Jeremia ta pangulwa
1 Petameko lyelelo lyomukwaniilwa Jehoiakim yaJosia, omukwaniilwa gwaJuda, oohapu dhOmuwa odhe ya kungame. 2 Omuwa okwa lombwele ndje a ti: “Thikama mehale lyotempeli, u uvithe oohapu adhihe nde ku lombwele u dhi lombwele aantu mboka taa zi komikunda dhaJuda ye ya kelongelokalunga. Ino thiga po sha. 3 Pamwe aantu taa pulakene, ye ethe oondjila dhawo oombwinayi. Ngele taye shi ningi, otandi ki itedhulula kombinga yehanagulo ndyoka nde ya dhiladhilile molwiilonga yawo yuukolokoshi.”
4 Omuwa okwa lombwele ndje, ndi lombwele aantu ndi tye: “Ongame, Omuwa, nda ti, vulikeni kungame ne mu dhiginine ompango yandje nde yi mu pe. 5 Pulakeneni oohapu dhaapiya yandje aahunganeki, mboka nda dhiginine oku mu tumina, nando inamu vulika kushoka ya popi. 6 Ngele otamu tsikile okwaavulika, nena otempeli ndjika otandi ke yi ninga, ngaashi nda ningi Shilo, niigwana ayihe yomuuyuni otayi ka tumbula edhina lyoshilando shika, ngele tayi thingana.”
7 Aayambi, aahunganeki naantu ayehe oyu uvu ndje tandi uvitha iinima mbika motempeli. 8 Sho nda hulitha ayihe mbyoka Omuwa a lombwele ndje, ndi yi popye, oya kwata ndje noyi igidha ya ti: “Ou na okudhipagwa! 9 Omolwashike to popi medhina lyOmuwa kutya otempeli ndjika otayi ka fa Shilo, noshilando shika otashi ka hanagulwa po nokaku na ngoka ta ka kala mo?” Aantu noya gongalele ndje.
10 Aawiliki yaJuda sho ye shi uvu, oya zi ko kuuwa, ye ya kotempeli e taa kuutumba pOsheelo oshipe. 11 Aayambi naahunganeki oya lombwele aawiliki naantu ayehe taa ti: “Omulumentu nguka okwi ilongele egeelo lyokusa, oshoka ota hunganeke a tsa ondumbo noshilando shetu. Omwe mu uvu nomakutsi geni yene.”
12 Ngame onda ti: “Omuwa okwa tumu ndje, ndi uvithe ashihe shoka mu uvu tashi popi otempeli ndjika noshilando shika. 13 Opalekeni ano ngashingeyi omikalo niilonga yeni, ne mu vulike kOmuwa, Kalunga keni. Ngele otamu shi ningi, Omuwa oti itedhulula noite mu etele ehanagulo ndyoka a li e li dhiladhila. 14 Kombinga yandje, ondi li miikaha yeni! Ningii ndje shoka sho opala noshu uka momeho geni. 15 Ihe shi tseyeni ashike, ngele otamu dhipaga ndje, one naantu yomoshilando shika otamu kala mu na ondjo yedhipago lyomukeenandjo, oshoka Omuwa oye a tumu ndje, ndi mu pe elondodho ndika.”
16 Nena aawiliki naantu ayehe oya lombwele aayambi naahunganeki taa ti: “Omulumentu nguka okwe tu uvithile medhina lyOmuwa Kalunga ketu; ke na okudhipagwa andola.”
17 Konima yaambika yamwe yomaawiliki oya thikama e taa lombwele aantu mboka ya li ya gongala taa ti: 18 “Hiskia sho a li omukwaniilwa gwaJuda, omuhunganeki Mika gwokuMoreshet okwa lombwelele aantu ayehe kutya Omuwa Omunankondoawike okwa ti:
‘Sion ota papulwa a fa eputa,
Jerusalem otashi ka ninga ondumba yomakulukuma,
nondundu yotempeli otayi ka shituka okuti.’
19 Omukwaniilwa Hiskia nAajuda inaa dhipaga Mika. Peha lyasho Hiskia okwa tila Omuwa nokwe mu geulukitha. Omuwa nokwi itedhulula ye ine eta oshiponga shoka kwa li e na oku ya undulila. Ngashingeyi otatu iyetele oshiponga oshinene tse yene.”
20 (Okwa li ku na omulumentu gulwe, edhina lye Uria waShemaja gwokuKiriat Jearim, ngoka a popi medhina lyOmuwa nokutsa ondumbo noshilando noshigwana, ngaashi naanaa Jeremia a ningi. 21 Omukwaniilwa Jehoiakim, aakwiita ye nomalenga sho yu uvu Uria shoka a ti, omukwaniilwa okwa kambadhala oku mu dhipagitha. Ihe Uria okwe shi uvu, okwa tila e ta yi ontuku kuEgipiti. 22 Omukwaniilwa Jehoiakim okwa tumu Elnatan lyaAkbor naalumentu yamwe, ya ka tale ko Uria kuEgipiti. 23 Oye mu eta komukwaniilwa Jehoiakim, ngoka e mu dhipagitha, nomudhimba gwe ogu umbilwa moombila dhaantu yowala.)
