Kalunga oye omupanguli
Episalomi lyaAsaf; Eimbilo
1 Otatu ku hambelele, Kalunga, otatu ku pandula,
oshoka ou li popepi natse.
Otatu hokolola esimano lyoye
notatu uvitha iikumithalonga yoye.
2 Kalunga ota ti: “Ondu utha ethimbo,
uuna tandi ka pangula;
otandi ka tokola etokolo eyuuki.
3 Evi nando li kakame,
nakehe shoka shi na omwenyo nando nashi tile,
otandi li kwata lyaa tenguke.
4 Otandi lombwele aakaanakalunga,
ye ethe uuntsa wawo.
5 Otandi ya lombwele,
ye ethe okutuwalala kwawo.”
6 Esimano itali zi kuuzilo nenge kuuninginino,
nohakombuga.
7 Oye Kalunga ngoka ta pangula,
ota geele yamwe e ta mangulula yakwawo.
8 Moshikaha shOmuwa omu na oshitenga shomaviinu ga tutumika
noga vongakanithwa niigwanga iilulu.
Oye okwa pimpi oshitenga shondjahi ye,
naakaanakalunga ayehe yokombanda yevi
otaye ga nu po nehete lyago.
9 Ihe ngame ondi na oku shi hokolola sigo aluhe;
otandi simaneke aluhe Kalunga kaJakob.
10 Kalunga ota hanagula po oonkondo dhaakaanakalunga,
ihe aayuuki ote ya nenepeke.
Kalunga oye omupanguli
Episalomi lyaAsaf; Eimbilo
1 Otatu ku hambelele, Kalunga, otatu ku pandula,
oshoka ou li popepi natse.
Otatu hokolola esimano lyoye
notatu uvitha iikumithalonga yoye.
2 Kalunga ota ti: “Ondu utha ethimbo,
uuna tandi ka pangula;
otandi ka tokola etokolo eyuuki.
3 Evi nando li kakame,
nakehe shoka shi na omwenyo nando nashi tile,
otandi li kwata lyaa tenguke.
4 Otandi lombwele aakaanakalunga,
ye ethe uuntsa wawo.
5 Otandi ya lombwele,
ye ethe okutuwalala kwawo.”
6 Esimano itali zi kuuzilo nenge kuuninginino,
nohakombuga.
7 Oye Kalunga ngoka ta pangula,
ota geele yamwe e ta mangulula yakwawo.
8 Moshikaha shOmuwa omu na oshitenga shomaviinu ga tutumika
noga vongakanithwa niigwanga iilulu.
Oye okwa pimpi oshitenga shondjahi ye,
naakaanakalunga ayehe yokombanda yevi
otaye ga nu po nehete lyago.
9 Ihe ngame ondi na oku shi hokolola sigo aluhe;
otandi simaneke aluhe Kalunga kaJakob.
10 Kalunga ota hanagula po oonkondo dhaakaanakalunga,
ihe aayuuki ote ya nenepeke.
