Oshigwana shi na eitedhululo lyiihelele
1 Aantu otaa ti: “Tu galukileni kOmuwa. Okwe tu dhenge, ihe ote tu aludha; ote tu ningi iilalo, ihe ota manga wo iilalo yetu. 2 Momasiku gaali nenge gatatu ote tu tululula omwenyo, notatu ka kala tu na omwenyo montaneho ye. 3 Natu tseyeni Omuwa. Ote ke ya kutse a fa eluwa tali tende; eeno shili, okwa fa omvula tayi tutike evi, sho tayi nyaganya.”
4 Ihe Omuwa ota ti: “Israel naJuda, otandi mu ningi ngiini? Ohole yeni yokuhola ndje, otayi pwine mbala ya fa osheentsi shongula; oya fa omume ndjoka tayi kaha ongulangula. 5 Omolwaashika onde mu tumine aahunganeki yandje nelaka lyepangulo nolyehanagulo. Shoka nda hala kune, osha yela noshi li puuyelele: 6 osho ohole ya kola, handjambo dhiimuna yeni. Onda hala, aantu yandje ya tseye ndje shi vule okulungunithila ndje omayambo.
7 “Ihe sho ye ya mevi puAdam, oya yono ehangano ndyoka nda hangana nayo. 8 Gilead osho oshilando shu udha aantu aawinayi naadhipagi. 9 Aayambi oya fa ongundu yaayugi mboka ya langela omuntu. Nomondjila yu uka keha eyapuki kuShekem, otaa dhipaga. Notaa longo uuwinayi mbuka ya manguluka nokuli! 10 Onda mono iihuna muIsrael; aantu yandje otayi inyateke pesimanekelo lyiimenka.
11 “Nomolwoye wo, oshigwana shaJuda, ondu utha ethimbo lyoku ku pangula omolwiilonga yoye.”
Oshigwana shi na eitedhululo lyiihelele
1 Aantu otaa ti: “Tu galukileni kOmuwa. Okwe tu dhenge, ihe ote tu aludha; ote tu ningi iilalo, ihe ota manga wo iilalo yetu. 2 Momasiku gaali nenge gatatu ote tu tululula omwenyo, notatu ka kala tu na omwenyo montaneho ye. 3 Natu tseyeni Omuwa. Ote ke ya kutse a fa eluwa tali tende; eeno shili, okwa fa omvula tayi tutike evi, sho tayi nyaganya.”
4 Ihe Omuwa ota ti: “Israel naJuda, otandi mu ningi ngiini? Ohole yeni yokuhola ndje, otayi pwine mbala ya fa osheentsi shongula; oya fa omume ndjoka tayi kaha ongulangula. 5 Omolwaashika onde mu tumine aahunganeki yandje nelaka lyepangulo nolyehanagulo. Shoka nda hala kune, osha yela noshi li puuyelele: 6 osho ohole ya kola, handjambo dhiimuna yeni. Onda hala, aantu yandje ya tseye ndje shi vule okulungunithila ndje omayambo.
7 “Ihe sho ye ya mevi puAdam, oya yono ehangano ndyoka nda hangana nayo. 8 Gilead osho oshilando shu udha aantu aawinayi naadhipagi. 9 Aayambi oya fa ongundu yaayugi mboka ya langela omuntu. Nomondjila yu uka keha eyapuki kuShekem, otaa dhipaga. Notaa longo uuwinayi mbuka ya manguluka nokuli! 10 Onda mono iihuna muIsrael; aantu yandje otayi inyateke pesimanekelo lyiimenka.
11 “Nomolwoye wo, oshigwana shaJuda, ondu utha ethimbo lyoku ku pangula omolwiilonga yoye.”
