1 Konima yaashika ondu uvu ewi lya fa ewi lyongundu onene yaantu megulu tali ti: “Simanekeni Kalunga! Ehupitho, esimano noonkondo odhaKalunga ketu. 2 Omapangulo ge ogu uka nogoshili! Oshoka oye okwa pangula ohonda kamana ndjoka ya yono po evi alihe noluhondelo lwayo. Kalunga okwe yi geele molwaashoka ya dhipaga po aapiya ye.” 3 Ongundu oyi igidha ishewe ya ti: “Simanekeni Kalunga! Olwithi lwompile yoshilando shika oshinene ohalu itumbu pombanda aluhe sigo aluhe.” 4 Nena aakuluntu mbeyaka omilongo mbali nayane niinamwenyo mbiyaka ine oyi ihata pevi noya simaneke Kalunga ngoka a kuutumba koshipangelapundi noya ti: “Amen! Simanekeni Kalunga!”
Oshituthi shohango yOnzigona
5 Nena moshipangelapundi omwa zi ewi lya ti: “Simanekeni Kalunga ketu, aapiya ye amuhe naantu amuhe, aanenentu naadhinwa, mboka hamu mu tila!”
6 Opo ihe ondu uvu ewi lya fa lyongundu onenenene yaantu, ongepopomo lyegwo enene lyomeya nongendundumo enene lya ti: “Simanekeni Kalunga! Oshoka Omuwa Kalunga ketu, Omunankondoadhihe, oye Omukwaniilwa! 7 Tu nyanyukweni tse tu ligoleni, tu simanekeni uunene we! Oshoka ethimbo lyohango yOnzigona olya thikana nomufuko gwe okwi ilongekidha. 8 Oye okwa pewa, a zale oonguwo oontokele dholiina dha yela notadhi adhima. Oonguwo ndhika dholiina odho iilonga yuuyuuki yaantu yaKalunga.”
9 Omuyengeli okwa lombwele ndje a ti: “Nyola to ti: Aanelago oomboka ya hiywa koshituthi shohango yOnzigona.” Opo ihe okwa gwedha ko a ti: “Oohapu ndhika dhaKalunga odhoshili.”
10 Nena ondi ihata pevi poompadhi dhe, ndi mu galikane, ihe okwa lombwele ndje ta ti: “Ino shi yelekela nando! Oshoka ngame omupiya mukweni nogwomooyakweni ayehe mboka haa dhiginine oshili ndjoka ya hololwa kuJesus. Galikana Kalunga.”
Oshoka oshili ndjoka Jesus e yi holola, oyo ndjoka tayi popitha aahunganeki.
Omukayili gwokakambe okatokele
11 Nena onda mono egulu lye eguluka nomo mwa li mu na okakambe okatokele. Omukayili gwako ohi ithanwa Omwiinekelwa nOmunashili. Oye ota pangula nuuyuuki nota kondjo olugodhi. 12 Omeho ge oga li ga fa oohandje dhomulilo nokwa li a zala iishani oyindji komutse gwe. Okwa nyolwa edhina, ihe kape na nando ogumwe ngoka e li tseya kakele ke mwene. 13 Onguwo ndjoka a zala oya li ya yaywa mombinzi, nedhina lye olyo “Ohapu yaKalunga”. 14 Omatanga gaakwiita yomegulu oge mu landula, ya londa kuukambe uutokele noya zala oonguwo oontokele dholiina. 15 Mokana ke omwa zi egongamwele lya tsa, ndyoka ta ka sinda nalyo iigwana. Oye ote ke yi pangela nondhimbo yosheela nota ka kola nokutsipulila moshikolelo shomaviinu gondjahi onene yaKalunga Omunankondoadhihe. 16 Konguwo ye noketundji lye okwa li kwa nyolwa edhina ndika: “Omukwaniilwa gwaakwaniilwa nOmuwa gwaawa”.
17 Nena onda mono omuyengeli a thikama ketango. Oye okwi igidha newi enene ta lombwele oondhila ndhoka hadhi tuka mombepo pokati kegulu, a ti: “Ileni, gongaleni amuhe koshituthi oshinene shaKalunga! 18 Ileni, mu lye onyama yaakwaniilwa, yoondjayi dhiita noyaakwiita, onyama yuukambe noyaakayili yawo, onyama yaantu ayehe, yaapika noyaavalwa, yaanenentu noyaadhinwa.”
19 Nena onda mono oshilikama naakwaniilwa yokombanda yevi nomatanga gaakwiita ya gongala, ya kondjithe ngoka a londa okakambe naakwiita ye. 20 Oshilikama osha kwatwa, osho wo omuhunganeki omufundja ngoka a longo iikumithalonga montaneho yasho nokupukitha aantu mboka ye na endhindhiliko lyasho, naamboka ya li haa galikana oshiyelekela shasho. Oshilikama nomuhunganeki omufundja oyu umbilwa mefuta lyomulilo ye na omwenyo ngoka tagu hohelithwa osulufuli. 21 Aakwiita yawo oya dhipagwa po negongamwele ndyoka lya zi mokana kaangoka a londa okakambe; noondhila adhihe odha kuta onyama yawo.
