Eso lyaSaul noyana
(1 Ondjal. 10:1-12)1 Aafilisti oya kondjo olugodhi nAaisraeli kondundu Gilboa. Aaisraeli oyendji oya dhipagwa, naamboka ya hupu ko, oya fadhuka po. Mokati kawo omwa li Saul noyanamati. 2 Ihe Aafilisti oye ya endje mo e taa dhipaga aana yaSaul yatatu: Jonatan, Abinadab naMalkishua. 3 Olugodhi olwa li olululululu lwa dhingilila Saul, noye mwene okwa yahwa kiikuti yaatondi e te ehamekwa nayi. 4 Okwa lombwele omumati omuhumbati gwomatati ge a ti: “Pweya mo egongamwele lyoye, u dhipage ndje, opo Aafilisti mbaka aakaanakalunga yaa inomene ndje nokudhipaga ndje.” Ihe omumati okwa li a tila oku shi ninga. Nena Saul okwa kutha egongamwele lye mwene e ti iyumbile ko. 5 Omumati sho a mono kutya Saul okwa si, naye wo okwi iyumbile kegongamwele lye mwene e ta si pamwe naSaul. 6 Osho ngaaka Saul, oyana yatatu nomumati gwe oya si; aakwiita yaSaul ayehe oya si esiku ndyoka. 7 Aaisraeli yahandiyaka yolusilu lwaJesreel nokuuzilo womulonga Jordan sho ya kundana kutya iita yAaisraeli oya halakanithwa, naSaul noyana ya dhipagwa, oya thigi po iilando yawo e taa yi ontuku. Nena Aafilisti oye ya e taye yi lala po.
8 Esiku lya landula olugodhi, Aafilisti sho ye ya ya ka yuge omidhimba, oyi itsu omudhimba gwaSaul nodhoyana yatatu dha kangawala kondundu Gilboa. 9 Oya tete ko omutse gwaSaul ya kutha po omatati ge noye ga tumu naatumwa noshilongo Filistia, ya ka hokololele iimenka naantu yawo onkundana ombwanawa. 10 Nena oya tula omatati gaSaul motempeli yoshikalungakiintu Astarte e taa alele omudhimba gwe kekuma lyoshilando Betshan.
11 Aajabesh muGilead sho ya kundana shoka Aafilisti ya ningile Saul, 12 aalumentu omapenda oya piti mo noye ende uusiku auhe sigo okuBetshan. Oya kutha ko omudhimba gwaSaul nodhoyana kekuma e taye dhi eta kuJabesh e taye dhi lungunitha nkoka. 13 Nena oya kutha omasipa e taye ga fumvike momuti omutamarisk moshilando noyi idhilike iikulya omasiku gaheyali.
Eso lyaSaul noyana
(1 Ondjal. 10:1-12)1 Aafilisti oya kondjo olugodhi nAaisraeli kondundu Gilboa. Aaisraeli oyendji oya dhipagwa, naamboka ya hupu ko, oya fadhuka po. Mokati kawo omwa li Saul noyanamati. 2 Ihe Aafilisti oye ya endje mo e taa dhipaga aana yaSaul yatatu: Jonatan, Abinadab naMalkishua. 3 Olugodhi olwa li olululululu lwa dhingilila Saul, noye mwene okwa yahwa kiikuti yaatondi e te ehamekwa nayi. 4 Okwa lombwele omumati omuhumbati gwomatati ge a ti: “Pweya mo egongamwele lyoye, u dhipage ndje, opo Aafilisti mbaka aakaanakalunga yaa inomene ndje nokudhipaga ndje.” Ihe omumati okwa li a tila oku shi ninga. Nena Saul okwa kutha egongamwele lye mwene e ti iyumbile ko. 5 Omumati sho a mono kutya Saul okwa si, naye wo okwi iyumbile kegongamwele lye mwene e ta si pamwe naSaul. 6 Osho ngaaka Saul, oyana yatatu nomumati gwe oya si; aakwiita yaSaul ayehe oya si esiku ndyoka. 7 Aaisraeli yahandiyaka yolusilu lwaJesreel nokuuzilo womulonga Jordan sho ya kundana kutya iita yAaisraeli oya halakanithwa, naSaul noyana ya dhipagwa, oya thigi po iilando yawo e taa yi ontuku. Nena Aafilisti oye ya e taye yi lala po.
8 Esiku lya landula olugodhi, Aafilisti sho ye ya ya ka yuge omidhimba, oyi itsu omudhimba gwaSaul nodhoyana yatatu dha kangawala kondundu Gilboa. 9 Oya tete ko omutse gwaSaul ya kutha po omatati ge noye ga tumu naatumwa noshilongo Filistia, ya ka hokololele iimenka naantu yawo onkundana ombwanawa. 10 Nena oya tula omatati gaSaul motempeli yoshikalungakiintu Astarte e taa alele omudhimba gwe kekuma lyoshilando Betshan.
11 Aajabesh muGilead sho ya kundana shoka Aafilisti ya ningile Saul, 12 aalumentu omapenda oya piti mo noye ende uusiku auhe sigo okuBetshan. Oya kutha ko omudhimba gwaSaul nodhoyana kekuma e taye dhi eta kuJabesh e taye dhi lungunitha nkoka. 13 Nena oya kutha omasipa e taye ga fumvike momuti omutamarisk moshilando noyi idhilike iikulya omasiku gaheyali.
