Eyele lyomukuni
(Mrk. 4:1-10Luk. 8:4-15)1 Esiku olyo tuu ndyoka Jesus okwa zi mo megumbo e ta kuutumba pefuta. 2 Aantu oyendji oye mu gongalele, onkee okwa yi mowato e ta kuutumba, manga ongundu ayihe yaantu ya thikama komunkulo gwefuta. 3 Oye okwe ya lombwele iinima oyindji momayele a ti:
“Omukuni okwa ka kuna. Omukuni okwa ka kuna. 4 Ano mokukuna kwe oombuto dhimwe odha gwile mondjila, noondhila odhe ya e tadhi dhi shomona po. 5 Dhimwe odha gwile poshipale pwaa na evi olindji. Onkee odha mene mbalambala, oshoka kapwa li evi ele. 6 Etango sho lya piti, omimeno odha lembe, naasho dha li dhaa na omidhi dha ya muule, odha ganya. 7 Dhimwe odha gwile moongwena. Oongwena sho dha koko, odhe dhi thininike. 8 Ihe dhimwe odha gwile mevi ewanawa nodha vala, dhimwe olwethele, dhimwe olwomilongo hamano, nadhimwe olwomilongo ndatu.”
9 “Ngoka e na omakutsi, nu uve ko!”
10 Aalongwa oye ya kuJesus noye mu pula ya ti: “Omolwashike to ya lombwele momayele?”
11 Oye e ya yamukula a ti: “Ne omwa pewa owino okutseya iiholekwa yOshilongo shegulu, ihe yalwe inaye yi pewa. 12 Oshoka ngoka e na, oye ota pewa, opo a kale a gwanenena. Ihe ngoka kee na, oye ota kuthwa naashoka e shi na. 13 Otandi ya lombwele momayele, oshoka oye na omeho gokumona, ihe ihaa mono ko, nomakutsi gokuuva, ihe ihaa uvu ko. 14 Osho ngaaka ehunganeko lyaJesaja tali ningi lyoshili sho tali ti:
‘Okuuva ohamu uvu, ihe kamu uvite ko.
Okumona ohamu mono, ihe kamu wete ko.
15 Oshoka omitima dhaantu mbaka odha kukuta;
ihaa uvu ko nawa.
Omeho gawo oga thithikila, opo gaa mone ko,
nomakutsi gawo gaa uve ko,
omitima dhawo dhaa taambe, opo yaa galukile kungame,
ngame ndaahe ya aludhe.’
16 “Ihe omeho geni oge na elago, sho taga monoko, nomakutsi geni, sho tagu uvu ko. 17 Otandi mu lombwele: Aahunganeki naayuuki oyendji oya li ya hala nokuhalelela okumona mbyoka tamu yi tala, yo inaye yi mona, nokuuva ndhoka tamu dhi uvu, yo inaye dhi uva.”
18 “Pulakeneni ano eyele lyomukuni shoka tali ti. 19 Okehe tuu ngoka ta pulakene oohapu dhOshilongo, kee dhi uvite ko, nena okwa fa ndhoka dha kunwa mondjila. Mwiinayi ote ya e ta yugu mo ndhoka dha kunwa momwenyo gwe. 20 Ndhoka dha kunwa poshipale, oye ngoka ta pulakene oohapu note dhi taamba nziya nenyanyu, 21 ihe itadhi ningine muye. Ota dhiginine okathimbo kowala. Uuna tapu ya uudhigu nenge etidhagano omolwoohapu, nena mbalambala ote etha eitaalo. 22 Ndhoka dha kunwa moongwena, oye ngoka ta pulakene oohapu, ihe oshimpwiyu shuuyuni mbuka nefundjaleko lyuuyamba otayi thininike oohapu, noita imike iiyimati. 23 Ndhoka dha kunwa mevi ewanawa, oye tuu ngoka tu uvu oohapu e te dhi dhiginine. Oye te eta iiyimati, gumwe olwethele, gumwe olwomilongo hamano nagumwe olwomilongo ndatu.”
