Aajuda taa dhipaga aatondi yawo
1 Esiku etimulongo netitatu lyaAdar olye ya, esiku ndyoka eutho lyomukwaniilwa lya li li na okugwanithwa, esiku uuna aatondi yAajuda ya li ya tegelela, ye ya tule mokakuwilili. Ihe nani Aajuda oye ya sindi. 2 Moshikandjo shAajuda moshilando kehe moshilongo ashihe Aajuda oyi ilongekidha nawa okuhomona kehe ngoka ta kambadhala oku ya etela oshiponga. Aantu oya li ye ya tila akuhe, nokakwa li ngoka a vulu oku ya kondjitha. 3 Aaleli ayehe yomiitopolwa, oongoloneya, ookomufala naakwanepangelo yomukwaniilwa oya gama kAajuda, oshoka oya li ya tila Mordekai. 4 Osha li sha tseyika noshilongo ashihe kutya ngashingeyi Mordekai elenga ekuluntu muuwa nokwa li ta nkondopala natango. 5 Omolwashoka Aajuda ya ningile aatondi yawo shoka ya hala. Oye ya ponokele nomagongamwele e taye ya dhipaga.
6 Moshilandolelo Susa Aajuda oya dhipagele mo aantu omathele gatano. 7-10 Mokati kawo omwa li aana aamati omulongo yaHaman yaHammedata, omutondi gwAajuda. Oyo Parshandata, Dalfon, Aspata, Porata, Adalia, Aridata, Parmashta, Arisai, Aridai naVaiesata. Ihe Aajuda inaa yuga iihakanwa.
11 Esiku tuu ndyoka omwaalu gwaadhipagwa yomuSusa ogwa tseyithilwa omukwaniilwa. 12 Okwa ti komunyekadhi Ester: “MuSusa amuke Aajuda oya dhipaga aantu omathele gatano, mumwe naana aamati yaHaman. Ngele omiitopolwa yilwe nduno, oya ningi ngiini! Ngashingeyi owa hala shike? Otandi ke shi ku pa. Lombwela ndje owala shoka wa hala natango, neindilo lyoye otali gwanithwa.”
13 Ester okwa yamukula a ti: “Nkeyama, ngele otashi ku opalele, ongula pitika natango, Aajuda ya ninge muSusa shoka ya ningi nena. Omidhimba dhaana aamati yaHaman nadhi tulwe kohake.” 14 Omukwaniilwa okwa tokola shi ningwe, neutho ndika olya gandjwa muSusa. Omidhimba dhaana aamati omulongo yaHaman odha tsilikwa puuyelele. 15 Mesiku etimulongo netine lyaAdar Aajuda yomuSusa oya dhipaga ishewe aantu omathele gatatu moshilando. Natango inaa hakana iihakanwa nande.
16 Aajuda yomiitopolwa oya li ya gongala okwiipopila. Oya manguluka kaatondi yawo, sho ya dhipaga aantu omayuvi omilongo heyali nagatano mboka ya li ye ya tonde. Ihe inaa hakana iihakanwa. 17 Esiku ndika etimulongo netitatu lyaAdar. Mesiku etimulongo netine inaku dhipagwa we omuntu, nolya ningi esiku lyoshituthi nolyenyanyu. 18 Aajuda yomuSusa oya yapula esiku etimulongo netitano, li ninge esiku lyoshituthi nolyenyanyu, oshoka oya dhipagele aatondi yawo mesiku etimulongo netitatu mesiku etimulongo netine. 19 Omolwashoka ano Aajuda mboka ya kala momikunda omishona, oya ningi esiku etimulongo netine lyomwedhi Adar esiku lyenyanyu nolyoshituthi notaa tuminathana iikunditha.
Oshituthi shaPurim
20 Mordekai okwa nyolitha ondjokonona yiinima mbika e ta tumine Aajuda ayehe moshilongo shaPersia, ongele popepi nenge kokule, oontumwafo 21 tadhi ya lombwele, ya dhane oshituthi kehe omumvo mesiku etimulongo netine netimulongo netitano lyaAdar. 22 Momasiku ngaka Aajuda oyi imangulula kaatondi yawo, nomomwedhi nguka oluhodhi lwawo olwa shituka enyanyu nokutakuma kwawo eligolo. Oya lombwelwa, ya dhane momasiku ngaka iituthi noonshingo nokutuminathana iikunditha yiikulya nokupa oohepele omagano. 23 Okudhana oshituthi shika okwa ningi omukalondjigilile, ngaashi Mordekai e ya nyolele.
