Gideon ta sindi Aamidiana
1 Esiku limwe Gideon okwa meneka ongula onene pamwe netanga lye e ta yungu ontanda ontega noluthithiya lwaHarod. Ontanda yAamidiana oya li mesilu kuumbugantu wawo pondundu More.
2 Omuwa okwa ti kuGideon: “Ou na aalumentu oyendji unene mokusinditha Aamidiana. Otaa ningi ya tye, oya sindi kuyo yene yo itaa simaneke ndje. 3 Lombwela aantu to ti: ‘Shaa ngoka a tila, na shune kegumbo, notatu kala mpaka pondundu Gilead.’ ” Omayuvi omilongo mbali nagaali oga shuna, ihe opwa kala omayuvi omulongo.
4 Nena Omuwa okwa lombwele Gideon ta ti: “Natango ou na aalumentu oyendji. Inda nayo kedhiya notandi ku yoololelemo yamwe. Ngoka tandi ku lombwele, u ye naye, oye inda naye. Ngoka tandi ti, ino ya naye, na kale po, ino ya naye.” 5 Gideon okwa fala aalumentu kedhiya, nOmuwa okwa ti kuye: “Yoolola mo aalumentu mboka taa shakumine omeya mumboka taa kotamene, ya nwe.” 6 Okwa li aalumentu omathele gatatu mboka ya shakumine. Yalwe oya kotamene ya tsa oongolo, ya nwe. 7 Omuwa okwa ti kuGideon: “Otandi ku hupitha noku ku sinditha Aamidiana kaalumentu mbaka omathele gatatu mboka ya shakumine. Lombwela yalwe, ya shune komagumbo. 8 Osho ngaaka Gideon okwa shunitha Aaisraeli ayehe komagumbo kakele kaamboka omathele gatatu, mboka ya li ye na onguta yomondjila noombenda. Ontanda yAamidiana oya li komeho gawo mesilu.”
9 Uusiku mbwiyaka Omuwa okwa lombwele Gideon: “Thikama, matukila ontanda; otandi ku sinditha. 10 Ihe ngele owa tila oku yi matukila, inda ko kuyo nomupiya gwoye Pura. 11 Oto ku uva shoka taa ti, e to kala wa nyatipala oku yi matukila.” Gideon nomupiya gwe oya kuluka ya yi popepi nontanda yaatondi. 12 Aamidiana, Aayamaleki naantu yokombuga oya li ya gumbakana nesilu ya fa oshapapa noye na oongamelo odhindjidhindji, oto ti ehekevi lyopooha dhefuta.
13 Gideon sho a thiki ko, oku uvu omulumentu ta hokololele kuume ke ondjodhi. Okwa li ta ti: “Onda yaguma oshikwiila shiishokelya sha galangatele montanda yetu e tashi dhenge otenda yimwe. Otenda oya ongotele pevi e tayi yalalala.”
14 Kuume ke okwa yamukula: “Ndyoka egonga lyOmuisraeli Gideon, omuna gwaJoas. Kashi shi sha shilwe. Kalunga okwa gandja Midian miikaha ye netangakwiita lyetu alihe.”
