Paulus naSilas muTessalonika
1 Paulus naSilas oya pitile muAmfipolis nomuApollonia e taye ya muTessalonika, moka mwa li mu na osinagoga yAajuda. 2 Paulus okwa yi mosinagoga, ngaashi i igilila, moka a kala nokutompa aantu nOmanyolo mOmasabati gatatu. 3 Oye okwe ya fatululile e te ya ulukile kutya Kristus okwa li e na okuhepekwa nokuyumuka kuusi. “Jesus nguka tandi mu mu uvithile, oye Kristus,” osho a ti. 4 Aajuda yamwe oya tompwa noyi itaale oohapu dhaPaulus naSilas e taa gama kuyo, osho wo ongundu onene yAagreka mboka haa simaneke Kalunga, naakiintu aanamadhina.
5 Ihe Aajuda oya kwatwa kefupa. Oyo oya gongele aalumentu aakolokoshi yomomapandaanda noya kongolola aantu e taa lundaganitha ombuyagano moshilando. Oya ponokele egumbo lyaJason noya kongo Paulus naSilas, ye ya ete komeho gongundu yaantu. 6 Ihe sho ya nyengwa oku ya mona, oya kookololele Jason nooitaali ooyakwawo koshipala shaaleli yoshilando noyi igidha taa ti: “Aalumentu mbaka oya taandelitha epiyagano apehepehe. Ngashingeyi oye li moshilando shetu. 7 NaJason nguka okwe ya edhilile megumbo lye. Oyo ya yono oompango dhomupangeli Omuroma, oshoka otaa longo aantu kutya oku na omukwaniilwa gulwe, edhina lye Jesus.” 8 Oohapu ndhika odha piyaganeke aantu ayehe yomoshilando, naapangeli wo. 9 Aaleli yoshilando oya futitha Jason nooyakwawo noye ya etha, ya ye.
MuBerea
10 Ano uusiku sho we ya, ooitaali oya laleke Paulus naSilas, ya ye kuBerea. Oyo sho ya thiki ko, oya yi mosinagoga yAajuda. 11 Aantu yomoshilando shika oya li ye na ehalo ewanawa lyokutaamba ye vule mbeyaka yomuTessalonika. Oyo oya kala ya hokwa okupulakena oohapu dhaKalunga, nesiku kehe oya kala nokukonakona Omanyolo, opo ya tale, ngele shono tashi popiwa kuPaulus, oshoshili tuu. 12 Oyendji yomuyo oya ningi ooitaali; mokati kawo omwa li mu na aakiintu aanamadhina naalumentu Aagreka oyendji.
13 Ihe Aajuda yokuTessalonika sho yu uvu kutya Paulus oku uvithile wo oohapu dhaKalunga muBerea, oye ya ko noya tameke okupiyaganeka nokutsitha aantu ondumbo. 14 Nena ooitaali oya laleke mbala Paulus, e ye komunkulo gwefuta, ihe Silas naTimoteus oya kala manga muBerea. 15 Aalumentu mboka ya thindikile Paulus, oye mu fala sigo okuAtena. Opo ihe oya galukile kuBerea nelaka lya zi kuPaulus tali ti, Silas naTimoteus naa ye mbala kuye.
MuAtena
16 Ano Paulus manga a li a tegelela Silas naTimoteus muAtena, okwa li u uvite nayi, sho a dhimbulula, nkene oshilando shu udha iikalunga. 17 Onkee okwa kala ta ludhike nAajuda naapagani mboka oonakusimaneka Kalunga mosinagoga, nokwa ludhike wo esiku kehe pehalandjandja lyoshilando naantu mboka haa kala po. Onkee okwa kala ta ludhike nAajuda naapagani mboka oonakusimaneka Kalunga mosinagoga… 18 Nena aalongi yamwe yomongundu yaaepikuri noyaastoa oya ludhike wo naye. Yamwe oye mu popi ya ti: “Omupopyagani nguno okwa hala okufatulula shike ano?”
