1 Membo muka omu na oohapu ndhoka Moses e dhi lombwele Aaisraeli, manga ye li mombuga kuuzilo waJordan. Oya li mesilu lyaJordan popepi naSuf, pokati komukunda Paran kombinga yimwe nomikunda Tofel, Laban, Hazerot naDi Sahab kombinga onkwawo. 2 (Otashi pula omasiku omulongo nalimwe okuza kuSinai nokuya kuKadesh Barnea mondjila yokoondundu dhomoshilongo Seir.) 3 Mesiku lyotango lyomwedhi omutimulongo nagumwe gwomumvo omutimilongone, Aaisraeli sho ya tembuka muEgipiti, Moses okwe ya hokololele ashihe shoka Omuwa e mu lombwele, e ya lombwele. 4 Shika osha ningwa Omuwa sho a sindi Sihon, omukwaniilwa gwAayamori, ngoka a li ta pangele moshilando Heshbon, naOg, omukwaniilwa gwaBaasha, ngoka a li ta pangele miilando Ashtarot naEdrei. 5 Kuuzilo waJordan moshilongo shaMoab Moses okwa tameke okufatulula oompango nomalongo gOmuwa.
Okwa ti: 6 “Manga twa li puSinai, Omuwa Kalunga ketu okwe tu lombwele ta ti: ‘Ethimbo ndyoka mwa kala pondundu ndjika, olya gwana. 7 Dhilukitheni po oontanda mu hume ko. Indeni koshilongo shokoondundu shAayamori nokomahala agehe ge shi kunduka — sigo esilu lyaJordan, koshilongo shokoondundu, kiikulundundu yoponyonga yadho, koshitopolwa shokuumbugantu nokomunkulofuta. Indeni kevi lyAakaanana nokombanda yoondundu dhaLibanon sigololo omulonga omunene Eufrat. 8 Ayihe mbika oyo evi ndyoka ngame Omuwa ndu uvaneke ndi li pe oohokulu Abraham, Isak naJakob nomaluvalo gawo. Indeni mu ke li lale.’ ”
Moses ta langeke aatokolihapu
(Eks. 18:13-27)9 Moses okwa lombwele aantu a ti: “Manga twa lyeni pondundu Sinai, onde mu lombwele nda tile: ‘Oshimpwiyu shoku mu wilika otashi hepeke ndje unene. Itandi vulu oku shi ihumbatela ongame awike. 10 Omuwa Kalunga keni okwe mu indjipaleke mu thike poonyothi dhokegulu. 11 Omuwa Kalunga koohokulu ne mu indjipaleke neyuvi ye e mu laleke nuuyamba, ngaashi u uvaneka! 12 Ihe otandi vulu ngiini ongame awike okuhumbata omutenge gwokuloteka oontamanana dheni? 13 Hogololeni aalumentu aanawino, aanandunge naasimani mezimo kehe, notandi ya langeke moku mu tonatela! 14 Omwa zimina kutya shika osho opala. 15 Onkee nda kutha aawiliki aanawino naasimani mboka mwa hogolola momazimo geni, nonde ya langeke ye mu tonatele. Yamwe oya ningi aatonateli yaantu eyuvi, yamwe oyethele, yamwe oyomilongo ntano nayamwe oyomulongo. Onda langeke ishewe aakuluntu yalwe momazimo agehe.’
16 “Pethimbo ndyoka onda londodha aatokolihapu yeni nda ti: ‘Pulakeneni nawa iihokolola mbyoka tayi tukuka maakweni. Iihokolola ayihe yi panguleni pauyuuki, nonando nayi kale yaakweni yomekota nenge yaakwiilongo mboka ya kala mokati keni. 17 Momatokolo geni inamu kala nando ondhipi; ayehe ya tokoleni pamuthika gumwe, nando naa kale oyo oolye yalye. Inamu tila nando olye, oshoka omatokolo ngoka tamu tokola, oga za kuKalunga. Ngele ope na shoka tashi mu nyenge, shi eteni kungame, notandi ke shi utha.’ 18 Pethimbo tuu ndyoka onde mu lombwelele ashihe shoka mu na oku shi ninga.”
Oondaadhi dha za kuKadesh Barnea
(Num. 13:1-33)19 “Otwa gwanitha shoka Omuwa Kalunga ketu e tu lombwele. Otwa thigi po ondundu Sinai e tatu ka taaguluka ombuga ndjoka onene nontilithi mondjila yetu okuya koshilongo shokoondundu shAayamori. Sho twa thiki muKadesh Barnea, 20-21 onda tile: ‘Otamu yi koshilongo shokoondundu shAayamori, shoka Omuwa Kalunga ketu, Kalunga kootatekulu te shi tu pe. Taleni, osho shiyaka. Indeni mu ke shi lale, ngaashi a tile. Inamu tenguka nenge mu kukuke kuumbanda.’
