Josia, omukwaniilwa gwaJuda
(2 Ondjal. 34:1-2)1 Josia okwa li e na omimvo hetatu, sho a ningi omukwaniilwa gwaJuda nokwa lele muJerusalem omimvo omilongo ndatu nagumwe. Yina oJedida yaAdaia gwokuBozkat. 2 Josia okwa longo shoka sho opalela Omuwa; okwa landula oshinkoti shahekulu, omukwaniilwa David, nokwa vulika lela kiipango ayihe yaKalunga.
Embompango tali itsuwa
(2 Ondjal. 34:8-28)3 Momumvo omutimulongo nomutihetatu gwepangelo lyomukwaniilwa Josia, Josia okwa tumu amushangampangu Shafan yaAzalia, omutekulu gwaMeshullam, a ye kotempeli nelaka tali ti: 4 “Inda, u ka lombwele omuyambimukuluntu Hilkia, a yalule iimaliwa mbyoka ya gongelwa kaayambi aalangeli yoposheelo, sho aantu taa yi motempeli. 5 Na gandje iimaliwa mbyoka kaatonateli yiilonga yeopaleko lyotempeli. Oye na okufuta 6 aanashihongelo, aatungi naasaahi yomamanya noya lande iipilangi nomamanya gokwaandeka motempeli. 7 Aalumentu mboka taa tonatele iilonga, oyo aainekelwalela, inaa pulwa nando, nkene ya longitha iimaliwa mbyoka.”
8 Shafan okwa thikitha elaka lyomukwaniilwa kuHilkia, naHilkia okwe mu hokololele kutya okwi itsu embompango motempeli. Hilkia okwe mu pe embo, naShafan okwe li lesha. 9 Nena okwa shuna komukwaniilwa e ta ti kuye: “Aapiya yoye oya kutha mo iimaliwa mbyoka ya li motempeli e taye yi pe aantu mboka haa tonatele iilonga yomaopaleko.” 10 Oye nokwa ti: “Ondi na po embo mpaka nde li pewa kuHilkia.” Oye nokwe li leshele omukwaniilwa mokule.
11 Omukwaniilwa sho u uvu embo tali leshwa, okwa tuula oonguwo dhe moluhodhi 12 nokwa lombwele omuyambi Hilkia naAhikam yaShafan naAkbor yaMikaia namushangampangu Shafan nomukalele gwomukwaniilwa Asaja a ti kuyo: 13 “Indeni, mu ke tu pulile Omuwa tse nAajuda kutya embo ndika otali longo shike. Omuwa okwe tu geele molwashoka ootatekulu inaa gwanitha shoka embo ndika tali ti nashi ningwe.”
14 Hilkia, Ahikam, Akbor, Shafan naAsaja oya yi, ya ka pule omayele komuhunganeki omukiintu, edhina lye Hulda, ngoka a kala moshitopolwa oshipe muJerusalem. (Omulume Shallum yaTikva, omutekulu gwaHarhas, okwa li ha tonatele oonguwo dhomotempeli.) Oya hokololele Hulda shoka sha ningwa po. 15 Hulda okwe ya lombwele, ya shune komukwaniilwa, yo ye mu faalele 16 elaka lya zi kOmuwa tali ti: “Otandi ka geela Jerusalem naantu yasho ayehe, ngaashi sha nyolelwa membo ndyoka lya leshwa komukwaniilwa. 17 Oye ekelehi ndje e taa yambele iikalunga omafikilondjambo. Osho ngaaka ya tukulutha ondjahi yandje niilonga yawo. Ondjahi yandje oya tukuluthwa yi geele Jerusalem noitayi ka lotela we. 18 Ihe tyeni komukwaniilwa gwaJuda, shika osho shono ngame, Omuwa, Kalunga kaIsrael, tandi ti: ‘Owa pulakene shoka sha nyolelwa membompango, 19 nowi itedhulula e to ishonopeke koshipala shandje, nokutuula oonguwo dhoye e to lili, sho wa uvu kutya otandi ka geela Jerusalem naantu yasho. Otandi shi ningi endhindhiliko li tilitha, ehala ndyoka taku tiwa olya thingwa. Ihe nena ondu uvu egalikano lyoye, 20 negeelo ndyoka tandi etele Jerusalem, itali ya we, manga inoo sa. Oto ka sa nombili.’ ”
Aantu oya fala elaka ndika komukwaniilwa Josia.
