Kombinga yokuhinga iita
1 “Ngele to ka hinga iita, u kondjithe aatondi yoye e to mono omatembakwiita nuukambe naakwiita oyendji ye ku vule, ino ya tila. Omuwa Kalunga koye, ngoka e ku tembudha mo muEgipiti, oku li pamwe nangoye. 2 Manga inaamu tameka ehomono, omuyambi na holoke komeho e ta popitha aantu ta ti: 3 ‘Aaisraeli ne, pulakeneni! Ngashingeyi otamu ka homona. Inamu tila aatondi yeni nenge mu kanithe omukumo nenge mu piyagane. 4 Omuwa Kalunga keni ote ende pamwe nane e te mu pe esindano.’
5 “Opo ihe omalenga otaga lombwele aantu taga ti: ‘Pamwe ope na omuntu opo a tungu egumbo ye ine li yapula natango. Nongele osho, na shune kaandjawo. Ota ningi a dhipagelwe molugodhi, negumbo tali ka yapulwa kugulwe. 6 Pamwe ope na omuntu opo a tsike oshitsambe shomiviinu, ihe ina likola mo manga omandjembele gasho. Ngele osho ngaaka, na ye kegumbo. Ota ningi a ka dhipagelwe molugodhi, nagulwe ta ka nyanyukilwa omaviinu ngoka. 7 Pamwe ope na omuntu i ipyakidhila nohango e na omufuko. Ngele osho ngaaka, na ye kegumbo. Ota ningi a dhipagelwe molugodhi, nagulwe ta ka hokana po omufuko gwe.’
8 “Omalenga oge na ishewe okulombwela aantu taga ti: ‘Pamwe ope na omuntu e na uumbanda nokwa sholola. Ngele osho ngaaka, na ye kegumbo ota ningi a shoshomeke aantu.’ 9 Omalenga sho ga mana okupopitha aantu, oondjayi dhiita nadhi tulwe komeho gaantu.
10 “Manga inoo ponokela oshilando shontumba, tango shi pa ompito yokwiigandja kungoye. 11 Ngele otaye egulula omiyelo notayi igandja, ayehe oye na okuninga aapika yoye notaye ku longele. 12 Ihe aantu yomoshilando shoka ngele itayi igandja, oya hala okukondja, shi kondeka netangakwiita lyoye. 13 Omuwa Kalunga koye ngele okwe ku pe po oshilando, dhipaga aalumentu yamo ayehe. 14 Yuga po aakulukadhi, aanona niimuna naashihe shi li moshilando. Oto vulu okulongitha eliko lyaatondi yoye alihe ndyoka Omuwa Kalunga koye te li ku pe. 15 Iilando ayihe mbyoka yi li kokule noshilongo shoye, osho to yi ningi ngaaka.
16 “Ihe uuna to kwata po iilando mevi ndyoka Omuwa Kalunga koye te li ku pe, dhipaga omuntu kehe. 17 Aantu ayehe ya dhima po thilu: Aaheti, Aayamori, Aakaanana, Aaperesi, Aahevi nAayebusi, ngaashi Omuwa a ti nashi ningwe. 18 Ya dhipaga po, opo yaa ku yonithe kOmuwa, sho taye ku longo iinonoma yawo yiihuna mbyoka haa ningi mokusaagela iikalunga yawo.
19 “Ngele to kambadhala okukwata po oshilando, omiti dhasho dhiiyimati ino dhi keka po, nando shi kale ethimbo ele mekondeka lyoye. Lya iiyimati, ino keka po omiti; omiti kadhi shi aatondi yoye. 20 Oto vulu okukomangela po omiti ndhoka hadhi imi iiyimati ihaayi liwa, opo u dhi dhike mekondeka lyoshilando, sigo sha kwatwa po.”
Kombinga yokuhinga iita
1 “Ngele to ka hinga iita, u kondjithe aatondi yoye e to mono omatembakwiita nuukambe naakwiita oyendji ye ku vule, ino ya tila. Omuwa Kalunga koye, ngoka e ku tembudha mo muEgipiti, oku li pamwe nangoye. 2 Manga inaamu tameka ehomono, omuyambi na holoke komeho e ta popitha aantu ta ti: 3 ‘Aaisraeli ne, pulakeneni! Ngashingeyi otamu ka homona. Inamu tila aatondi yeni nenge mu kanithe omukumo nenge mu piyagane. 4 Omuwa Kalunga keni ote ende pamwe nane e te mu pe esindano.’
5 “Opo ihe omalenga otaga lombwele aantu taga ti: ‘Pamwe ope na omuntu opo a tungu egumbo ye ine li yapula natango. Nongele osho, na shune kaandjawo. Ota ningi a dhipagelwe molugodhi, negumbo tali ka yapulwa kugulwe. 6 Pamwe ope na omuntu opo a tsike oshitsambe shomiviinu, ihe ina likola mo manga omandjembele gasho. Ngele osho ngaaka, na ye kegumbo. Ota ningi a ka dhipagelwe molugodhi, nagulwe ta ka nyanyukilwa omaviinu ngoka. 7 Pamwe ope na omuntu i ipyakidhila nohango e na omufuko. Ngele osho ngaaka, na ye kegumbo. Ota ningi a dhipagelwe molugodhi, nagulwe ta ka hokana po omufuko gwe.’
8 “Omalenga oge na ishewe okulombwela aantu taga ti: ‘Pamwe ope na omuntu e na uumbanda nokwa sholola. Ngele osho ngaaka, na ye kegumbo ota ningi a shoshomeke aantu.’ 9 Omalenga sho ga mana okupopitha aantu, oondjayi dhiita nadhi tulwe komeho gaantu.
10 “Manga inoo ponokela oshilando shontumba, tango shi pa ompito yokwiigandja kungoye. 11 Ngele otaye egulula omiyelo notayi igandja, ayehe oye na okuninga aapika yoye notaye ku longele. 12 Ihe aantu yomoshilando shoka ngele itayi igandja, oya hala okukondja, shi kondeka netangakwiita lyoye. 13 Omuwa Kalunga koye ngele okwe ku pe po oshilando, dhipaga aalumentu yamo ayehe. 14 Yuga po aakulukadhi, aanona niimuna naashihe shi li moshilando. Oto vulu okulongitha eliko lyaatondi yoye alihe ndyoka Omuwa Kalunga koye te li ku pe. 15 Iilando ayihe mbyoka yi li kokule noshilongo shoye, osho to yi ningi ngaaka.
16 “Ihe uuna to kwata po iilando mevi ndyoka Omuwa Kalunga koye te li ku pe, dhipaga omuntu kehe. 17 Aantu ayehe ya dhima po thilu: Aaheti, Aayamori, Aakaanana, Aaperesi, Aahevi nAayebusi, ngaashi Omuwa a ti nashi ningwe. 18 Ya dhipaga po, opo yaa ku yonithe kOmuwa, sho taye ku longo iinonoma yawo yiihuna mbyoka haa ningi mokusaagela iikalunga yawo.
19 “Ngele to kambadhala okukwata po oshilando, omiti dhasho dhiiyimati ino dhi keka po, nando shi kale ethimbo ele mekondeka lyoye. Lya iiyimati, ino keka po omiti; omiti kadhi shi aatondi yoye. 20 Oto vulu okukomangela po omiti ndhoka hadhi imi iiyimati ihaayi liwa, opo u dhi dhike mekondeka lyoshilando, sigo sha kwatwa po.”