Ooyakwawo oya ti: “Oye okwa fa ta popi kombinga yookalunga aakwiilongo.” Oya popi ngeyi, oshoka Paulus okwa li ta hokolola Jesus neyumuko. 19 Onkee oya kutha Paulus e taye mu fala moshigongi shaatokoli kuAreopagi noya ti: “Tse otwa hala okutseya elongo ndyoka epe to li longo. 20 Otu uvu to popi iinima yimwe kaatu yi shi, onkee otwa hala okutseya shoka tayi ti.” 21 Oshoka aantu ayehe yomuAtena pamwe naakwiilongo mboka ya kala mo, oya li ye hole okuhokolola nokuuva iinima iipe ethimbo alihe.
22 Nena Paulus okwa thikama komeho goshigongi shaAreopagi e ta popi ta ti: “Aalumentu ne Aayatena! Ngame ondi wete kutya one aadhiginini miinima ayihe yopalongelokalunga. 23 Oshoka ngame sho nda li tandi endaenda noshilando sheni nonda tala omahala geni omayapuki, ondi itsu oshiyambelo shimwe sha nyolwa ngeyi: ‘Oshiyambelo shaKalunga kee shiwike.’ Ano Kalunga ngoka hamu mu galikana, nando kamu mu shi, oye naanaa ngoka tandi mu uvithile. 24 Kalunga ngoka a shiti uuyuni niinima ayihe yi li mo, oye Omuwa gwegulu nogwevi. Oye iha kala mootempeli dha tungwa kaantu. 25 Moku mu longela ina pumbwa, a pewe ando sha kaantu, oshoka oye mwene ha pe aantu ayehe omwenyo nomufudho niinima ayihe. 26 Mokushita kwe Kalunga okwa kutha omihoko adhihe dhaantu momulumentu gumwe nokwe ya tula kombanda yevi alihe. Oye okwe ya uthile wo nale omathimbo gawo noongamba dhomahala gokukala kwawo. 27 Kalunga okwa hala, aantu ya kale taye mu kongo, pamwe taye mu mono mokupampadhala kwawo. Ihe Kalunga ke li kokule nomuntu nando ogumwe; 28 ngaashi gumwe a tile: ‘Muye tse otu na omwenyo, tatu inyenge notu li po.’ Ngaashi wo yamwe yomaatoti yiitewo yeni oya tumbula taa ti: ‘Natse wo aana yaKalunga.’ 29 Onkee ano ngele tse aana yaKalunga, nena inatu dhiladhileni kutya olupe lwe olwa fa efano lyoshisiliveli nenge lyemanya lya hongwa paunkulungu nopamayele gomuntu.
30 “Kalunga okwa li i idhidhimikile nale aantu pomathimbo ngeyaka, sho ya li yaa na owino, ihe ngashingeyi ota lombwele aantu ayehe shaa mpoka ye li, yi itedhulule yo ya ethe oondjila dhawo oombwinayi. 31 Nokuli oye oku utha nale esiku, uuna ndoka ta ka pangula uuyuni pauyuuki, note ke u pangulitha omulumentu ngoka e mu hogolola. Oye okwa hololele aantu ayehe oshinima shika puuyelele, sho a yumudha omulumentu ngoka kuusi.”
32 Ano sho yu uvu Paulus ta popi kombinga yeyumuko lyaasi, yamwe oye mu yolo, ihe ooyakwawo oye mu lombwele ya ti: “Otse otwa hala natango okuuva iinima mbyoka to yi popi esiku lilwe.” 33 Nena Paulus okwa zi mo moshigongi. 34 Ihe aantu yamwe oyi igameke kuye noya ningi ooitaali. Mokati kawo omwa li Dionisius, oshilyo shoshigongi shaAreopagi nomukiintu gumwe, edhina lye Damaris, nooyakwawo yalwe.
