Oondya dhoohepele
1 Ileni, amuhe mboka mwa sa enota,
ileni huka komeya!
Naamboka mwaa na iimaliwa,
ileni, landeni mu lye!
Ileni, landeni omaviinu nomahini;
itayi gu sha.
2 Omolwashike iimaliwa yeni tamu yi gandjele iinima ihaayi kutitha?
Omolwashike tamu tula oondjambi dheni miinima ihaayi mu kutha ondjala?
Uvii ndje, opo mu lye iikulya yuuyamba,
noomwenyo dheni otadhi ka kutithwa kuutoye.
3 Pulakeneni, ne mu ye kungame
notamu kala mu na omwenyo!
Otandi ka hangana nane ehangano lyaaluhe
notandi mu pe omayambeko ngeyaka ndu uvanekele David.
4 Tala, onda lenge David omuwiliki nondjayi yiigwana,
nomuye onde yi ulukile oonkondo dhandje.
5 Oshili, oto ka ithana iigwana yaakwiilongo inoo yi tseya,
niigwana mbyoka inaayi ku tseya,
otayi ke ku endelela po,
oshoka Omuwa Kalunga koye, Omuyapuki Kalunga kaIsrael,
oye e ku pe esimano
6 Kongeni Omuwa, manga ta monika,
ne mu mu ithane, manga e li popepi.
7 Omukeenakalunga ne ethe oondjila dhe,
nomukolokoshi omadhiladhilo ge.
Na galukile kOmuwa Kalunga ketu,
ngoka te mu sile ohenda e te mu kuthile po.
8 Omuwa ota ti:
“Omadhiladhilo gandje kage shi omadhiladhilo geni,
noondjila dhandje kadhi shi oondjila dheni.
9 Ongaashi egulu li li pombanda puule li vule evi,
osho wo oondjila dhandje dhi vule oondjila dheni,
nomadhiladhilo gandje ge vule omadhiladhilo geni.
10 “Eeno, ngashika omvula nomume tayi gu kegulu
noitayi shuna inaayi tutika evi
noku li menitha iimeno noku yi kokitha,
yi ete ombuto komukuni niikulya yokulya,
11 osho wo oohapu dhandje tadhi zi mokana kandje.
Itadhi galukile kungame owala
inaadhi gwanitha ehalo lyandje;
otadhi tsakanitha elalakano ndyoka nde dhi li tumine.
12 “Eeno, otamu ka tembuka mo nenyanyu
notamu ka thindikilwa nombili.
Oondundu niikulundundu otayi ka tanta nokuligola pombanda,
nomiti adhihe dhokelundu otadhi ka hakela nomake gadho.
13 Omikiperesi otadhi ka mena pokuma pwa li hapu mene omano,
nomiti omimirte opokuma hapu mene oondjoho.
Shika otashi ka ningila Omuwa esimano,
endhindhiliko lyaaluhe ndyoka itaali ka dhimwa po nando.”
Oondya dhoohepele
1 Ileni, amuhe mboka mwa sa enota,
ileni huka komeya!
Naamboka mwaa na iimaliwa,
ileni, landeni mu lye!
Ileni, landeni omaviinu nomahini;
itayi gu sha.
2 Omolwashike iimaliwa yeni tamu yi gandjele iinima ihaayi kutitha?
Omolwashike tamu tula oondjambi dheni miinima ihaayi mu kutha ondjala?
Uvii ndje, opo mu lye iikulya yuuyamba,
noomwenyo dheni otadhi ka kutithwa kuutoye.
3 Pulakeneni, ne mu ye kungame
notamu kala mu na omwenyo!
Otandi ka hangana nane ehangano lyaaluhe
notandi mu pe omayambeko ngeyaka ndu uvanekele David.
4 Tala, onda lenge David omuwiliki nondjayi yiigwana,
nomuye onde yi ulukile oonkondo dhandje.
5 Oshili, oto ka ithana iigwana yaakwiilongo inoo yi tseya,
niigwana mbyoka inaayi ku tseya,
otayi ke ku endelela po,
oshoka Omuwa Kalunga koye, Omuyapuki Kalunga kaIsrael,
oye e ku pe esimano
6 Kongeni Omuwa, manga ta monika,
ne mu mu ithane, manga e li popepi.
7 Omukeenakalunga ne ethe oondjila dhe,
nomukolokoshi omadhiladhilo ge.
Na galukile kOmuwa Kalunga ketu,
ngoka te mu sile ohenda e te mu kuthile po.
8 Omuwa ota ti:
“Omadhiladhilo gandje kage shi omadhiladhilo geni,
noondjila dhandje kadhi shi oondjila dheni.
9 Ongaashi egulu li li pombanda puule li vule evi,
osho wo oondjila dhandje dhi vule oondjila dheni,
nomadhiladhilo gandje ge vule omadhiladhilo geni.
10 “Eeno, ngashika omvula nomume tayi gu kegulu
noitayi shuna inaayi tutika evi
noku li menitha iimeno noku yi kokitha,
yi ete ombuto komukuni niikulya yokulya,
11 osho wo oohapu dhandje tadhi zi mokana kandje.
Itadhi galukile kungame owala
inaadhi gwanitha ehalo lyandje;
otadhi tsakanitha elalakano ndyoka nde dhi li tumine.
12 “Eeno, otamu ka tembuka mo nenyanyu
notamu ka thindikilwa nombili.
Oondundu niikulundundu otayi ka tanta nokuligola pombanda,
nomiti adhihe dhokelundu otadhi ka hakela nomake gadho.
13 Omikiperesi otadhi ka mena pokuma pwa li hapu mene omano,
nomiti omimirte opokuma hapu mene oondjoho.
Shika otashi ka ningila Omuwa esimano,
endhindhiliko lyaaluhe ndyoka itaali ka dhimwa po nando.”