Eyele lyomawu
24 Jesus okwe ya lombwele ishewe eyele ekwawo a ti: “Oshilongo shegulu osha fa omuntu a kunu ombuto ombwanawa mepya lye. 25 Ihe manga aantu ya kotha, omutondi okwe ya nokwa kunu omawu mokati kiilya e ta yi. 26 Ano omimeno sho dha koko nodha vala, omawu oga holoka wo. 27 Nena aamati ye oye ya kuye noye mu pula ya ti: ‘Omuwa, ino kuna mo nani oombuto oombwanawa mepya lyoye? Omawu oga zi peni ano?’ 28 Oye okwa ti kuyo: ‘Omutondi e shi ningi.’ Aamati noya ti kuye: ‘Owa hala, tu ye, tu ke ga vudhe mo?’ 29 Oye okwa yamukula a ti: ‘Aawe, opo mwaa vudhile omawu mumwe niilya. 30 Etheni, ga koke mumwe niilya sigo esiku lyeteyo. Mesiku lyeteyo otandi lombwele aateyi: Gongeleni tango omawu, ne mu mange iihampi, opo ga fikwe po. Ihe iilya yi punguleni miigandhi yandje.’ ”
Eyele lyomuma yosinapi
(Mrk. 4:30-32Luk. 13:18-19)31 Jesus okwe ya lombwele ishewe eyele a ti: “Oshilongo shegulu osha fa omuma yosinapi, omulumentu e yi kutha nokwe yi kunu mepya lye. 32 Oyo okamuma okashuushuka ke vulike koomuma adhihe. Ihe ngele tayi koko, oyi vule iihwa ayihe. Oyo tayi ningi omuti, noondhila otadhi ya e tadhi tungile iihandhila yadho miitayi yagwo.”
Eyele lyefulika
(Luk. 13:20-21)33 Jesus okwe ya lombwele ishewe eyele ekwawo a ti: “Oshilongo shegulu osha fa efulika, omukiintu e li kutha e te li pilulile muusila woontungwa ndatu, sigo auhe wa fulu.”
Elongo lyaJesus pamayele
(Mrk. 4:33-34)34 Adhihe ndhoka Jesus okwe dhi lombwele aantu ta popi momayele, ye ine ya lombwela sha itaa popi momayele. 35 Opo oohapu ndhoka dha popiwa komuhunganeki, dhi ninge dhoshili, sho ta ti: “Ongame tandi popi momayele; tandi popi iinima mbyoka ya li ya holekwa okuza ketameko lyuuyuni.”
Jesus ta fatulula eyele lyomawu
36 Jesus okwa laleke aantu e ta yi megumbo. Aalongwa ye oye ya kuye ya ti: “Tu fatululila eyele lyomawu gomepya.” 37 Oye e ya yamukula a ti: “Ngoka a kunu ombuto ombwanawa, oye Omuna gwOmuntu. 38 Epya olyo uuyuni. Ombuto ombwanawa oyo aana yOshilongo. Omawu ogo aana yaMwiinayi. 39 Omutondi ngoka a kunu omawu, oye omuhindadhi. Eteyo olyo ehulilo lyuuyuni. Aateyi oyo aayengeli. 40 Ongaashi omawu haga gongelwa e taga fikwa po momulilo, osho taku ka ningwa mesiku lyahugunina. 41 Omuna gwOmuntu ota ka tuma ko aayengeli ye, notaa ka gongolola mOshilongo she aahongololi ayehe naayehe mboka haa yono ompango. 42 Oyo taye ke ya umbila meziko lya hanya, moka tamu ka kala elilagano neikokoto lyomayego. 43 Nena aayuuki otaa ka adhima ngetango omOshilongo shaHe. Ngoka e na omakutsi, nu uve ko!”
Eyele lyuuyamba wa holekwa nokawe
44 “Oshilongo shegulu osha fa uuyamba wa holekwa mepya. Omulumentu gumwe okwe u itsu e te u holeke. Omolwenyanyu okwa yi nokwa landitha po iinima ye ayihe e ta landa epya ndiyaka. 45 Osho wo Oshilongo shegulu osha fa omuhalithi ta kongo uuwe wo opala. 46 Oye sho a mono okawe kamwe ke na ondilo, okwa yi nokwa landitha po ayihe e te ki ilandele.”
