Jeremia tu uvithile motempeli
1 Ndjika oyo ohapu ndjoka ya adha Jeremia ya zi kOmuwa tayi ti: 2 “Thikama pomweelo gwongulu yOmuwa, ngoye u ka uvithe elaka ndika tali ti: ‘Uveni oohapu dhOmuwa, ne Aajuda mboka hamu pitile momiyelo ndhika, mu ka simaneke Omuwa.’ ”
3 Omuwa Omunankondoawike, Kalunga kaIsrael, ota ti: “Yelitheni oondjila niilonga yeni, ongame notandi mu etha mu kale mehala ndika. 4 Inamu inekela oohapu dhomakoto mu tye: ‘Ndjika otempeli yOmuwa, uuyapuki wOmuwa, otempeli yOmuwa!’ 5 Opalekeni oondjila dheni ne mu ethe iilonga iiwinayi tamu yi ningi. Uthileni aantu ayehe pauyuuki. 6 Inamu hepeka aakwiilongo, oothigwa naaselekadhi. Inamu dhipaga aantu yaa na ondjo moshilongo shika. Inamu longela iikalunga yaakwiilongo, oshoka otashi mu yono po. 7 Ngele otamu lunduluka, otandi mu etha mu kale mo moshilongo shika nde shi pe oohokulu shi ninge eliko lyawo lyaaluhe. 8 Taleni, ne otamu inekele oohapu dhomakoto.
9 “Ohamu yaka, ohamu dhipaga, ohamu hondele, ohamu gana iifundja, ohamu yambele Baal omafikilondjambo nohamu longele iikalunga inaamu yi tseya nale. 10 Otamu longo iinima mbyoka handi tondo notamu ya tamu thikama koshipala shandje motempeli e tamu ti: ‘Otwa hupithwa!’ 11 Otamu dhiladhila kutya otempeli yandje oyo oshiholameno shaayugi? Ondi wete shoka tamu ningi.
12 “Indeni kuShilo, ehala lyotango ndyoka nda hogolola li ninge eha lyelongelokalunga, mu tale shoka nde li ningile moluulunde waantu yandje Aaisraeli. 13 Omwa yono ayihe; nando nda popi kune olwindji, omwa tindi okupulakena. Inamu zimina, sho nde mu ithana. 14 Shoka nda ningile Shilo, osho tandi ningile otempeli yandje ndjika mwi inekela. Mehala ndika nde li mu pe noohokulu, osho tandi ka ninga, ngaashi nda ningile Shilo. 15 Otandi mu tidha po koshipala shandje, ngaashi nda tidhile po Aaisraeli aakweni. Ongame Omuwa nda popi.”
Okwaavulika kwaantu
16 Omuwa okwa ti kuJeremia: “Ngoye ino galikanena aantu mbaka. Ino kuga nenge u galikane omolwawo; ino indila ndje, oshoka itandi ku pulakene. 17 Ou wete tuu shoka taa ningi miilando yomuJuda nomomapandaanda gaJerusalem? 18 Aanona otaa tyaya iikuni, aasamane taa tema omulilo, naakiintu taa telekele omunyekadhi gwokegulu iikwiila. Otaa saagelele iikalunga omayambo gomaviinu, opo ye ehameke ndje. 19 Ihe ongame tuu shili ngoka taye ehameke? Aawe, otayi iyalula yo yene notayi isitha ohoni yo yene. 20 Onkee ano ngame, Omuwa Omupangeliawike, otandi ka poolela ondjahi yandje ya hwama kotempeli ndjika. Otandi ke yi tilila aantu niinamwenyo sha faathana, nokuli nokomiti nokiimeno. Ondjahi yandje otayi ka fa omulilo nokaku na ngoka te gu dhimi po.
21 “Omuwa Omunankondoawike, Kalunga kaIsrael, ota popi ta ti: Gwedheni omafikilondjambo koontselelandjambo ne mu lye po onyama ayihe ne yene. 22 Oshoka sho nda popitha oohokulu nonde ya tembudha muEgipiti, inandi ya pa oshipango shasha kombinga yomafikilondjambo noontselelandjambo. 23 Ihe onde ya lombwele nda ti: ‘Vulikeni kungame, notandi ningi Kalunga keni, one notamu ningi aantu yandje. Endeni momapola ngoka tandi mu lombwele, opo mu kale nawa.’ 24 Ihe yo inaa vulika nenge ya pupe ko. Oya kala muutangalali wawo nomeikukutiko lyomitima dhawo omiwinayi. Oya ningi aawinayi peha lyokuninga aawanawa. 25 Okuza kesiku ndyoka oohokulu ya zi muEgipiti sigo okesiku lyonena, onda dhiginine oku mu tumina aahunganeki, aamati yandje. 26 Ihe kakwa li ngoka a pulakene nenge a pupe ko. Omwa tangalala owala, nomu na iipotha mu vule oohokulu.
