Jehu ta gwayekwa omukwaniilwa gwaIsrael
1 Omuhunganeki Elisa okwi ithana gumwe gwomaahunganeki aagundjuka e ta ti kuye: “Ilongekidha, u ye kuRamot shaGilead. Kutha ohanga ndjika yomagadhi, u ye nayo. 2 Nge wa thiki ko, konga Jehu yaJehosafat, omutekulu gwaNimshi. Inda naye meni lyongulu mu ze mooyakwawo, 3 tilila omagadhi ngaka komutse gwe e to ti: ‘Omuwa ota popi ta ti kutya ote ku gwayeke omukwaniilwa gwaIsrael.’ Nena za po to matuka wa dhiginina.”
4 Omuhunganeki omugundjuka okwa yi kuRamot, 5 nkoka a adha omalenga gomatangakwiita ge li moshigongi. Okwa ti: “Tatekulu, ngame omuyenda gwoye.”
Jehu okwa pula a ti: “Olye gwomutse to lombwele?”
Okwa yamukula a ti: “Ongoye, tatekulu.” 6 Nena ayehe yaali oya yi meni lyongulu, nomuhunganeki omugundjuka okwa tilile omagadhi komutse gwaJehu e ta ti: “Omuwa, Kalunga kaIsrael, ota ti: ‘Onde ku gwayeke omukwaniilwa gwaantu yandje Aaisraeli. 7 Dhipaga mwene gwoye omukwaniilwa, omuna gwaAhab, opo ndi geelele Isebel omadhipago ge, sho a dhipaga aahunganeki naantu yandje yalwe. 8 Ezimo alihe lyaAhab noluvalo lwe olu na okusa. Otandi ka komba po aalumentu ayehe mezimo lye, aakuluntu nosho wo aanona. 9 Otandi ka ninga ezimo lye, ngaashi nda ningi omazimo gomukwaniilwa gwaIsrael Jeroboam nogomukwaniilwa gwaIsrael Baasha. 10 Isebel ita ka pakwa nande. Omudhimba gwe otagu ka lika po koombwa melundu lyaJesreel.’ ” Omuhunganeki omugundjuka sho a mana okupopya, okwa zi mongulu e ta fadhuka po.
11 Jehu okwa galukile komalenga omakwawo ngoka ge mu pula ga ti: “Onawa tuu? Omukakuki nguno ota ti ngiini ano?”
Jehu okwa yamukula a ti: “Omu shi shi shoka a hala.”
12 Oyo noya yamukula ya ti: “Aawe, katu shi shi! Tu lombwela shoka a ti!”
Oye nokwa yamukula a ti: “Okwa lombwele ndje kutya Omuwa ota ti: ‘Onde ku gwayeke omukwaniilwa gwaIsrael.’ ”
13 Ohaluka omalenga omakwawo gaJehu oga yala oonguwo dhago pevi, Jehu a lyate po, taga hiki oombenda go taga kaluluka taga ti: “Jehu a ningi omukwaniilwa!”
Joram, omukwaniilwa gwaIsrael, ta dhipagwa
14-15 Nena Jehu okwa hangene omukwaniilwa Joram, ngoka a li muJesreel, hoka a yile, a pangwe iishaho mbyoka a yahelwa molugodhi puRamot, sho a li ta kondjitha omukwaniilwa gwaSiria Hasael. Jehu okwa lombwele omalenga omakwawo a ti: “Ngele omwa gama kungame, kotokeni, pwaa ze nando omuntu puRamot, a ka londodhe aantu muJesreel.” 16 Nena okwa yi metembakwiita lye e ta yi kuJesreel. Joram ka li a aluka natango, nomukwaniilwa Ahasia okwa li ko te mu talele po.
17 Omupekapeki moshungo yetonatelo puJesreel okwa mono Jehu naantu ye taa hedha ko. Okwi igidha a ti: “Ondi wete ongundu tayi hedha ko!”
Joram okwa yamukula a ti: “Tuma omulondinkambe, a tale, ngele oye na ombili nenge aaniita natse.”
18 Omutumwa okwa kayile a yi kuJehu e ta ti kuye: “Omukwaniilwa ota pula kutya ombili ngaa?”
Jehu okwa yamukula a ti: “Ombili oto yi ningi shike, kayi shi iinima yoye mbyoka! Landula ndje!”
Omupekapeki poshungo yetonatelo okwa tseyitha kutya omutumwa okwa thiki pongundu, ihe ina galuka we. 19 Omutumwa omukwawo okwa tumwa ishewe, nokwa pula Jehu epulo ngaandiyaka. Jehu okwa yamukula ishewe a ti: “Ombili oto yi ningi shike, kayi shi iitunwa yoye mbyo! Landula ndje!”
