Eiyoololo maakwiilongo
1 Ompango yaMoses sho ya li tayi leshelwa aantu mokule, oya adha peha mpoka taku tiwa kutya Aayammoni nenge Aamoabi kaye na okupitikilwa ekwatathano naantu yaKalunga. 2 Shika osha ningwa, molwaashoka Aayammoni nAamoabi inaa pa Aaisraeli omeya niikulya mondjila yokuza kuEgipiti. Peha lyasho oya futu Bileam iimaliwa, a thinge Israel, ihe Kalunga ketu ethingano ndika okwe li galulile elaleko nuuyamba. 3 Aaisraeli sho yu uvu ompango ndjika tayi leshwa, oyi iyoolola maakwiilongo ayehe, yaa kwatathane nayo.
Omaopaleko gaNehemia
4 Omuyambi Eliashib, ngoka a li omutonateli gwoompungulilo dhomotempeli, okwa li e na ekwatathano naTobia. 5 Okwa pitika, Tobia a longithe ela enene ndyoka lya li lya dhiladhililwa okupungula iikulyandjambo niitsinino, iikwaniipangitho yomotempeli, omayambo omolwaayambi niitimulongo yiilya, omaviinu nomagadhi gooholivi ga pewa Aalevi naayimbi yomotempeli naalangeli yotempeli. 6 Ihe ayihe mbika sho ya ningwa, kanda li mo muJerusalem, oshoka momumvo omutimilongondatu nambali sho Artakserkses a li omukwaniilwa gwaBabilonia, onda shunine, ndi ke mu tseyithile iinima. Sho pwa piti omasiku, okwa pitikile ndje, 7 ndi shune kuJerusalem. Onda haluka, sho nda mono Eliashib a zimine Tobia a longithe ela limwe motempeli. 8 Onda li nda thita po kondjahi e tandi umbu mo iikoloiikolokoto yaTobia ayihe. 9 Onda gandja elaka, omala ga opalekwe pamisindilo, niikwaniipangitho yomotempeli, iikulyandjambo niitsinino yi galulilwe mo.
10 Onda koneke wo kutya aayimbi yomotempeli nAalevi yalwe ya li muJerusalem, oya adhika ya shuna koohambo dhawo, molwaashoka aantu inaye ya pa oompumbwe dhawo. 11 Onda nyenyetele omalenga, sho ge etha otempeli yi dhanenwe. Onda galulile Aalevi naayimbi motempeli e tandi ya langeke ishewe miilonga. 12 Nena Aaisraeli ayehe oya tameke okweeta ishewe iitimulongo yawo yiilya, yomaviinu noyomagadhi gooholivi. 13 Onda tula aalumentu mbaka melangelo lyoompungulilo: omuyambi Shelemia, omunongompango Sadok nOmulevi Pedaia. Hanan yaSakkur, omutekulu gwaMattania, okwa li omuyakuli gwawo. Aalumentu mbaka oya talwa aainekelwa mokutopolela aayakuli ooyakwawo iipewa yawo yiikulya.
14 Kalunga kandje, dhimbulukwa ndje, ngoye ino dhimbwa oholeyakulo yandje. Ayihe onde yi ningi omolwotempeli yoye nelongelokalunga lyamo.
15 Methimbo ndyoka onda mono aantu muJuda taa kolo omaviinu mEsabati. Yamwe oya londeka iilya, omaviinu, omandjembele, oonkwiyu niinima yilwe kuusino wawo e taye yi eta muJerusalem. Onde ya londodha, yaa landakanithe sha mEsabati. 16 Aantu yamwe yoshilando Tiro oya li ya kala muJerusalem noye eta mo oohi niinima yi ili noyi ili, ye yi landakanithe naantu yetu mEsabati. 17 Onda nyenyetele aawiliki yAajuda e te ti: “Taleni uuwinayi mpoka u thike tamu u ningi. Ne otamu nyateke Esabati. 18 Osho naanaa shoka Kalunga a geelele oohokulu, sho a hanagula po oshilando shika. Natango ne otamu tukuluthile Israel ondjahi onene yaKalunga yi vule yonale, sho tamu hunu mokunyateka Esabati.”
19 Onda gandja elaka, omiyelo dhoshilando dhi edhilwe petameko lyEsabati, shampa kwa wiwile ongulohi, noitadhi egululwa we, sigo Esabati lya piti. Onda langeke aantu yandje yamwe pomiyelo, opo ya tale, ngele ope na ngoka te eta sha moshilando esiku lyEsabati. 20 Lumwe nolwaali aalandithi naashingithi yiipindi yi ili noyi ili oya kala uusiku auhe pondje yoshilando taa landitha iipindi yawo. 21 Onde ya londodha nda ti: “Oshike tamu hungile pekuma? Ngele tamu shi yelekele natango, otandi ke mu geela.” Okuza mpoka inaa galuka we mEsabati. 22 Onda lombwele Aalevi, yi ithete pamisindilo yo ye ye ya langele omiyelo yo ya tale, ngele Esabati otali yapulwa tuu.