27 “Sho to ya lombwele oohapu ndhika, itaye ku pulakene; sho to ya ithana, itayi itaale. 28 Ya lombwela ano kutya oshigwana shawo inashi vulika kungame, Omuwa Kalunga kasho, nenge shi ilonge komageelo gasho. Oshili oye ekelwahi, itayi tumbulwa we.”
Iinonoma mesilu Ben Hinnom
29 “Lileni ne Aajerusalem;
kululii ko omafufu geni mu ga ekelehi.
Lileni oosa koondungu dhoondundu,
oshoka ongame, Omuwa, nda geya
nonde ekelehi aantu yandje.
30 “Aajuda oya ningi nayi. Oya tula iimenka yawo iinyanyalithi motempeli yandje. Osho ngeyi ya nyateke otempeli yandje. 31 Mesilu Ben Hinnom oya tungile mo oshiyambelo sha lukwa Tofet, opo ya fikile ko oyana aamati naakadhona momulilo. Ngame inandi shi ya lombwela, noinashi ya nando okuli momadhiladhilo gandje. 32 Ethimbo otali ya, uuna itaashi ka ithanwa we Tofet nenge esilu Ben Hinnom, ihe Esilu lyonakupila. Oko taa ka fumvika aantu, oshoka kape na we eha lyokufumvika. 33 Omidhimba otadhi ka ninga oondya dhoondhila nodhiithitukuti, nokape na ngoka te yi tidha po. 34 Oshilongo otashi ka mbugala. Miilando yaJuda nomomapandaanda gaJerusalem otandi ka hulitha ekugililo lyenyanyu nondigolo nomatanto goshituthi shohango.”
Jeremia tu uvithile motempeli
1 Ndjika oyo ohapu ndjoka ya adha Jeremia ya zi kOmuwa tayi ti: 2 “Thikama pomweelo gwongulu yOmuwa, ngoye u ka uvithe elaka ndika tali ti: ‘Uveni oohapu dhOmuwa, ne Aajuda mboka hamu pitile momiyelo ndhika, mu ka simaneke Omuwa.’ ”
3 Omuwa Omunankondoawike, Kalunga kaIsrael, ota ti: “Yelitheni oondjila niilonga yeni, ongame notandi mu etha mu kale mehala ndika. 4 Inamu inekela oohapu dhomakoto mu tye: ‘Ndjika otempeli yOmuwa, uuyapuki wOmuwa, otempeli yOmuwa!’ 5 Opalekeni oondjila dheni ne mu ethe iilonga iiwinayi tamu yi ningi. Uthileni aantu ayehe pauyuuki. 6 Inamu hepeka aakwiilongo, oothigwa naaselekadhi. Inamu dhipaga aantu yaa na ondjo moshilongo shika. Inamu longela iikalunga yaakwiilongo, oshoka otashi mu yono po. 7 Ngele otamu lunduluka, otandi mu etha mu kale mo moshilongo shika nde shi pe oohokulu shi ninge eliko lyawo lyaaluhe. 8 Taleni, ne otamu inekele oohapu dhomakoto.
9 “Ohamu yaka, ohamu dhipaga, ohamu hondele, ohamu gana iifundja, ohamu yambele Baal omafikilondjambo nohamu longele iikalunga inaamu yi tseya nale. 10 Otamu longo iinima mbyoka handi tondo notamu ya tamu thikama koshipala shandje motempeli e tamu ti: ‘Otwa hupithwa!’ 11 Otamu dhiladhila kutya otempeli yandje oyo oshiholameno shaayugi? Ondi wete shoka tamu ningi.