15 Gideon sho u uvu ondjodhi yomulumentu naashoka tayi ti, okwa tsu oongolo e ta hambelele Kalunga. Nena okwa galukile kontanda yAaisraeli e ta ti: “Thikameni! Omuwa okwa gandja etangakwiita lyaMidian miikaha yeni.” 16 Okwa topola aalumentu ye omathele gatatu momatanga gatatu nokwa pe omulumentu kehe ombenda noshiyuma shi na onyeka meni. 17 Okwe ya lombwele: “Shimpa nda thiki kooha dhontanda, talii ndje nawa, ne mu ninge shoka te ningi. 18 Uuna tatu hiki oombenda pamwe netanga lyandje, nane wo hikeni dheni mwa kunduka ontanda ne tamu igidha tamu ti: ‘OmolwOmuwa nomolwa Gideon.’ ”
19 Mokati kuusiku Gideon netanga lye lyaalumentu ethele oye ya popepi nontanda, naanaa konima aatonateli aape sho ye ya miilonga. Nena oya hiki oombenda e taa tatula iiyuma mbyoka ya li nayo, 20 nomatanga gaali ongashikwawo. Oya yelutha oonyeka nomalumoho gawo noombenda okomalulyo gawo noyi igidha taa ti: “Egonga lyOmuwa nolyaGideon!” 21 Aalumentu ayehe oya thikama ya dhingilila ontanda, etangakwiita lyaatondi nolya yi ondapo tali kaluluka. 22 Manga aantu yaGideon taa hiki oombenda dhawo, Omuwa okwa vundakanitha aatondi, ya pilukilathana nomagonga gawo ga tagananenathana. Oya fadhukile kuSaretan, sigololo oBet Shitta nandongo oshilando Abel Mehola popepi naTabbat.
23 Nena aalumentu yomezimo lyaNaftali, lyaAser nolyiitopolwa ayihe iyali yAamanasse oyi ithanwa noya tidha Aamidiana. 24 Gideon okwa tumu aatumwa nevi alihe lyokoondundu dhaEfraim ta ti: “Londolokeni, tu kondjeni nAamidiana. Tonateleni omulonga Jordan noompanalonga, sigo oBet-Bara, mu keelele Aamidiana, yaa taaguluke.” Aaefraim oya hiywa noya tonatele omulonga Jordan noompanalonga, sigo oBetbara. 25 Oya kwata aakwaniilwa yaali yAamidiana, Oreb naSeeb. Oya dhipaga Oreb pemanya lyaOreb naSeeb poshikolelo shoomviinu shaSeeb. Oya tsikile okutidhagana Aamidiana noye eta omitse dhaOreb naSeeb kuGideon, ngoka a li kuuzilo waJordan.
Gideon ta sindi Aamidiana
1 Esiku limwe Gideon okwa meneka ongula onene pamwe netanga lye e ta yungu ontanda ontega noluthithiya lwaHarod. Ontanda yAamidiana oya li mesilu kuumbugantu wawo pondundu More.
2 Omuwa okwa ti kuGideon: “Ou na aalumentu oyendji unene mokusinditha Aamidiana. Otaa ningi ya tye, oya sindi kuyo yene yo itaa simaneke ndje. 3 Lombwela aantu to ti: ‘Shaa ngoka a tila, na shune kegumbo, notatu kala mpaka pondundu Gilead.’ ” Omayuvi omilongo mbali nagaali oga shuna, ihe opwa kala omayuvi omulongo.
4 Nena Omuwa okwa lombwele Gideon ta ti: “Natango ou na aalumentu oyendji. Inda nayo kedhiya notandi ku yoololelemo yamwe. Ngoka tandi ku lombwele, u ye naye, oye inda naye. Ngoka tandi ti, ino ya naye, na kale po, ino ya naye.” 5 Gideon okwa fala aalumentu kedhiya, nOmuwa okwa ti kuye: “Yoolola mo aalumentu mboka taa shakumine omeya mumboka taa kotamene, ya nwe.” 6 Okwa li aalumentu omathele gatatu mboka ya shakumine. Yalwe oya kotamene ya tsa oongolo, ya nwe. 7 Omuwa okwa ti kuGideon: “Otandi ku hupitha noku ku sinditha Aamidiana kaalumentu mbaka omathele gatatu mboka ya shakumine. Lombwela yalwe, ya shune komagumbo. 8 Osho ngaaka Gideon okwa shunitha Aaisraeli ayehe komagumbo kakele kaamboka omathele gatatu, mboka ya li ye na onguta yomondjila noombenda. Ontanda yAamidiana oya li komeho gawo mesilu.”