Paulus naSilas muTessalonika
1 Paulus naSilas oya pitile muAmfipolis nomuApollonia e taye ya muTessalonika, moka mwa li mu na osinagoga yAajuda. 2 Paulus okwa yi mosinagoga, ngaashi i igilila, moka a kala nokutompa aantu nOmanyolo mOmasabati gatatu. 3 Oye okwe ya fatululile e te ya ulukile kutya Kristus okwa li e na okuhepekwa nokuyumuka kuusi. “Jesus nguka tandi mu mu uvithile, oye Kristus,” osho a ti. 4 Aajuda yamwe oya tompwa noyi itaale oohapu dhaPaulus naSilas e taa gama kuyo, osho wo ongundu onene yAagreka mboka haa simaneke Kalunga, naakiintu aanamadhina.
5 Ihe Aajuda oya kwatwa kefupa. Oyo oya gongele aalumentu aakolokoshi yomomapandaanda noya kongolola aantu e taa lundaganitha ombuyagano moshilando. Oya ponokele egumbo lyaJason noya kongo Paulus naSilas, ye ya ete komeho gongundu yaantu. 6 Ihe sho ya nyengwa oku ya mona, oya kookololele Jason nooitaali ooyakwawo koshipala shaaleli yoshilando noyi igidha taa ti: “Aalumentu mbaka oya taandelitha epiyagano apehepehe. Ngashingeyi oye li moshilando shetu. 7 NaJason nguka okwe ya edhilile megumbo lye. Oyo ya yono oompango dhomupangeli Omuroma, oshoka otaa longo aantu kutya oku na omukwaniilwa gulwe, edhina lye Jesus.” 8 Oohapu ndhika odha piyaganeke aantu ayehe yomoshilando, naapangeli wo. 9 Aaleli yoshilando oya futitha Jason nooyakwawo noye ya etha, ya ye.
MuBerea
10 Ano uusiku sho we ya, ooitaali oya laleke Paulus naSilas, ya ye kuBerea. Oyo sho ya thiki ko, oya yi mosinagoga yAajuda. 11 Aantu yomoshilando shika oya li ye na ehalo ewanawa lyokutaamba ye vule mbeyaka yomuTessalonika. Oyo oya kala ya hokwa okupulakena oohapu dhaKalunga, nesiku kehe oya kala nokukonakona Omanyolo, opo ya tale, ngele shono tashi popiwa kuPaulus, oshoshili tuu. 12 Oyendji yomuyo oya ningi ooitaali; mokati kawo omwa li mu na aakiintu aanamadhina naalumentu Aagreka oyendji.
13 Ihe Aajuda yokuTessalonika sho yu uvu kutya Paulus oku uvithile wo oohapu dhaKalunga muBerea, oye ya ko noya tameke okupiyaganeka nokutsitha aantu ondumbo. 14 Nena ooitaali oya laleke mbala Paulus, e ye komunkulo gwefuta, ihe Silas naTimoteus oya kala manga muBerea. 15 Aalumentu mboka ya thindikile Paulus, oye mu fala sigo okuAtena. Opo ihe oya galukile kuBerea nelaka lya zi kuPaulus tali ti, Silas naTimoteus naa ye mbala kuye.
MuAtena
16 Ano Paulus manga a li a tegelela Silas naTimoteus muAtena, okwa li u uvite nayi, sho a dhimbulula, nkene oshilando shu udha iikalunga. 17 Onkee okwa kala ta ludhike nAajuda naapagani mboka oonakusimaneka Kalunga mosinagoga, nokwa ludhike wo esiku kehe pehalandjandja lyoshilando naantu mboka haa kala po. Onkee okwa kala ta ludhike nAajuda naapagani mboka oonakusimaneka Kalunga mosinagoga… 18 Nena aalongi yamwe yomongundu yaaepikuri noyaastoa oya ludhike wo naye. Yamwe oye mu popi ya ti: “Omupopyagani nguno okwa hala okufatulula shike ano?”