12 “Indeni kuShilo, ehala lyotango ndyoka nda hogolola li ninge eha lyelongelokalunga, mu tale shoka nde li ningile moluulunde waantu yandje Aaisraeli. 13 Omwa yono ayihe; nando nda popi kune olwindji, omwa tindi okupulakena. Inamu zimina, sho nde mu ithana. 14 Shoka nda ningile Shilo, osho tandi ningile otempeli yandje ndjika mwi inekela. Mehala ndika nde li mu pe noohokulu, osho tandi ka ninga, ngaashi nda ningile Shilo. 15 Otandi mu tidha po koshipala shandje, ngaashi nda tidhile po Aaisraeli aakweni. Ongame Omuwa nda popi.”
Okwaavulika kwaantu
16 Omuwa okwa ti kuJeremia: “Ngoye ino galikanena aantu mbaka. Ino kuga nenge u galikane omolwawo; ino indila ndje, oshoka itandi ku pulakene. 17 Ou wete tuu shoka taa ningi miilando yomuJuda nomomapandaanda gaJerusalem? 18 Aanona otaa tyaya iikuni, aasamane taa tema omulilo, naakiintu taa telekele omunyekadhi gwokegulu iikwiila. Otaa saagelele iikalunga omayambo gomaviinu, opo ye ehameke ndje. 19 Ihe ongame tuu shili ngoka taye ehameke? Aawe, otayi iyalula yo yene notayi isitha ohoni yo yene. 20 Onkee ano ngame, Omuwa Omupangeliawike, otandi ka poolela ondjahi yandje ya hwama kotempeli ndjika. Otandi ke yi tilila aantu niinamwenyo sha faathana, nokuli nokomiti nokiimeno. Ondjahi yandje otayi ka fa omulilo nokaku na ngoka te gu dhimi po.
21 “Omuwa Omunankondoawike, Kalunga kaIsrael, ota popi ta ti: Gwedheni omafikilondjambo koontselelandjambo ne mu lye po onyama ayihe ne yene. 22 Oshoka sho nda popitha oohokulu nonde ya tembudha muEgipiti, inandi ya pa oshipango shasha kombinga yomafikilondjambo noontselelandjambo. 23 Ihe onde ya lombwele nda ti: ‘Vulikeni kungame, notandi ningi Kalunga keni, one notamu ningi aantu yandje. Endeni momapola ngoka tandi mu lombwele, opo mu kale nawa.’ 24 Ihe yo inaa vulika nenge ya pupe ko. Oya kala muutangalali wawo nomeikukutiko lyomitima dhawo omiwinayi. Oya ningi aawinayi peha lyokuninga aawanawa. 25 Okuza kesiku ndyoka oohokulu ya zi muEgipiti sigo okesiku lyonena, onda dhiginine oku mu tumina aahunganeki, aamati yandje. 26 Ihe kakwa li ngoka a pulakene nenge a pupe ko. Omwa tangalala owala, nomu na iipotha mu vule oohokulu.
27 “Sho to ya lombwele oohapu ndhika, itaye ku pulakene; sho to ya ithana, itayi itaale. 28 Ya lombwela ano kutya oshigwana shawo inashi vulika kungame, Omuwa Kalunga kasho, nenge shi ilonge komageelo gasho. Oshili oye ekelwahi, itayi tumbulwa we.”
Iinonoma mesilu Ben Hinnom
29 “Lileni ne Aajerusalem;
kululii ko omafufu geni mu ga ekelehi.
Lileni oosa koondungu dhoondundu,
oshoka ongame, Omuwa, nda geya
nonde ekelehi aantu yandje.
30 “Aajuda oya ningi nayi. Oya tula iimenka yawo iinyanyalithi motempeli yandje. Osho ngeyi ya nyateke otempeli yandje. 31 Mesilu Ben Hinnom oya tungile mo oshiyambelo sha lukwa Tofet, opo ya fikile ko oyana aamati naakadhona momulilo. Ngame inandi shi ya lombwela, noinashi ya nando okuli momadhiladhilo gandje. 32 Ethimbo otali ya, uuna itaashi ka ithanwa we Tofet nenge esilu Ben Hinnom, ihe Esilu lyonakupila. Oko taa ka fumvika aantu, oshoka kape na we eha lyokufumvika. 33 Omidhimba otadhi ka ninga oondya dhoondhila nodhiithitukuti, nokape na ngoka te yi tidha po. 34 Oshilongo otashi ka mbugala. Miilando yaJuda nomomapandaanda gaJerusalem otandi ka hulitha ekugililo lyenyanyu nondigolo nomatanto goshituthi shohango.”