Kalunga kandje, dhimbulukwa ndje, ngoye u sile ndje ohenda omoluunene wesilohenda lyoye.
23 Pethimbo ndyoka onda koneke ishewe kutya nani Aajuda oyendji oya hokana aakulukadhi ya za kuAshdod, Ammon naMoab. 24 Etata lyomaana yawo otali popi elaka lyokuAshdod nenge elaka lilwe li ili yo inaa tseya okupopya elaka lyetu. 25 Onda nyenyetele aasamane, onde ya thingi e tandi ya dhenge noku ya tudha omafufu gawo. Nena onde ya ganitha medhina lyaKalunga, opo yaa hokane we aakwiilongo, noyana yaaye shi ninge. 26 Onda ti: “Aakulukadhi aakwiilongo oyo ya yonitha Salomo. Okwa li omulumentu omunene e vule aakwaniilwa yiigwana yilwe. Kalunga okwa li e mu hole e te mu ningi omukwaniilwa gwaIsrael alihe, ndele natango okwa gwile ngaa muulunde. 27 Natu landule nduno oshinkoti sheni, twaa vulike kuKalunga ketu, tu hokane aakulukadhi aakwiilongo?”
28 Joiada okwa li omuna gwomuyambimukuluntu Eliashib, ihe omwanamati gwaJoiada okwa li a hokana omufuko omuna gwaSanballat gwokomukunda Bethoron. Onda tidha mo Joiada muJerusalem.
29 Kalunga kandje, ya landula, oshoka oyo ya nyateke uuyambi nehangano ndyoka wa hangana naayambi nAalevi.
30 Onda yelitha oshigwana kuukwiilongo; ondu uthile aayambi nAalevi iinakugwanithwa yawo, shaa ngoka pamuthika gwiilonga ye; 31 ondu utha, uuna iikuni yokulungunitha omayambo yi na okweetwa, osho wo oshipe shomiilya noshomiiyimati.
Kalunga kandje, dhimbulukwa ayihe mbika nokuyambeka ndje.
Eiyoololo maakwiilongo
1 Ompango yaMoses sho ya li tayi leshelwa aantu mokule, oya adha peha mpoka taku tiwa kutya Aayammoni nenge Aamoabi kaye na okupitikilwa ekwatathano naantu yaKalunga. 2 Shika osha ningwa, molwaashoka Aayammoni nAamoabi inaa pa Aaisraeli omeya niikulya mondjila yokuza kuEgipiti. Peha lyasho oya futu Bileam iimaliwa, a thinge Israel, ihe Kalunga ketu ethingano ndika okwe li galulile elaleko nuuyamba. 3 Aaisraeli sho yu uvu ompango ndjika tayi leshwa, oyi iyoolola maakwiilongo ayehe, yaa kwatathane nayo.
Omaopaleko gaNehemia
4 Omuyambi Eliashib, ngoka a li omutonateli gwoompungulilo dhomotempeli, okwa li e na ekwatathano naTobia. 5 Okwa pitika, Tobia a longithe ela enene ndyoka lya li lya dhiladhililwa okupungula iikulyandjambo niitsinino, iikwaniipangitho yomotempeli, omayambo omolwaayambi niitimulongo yiilya, omaviinu nomagadhi gooholivi ga pewa Aalevi naayimbi yomotempeli naalangeli yotempeli. 6 Ihe ayihe mbika sho ya ningwa, kanda li mo muJerusalem, oshoka momumvo omutimilongondatu nambali sho Artakserkses a li omukwaniilwa gwaBabilonia, onda shunine, ndi ke mu tseyithile iinima. Sho pwa piti omasiku, okwa pitikile ndje, 7 ndi shune kuJerusalem. Onda haluka, sho nda mono Eliashib a zimine Tobia a longithe ela limwe motempeli. 8 Onda li nda thita po kondjahi e tandi umbu mo iikoloiikolokoto yaTobia ayihe. 9 Onda gandja elaka, omala ga opalekwe pamisindilo, niikwaniipangitho yomotempeli, iikulyandjambo niitsinino yi galulilwe mo.