Ooyakwawo oya ti: “Oye okwa fa ta popi kombinga yookalunga aakwiilongo.” Oya popi ngeyi, oshoka Paulus okwa li ta hokolola Jesus neyumuko. 19 Onkee oya kutha Paulus e taye mu fala moshigongi shaatokoli kuAreopagi noya ti: “Tse otwa hala okutseya elongo ndyoka epe to li longo. 20 Otu uvu to popi iinima yimwe kaatu yi shi, onkee otwa hala okutseya shoka tayi ti.” 21 Oshoka aantu ayehe yomuAtena pamwe naakwiilongo mboka ya kala mo, oya li ye hole okuhokolola nokuuva iinima iipe ethimbo alihe.
22 Nena Paulus okwa thikama komeho goshigongi shaAreopagi e ta popi ta ti: “Aalumentu ne Aayatena! Ngame ondi wete kutya one aadhiginini miinima ayihe yopalongelokalunga. 23 Oshoka ngame sho nda li tandi endaenda noshilando sheni nonda tala omahala geni omayapuki, ondi itsu oshiyambelo shimwe sha nyolwa ngeyi: ‘Oshiyambelo shaKalunga kee shiwike.’ Ano Kalunga ngoka hamu mu galikana, nando kamu mu shi, oye naanaa ngoka tandi mu uvithile. 24 Kalunga ngoka a shiti uuyuni niinima ayihe yi li mo, oye Omuwa gwegulu nogwevi. Oye iha kala mootempeli dha tungwa kaantu. 25 Moku mu longela ina pumbwa, a pewe ando sha kaantu, oshoka oye mwene ha pe aantu ayehe omwenyo nomufudho niinima ayihe. 26 Mokushita kwe Kalunga okwa kutha omihoko adhihe dhaantu momulumentu gumwe nokwe ya tula kombanda yevi alihe. Oye okwe ya uthile wo nale omathimbo gawo noongamba dhomahala gokukala kwawo. 27 Kalunga okwa hala, aantu ya kale taye mu kongo, pamwe taye mu mono mokupampadhala kwawo. Ihe Kalunga ke li kokule nomuntu nando ogumwe; 28 ngaashi gumwe a tile: ‘Muye tse otu na omwenyo, tatu inyenge notu li po.’ Ngaashi wo yamwe yomaatoti yiitewo yeni oya tumbula taa ti: ‘Natse wo aana yaKalunga.’ 29 Onkee ano ngele tse aana yaKalunga, nena inatu dhiladhileni kutya olupe lwe olwa fa efano lyoshisiliveli nenge lyemanya lya hongwa paunkulungu nopamayele gomuntu.
30 “Kalunga okwa li i idhidhimikile nale aantu pomathimbo ngeyaka, sho ya li yaa na owino, ihe ngashingeyi ota lombwele aantu ayehe shaa mpoka ye li, yi itedhulule yo ya ethe oondjila dhawo oombwinayi. 31 Nokuli oye oku utha nale esiku, uuna ndoka ta ka pangula uuyuni pauyuuki, note ke u pangulitha omulumentu ngoka e mu hogolola. Oye okwa hololele aantu ayehe oshinima shika puuyelele, sho a yumudha omulumentu ngoka kuusi.”
32 Ano sho yu uvu Paulus ta popi kombinga yeyumuko lyaasi, yamwe oye mu yolo, ihe ooyakwawo oye mu lombwele ya ti: “Otse otwa hala natango okuuva iinima mbyoka to yi popi esiku lilwe.” 33 Nena Paulus okwa zi mo moshigongi. 34 Ihe aantu yamwe oyi igameke kuye noya ningi ooitaali. Mokati kawo omwa li Dionisius, oshilyo shoshigongi shaAreopagi nomukiintu gumwe, edhina lye Damaris, nooyakwawo yalwe.
