Aatumwa ya za kuBabilonia
(2 Aak. 20:12-19)1 Lwopomathimbo ngoka omukwaniilwa gwaBabilonia Merodak Baladan, omuna gwaBaladan, okwa kundana kutya omukwaniilwa Hiskia okwa li ta alukwa, onkee okwe mu tumine ontumwafo nomagano. 2 Hiskia okwa kundu nawa aatumwa e te ya ulukile uuyamba we — iisiliveli ye niingoli ye, iizimba ye nomagadhi gondilo, niikwaniipangitho ye ayihe yuukwiita. Kakwa li sha moompungulo dhe nenge shaa mpoka moshilongo she inee shi ya ulukila. 3 Nena omuhunganeki Jesaja okwa yi komukwaniilwa Hiskia e ta pula ta ti: “Aantu mbaka oya zi peni noye ku lombwele shike?”
Hiskia okwa yamukula a ti: “Oya zi koshilongo shokokule kuBabilonia.”
4 Jesaja okwa pula a ti: “Mombala oya mono mo shike?”
Hiskia okwa yamukula a ti: “Oya tala iinima ayihe. Kamu na sha moompungulo inaandi shi ya ulukila.”
5 Jesaja okwa ti komukwaniilwa: “Omuwa Omunankondoawike ota ti kutya 6 esiku onali ke ya, uuna shaa shoka shi li muuwa woye, shaa shoka oohokulu ye shi pungulile, tashi ka falwa kuBabilon. Itapa thigwa sha. 7 Yamwe yomoluvalo lwoyelela otaa ka kuthwa po e taa ka ningwa aathonwantu, ya yakule muuwa womukwaniilwa gwaBabilon.”
8 Omukwaniilwa Hiskia shika okwe shi uvu ko tashi ti kutya, otaku ka kala ombili negameno monkalamwenyo ye, nomolwasho okwa yamukula ngeyi: “Oohapu dhOmuwa ndhoka wa popi, oombwanawa.”
Aatumwa ya za kuBabilonia
(2 Aak. 20:12-19)1 Lwopomathimbo ngoka omukwaniilwa gwaBabilonia Merodak Baladan, omuna gwaBaladan, okwa kundana kutya omukwaniilwa Hiskia okwa li ta alukwa, onkee okwe mu tumine ontumwafo nomagano. 2 Hiskia okwa kundu nawa aatumwa e te ya ulukile uuyamba we — iisiliveli ye niingoli ye, iizimba ye nomagadhi gondilo, niikwaniipangitho ye ayihe yuukwiita. Kakwa li sha moompungulo dhe nenge shaa mpoka moshilongo she inee shi ya ulukila. 3 Nena omuhunganeki Jesaja okwa yi komukwaniilwa Hiskia e ta pula ta ti: “Aantu mbaka oya zi peni noye ku lombwele shike?”
Hiskia okwa yamukula a ti: “Oya zi koshilongo shokokule kuBabilonia.”
4 Jesaja okwa pula a ti: “Mombala oya mono mo shike?”
Hiskia okwa yamukula a ti: “Oya tala iinima ayihe. Kamu na sha moompungulo inaandi shi ya ulukila.”
5 Jesaja okwa ti komukwaniilwa: “Omuwa Omunankondoawike ota ti kutya 6 esiku onali ke ya, uuna shaa shoka shi li muuwa woye, shaa shoka oohokulu ye shi pungulile, tashi ka falwa kuBabilon. Itapa thigwa sha. 7 Yamwe yomoluvalo lwoyelela otaa ka kuthwa po e taa ka ningwa aathonwantu, ya yakule muuwa womukwaniilwa gwaBabilon.”
8 Omukwaniilwa Hiskia shika okwe shi uvu ko tashi ti kutya, otaku ka kala ombili negameno monkalamwenyo ye, nomolwasho okwa yamukula ngeyi: “Oohapu dhOmuwa ndhoka wa popi, oombwanawa.”
