Aahokololi yaali
1 Ngame onda pewa oshiti shokuyelekitha, sha fa olwoondje, nonda lombwelwa kwa tiwa: “Thikama, u yeleke otempeli yaKalunga noshiyambelo wo. Yalula aantu mboka taa galikana motempeli. 2 Ihe ehale lyotempeli ino li yeleka, oshoka olya pewa aapagani, mboka taa ka lyatagula oshilando oshiyapuki ethimbo li thike poomwedhi omilongo ne nambali. 3 Ngame otandi ka tuma aahokololi yandje yaali ya zala omahahi. Oyo otaa ka popya elaka lyaKalunga momasiku ngoka geyovi limwe nomathele gaali nomilongo hamano.”
4 Aahokololi mbaka yaali oyo oomono mbali noolamba mbali dhi li koshipala shOmuwa, mwene gwevi. 5 Ngele oku na ngoka ta kambadhala oku ya ehameka, nena momakana gawo otamu zi omulilo e tagu lungunitha po aatondi yawo. Osho ngeyi kehe ngoka ta ka kambadhala oku ya ehameka, ota ka dhipagwa. 6 Oyo oye na oonkondo dhokupata egulu, opo omvula kaayi loke nando pethimbo ndyoka taa uvitha elaka lyaKalunga. Oyo oye na wo oonkondo okupangela oothithiya dhomeya nokushitukitha omeya gadho, ga ninge ombinzi, okugeela evi olwindji niiponga yoludhi kehe, ngaashi ya hala.
7 Ngele ya mana okupopya elaka ndyoka, nena oshilikama shoka tashi zi molumbogo lwomuule, otashi ke ya kondjitha. Osho otashi ke ya sinda e tashi ya dhipaga. 8 Omidhimba dhawo otadhi ka kala dha lala momapandaanda goshilando oshinene, moka mwa alelwa Omuwa gwawo komushigakano. Edhina lyoshilando shika pamayele oSodom nenge Egipiti. 9 Aantu yomiigwana ayihe yomomaludhi, yomomalaka noyomihoko adhihe otaa ka tala omidhimba ndhika uule womasiku gatatu netata noitaa ka pitika nando, dhi fumvikwe. 10 Aantu yokombanda yevi otaa ka kala ya nyanyukilwa eso lyaalumentu mbaka yaali. Oyo otaa ka ninga iituthi notaa ka tuminathana omagano, oshoka aahunganeki mbaka yaali oya li taa hepeke noonkondo aantu yokombanda yevi. 11 Ihe konima yomasiku gatatu netata ombepo yomwenyo oya zi kuKalunga e tayi ya muyo, oyo noya yumuka e taa thikama. Aantu ayehe mboka ye ya mono, oya tila noonkondo. 12 Nena aahunganeki mbaka yaali oyu uvu ewi enene tali ya popitha lya zi megulu lya ti: “Ileni huka pombanda!” Aatondi yawo oye ya tala, sho taa yi megulu taa ende moshikogo. 13 Pethimbo tuu ndyoka evi olya kakama noonkondo, oshitimulongo shoshilando osha hanagulwa po, naantu omayuvi gaheyali oya sile mekakamo lyevi. Aantu yalwe oya haluka noonkondo noya simaneke uunene waKalunga komegulu.
14 Oshiponga oshitiyali osha piti. Ihe tala, oshiponga oshititatu otashi ya mbala.
Enkuma etiheyali
15 Nena omuyengeli omutiheyali okwa hiki enkuma lye. Opo mpoka megulu omwi igidhwa kwa tiwa: “Ngashingeyi oonkondo dhokupangela uuyuni odhOmuwa Kalunga ketu nodhaKristus gwe. Oye ota ka pangela aluhe sigo aluhe!” 16 Nena aakuluntu mbeyaka omilongo mbali nayane ya kuutumba kiipangelapundi yawo koshipala shaKalunga, oya tsu oongolo e taa galikana Kalunga 17 taa ti:
“Omuwa Kalunga Omunankondoadhihe,
ngoka u li ko nowa li ko!
Otatu ku hambelele,
sho wa holola oonkondo dhoye nowa tameke okupangela!
18 Aapagani oya geya noonkondo,
oshoka ethimbo lyondjahi yoye nolyokupangula aasi olye ya,
ethimbo lyokufuta aapiya yoye aahunganeki
naantu yoye ayehe, oomboka haye ku tila,
aanenentu naadhinwa.
Ndika olyo ethimbo lyokuhanagula po
mboka taa yonagula po evi!”
19 Otempeli yaKalunga megulu oye eguluka noshiketha moka mu na oohapu dhehangano, osha monika motempeli ye. Nena okwa ningi ihe oombadhi nomawi nomityalakato, ekakamo lyevi nomvula onene yoompawe.
