohenda nuulunde woye nenge ndi ku uvitile olukeno. Oto geelelwa shoka wa yono.” Omuwa Omupangeliawike okwa popi.
Eso lyomukiintu gwaHesekiel
15 Omuwa okwa lombwele ndje 16 a ti: “Muna gwomuntu, mepathimo limwe otandi ka kutha po omuntu u mu hole unene. Ino yemata nenge u lile nenge u pitithe omahodhi. 17 Ino uvika to hekumuna. Ino ikulula epalu nenge u kale oompadhi dhowala, u holole oluhodhi. Oshipala shoye ino shi siikila nenge u lye iikulya yoosa.”
18 Onda li tandi popi naantu ongula onene. Ongulohi omukiintu gwandje okwa si, nongula yanakwasha onda ningi, ngaashi nda lombwelwa. 19 Aantu oya pula ndje ya ti: “Oshike to ningi ngaaka?”
20 Onde ya lombwele nda ti: “Omuwa okwa lombwele ndje, 21 ndi lombwele Aaisraeli elaka ndika: Otamu itangele otempeli. Omu hole oku yi tala nokuya kuyo, ihe Omuwa ote ke yi nyatekitha. Aana yeni aamati naakadhona mboka ya kala muJerusalem, otaa dhipagelwa molugodhi. 22 Nena otamu ka ninga, ngaashi nda ningi. Itamu ka siikila iipala yeni nenge mu lye iikulya yoosa. 23 Itamu ki ikulula omapalu nenge mu kale poompadhi dhowala, mu yemate nenge mu lile oosa. Otamu ka kombwa po moluulunde weni notamu ka kemenathana. 24 Nena otandi ka ninga endhindhiliko kune; otamu ka ninga ayihe mbyoka nda ningi. Omuwa ota ti, uuna shika tashi ningwa, otamu ka tseya kutya oye Omuwa Omupangeliawike.”
25 Omuwa okwa ti: “Muna gwomuntu, ngashingeyi otandi ke ya kutha otempeli ndjoka haye yi inomene noku yi nyanyukilwa noye hole oku yi tala nokuya kuyo. Otandi ka kutha po oyana aamati naakadhona. 26 Esiku ndyoka tandi shi ningi, ontauki otayi ke ku hokololela ehanagulo ndika. 27 Esiku tuu ndyoka oto ka galulilwa omukumo gwokupopya, ngoka wa kanitha, e to ka popya naye. Pahedhi ndjika oto ka ninga endhindhiliko kaantu, noyo taa ka tseya kutya ongame Omuwa.”