20 Natango omupekapeki poshungo yetonatelo okwa tseyitha kutya omutumwa okwa thiki pongundu, ihe ina galuka we. Okwa gwedha ko a ti: “Omuwiliki gwongundu ota hingi etembakwiita lye a fa omupwidhi, oto ti oJehu yaNimshi!”
21 Omukwaniilwa Joram okwa ti: “Kutileni etemba lyandje.” Etemba nolya kutilwa, ye nomukwaniilwa Ahasia oya londo ya zi mo shaa ngoka e li metemba lye, ya ka tsakaneke Jehu. Oye mu tsakaneke pepya lyaNabot. 22 Joram okwa pula a ti kuye: “Ombili ngaa?”
Jehu okwa yamukula a ti: “Ombili yi li peni, sho tu li mokati kiimenka nuumpulile noluhondelo lwanyoko Isebel ndu e eta muno?”
23 Joram okwi igidha ta ti: “Ahasia, ndika ekotokelo!” Ye ta galula etemba, a fadhuke po. 24 Jehu okwa kutha uutati we e u nana e ta yaha Joram oshikuti pokati komapepe e tashi yi sigo okomutima. Joram okwa ongotele metemba lye omukukutu. 25 Jehu okwa lombwele omukwathi gwe Bidkar: “Toola po omudhimba nguka, u gu umbile mepya lyaNabot. Ndishi oto dhimbulukwa ngaa, sho twa li nangoye twa landula Ahab, he yomukwaniilwa Joram, twa londa uukambe kutya Omuwa okwa popile oohapu ndhika ta popi Ahab ta ti: 26 ‘Ohela onda mwene omudhipagi gwaNabot noyana aamati. Ondu uvaneke nda ti kutya otandi ku geelele mepya olyo tuu ndika.’ Kutha po ano omudhimba gwaJoram, u gu umbile mepya lyaNabot, euvaneko lyOmuwa opo li tsakanithwe.”
Omukwaniilwa Ahasia ta dhipagwa
27 Omukwaniilwa Ahasia okwa mono shoka sha ningwa po, onkee okwa matukile metemba lye, noku uka komukunda Betgan. Jehu okwe mu tidha ye ti igidha ta ti: “Mu dhipageni wo!” Oyo noye mu yaha, sho a li ta hingi etemba lye mondjila yu uka kuGur, popepi naJibleam. Ihe okwe shi tompola, a ye sigo okwa adha oshilando Megiddo, nkoka a sile. 28 Omalenga ge oga kutha omudhimba gwe e tage gu fala kuJerusalem gu li metemba e tage gu fumvike moombila dhaakwaniilwa moshilando shaDavid.
29 Ahasia okwa ningi omukwaniilwa gwaJuda momumvo omutimulongo nagumwe, Joram yaAhab sho a li omukwaniilwa gwaIsrael.
Omunyekadhi Isebel ta dhipagwa
30 Jehu okwa thiki muJesreel. Isebel sho a kundana shoka sha ningwa po, okwa gwayeke omeho ge e ga luudhika e to opaleke omafufu ge e ta ka thikama ta ligamene mekende momapandaanda e li mombala. 31 Sho Jehu a piti mosheelo, Isebel okwi igidha a ti: “Simri ngweye, mudhipagi gwamwene gwoye, onawa ngaa ngawo! Ou lile po shike ano mpano?”
32 Jehu okwa ligamene ko e ti igidha ta ti: “Olye a gama kungame?” Gaali nenge gatatu gomomalenga gomuuwa oga li pekende ga tala pevi kuye. 33 Jehu okwa ti kugo: “Undulileni Isebel pevi!” Ogo noge mu undulile pevi, nombinzi ye oya shanukile kekuma nokuukambe, mboka we mu lyatagula nayi. 34 Jehu okwa yi muuwa e ta li e ta nu. Sho a mana, okwa ti: “Kuthii po okakulukadhi nkoka, mu ka fumvike, oshoka oko ngaa omuna gwokombanda.” 35 Ihe aalumentu mboka ya yile, ye ke mu fumvike, inaa mona ko sha, kakele kolukwe lwomutse nomasipa giikaha ye nogoompadhi dhe. 36 Sho ye shi tseyithile Jehu, okwa ti: “Shika osha ningwa naanaa, ngaashi Omuwa a tile, sho a popitha omuntu gwe Elia ta ti: ‘Oombwa otadhi ka lya omudhimba gwaIsebel molushandja lwaJesreel. 37 Omudhimba gwaIsebel otagu ka halakana ngaashi uuhoho momapya, nokape na ngoka ta ka vula okutya: Nguka oIsebel.’ ”
Jehu ta gwayekwa omukwaniilwa gwaIsrael
1 Omuhunganeki Elisa okwi ithana gumwe gwomaahunganeki aagundjuka e ta ti kuye: “Ilongekidha, u ye kuRamot shaGilead. Kutha ohanga ndjika yomagadhi, u ye nayo. 2 Nge wa thiki ko, konga Jehu yaJehosafat, omutekulu gwaNimshi. Inda naye meni lyongulu mu ze mooyakwawo, 3 tilila omagadhi ngaka komutse gwe e to ti: ‘Omuwa ota popi ta ti kutya ote ku gwayeke omukwaniilwa gwaIsrael.’ Nena za po to matuka wa dhiginina.”