9 Uusiku mbwiyaka Omuwa okwa lombwele Gideon: “Thikama, matukila ontanda; otandi ku sinditha. 10 Ihe ngele owa tila oku yi matukila, inda ko kuyo nomupiya gwoye Pura. 11 Oto ku uva shoka taa ti, e to kala wa nyatipala oku yi matukila.” Gideon nomupiya gwe oya kuluka ya yi popepi nontanda yaatondi. 12 Aamidiana, Aayamaleki naantu yokombuga oya li ya gumbakana nesilu ya fa oshapapa noye na oongamelo odhindjidhindji, oto ti ehekevi lyopooha dhefuta.
13 Gideon sho a thiki ko, oku uvu omulumentu ta hokololele kuume ke ondjodhi. Okwa li ta ti: “Onda yaguma oshikwiila shiishokelya sha galangatele montanda yetu e tashi dhenge otenda yimwe. Otenda oya ongotele pevi e tayi yalalala.”
14 Kuume ke okwa yamukula: “Ndyoka egonga lyOmuisraeli Gideon, omuna gwaJoas. Kashi shi sha shilwe. Kalunga okwa gandja Midian miikaha ye netangakwiita lyetu alihe.”
15 Gideon sho u uvu ondjodhi yomulumentu naashoka tayi ti, okwa tsu oongolo e ta hambelele Kalunga. Nena okwa galukile kontanda yAaisraeli e ta ti: “Thikameni! Omuwa okwa gandja etangakwiita lyaMidian miikaha yeni.” 16 Okwa topola aalumentu ye omathele gatatu momatanga gatatu nokwa pe omulumentu kehe ombenda noshiyuma shi na onyeka meni. 17 Okwe ya lombwele: “Shimpa nda thiki kooha dhontanda, talii ndje nawa, ne mu ninge shoka te ningi. 18 Uuna tatu hiki oombenda pamwe netanga lyandje, nane wo hikeni dheni mwa kunduka ontanda ne tamu igidha tamu ti: ‘OmolwOmuwa nomolwa Gideon.’ ”
19 Mokati kuusiku Gideon netanga lye lyaalumentu ethele oye ya popepi nontanda, naanaa konima aatonateli aape sho ye ya miilonga. Nena oya hiki oombenda e taa tatula iiyuma mbyoka ya li nayo, 20 nomatanga gaali ongashikwawo. Oya yelutha oonyeka nomalumoho gawo noombenda okomalulyo gawo noyi igidha taa ti: “Egonga lyOmuwa nolyaGideon!” 21 Aalumentu ayehe oya thikama ya dhingilila ontanda, etangakwiita lyaatondi nolya yi ondapo tali kaluluka. 22 Manga aantu yaGideon taa hiki oombenda dhawo, Omuwa okwa vundakanitha aatondi, ya pilukilathana nomagonga gawo ga tagananenathana. Oya fadhukile kuSaretan, sigololo oBet Shitta nandongo oshilando Abel Mehola popepi naTabbat.
23 Nena aalumentu yomezimo lyaNaftali, lyaAser nolyiitopolwa ayihe iyali yAamanasse oyi ithanwa noya tidha Aamidiana. 24 Gideon okwa tumu aatumwa nevi alihe lyokoondundu dhaEfraim ta ti: “Londolokeni, tu kondjeni nAamidiana. Tonateleni omulonga Jordan noompanalonga, sigo oBet-Bara, mu keelele Aamidiana, yaa taaguluke.” Aaefraim oya hiywa noya tonatele omulonga Jordan noompanalonga, sigo oBetbara. 25 Oya kwata aakwaniilwa yaali yAamidiana, Oreb naSeeb. Oya dhipaga Oreb pemanya lyaOreb naSeeb poshikolelo shoomviinu shaSeeb. Oya tsikile okutidhagana Aamidiana noye eta omitse dhaOreb naSeeb kuGideon, ngoka a li kuuzilo waJordan.
