David naMefiboshet
1 Esiku limwe David okwa pula a ti: “Mezimo lyaSaul omwa hupa ngaa omuntu? Ngele omu na, onda hala ndi mu hololele olukeno omolwaJonatan.”
2 Okwa li ku na omupiya megumbo lyaSaul edhina lye Ziba. Oye a lombwelwa, a ye kuDavid. Omukwaniilwa okwa pula a ti:
“Ongoye Ziba?”
Ziba okwa yamukula a ti: “Ongame omupiya gwoye, tatekulu.”
3 Omukwaniilwa okwe mu pula a ti: “Oku na tuu ngoka a hupa ko mezimo lyaSaul, ndi vule oku mu hololela olukeno, ngaashi ndu uvanekele Kalunga?”
Ziba okwa yamukula a ti: “Oku na natango gumwe gwomoyanamati yaJonatan, ndele oshilema.”
4 Omukwaniilwa okwa pula a ti:
“Oku li peni?”
Ziba okwa yamukula a ti: “OkaandjaMakir gaAmmiel muLodebar.” 5 Nena omukwaniilwa David okwa tumu ko, a ka talwe. 6 Mefiboshet yaJonatan, omutekulu gwaSaul, sho e ya, okwi inyongamene koshipala shaDavid, e mu simaneke. David okwa ti: “Mefiboshet.” Oye a yamukula: “Ongame nguka, mupiya gwoye, tatekulu.”
7 David okwa tsikile a ti: “Ino tila, otandi ku sile ohenda molwaho Jonatan. Otandi ke ku galulila omapya agehe gahokulu Saul, noto ka lya aluhe poshililo shandje.”
8 Mefiboshet okwa nyongama ishewe e ta ti: “Ngame kandi ivule nombwa ya sa, tatekulu! Omolwashike to pukulula ndje e to sile ndje ohenda yi thike mpono?”
9 Nena omukwaniilwa okwi ithana Ziba, omupiya gwaSaul, e ta ti: “Otandi pe Mefiboshet, omutekulu gwamwene gwoye, iinima ayihe yaSaul noyezimo lye. 10 Ngoye, aamwoyemati naapiya yoye, ka longeni omapya gezimo gamwene gwoye Saul noku ga teya, opo omuna gwamwene gwoye a mone iipalutha. Ihe Mefiboshet ye mwene ota ka lya aluhe koshililo shandje.” (Ziba okwa li e na oyanamati omulongo nayatano naapiya omilongo mbali.)
11 Ziba okwa yamukula a ti: “Otandi ningi shaa shoka Nkeyama ta ti.”
Osho ngaaka Mefiboshet a kala ta li poshililo shomukwaniilwa a fa naanaa gumwe gwomoyanamati yomukwaniilwa. 12 Mefiboshet okwa li e na okamwanamati edhina lyako Mika. Aantu ayehe yomegumbo lyaZiba oya ningi aapiya yaMefiboshet. 13 Onkee Mefiboshet, ngoka a li a lemana komagulu ge agehe, a kala muJerusalem ta li oondya dhe adhihe koshililo shomukwaniilwa.
David naMefiboshet
1 Esiku limwe David okwa pula a ti: “Mezimo lyaSaul omwa hupa ngaa omuntu? Ngele omu na, onda hala ndi mu hololele olukeno omolwaJonatan.”
2 Okwa li ku na omupiya megumbo lyaSaul edhina lye Ziba. Oye a lombwelwa, a ye kuDavid. Omukwaniilwa okwa pula a ti:
“Ongoye Ziba?”
Ziba okwa yamukula a ti: “Ongame omupiya gwoye, tatekulu.”
3 Omukwaniilwa okwe mu pula a ti: “Oku na tuu ngoka a hupa ko mezimo lyaSaul, ndi vule oku mu hololela olukeno, ngaashi ndu uvanekele Kalunga?”
Ziba okwa yamukula a ti: “Oku na natango gumwe gwomoyanamati yaJonatan, ndele oshilema.”
4 Omukwaniilwa okwa pula a ti:
“Oku li peni?”
Ziba okwa yamukula a ti: “OkaandjaMakir gaAmmiel muLodebar.” 5 Nena omukwaniilwa David okwa tumu ko, a ka talwe. 6 Mefiboshet yaJonatan, omutekulu gwaSaul, sho e ya, okwi inyongamene koshipala shaDavid, e mu simaneke. David okwa ti: “Mefiboshet.” Oye a yamukula: “Ongame nguka, mupiya gwoye, tatekulu.”
7 David okwa tsikile a ti: “Ino tila, otandi ku sile ohenda molwaho Jonatan. Otandi ke ku galulila omapya agehe gahokulu Saul, noto ka lya aluhe poshililo shandje.”
8 Mefiboshet okwa nyongama ishewe e ta ti: “Ngame kandi ivule nombwa ya sa, tatekulu! Omolwashike to pukulula ndje e to sile ndje ohenda yi thike mpono?”
9 Nena omukwaniilwa okwi ithana Ziba, omupiya gwaSaul, e ta ti: “Otandi pe Mefiboshet, omutekulu gwamwene gwoye, iinima ayihe yaSaul noyezimo lye. 10 Ngoye, aamwoyemati naapiya yoye, ka longeni omapya gezimo gamwene gwoye Saul noku ga teya, opo omuna gwamwene gwoye a mone iipalutha. Ihe Mefiboshet ye mwene ota ka lya aluhe koshililo shandje.” (Ziba okwa li e na oyanamati omulongo nayatano naapiya omilongo mbali.)
11 Ziba okwa yamukula a ti: “Otandi ningi shaa shoka Nkeyama ta ti.”
Osho ngaaka Mefiboshet a kala ta li poshililo shomukwaniilwa a fa naanaa gumwe gwomoyanamati yomukwaniilwa. 12 Mefiboshet okwa li e na okamwanamati edhina lyako Mika. Aantu ayehe yomegumbo lyaZiba oya ningi aapiya yaMefiboshet. 13 Onkee Mefiboshet, ngoka a li a lemana komagulu ge agehe, a kala muJerusalem ta li oondya dhe adhihe koshililo shomukwaniilwa.