4 Omuhunganeki omugundjuka okwa yi kuRamot, 5 nkoka a adha omalenga gomatangakwiita ge li moshigongi. Okwa ti: “Tatekulu, ngame omuyenda gwoye.”
Jehu okwa pula a ti: “Olye gwomutse to lombwele?”
Okwa yamukula a ti: “Ongoye, tatekulu.” 6 Nena ayehe yaali oya yi meni lyongulu, nomuhunganeki omugundjuka okwa tilile omagadhi komutse gwaJehu e ta ti: “Omuwa, Kalunga kaIsrael, ota ti: ‘Onde ku gwayeke omukwaniilwa gwaantu yandje Aaisraeli. 7 Dhipaga mwene gwoye omukwaniilwa, omuna gwaAhab, opo ndi geelele Isebel omadhipago ge, sho a dhipaga aahunganeki naantu yandje yalwe. 8 Ezimo alihe lyaAhab noluvalo lwe olu na okusa. Otandi ka komba po aalumentu ayehe mezimo lye, aakuluntu nosho wo aanona. 9 Otandi ka ninga ezimo lye, ngaashi nda ningi omazimo gomukwaniilwa gwaIsrael Jeroboam nogomukwaniilwa gwaIsrael Baasha. 10 Isebel ita ka pakwa nande. Omudhimba gwe otagu ka lika po koombwa melundu lyaJesreel.’ ” Omuhunganeki omugundjuka sho a mana okupopya, okwa zi mongulu e ta fadhuka po.
11 Jehu okwa galukile komalenga omakwawo ngoka ge mu pula ga ti: “Onawa tuu? Omukakuki nguno ota ti ngiini ano?”
Jehu okwa yamukula a ti: “Omu shi shi shoka a hala.”
12 Oyo noya yamukula ya ti: “Aawe, katu shi shi! Tu lombwela shoka a ti!”
Oye nokwa yamukula a ti: “Okwa lombwele ndje kutya Omuwa ota ti: ‘Onde ku gwayeke omukwaniilwa gwaIsrael.’ ”
13 Ohaluka omalenga omakwawo gaJehu oga yala oonguwo dhago pevi, Jehu a lyate po, taga hiki oombenda go taga kaluluka taga ti: “Jehu a ningi omukwaniilwa!”
Joram, omukwaniilwa gwaIsrael, ta dhipagwa
14-15 Nena Jehu okwa hangene omukwaniilwa Joram, ngoka a li muJesreel, hoka a yile, a pangwe iishaho mbyoka a yahelwa molugodhi puRamot, sho a li ta kondjitha omukwaniilwa gwaSiria Hasael. Jehu okwa lombwele omalenga omakwawo a ti: “Ngele omwa gama kungame, kotokeni, pwaa ze nando omuntu puRamot, a ka londodhe aantu muJesreel.” 16 Nena okwa yi metembakwiita lye e ta yi kuJesreel. Joram ka li a aluka natango, nomukwaniilwa Ahasia okwa li ko te mu talele po.
17 Omupekapeki moshungo yetonatelo puJesreel okwa mono Jehu naantu ye taa hedha ko. Okwi igidha a ti: “Ondi wete ongundu tayi hedha ko!”
Joram okwa yamukula a ti: “Tuma omulondinkambe, a tale, ngele oye na ombili nenge aaniita natse.”
18 Omutumwa okwa kayile a yi kuJehu e ta ti kuye: “Omukwaniilwa ota pula kutya ombili ngaa?”
Jehu okwa yamukula a ti: “Ombili oto yi ningi shike, kayi shi iinima yoye mbyoka! Landula ndje!”
Omupekapeki poshungo yetonatelo okwa tseyitha kutya omutumwa okwa thiki pongundu, ihe ina galuka we. 19 Omutumwa omukwawo okwa tumwa ishewe, nokwa pula Jehu epulo ngaandiyaka. Jehu okwa yamukula ishewe a ti: “Ombili oto yi ningi shike, kayi shi iitunwa yoye mbyo! Landula ndje!”