Eyele lyoshiyulitho
47 “Osho wo Oshilongo shegulu osha fa oshiyulitho shoohi she endithilwa mefuta e tashi kwata oohi dhomaludhi agehe. 48 Ano oshiyulitho sho shu udha, aayuli oye shi hilile komunkulo. Oyo ya kuutumba e taye dhi yoolola. Oohi oombwanawa oye dhi tula miiyuma yawo, ihe oombwinayi oye dhi ekelehi. 49 Ano osho taku ningi pehulilo lyuuyuni. Aayengeli otaa yi notaa yoolola aawinayi maawanawa 50 notaye ya umbile meziko lya hanya, moka tamu ka kala elilagano neikokoto lyomayego.”
Iipe niikulu
51 Jesus okwe ya pula a ti: “Omu uvu ko tuu adhihe ndhoka?”
Oyo ya ti: “Eeno.”
52 Onkee okwa ti kuyo: “Ano okehe tuu omulongimpango ta ningi omulongwa gwOshilongo shegulu, okwa fa mwene gwegumbo ta holola mompungulo ye iinima iipe niikulu.”
Jesus ta dhinwa muNasaret
(Mrk. 6:1-6Luk. 4:16-30)53 Jesus sho a mana okupopya omayele ngaka, okwa zi po mpoka. 54 Okwe ya koshilando shaandjawo nokwa longo aantu moosinagoga dhawo. Oyo ya kumwa e taa ti: “Oondunge ndhika niilongankondo okwe yi adha peni? 55 Ke shi nani omuna gwomuhongi gwiipilangi, omuna gwaMaria, omumwayina gwaJakob, Josef, Judas naSimon? 56 Aamwayina aakiintu hayo mbaka putse mpano? Mbika ayihe okwe yi adha peni?” 57 Oyo ye mu nyeme.
Jesus okwa ti kuyo: “Omuhunganeki iha dhinwa palwe, aawe, omoshilando tuu shaandjawo nomegumbo lyaandjawo.” 58 Onkee ano Jesus ina vula we okuningila ko iilongankondo oyindji omolwokwaaitaala kwawo.
Eyele lyomukuni
(Mrk. 4:1-10Luk. 8:4-15)1 Esiku olyo tuu ndyoka Jesus okwa zi mo megumbo e ta kuutumba pefuta. 2 Aantu oyendji oye mu gongalele, onkee okwa yi mowato e ta kuutumba, manga ongundu ayihe yaantu ya thikama komunkulo gwefuta. 3 Oye okwe ya lombwele iinima oyindji momayele a ti:
“Omukuni okwa ka kuna. Omukuni okwa ka kuna. 4 Ano mokukuna kwe oombuto dhimwe odha gwile mondjila, noondhila odhe ya e tadhi dhi shomona po. 5 Dhimwe odha gwile poshipale pwaa na evi olindji. Onkee odha mene mbalambala, oshoka kapwa li evi ele. 6 Etango sho lya piti, omimeno odha lembe, naasho dha li dhaa na omidhi dha ya muule, odha ganya. 7 Dhimwe odha gwile moongwena. Oongwena sho dha koko, odhe dhi thininike. 8 Ihe dhimwe odha gwile mevi ewanawa nodha vala, dhimwe olwethele, dhimwe olwomilongo hamano, nadhimwe olwomilongo ndatu.”
9 “Ngoka e na omakutsi, nu uve ko!”
10 Aalongwa oye ya kuJesus noye mu pula ya ti: “Omolwashike to ya lombwele momayele?”
11 Oye e ya yamukula a ti: “Ne omwa pewa owino okutseya iiholekwa yOshilongo shegulu, ihe yalwe inaye yi pewa. 12 Oshoka ngoka e na, oye ota pewa, opo a kale a gwanenena. Ihe ngoka kee na, oye ota kuthwa naashoka e shi na. 13 Otandi ya lombwele momayele, oshoka oye na omeho gokumona, ihe ihaa mono ko, nomakutsi gokuuva, ihe ihaa uvu ko. 14 Osho ngaaka ehunganeko lyaJesaja tali ningi lyoshili sho tali ti:
‘Okuuva ohamu uvu, ihe kamu uvite ko.