22 “Ihe ne omwe ya kungame tamu ti: ‘Tumii ko aalumentu, ya ka ndaadhe evi, opo ye ye ye tu lombwele kutya natu ende ondjila yini niilando mbyoka yi li ko oya tya ngiini.’
23 “Osha li sho opala okuningwa, onkee nda hogololele aalumentu omulongo nayaali, gumwe mezimo kehe. 24 Oya yi moshilongo shokoondundu sigololo esilu Eshkol e taye li konakona. 25 Sho ya galuka, oye tu etele iiyimati mbyoka ya adhele ko, noya hokolola kutya evi ndyoka Omuwa Kalunga ketu te li tu pe, ewanawa noonkondo.
26 “Ihe ne omwa tsu ondumbo noshipango shOmuwa Kalunga keni, noinamu ya we mevi ndyoka. 27 Ne omwa ngungutulilathana mwa ti: ‘Omuwa oku tu tonde. Okwe tu tembudha muEgipiti, opo e tu gandje miikaha yAayamori mbaka, opo ya wape ye tu dhipage. 28 Otatu yile ko we shike? Tse otwa tila ko. Aantu mboka twe ya tumine ko, oye tu hokololele kutya aantu yaahoka oya kola naaleeleka ye tu vule, noya kala miilando yi na omakuma ga tsa kegulu. Oya mwene ko nokuli aalefule!’
29 “Ihe ngame onda tile: ‘Inamu tila aantu mboka. 30 Omuwa Kalunga keni ote mu enditha, noye te ke mu kondjela, naanaa ngaashi mwe shi mono muEgipiti 31 nomombuga. Omwa mono, nkene e mu enditha nawa ondjila ayihe sigo okehala ndika, ngaashi yina ta kwiinine omwana omumati.’ 32 Ihe nando ongeyi, ne inamu inekela Omuwa Kalunga keni, 33 ngoka e mu kwatele komeho, mu mone eha mpoka tamu yungu oontanda. Okwe mu ulukile ondjila te mu tetekelele moshikogo shomulilo uusiku noshomuzile omutenya.”
Omuwa ta geele Israel
(Num. 14:20-45)34 “Omuwa oku uvu omangungutulo geni e ta geye e ta gana ta ti: 35 ‘Kape na nando omuntu gumwe gwomoluvalo nduka oluwinayi ta ka thika mevi ndyoka ewanawa ndu uvaneke oku li pa oohokulu. 36 Kaleb kaJefunne oye awike ta ka ya mo. Okwa li i inekela ndje. Otandi mu pe noluvalo lwe evi ndyoka e ke li ndaadhele.’ 37 Molweni Omuwa okwa geele ndje e ta ti: ‘Nangoye wo ito ka thika mo mevi ndyoka. 38 Ihe koleka eutho lyomukwathi gwoye, Josua yaNun. Oye ta ka wilika Israel okulala oshilongo.’
39 “Omuwa okwe tu lombwele aluhe ta ti: ‘Aana yeni mboka aashona nokaye shi manga okuyoolola uuwanawa muuwinayi, oyo taa ka thika mo mevi ndyoka, nando omwa ti, otaa ka kwatwa po kaatondi yeni. Otandi ke ya pa oshilongo, notaye ke shi lala. 40 Ihe ne shuneni mu ye kombuga mondjila yu uka kEkololo lyaAkaba.’
41 “Omwa yamukulile mwa ti: ‘Moses, tse otwa yono kOmuwa. Ihe ngashingeyi tse otatu ka homona, naanaa ngaashi Omuwa Kalunga ketu e tu lombwele.’ Noshaa ngoka gwomune okwa li i ilongekidhila olugodhi nota dhiladhila kutya oshipu okutondokela moshilongo shokoondundu.
42 “Ihe Omuwa okwa lombwele ndje a ti: ‘Ya londodha yaa homone, oshoka itandi kala pamwe nayo, naatondi yawo otaye ya sindi.’ 43 Onde mu hokololele shoka Omuwa a ti, ihe ne inamu pupa ko. Omwa tsu ondumbo naye, nomuuntsa weni omwa matukile oshilongo shokoondundu. 44 Nena Aayamori mboka ya li moondundu, oye ya ye mu kondjithe ya fa ehunga lyoonyushi. Oye mu tidha sigo oHorma e taye mu dhengele moshilongo shokoondundu dhaEdom. 45 One nomwa kugile Omuwa onkugo, ihe okwi ipwililike ye ine mu pulakena.”