Aahokololi yaali
1 Ngame onda pewa oshiti shokuyelekitha, sha fa olwoondje, nonda lombwelwa kwa tiwa: “Thikama, u yeleke otempeli yaKalunga noshiyambelo wo. Yalula aantu mboka taa galikana motempeli. 2 Ihe ehale lyotempeli ino li yeleka, oshoka olya pewa aapagani, mboka taa ka lyatagula oshilando oshiyapuki ethimbo li thike poomwedhi omilongo ne nambali. 3 Ngame otandi ka tuma aahokololi yandje yaali ya zala omahahi. Oyo otaa ka popya elaka lyaKalunga momasiku ngoka geyovi limwe nomathele gaali nomilongo hamano.”
4 Aahokololi mbaka yaali oyo oomono mbali noolamba mbali dhi li koshipala shOmuwa, mwene gwevi. 5 Ngele oku na ngoka ta kambadhala oku ya ehameka, nena momakana gawo otamu zi omulilo e tagu lungunitha po aatondi yawo. Osho ngeyi kehe ngoka ta ka kambadhala oku ya ehameka, ota ka dhipagwa. 6 Oyo oye na oonkondo dhokupata egulu, opo omvula kaayi loke nando pethimbo ndyoka taa uvitha elaka lyaKalunga. Oyo oye na wo oonkondo okupangela oothithiya dhomeya nokushitukitha omeya gadho, ga ninge ombinzi, okugeela evi olwindji niiponga yoludhi kehe, ngaashi ya hala.
7 Ngele ya mana okupopya elaka ndyoka, nena oshilikama shoka tashi zi molumbogo lwomuule, otashi ke ya kondjitha. Osho otashi ke ya sinda e tashi ya dhipaga. 8 Omidhimba dhawo otadhi ka kala dha lala momapandaanda goshilando oshinene, moka mwa alelwa Omuwa gwawo komushigakano. Edhina lyoshilando shika pamayele oSodom nenge Egipiti. 9 Aantu yomiigwana ayihe yomomaludhi, yomomalaka noyomihoko adhihe otaa ka tala omidhimba ndhika uule womasiku gatatu netata noitaa ka pitika nando, dhi fumvikwe. 10 Aantu yokombanda yevi otaa ka kala ya nyanyukilwa eso lyaalumentu mbaka yaali. Oyo otaa ka ninga iituthi notaa ka tuminathana omagano, oshoka aahunganeki mbaka yaali oya li taa hepeke noonkondo aantu yokombanda yevi. 11 Ihe konima yomasiku gatatu netata ombepo yomwenyo oya zi kuKalunga e tayi ya muyo, oyo noya yumuka e taa thikama. Aantu ayehe mboka ye ya mono, oya tila noonkondo. 12 Nena aahunganeki mbaka yaali oyu uvu ewi enene tali ya popitha lya zi megulu lya ti: “Ileni huka pombanda!” Aatondi yawo oye ya tala, sho taa yi megulu taa ende moshikogo. 13 Pethimbo tuu ndyoka evi olya kakama noonkondo, oshitimulongo shoshilando osha hanagulwa po, naantu omayuvi gaheyali oya sile mekakamo lyevi. Aantu yalwe oya haluka noonkondo noya simaneke uunene waKalunga komegulu.
14 Oshiponga oshitiyali osha piti. Ihe tala, oshiponga oshititatu otashi ya mbala.
Enkuma etiheyali
15 Nena omuyengeli omutiheyali okwa hiki enkuma lye. Opo mpoka megulu omwi igidhwa kwa tiwa: “Ngashingeyi oonkondo dhokupangela uuyuni odhOmuwa Kalunga ketu nodhaKristus gwe. Oye ota ka pangela aluhe sigo aluhe!” 16 Nena aakuluntu mbeyaka omilongo mbali nayane ya kuutumba kiipangelapundi yawo koshipala shaKalunga, oya tsu oongolo e taa galikana Kalunga 17 taa ti:
“Omuwa Kalunga Omunankondoadhihe,
ngoka u li ko nowa li ko!
Otatu ku hambelele,
sho wa holola oonkondo dhoye nowa tameke okupangela!
18 Aapagani oya geya noonkondo,
oshoka ethimbo lyondjahi yoye nolyokupangula aasi olye ya,
ethimbo lyokufuta aapiya yoye aahunganeki
naantu yoye ayehe, oomboka haye ku tila,
aanenentu naadhinwa.
Ndika olyo ethimbo lyokuhanagula po
mboka taa yonagula po evi!”
19 Otempeli yaKalunga megulu oye eguluka noshiketha moka mu na oohapu dhehangano, osha monika motempeli ye. Nena okwa ningi ihe oombadhi nomawi nomityalakato, ekakamo lyevi nomvula onene yoompawe.