1 Konima yaashika ondu uvu ewi lya fa ewi lyongundu onene yaantu megulu tali ti: “Simanekeni Kalunga! Ehupitho, esimano noonkondo odhaKalunga ketu. 2 Omapangulo ge ogu uka nogoshili! Oshoka oye okwa pangula ohonda kamana ndjoka ya yono po evi alihe noluhondelo lwayo. Kalunga okwe yi geele molwaashoka ya dhipaga po aapiya ye.” 3 Ongundu oyi igidha ishewe ya ti: “Simanekeni Kalunga! Olwithi lwompile yoshilando shika oshinene ohalu itumbu pombanda aluhe sigo aluhe.” 4 Nena aakuluntu mbeyaka omilongo mbali nayane niinamwenyo mbiyaka ine oyi ihata pevi noya simaneke Kalunga ngoka a kuutumba koshipangelapundi noya ti: “Amen! Simanekeni Kalunga!”
Oshituthi shohango yOnzigona
5 Nena moshipangelapundi omwa zi ewi lya ti: “Simanekeni Kalunga ketu, aapiya ye amuhe naantu amuhe, aanenentu naadhinwa, mboka hamu mu tila!”
6 Opo ihe ondu uvu ewi lya fa lyongundu onenenene yaantu, ongepopomo lyegwo enene lyomeya nongendundumo enene lya ti: “Simanekeni Kalunga! Oshoka Omuwa Kalunga ketu, Omunankondoadhihe, oye Omukwaniilwa! 7 Tu nyanyukweni tse tu ligoleni, tu simanekeni uunene we! Oshoka ethimbo lyohango yOnzigona olya thikana nomufuko gwe okwi ilongekidha. 8 Oye okwa pewa, a zale oonguwo oontokele dholiina dha yela notadhi adhima. Oonguwo ndhika dholiina odho iilonga yuuyuuki yaantu yaKalunga.”
9 Omuyengeli okwa lombwele ndje a ti: “Nyola to ti: Aanelago oomboka ya hiywa koshituthi shohango yOnzigona.” Opo ihe okwa gwedha ko a ti: “Oohapu ndhika dhaKalunga odhoshili.”
10 Nena ondi ihata pevi poompadhi dhe, ndi mu galikane, ihe okwa lombwele ndje ta ti: “Ino shi yelekela nando! Oshoka ngame omupiya mukweni nogwomooyakweni ayehe mboka haa dhiginine oshili ndjoka ya hololwa kuJesus. Galikana Kalunga.”
Oshoka oshili ndjoka Jesus e yi holola, oyo ndjoka tayi popitha aahunganeki.
Omukayili gwokakambe okatokele
11 Nena onda mono egulu lye eguluka nomo mwa li mu na okakambe okatokele. Omukayili gwako ohi ithanwa Omwiinekelwa nOmunashili. Oye ota pangula nuuyuuki nota kondjo olugodhi. 12 Omeho ge oga li ga fa oohandje dhomulilo nokwa li a zala iishani oyindji komutse gwe. Okwa nyolwa edhina, ihe kape na nando ogumwe ngoka e li tseya kakele ke mwene. 13 Onguwo ndjoka a zala oya li ya yaywa mombinzi, nedhina lye olyo “Ohapu yaKalunga”. 14 Omatanga gaakwiita yomegulu oge mu landula, ya londa kuukambe uutokele noya zala oonguwo oontokele dholiina. 15 Mokana ke omwa zi egongamwele lya tsa, ndyoka ta ka sinda nalyo iigwana. Oye ote ke yi pangela nondhimbo yosheela nota ka kola nokutsipulila moshikolelo shomaviinu gondjahi onene yaKalunga Omunankondoadhihe. 16 Konguwo ye noketundji lye okwa li kwa nyolwa edhina ndika: “Omukwaniilwa gwaakwaniilwa nOmuwa gwaawa”.
17 Nena onda mono omuyengeli a thikama ketango. Oye okwi igidha newi enene ta lombwele oondhila ndhoka hadhi tuka mombepo pokati kegulu, a ti: “Ileni, gongaleni amuhe koshituthi oshinene shaKalunga! 18 Ileni, mu lye onyama yaakwaniilwa, yoondjayi dhiita noyaakwiita, onyama yuukambe noyaakayili yawo, onyama yaantu ayehe, yaapika noyaavalwa, yaanenentu noyaadhinwa.”
19 Nena onda mono oshilikama naakwaniilwa yokombanda yevi nomatanga gaakwiita ya gongala, ya kondjithe ngoka a londa okakambe naakwiita ye. 20 Oshilikama osha kwatwa, osho wo omuhunganeki omufundja ngoka a longo iikumithalonga montaneho yasho nokupukitha aantu mboka ye na endhindhiliko lyasho, naamboka ya li haa galikana oshiyelekela shasho. Oshilikama nomuhunganeki omufundja oyu umbilwa mefuta lyomulilo ye na omwenyo ngoka tagu hohelithwa osulufuli. 21 Aakwiita yawo oya dhipagwa po negongamwele ndyoka lya zi mokana kaangoka a londa okakambe; noondhila adhihe odha kuta onyama yawo.