Josia, omukwaniilwa gwaJuda
(2 Ondjal. 34:1-2)1 Josia okwa li e na omimvo hetatu, sho a ningi omukwaniilwa gwaJuda nokwa lele muJerusalem omimvo omilongo ndatu nagumwe. Yina oJedida yaAdaia gwokuBozkat. 2 Josia okwa longo shoka sho opalela Omuwa; okwa landula oshinkoti shahekulu, omukwaniilwa David, nokwa vulika lela kiipango ayihe yaKalunga.
Embompango tali itsuwa
(2 Ondjal. 34:8-28)3 Momumvo omutimulongo nomutihetatu gwepangelo lyomukwaniilwa Josia, Josia okwa tumu amushangampangu Shafan yaAzalia, omutekulu gwaMeshullam, a ye kotempeli nelaka tali ti: 4 “Inda, u ka lombwele omuyambimukuluntu Hilkia, a yalule iimaliwa mbyoka ya gongelwa kaayambi aalangeli yoposheelo, sho aantu taa yi motempeli. 5 Na gandje iimaliwa mbyoka kaatonateli yiilonga yeopaleko lyotempeli. Oye na okufuta 6 aanashihongelo, aatungi naasaahi yomamanya noya lande iipilangi nomamanya gokwaandeka motempeli. 7 Aalumentu mboka taa tonatele iilonga, oyo aainekelwalela, inaa pulwa nando, nkene ya longitha iimaliwa mbyoka.”
8 Shafan okwa thikitha elaka lyomukwaniilwa kuHilkia, naHilkia okwe mu hokololele kutya okwi itsu embompango motempeli. Hilkia okwe mu pe embo, naShafan okwe li lesha. 9 Nena okwa shuna komukwaniilwa e ta ti kuye: “Aapiya yoye oya kutha mo iimaliwa mbyoka ya li motempeli e taye yi pe aantu mboka haa tonatele iilonga yomaopaleko.” 10 Oye nokwa ti: “Ondi na po embo mpaka nde li pewa kuHilkia.” Oye nokwe li leshele omukwaniilwa mokule.
11 Omukwaniilwa sho u uvu embo tali leshwa, okwa tuula oonguwo dhe moluhodhi 12 nokwa lombwele omuyambi Hilkia naAhikam yaShafan naAkbor yaMikaia namushangampangu Shafan nomukalele gwomukwaniilwa Asaja a ti kuyo: 13 “Indeni, mu ke tu pulile Omuwa tse nAajuda kutya embo ndika otali longo shike. Omuwa okwe tu geele molwashoka ootatekulu inaa gwanitha shoka embo ndika tali ti nashi ningwe.”
14 Hilkia, Ahikam, Akbor, Shafan naAsaja oya yi, ya ka pule omayele komuhunganeki omukiintu, edhina lye Hulda, ngoka a kala moshitopolwa oshipe muJerusalem. (Omulume Shallum yaTikva, omutekulu gwaHarhas, okwa li ha tonatele oonguwo dhomotempeli.) Oya hokololele Hulda shoka sha ningwa po. 15 Hulda okwe ya lombwele, ya shune komukwaniilwa, yo ye mu faalele 16 elaka lya zi kOmuwa tali ti: “Otandi ka geela Jerusalem naantu yasho ayehe, ngaashi sha nyolelwa membo ndyoka lya leshwa komukwaniilwa. 17 Oye ekelehi ndje e taa yambele iikalunga omafikilondjambo. Osho ngaaka ya tukulutha ondjahi yandje niilonga yawo. Ondjahi yandje oya tukuluthwa yi geele Jerusalem noitayi ka lotela we. 18 Ihe tyeni komukwaniilwa gwaJuda, shika osho shono ngame, Omuwa, Kalunga kaIsrael, tandi ti: ‘Owa pulakene shoka sha nyolelwa membompango, 19 nowi itedhulula e to ishonopeke koshipala shandje, nokutuula oonguwo dhoye e to lili, sho wa uvu kutya otandi ka geela Jerusalem naantu yasho. Otandi shi ningi endhindhiliko li tilitha, ehala ndyoka taku tiwa olya thingwa. Ihe nena ondu uvu egalikano lyoye, 20 negeelo ndyoka tandi etele Jerusalem, itali ya we, manga inoo sa. Oto ka sa nombili.’ ”
Aantu oya fala elaka ndika komukwaniilwa Josia.