Omimvo dhomombuga
46 “Ano sho twa kala muKadesh ethimbo ele,
1 Membo muka omu na oohapu ndhoka Moses e dhi lombwele Aaisraeli, manga ye li mombuga kuuzilo waJordan. Oya li mesilu lyaJordan popepi naSuf, pokati komukunda Paran kombinga yimwe nomikunda Tofel, Laban, Hazerot naDi Sahab kombinga onkwawo. 2 (Otashi pula omasiku omulongo nalimwe okuza kuSinai nokuya kuKadesh Barnea mondjila yokoondundu dhomoshilongo Seir.) 3 Mesiku lyotango lyomwedhi omutimulongo nagumwe gwomumvo omutimilongone, Aaisraeli sho ya tembuka muEgipiti, Moses okwe ya hokololele ashihe shoka Omuwa e mu lombwele, e ya lombwele. 4 Shika osha ningwa Omuwa sho a sindi Sihon, omukwaniilwa gwAayamori, ngoka a li ta pangele moshilando Heshbon, naOg, omukwaniilwa gwaBaasha, ngoka a li ta pangele miilando Ashtarot naEdrei. 5 Kuuzilo waJordan moshilongo shaMoab Moses okwa tameke okufatulula oompango nomalongo gOmuwa.
Okwa ti: 6 “Manga twa li puSinai, Omuwa Kalunga ketu okwe tu lombwele ta ti: ‘Ethimbo ndyoka mwa kala pondundu ndjika, olya gwana. 7 Dhilukitheni po oontanda mu hume ko. Indeni koshilongo shokoondundu shAayamori nokomahala agehe ge shi kunduka — sigo esilu lyaJordan, koshilongo shokoondundu, kiikulundundu yoponyonga yadho, koshitopolwa shokuumbugantu nokomunkulofuta. Indeni kevi lyAakaanana nokombanda yoondundu dhaLibanon sigololo omulonga omunene Eufrat. 8 Ayihe mbika oyo evi ndyoka ngame Omuwa ndu uvaneke ndi li pe oohokulu Abraham, Isak naJakob nomaluvalo gawo. Indeni mu ke li lale.’ ”
Moses ta langeke aatokolihapu
(Eks. 18:13-27)9 Moses okwa lombwele aantu a ti: “Manga twa lyeni pondundu Sinai, onde mu lombwele nda tile: ‘Oshimpwiyu shoku mu wilika otashi hepeke ndje unene. Itandi vulu oku shi ihumbatela ongame awike. 10 Omuwa Kalunga keni okwe mu indjipaleke mu thike poonyothi dhokegulu. 11 Omuwa Kalunga koohokulu ne mu indjipaleke neyuvi ye e mu laleke nuuyamba, ngaashi u uvaneka! 12 Ihe otandi vulu ngiini ongame awike okuhumbata omutenge gwokuloteka oontamanana dheni? 13 Hogololeni aalumentu aanawino, aanandunge naasimani mezimo kehe, notandi ya langeke moku mu tonatela! 14 Omwa zimina kutya shika osho opala. 15 Onkee nda kutha aawiliki aanawino naasimani mboka mwa hogolola momazimo geni, nonde ya langeke ye mu tonatele. Yamwe oya ningi aatonateli yaantu eyuvi, yamwe oyethele, yamwe oyomilongo ntano nayamwe oyomulongo. Onda langeke ishewe aakuluntu yalwe momazimo agehe.’
16 “Pethimbo ndyoka onda londodha aatokolihapu yeni nda ti: ‘Pulakeneni nawa iihokolola mbyoka tayi tukuka maakweni. Iihokolola ayihe yi panguleni pauyuuki, nonando nayi kale yaakweni yomekota nenge yaakwiilongo mboka ya kala mokati keni. 17 Momatokolo geni inamu kala nando ondhipi; ayehe ya tokoleni pamuthika gumwe, nando naa kale oyo oolye yalye. Inamu tila nando olye, oshoka omatokolo ngoka tamu tokola, oga za kuKalunga. Ngele ope na shoka tashi mu nyenge, shi eteni kungame, notandi ke shi utha.’ 18 Pethimbo tuu ndyoka onde mu lombwelele ashihe shoka mu na oku shi ninga.”
Oondaadhi dha za kuKadesh Barnea
(Num. 13:1-33)19 “Otwa gwanitha shoka Omuwa Kalunga ketu e tu lombwele. Otwa thigi po ondundu Sinai e tatu ka taaguluka ombuga ndjoka onene nontilithi mondjila yetu okuya koshilongo shokoondundu shAayamori. Sho twa thiki muKadesh Barnea, 20-21 onda tile: ‘Otamu yi koshilongo shokoondundu shAayamori, shoka Omuwa Kalunga ketu, Kalunga kootatekulu te shi tu pe. Taleni, osho shiyaka. Indeni mu ke shi lale, ngaashi a tile. Inamu tenguka nenge mu kukuke kuumbanda.’