Okumona ohamu mono, ihe kamu wete ko.
15 Oshoka omitima dhaantu mbaka odha kukuta;
ihaa uvu ko nawa.
Omeho gawo oga thithikila, opo gaa mone ko,
nomakutsi gawo gaa uve ko,
omitima dhawo dhaa taambe, opo yaa galukile kungame,
ngame ndaahe ya aludhe.’
16 “Ihe omeho geni oge na elago, sho taga monoko, nomakutsi geni, sho tagu uvu ko. 17 Otandi mu lombwele: Aahunganeki naayuuki oyendji oya li ya hala nokuhalelela okumona mbyoka tamu yi tala, yo inaye yi mona, nokuuva ndhoka tamu dhi uvu, yo inaye dhi uva.”
18 “Pulakeneni ano eyele lyomukuni shoka tali ti. 19 Okehe tuu ngoka ta pulakene oohapu dhOshilongo, kee dhi uvite ko, nena okwa fa ndhoka dha kunwa mondjila. Mwiinayi ote ya e ta yugu mo ndhoka dha kunwa momwenyo gwe. 20 Ndhoka dha kunwa poshipale, oye ngoka ta pulakene oohapu note dhi taamba nziya nenyanyu, 21 ihe itadhi ningine muye. Ota dhiginine okathimbo kowala. Uuna tapu ya uudhigu nenge etidhagano omolwoohapu, nena mbalambala ote etha eitaalo. 22 Ndhoka dha kunwa moongwena, oye ngoka ta pulakene oohapu, ihe oshimpwiyu shuuyuni mbuka nefundjaleko lyuuyamba otayi thininike oohapu, noita imike iiyimati. 23 Ndhoka dha kunwa mevi ewanawa, oye tuu ngoka tu uvu oohapu e te dhi dhiginine. Oye te eta iiyimati, gumwe olwethele, gumwe olwomilongo hamano nagumwe olwomilongo ndatu.”
Eyele lyomawu
24 Jesus okwe ya lombwele ishewe eyele ekwawo a ti: “Oshilongo shegulu osha fa omuntu a kunu ombuto ombwanawa mepya lye. 25 Ihe manga aantu ya kotha, omutondi okwe ya nokwa kunu omawu mokati kiilya e ta yi. 26 Ano omimeno sho dha koko nodha vala, omawu oga holoka wo. 27 Nena aamati ye oye ya kuye noye mu pula ya ti: ‘Omuwa, ino kuna mo nani oombuto oombwanawa mepya lyoye? Omawu oga zi peni ano?’ 28 Oye okwa ti kuyo: ‘Omutondi e shi ningi.’ Aamati noya ti kuye: ‘Owa hala, tu ye, tu ke ga vudhe mo?’ 29 Oye okwa yamukula a ti: ‘Aawe, opo mwaa vudhile omawu mumwe niilya. 30 Etheni, ga koke mumwe niilya sigo esiku lyeteyo. Mesiku lyeteyo otandi lombwele aateyi: Gongeleni tango omawu, ne mu mange iihampi, opo ga fikwe po. Ihe iilya yi punguleni miigandhi yandje.’ ”
Eyele lyomuma yosinapi
(Mrk. 4:30-32Luk. 13:18-19)31 Jesus okwe ya lombwele ishewe eyele a ti: “Oshilongo shegulu osha fa omuma yosinapi, omulumentu e yi kutha nokwe yi kunu mepya lye. 32 Oyo okamuma okashuushuka ke vulike koomuma adhihe. Ihe ngele tayi koko, oyi vule iihwa ayihe. Oyo tayi ningi omuti, noondhila otadhi ya e tadhi tungile iihandhila yadho miitayi yagwo.”
Eyele lyefulika
(Luk. 13:20-21)33 Jesus okwe ya lombwele ishewe eyele ekwawo a ti: “Oshilongo shegulu osha fa efulika, omukiintu e li kutha e te li pilulile muusila woontungwa ndatu, sigo auhe wa fulu.”