20 Natango omupekapeki poshungo yetonatelo okwa tseyitha kutya omutumwa okwa thiki pongundu, ihe ina galuka we. Okwa gwedha ko a ti: “Omuwiliki gwongundu ota hingi etembakwiita lye a fa omupwidhi, oto ti oJehu yaNimshi!”
21 Omukwaniilwa Joram okwa ti: “Kutileni etemba lyandje.” Etemba nolya kutilwa, ye nomukwaniilwa Ahasia oya londo ya zi mo shaa ngoka e li metemba lye, ya ka tsakaneke Jehu. Oye mu tsakaneke pepya lyaNabot. 22 Joram okwa pula a ti kuye: “Ombili ngaa?”
Jehu okwa yamukula a ti: “Ombili yi li peni, sho tu li mokati kiimenka nuumpulile noluhondelo lwanyoko Isebel ndu e eta muno?”
23 Joram okwi igidha ta ti: “Ahasia, ndika ekotokelo!” Ye ta galula etemba, a fadhuke po. 24 Jehu okwa kutha uutati we e u nana e ta yaha Joram oshikuti pokati komapepe e tashi yi sigo okomutima. Joram okwa ongotele metemba lye omukukutu. 25 Jehu okwa lombwele omukwathi gwe Bidkar: “Toola po omudhimba nguka, u gu umbile mepya lyaNabot. Ndishi oto dhimbulukwa ngaa, sho twa li nangoye twa landula Ahab, he yomukwaniilwa Joram, twa londa uukambe kutya Omuwa okwa popile oohapu ndhika ta popi Ahab ta ti: 26 ‘Ohela onda mwene omudhipagi gwaNabot noyana aamati. Ondu uvaneke nda ti kutya otandi ku geelele mepya olyo tuu ndika.’ Kutha po ano omudhimba gwaJoram, u gu umbile mepya lyaNabot, euvaneko lyOmuwa opo li tsakanithwe.”
Omukwaniilwa Ahasia ta dhipagwa
27 Omukwaniilwa Ahasia okwa mono shoka sha ningwa po, onkee okwa matukile metemba lye, noku uka komukunda Betgan. Jehu okwe mu tidha ye ti igidha ta ti: “Mu dhipageni wo!” Oyo noye mu yaha, sho a li ta hingi etemba lye mondjila yu uka kuGur, popepi naJibleam. Ihe okwe shi tompola, a ye sigo okwa adha oshilando Megiddo, nkoka a sile. 28 Omalenga ge oga kutha omudhimba gwe e tage gu fala kuJerusalem gu li metemba e tage gu fumvike moombila dhaakwaniilwa moshilando shaDavid.
29 Ahasia okwa ningi omukwaniilwa gwaJuda momumvo omutimulongo nagumwe, Joram yaAhab sho a li omukwaniilwa gwaIsrael.
Omunyekadhi Isebel ta dhipagwa
30 Jehu okwa thiki muJesreel. Isebel sho a kundana shoka sha ningwa po, okwa gwayeke omeho ge e ga luudhika e to opaleke omafufu ge e ta ka thikama ta ligamene mekende momapandaanda e li mombala. 31 Sho Jehu a piti mosheelo, Isebel okwi igidha a ti: “Simri ngweye, mudhipagi gwamwene gwoye, onawa ngaa ngawo! Ou lile po shike ano mpano?”
32 Jehu okwa ligamene ko e ti igidha ta ti: “Olye a gama kungame?” Gaali nenge gatatu gomomalenga gomuuwa oga li pekende ga tala pevi kuye. 33 Jehu okwa ti kugo: “Undulileni Isebel pevi!” Ogo noge mu undulile pevi, nombinzi ye oya shanukile kekuma nokuukambe, mboka we mu lyatagula nayi. 34 Jehu okwa yi muuwa e ta li e ta nu. Sho a mana, okwa ti: “Kuthii po okakulukadhi nkoka, mu ka fumvike, oshoka oko ngaa omuna gwokombanda.” 35 Ihe aalumentu mboka ya yile, ye ke mu fumvike, inaa mona ko sha, kakele kolukwe lwomutse nomasipa giikaha ye nogoompadhi dhe. 36 Sho ye shi tseyithile Jehu, okwa ti: “Shika osha ningwa naanaa, ngaashi Omuwa a tile, sho a popitha omuntu gwe Elia ta ti: ‘Oombwa otadhi ka lya omudhimba gwaIsebel molushandja lwaJesreel. 37 Omudhimba gwaIsebel otagu ka halakana ngaashi uuhoho momapya, nokape na ngoka ta ka vula okutya: Nguka oIsebel.’ ”
