Egalikano omolwokusindika kwaatondi yaIsrael
Episalomi lyaAsaf; Eimbilo
1 Kalunga, ino mwena;
ino tya thilu!
2 Tala, nkene mbo ye ku tonde ya kolokosha;
tala, sho inaa hala okuvulika.
3 Otaa ende aantu yoye mevi;
otaa kotokele mbo ye li megameno lyoye.
4 Otaa ti: “Ileni, tu halakanithii po oshigwana shawo,
opo Israel a dhimbiwe sigo aluhe.”
5 Otaa uvathana ompangela yawo
notaa tungu elongelokumwe lyawo, ye ku kondjithe:
6 Aaedomi nAaismaeli, Aamoabi nAahagar,
7 aantu yaGebal, Ammon naAmalek,
Aafilisti nAatiro.
8 Assur naye wo okwa hangana nayo,
kuume kaAmmon naMoab omunankondo, yomoluvalo lwaLot.
9 Kalunga, ya ninga ngaashi wa ningi Aamidiana
nongaashi wa ningi Sisera naJabin pomulonga Kishon.
10 Owe ya dhipagele puEndor,
nomidhimba dhawo odho olele pontundulu.
11 Aawiliki yawo ya ninga ngaashi wa ningile Oreb naSeeb;
ya sinda ngaashi wa sindi Seba naZalmunna.
12 Mboka ya popi ya ti:
“Otatu ka kwata po omayana gaKalunga.”
13 Kalunga, ya ninga ngaashi ontsi tayi pepwa po kombepo,
ngaashi iiyagaya tayi yi nokambiya.
14 Ngaashi epeya tali fike po omugulu,
nongaashi omulilo tagu hwameke oondundu,
15 ya tidha po noshikungulu shoye;
ya halutha noshihomo shoye.
16 Omuwa, ya sitha ohoni;
naa tseye oonkondo dhoye.
17 Naa sindike e taa tila sigo aluhe;
naa sile mohoni yawo.
18 Naye ku tseye kutya ongoye awike Omuwa Omupangeliawike
kombanda yevi alihe.
Egalikano omolwokusindika kwaatondi yaIsrael
Episalomi lyaAsaf; Eimbilo
1 Kalunga, ino mwena;
ino tya thilu!
2 Tala, nkene mbo ye ku tonde ya kolokosha;
tala, sho inaa hala okuvulika.
3 Otaa ende aantu yoye mevi;
otaa kotokele mbo ye li megameno lyoye.
4 Otaa ti: “Ileni, tu halakanithii po oshigwana shawo,
opo Israel a dhimbiwe sigo aluhe.”
5 Otaa uvathana ompangela yawo
notaa tungu elongelokumwe lyawo, ye ku kondjithe:
6 Aaedomi nAaismaeli, Aamoabi nAahagar,
7 aantu yaGebal, Ammon naAmalek,
Aafilisti nAatiro.
8 Assur naye wo okwa hangana nayo,
kuume kaAmmon naMoab omunankondo, yomoluvalo lwaLot.
9 Kalunga, ya ninga ngaashi wa ningi Aamidiana
nongaashi wa ningi Sisera naJabin pomulonga Kishon.
10 Owe ya dhipagele puEndor,
nomidhimba dhawo odho olele pontundulu.
11 Aawiliki yawo ya ninga ngaashi wa ningile Oreb naSeeb;
ya sinda ngaashi wa sindi Seba naZalmunna.
12 Mboka ya popi ya ti:
“Otatu ka kwata po omayana gaKalunga.”
13 Kalunga, ya ninga ngaashi ontsi tayi pepwa po kombepo,
ngaashi iiyagaya tayi yi nokambiya.
14 Ngaashi epeya tali fike po omugulu,
nongaashi omulilo tagu hwameke oondundu,
15 ya tidha po noshikungulu shoye;
ya halutha noshihomo shoye.
16 Omuwa, ya sitha ohoni;
naa tseye oonkondo dhoye.
17 Naa sindike e taa tila sigo aluhe;
naa sile mohoni yawo.
18 Naye ku tseye kutya ongoye awike Omuwa Omupangeliawike
kombanda yevi alihe.