Elongo lyaJesus pamayele
(Mrk. 4:33-34)34 Adhihe ndhoka Jesus okwe dhi lombwele aantu ta popi momayele, ye ine ya lombwela sha itaa popi momayele. 35 Opo oohapu ndhoka dha popiwa komuhunganeki, dhi ninge dhoshili, sho ta ti: “Ongame tandi popi momayele; tandi popi iinima mbyoka ya li ya holekwa okuza ketameko lyuuyuni.”
Jesus ta fatulula eyele lyomawu
36 Jesus okwa laleke aantu e ta yi megumbo. Aalongwa ye oye ya kuye ya ti: “Tu fatululila eyele lyomawu gomepya.” 37 Oye e ya yamukula a ti: “Ngoka a kunu ombuto ombwanawa, oye Omuna gwOmuntu. 38 Epya olyo uuyuni. Ombuto ombwanawa oyo aana yOshilongo. Omawu ogo aana yaMwiinayi. 39 Omutondi ngoka a kunu omawu, oye omuhindadhi. Eteyo olyo ehulilo lyuuyuni. Aateyi oyo aayengeli. 40 Ongaashi omawu haga gongelwa e taga fikwa po momulilo, osho taku ka ningwa mesiku lyahugunina. 41 Omuna gwOmuntu ota ka tuma ko aayengeli ye, notaa ka gongolola mOshilongo she aahongololi ayehe naayehe mboka haa yono ompango. 42 Oyo taye ke ya umbila meziko lya hanya, moka tamu ka kala elilagano neikokoto lyomayego. 43 Nena aayuuki otaa ka adhima ngetango omOshilongo shaHe. Ngoka e na omakutsi, nu uve ko!”
Eyele lyuuyamba wa holekwa nokawe
44 “Oshilongo shegulu osha fa uuyamba wa holekwa mepya. Omulumentu gumwe okwe u itsu e te u holeke. Omolwenyanyu okwa yi nokwa landitha po iinima ye ayihe e ta landa epya ndiyaka. 45 Osho wo Oshilongo shegulu osha fa omuhalithi ta kongo uuwe wo opala. 46 Oye sho a mono okawe kamwe ke na ondilo, okwa yi nokwa landitha po ayihe e te ki ilandele.”
Eyele lyoshiyulitho
47 “Osho wo Oshilongo shegulu osha fa oshiyulitho shoohi she endithilwa mefuta e tashi kwata oohi dhomaludhi agehe. 48 Ano oshiyulitho sho shu udha, aayuli oye shi hilile komunkulo. Oyo ya kuutumba e taye dhi yoolola. Oohi oombwanawa oye dhi tula miiyuma yawo, ihe oombwinayi oye dhi ekelehi. 49 Ano osho taku ningi pehulilo lyuuyuni. Aayengeli otaa yi notaa yoolola aawinayi maawanawa 50 notaye ya umbile meziko lya hanya, moka tamu ka kala elilagano neikokoto lyomayego.”
Iipe niikulu
51 Jesus okwe ya pula a ti: “Omu uvu ko tuu adhihe ndhoka?”
Oyo ya ti: “Eeno.”
52 Onkee okwa ti kuyo: “Ano okehe tuu omulongimpango ta ningi omulongwa gwOshilongo shegulu, okwa fa mwene gwegumbo ta holola mompungulo ye iinima iipe niikulu.”
Jesus ta dhinwa muNasaret
(Mrk. 6:1-6Luk. 4:16-30)53 Jesus sho a mana okupopya omayele ngaka, okwa zi po mpoka. 54 Okwe ya koshilando shaandjawo nokwa longo aantu moosinagoga dhawo. Oyo ya kumwa e taa ti: “Oondunge ndhika niilongankondo okwe yi adha peni? 55 Ke shi nani omuna gwomuhongi gwiipilangi, omuna gwaMaria, omumwayina gwaJakob, Josef, Judas naSimon? 56 Aamwayina aakiintu hayo mbaka putse mpano? Mbika ayihe okwe yi adha peni?” 57 Oyo ye mu nyeme.
Jesus okwa ti kuyo: “Omuhunganeki iha dhinwa palwe, aawe, omoshilando tuu shaandjawo nomegumbo lyaandjawo.” 58 Onkee ano Jesus ina vula we okuningila ko iilongankondo oyindji omolwokwaaitaala kwawo.