22 “Ihe ne omwe ya kungame tamu ti: ‘Tumii ko aalumentu, ya ka ndaadhe evi, opo ye ye ye tu lombwele kutya natu ende ondjila yini niilando mbyoka yi li ko oya tya ngiini.’
23 “Osha li sho opala okuningwa, onkee nda hogololele aalumentu omulongo nayaali, gumwe mezimo kehe. 24 Oya yi moshilongo shokoondundu sigololo esilu Eshkol e taye li konakona. 25 Sho ya galuka, oye tu etele iiyimati mbyoka ya adhele ko, noya hokolola kutya evi ndyoka Omuwa Kalunga ketu te li tu pe, ewanawa noonkondo.
26 “Ihe ne omwa tsu ondumbo noshipango shOmuwa Kalunga keni, noinamu ya we mevi ndyoka. 27 Ne omwa ngungutulilathana mwa ti: ‘Omuwa oku tu tonde. Okwe tu tembudha muEgipiti, opo e tu gandje miikaha yAayamori mbaka, opo ya wape ye tu dhipage. 28 Otatu yile ko we shike? Tse otwa tila ko. Aantu mboka twe ya tumine ko, oye tu hokololele kutya aantu yaahoka oya kola naaleeleka ye tu vule, noya kala miilando yi na omakuma ga tsa kegulu. Oya mwene ko nokuli aalefule!’
29 “Ihe ngame onda tile: ‘Inamu tila aantu mboka. 30 Omuwa Kalunga keni ote mu enditha, noye te ke mu kondjela, naanaa ngaashi mwe shi mono muEgipiti 31 nomombuga. Omwa mono, nkene e mu enditha nawa ondjila ayihe sigo okehala ndika, ngaashi yina ta kwiinine omwana omumati.’ 32 Ihe nando ongeyi, ne inamu inekela Omuwa Kalunga keni, 33 ngoka e mu kwatele komeho, mu mone eha mpoka tamu yungu oontanda. Okwe mu ulukile ondjila te mu tetekelele moshikogo shomulilo uusiku noshomuzile omutenya.”
Omuwa ta geele Israel
(Num. 14:20-45)34 “Omuwa oku uvu omangungutulo geni e ta geye e ta gana ta ti: 35 ‘Kape na nando omuntu gumwe gwomoluvalo nduka oluwinayi ta ka thika mevi ndyoka ewanawa ndu uvaneke oku li pa oohokulu. 36 Kaleb kaJefunne oye awike ta ka ya mo. Okwa li i inekela ndje. Otandi mu pe noluvalo lwe evi ndyoka e ke li ndaadhele.’ 37 Molweni Omuwa okwa geele ndje e ta ti: ‘Nangoye wo ito ka thika mo mevi ndyoka. 38 Ihe koleka eutho lyomukwathi gwoye, Josua yaNun. Oye ta ka wilika Israel okulala oshilongo.’
39 “Omuwa okwe tu lombwele aluhe ta ti: ‘Aana yeni mboka aashona nokaye shi manga okuyoolola uuwanawa muuwinayi, oyo taa ka thika mo mevi ndyoka, nando omwa ti, otaa ka kwatwa po kaatondi yeni. Otandi ke ya pa oshilongo, notaye ke shi lala. 40 Ihe ne shuneni mu ye kombuga mondjila yu uka kEkololo lyaAkaba.’
41 “Omwa yamukulile mwa ti: ‘Moses, tse otwa yono kOmuwa. Ihe ngashingeyi tse otatu ka homona, naanaa ngaashi Omuwa Kalunga ketu e tu lombwele.’ Noshaa ngoka gwomune okwa li i ilongekidhila olugodhi nota dhiladhila kutya oshipu okutondokela moshilongo shokoondundu.
42 “Ihe Omuwa okwa lombwele ndje a ti: ‘Ya londodha yaa homone, oshoka itandi kala pamwe nayo, naatondi yawo otaye ya sindi.’ 43 Onde mu hokololele shoka Omuwa a ti, ihe ne inamu pupa ko. Omwa tsu ondumbo naye, nomuuntsa weni omwa matukile oshilongo shokoondundu. 44 Nena Aayamori mboka ya li moondundu, oye ya ye mu kondjithe ya fa ehunga lyoonyushi. Oye mu tidha sigo oHorma e taye mu dhengele moshilongo shokoondundu dhaEdom. 45 One nomwa kugile Omuwa onkugo, ihe okwi ipwililike ye ine mu pulakena.”
Omimvo dhomombuga
46 “Ano sho twa kala muKadesh ethimbo ele,