24 Ihe molwashoka nda li megameno lyaAhikam yaShafan, inandi gandjwa miikaha yaantu, ndi dhipagwe.
Jeremia ta pangulwa
1 Petameko lyelelo lyomukwaniilwa Jehoiakim yaJosia, omukwaniilwa gwaJuda, oohapu dhOmuwa odhe ya kungame. 2 Omuwa okwa lombwele ndje a ti: “Thikama mehale lyotempeli, u uvithe oohapu adhihe nde ku lombwele u dhi lombwele aantu mboka taa zi komikunda dhaJuda ye ya kelongelokalunga. Ino thiga po sha. 3 Pamwe aantu taa pulakene, ye ethe oondjila dhawo oombwinayi. Ngele taye shi ningi, otandi ki itedhulula kombinga yehanagulo ndyoka nde ya dhiladhilile molwiilonga yawo yuukolokoshi.”
4 Omuwa okwa lombwele ndje, ndi lombwele aantu ndi tye: “Ongame, Omuwa, nda ti, vulikeni kungame ne mu dhiginine ompango yandje nde yi mu pe. 5 Pulakeneni oohapu dhaapiya yandje aahunganeki, mboka nda dhiginine oku mu tumina, nando inamu vulika kushoka ya popi. 6 Ngele otamu tsikile okwaavulika, nena otempeli ndjika otandi ke yi ninga, ngaashi nda ningi Shilo, niigwana ayihe yomuuyuni otayi ka tumbula edhina lyoshilando shika, ngele tayi thingana.”
7 Aayambi, aahunganeki naantu ayehe oyu uvu ndje tandi uvitha iinima mbika motempeli. 8 Sho nda hulitha ayihe mbyoka Omuwa a lombwele ndje, ndi yi popye, oya kwata ndje noyi igidha ya ti: “Ou na okudhipagwa! 9 Omolwashike to popi medhina lyOmuwa kutya otempeli ndjika otayi ka fa Shilo, noshilando shika otashi ka hanagulwa po nokaku na ngoka ta ka kala mo?” Aantu noya gongalele ndje.
10 Aawiliki yaJuda sho ye shi uvu, oya zi ko kuuwa, ye ya kotempeli e taa kuutumba pOsheelo oshipe. 11 Aayambi naahunganeki oya lombwele aawiliki naantu ayehe taa ti: “Omulumentu nguka okwi ilongele egeelo lyokusa, oshoka ota hunganeke a tsa ondumbo noshilando shetu. Omwe mu uvu nomakutsi geni yene.”
12 Ngame onda ti: “Omuwa okwa tumu ndje, ndi uvithe ashihe shoka mu uvu tashi popi otempeli ndjika noshilando shika. 13 Opalekeni ano ngashingeyi omikalo niilonga yeni, ne mu vulike kOmuwa, Kalunga keni. Ngele otamu shi ningi, Omuwa oti itedhulula noite mu etele ehanagulo ndyoka a li e li dhiladhila. 14 Kombinga yandje, ondi li miikaha yeni! Ningii ndje shoka sho opala noshu uka momeho geni. 15 Ihe shi tseyeni ashike, ngele otamu dhipaga ndje, one naantu yomoshilando shika otamu kala mu na ondjo yedhipago lyomukeenandjo, oshoka Omuwa oye a tumu ndje, ndi mu pe elondodho ndika.”
16 Nena aawiliki naantu ayehe oya lombwele aayambi naahunganeki taa ti: “Omulumentu nguka okwe tu uvithile medhina lyOmuwa Kalunga ketu; ke na okudhipagwa andola.”
17 Konima yaambika yamwe yomaawiliki oya thikama e taa lombwele aantu mboka ya li ya gongala taa ti: 18 “Hiskia sho a li omukwaniilwa gwaJuda, omuhunganeki Mika gwokuMoreshet okwa lombwelele aantu ayehe kutya Omuwa Omunankondoawike okwa ti:
‘Sion ota papulwa a fa eputa,
Jerusalem otashi ka ninga ondumba yomakulukuma,
nondundu yotempeli otayi ka shituka okuti.’
19 Omukwaniilwa Hiskia nAajuda inaa dhipaga Mika. Peha lyasho Hiskia okwa tila Omuwa nokwe mu geulukitha. Omuwa nokwi itedhulula ye ine eta oshiponga shoka kwa li e na oku ya undulila. Ngashingeyi otatu iyetele oshiponga oshinene tse yene.”
20 (Okwa li ku na omulumentu gulwe, edhina lye Uria waShemaja gwokuKiriat Jearim, ngoka a popi medhina lyOmuwa nokutsa ondumbo noshilando noshigwana, ngaashi naanaa Jeremia a ningi. 21 Omukwaniilwa Jehoiakim, aakwiita ye nomalenga sho yu uvu Uria shoka a ti, omukwaniilwa okwa kambadhala oku mu dhipagitha. Ihe Uria okwe shi uvu, okwa tila e ta yi ontuku kuEgipiti. 22 Omukwaniilwa Jehoiakim okwa tumu Elnatan lyaAkbor naalumentu yamwe, ya ka tale ko Uria kuEgipiti. 23 Oye mu eta komukwaniilwa Jehoiakim, ngoka e mu dhipagitha, nomudhimba gwe ogu umbilwa moombila dhaantu yowala.)
24 Ihe molwashoka nda li megameno lyaAhikam yaShafan, inandi gandjwa miikaha yaantu, ndi dhipagwe.