10 Onda koneke wo kutya aayimbi yomotempeli nAalevi yalwe ya li muJerusalem, oya adhika ya shuna koohambo dhawo, molwaashoka aantu inaye ya pa oompumbwe dhawo. 11 Onda nyenyetele omalenga, sho ge etha otempeli yi dhanenwe. Onda galulile Aalevi naayimbi motempeli e tandi ya langeke ishewe miilonga. 12 Nena Aaisraeli ayehe oya tameke okweeta ishewe iitimulongo yawo yiilya, yomaviinu noyomagadhi gooholivi. 13 Onda tula aalumentu mbaka melangelo lyoompungulilo: omuyambi Shelemia, omunongompango Sadok nOmulevi Pedaia. Hanan yaSakkur, omutekulu gwaMattania, okwa li omuyakuli gwawo. Aalumentu mbaka oya talwa aainekelwa mokutopolela aayakuli ooyakwawo iipewa yawo yiikulya.
14 Kalunga kandje, dhimbulukwa ndje, ngoye ino dhimbwa oholeyakulo yandje. Ayihe onde yi ningi omolwotempeli yoye nelongelokalunga lyamo.
15 Methimbo ndyoka onda mono aantu muJuda taa kolo omaviinu mEsabati. Yamwe oya londeka iilya, omaviinu, omandjembele, oonkwiyu niinima yilwe kuusino wawo e taye yi eta muJerusalem. Onde ya londodha, yaa landakanithe sha mEsabati. 16 Aantu yamwe yoshilando Tiro oya li ya kala muJerusalem noye eta mo oohi niinima yi ili noyi ili, ye yi landakanithe naantu yetu mEsabati. 17 Onda nyenyetele aawiliki yAajuda e te ti: “Taleni uuwinayi mpoka u thike tamu u ningi. Ne otamu nyateke Esabati. 18 Osho naanaa shoka Kalunga a geelele oohokulu, sho a hanagula po oshilando shika. Natango ne otamu tukuluthile Israel ondjahi onene yaKalunga yi vule yonale, sho tamu hunu mokunyateka Esabati.”
19 Onda gandja elaka, omiyelo dhoshilando dhi edhilwe petameko lyEsabati, shampa kwa wiwile ongulohi, noitadhi egululwa we, sigo Esabati lya piti. Onda langeke aantu yandje yamwe pomiyelo, opo ya tale, ngele ope na ngoka te eta sha moshilando esiku lyEsabati. 20 Lumwe nolwaali aalandithi naashingithi yiipindi yi ili noyi ili oya kala uusiku auhe pondje yoshilando taa landitha iipindi yawo. 21 Onde ya londodha nda ti: “Oshike tamu hungile pekuma? Ngele tamu shi yelekele natango, otandi ke mu geela.” Okuza mpoka inaa galuka we mEsabati. 22 Onda lombwele Aalevi, yi ithete pamisindilo yo ye ye ya langele omiyelo yo ya tale, ngele Esabati otali yapulwa tuu.
Kalunga kandje, dhimbulukwa ndje, ngoye u sile ndje ohenda omoluunene wesilohenda lyoye.
23 Pethimbo ndyoka onda koneke ishewe kutya nani Aajuda oyendji oya hokana aakulukadhi ya za kuAshdod, Ammon naMoab. 24 Etata lyomaana yawo otali popi elaka lyokuAshdod nenge elaka lilwe li ili yo inaa tseya okupopya elaka lyetu. 25 Onda nyenyetele aasamane, onde ya thingi e tandi ya dhenge noku ya tudha omafufu gawo. Nena onde ya ganitha medhina lyaKalunga, opo yaa hokane we aakwiilongo, noyana yaaye shi ninge. 26 Onda ti: “Aakulukadhi aakwiilongo oyo ya yonitha Salomo. Okwa li omulumentu omunene e vule aakwaniilwa yiigwana yilwe. Kalunga okwa li e mu hole e te mu ningi omukwaniilwa gwaIsrael alihe, ndele natango okwa gwile ngaa muulunde. 27 Natu landule nduno oshinkoti sheni, twaa vulike kuKalunga ketu, tu hokane aakulukadhi aakwiilongo?”
28 Joiada okwa li omuna gwomuyambimukuluntu Eliashib, ihe omwanamati gwaJoiada okwa li a hokana omufuko omuna gwaSanballat gwokomukunda Bethoron. Onda tidha mo Joiada muJerusalem.
29 Kalunga kandje, ya landula, oshoka oyo ya nyateke uuyambi nehangano ndyoka wa hangana naayambi nAalevi.
30 Onda yelitha oshigwana kuukwiilongo; ondu uthile aayambi nAalevi iinakugwanithwa yawo, shaa ngoka pamuthika gwiilonga ye; 31 ondu utha, uuna iikuni yokulungunitha omayambo yi na okweetwa, osho wo oshipe shomiilya noshomiiyimati.
Kalunga kandje, dhimbulukwa ayihe mbika nokuyambeka ndje.