24 Haman yaHammedata, oluvalo lwaAgag nomutondi gwAajuda, okwa li u umbu iihogololitho (nenge “purim”, ngaashi ye shi luka), opo a uthe esiku lyokuyonagula po Aajuda; okwa dhiladhila e ya kombe po sheke. 25 Ihe Ester okwa yi komukwaniilwa, nomukwaniilwa okwa gandja eutho lyopakunyola, ndyoka lya galulile Haman omupya ngoka e gu dhiladhilile Aajuda. Oye pamwe noyana oya tulwa kohake. 26 Omolwashoka omasiku ngaka oga lukwa Purim. Molwontumwafo yaMordekai nomolwiinima ayihe mbyoka ye yi ningilwa, 27 Aajuda oyi iyuthile omukalo gwokwaalunduluka kutya yo yene noluvalo lwawo naayehe mboka taa iningi Aajuda, oye na okudhana omasiku ngaka gaali kehe omumvo palombwelo lyaMordekai pethimbo lyo opala. 28 Omasiku ngaka oga li ge na okudhimbulukiwa pwaa na elunduluko nokudhanwa kepipi kehe lyAajuda megumbo kehe moshitopolwa kehe nomoshilando kehe.
29 Omunyekadhi Ester yaAbihail pamwe naMordekai oya nyola ontumwafo ontiyali kombinga yaPurim nokulongitha oonkondo dhawo, opo ye yi koleke. 30 Mordekai okwa tumine Aajuda ayehe yomiitopolwa 127 yoshilongo shaPersia oontumwafo noku ya halela ombili negameno. 31 Okwa koleke kutya Aajuda ayehe noluvalo lwawo oye na okudhana omasiku gaPurim pethimbo lyo opala, ngaashi omunyekadhi Ester naMordekai, Omujuda, ye shi utha nongaashi Aajuda yo yene ya li yu utha kombinga yeidhiliko lyiikulya noontakumo. 32 Elombwelo lyaEster olya koleke omautho gaPurim noga nyolelwa membo.
Aajuda taa dhipaga aatondi yawo
1 Esiku etimulongo netitatu lyaAdar olye ya, esiku ndyoka eutho lyomukwaniilwa lya li li na okugwanithwa, esiku uuna aatondi yAajuda ya li ya tegelela, ye ya tule mokakuwilili. Ihe nani Aajuda oye ya sindi. 2 Moshikandjo shAajuda moshilando kehe moshilongo ashihe Aajuda oyi ilongekidha nawa okuhomona kehe ngoka ta kambadhala oku ya etela oshiponga. Aantu oya li ye ya tila akuhe, nokakwa li ngoka a vulu oku ya kondjitha. 3 Aaleli ayehe yomiitopolwa, oongoloneya, ookomufala naakwanepangelo yomukwaniilwa oya gama kAajuda, oshoka oya li ya tila Mordekai. 4 Osha li sha tseyika noshilongo ashihe kutya ngashingeyi Mordekai elenga ekuluntu muuwa nokwa li ta nkondopala natango. 5 Omolwashoka Aajuda ya ningile aatondi yawo shoka ya hala. Oye ya ponokele nomagongamwele e taye ya dhipaga.
6 Moshilandolelo Susa Aajuda oya dhipagele mo aantu omathele gatano. 7-10 Mokati kawo omwa li aana aamati omulongo yaHaman yaHammedata, omutondi gwAajuda. Oyo Parshandata, Dalfon, Aspata, Porata, Adalia, Aridata, Parmashta, Arisai, Aridai naVaiesata. Ihe Aajuda inaa yuga iihakanwa.
11 Esiku tuu ndyoka omwaalu gwaadhipagwa yomuSusa ogwa tseyithilwa omukwaniilwa. 12 Okwa ti komunyekadhi Ester: “MuSusa amuke Aajuda oya dhipaga aantu omathele gatano, mumwe naana aamati yaHaman. Ngele omiitopolwa yilwe nduno, oya ningi ngiini! Ngashingeyi owa hala shike? Otandi ke shi ku pa. Lombwela ndje owala shoka wa hala natango, neindilo lyoye otali gwanithwa.”
13 Ester okwa yamukula a ti: “Nkeyama, ngele otashi ku opalele, ongula pitika natango, Aajuda ya ninge muSusa shoka ya ningi nena. Omidhimba dhaana aamati yaHaman nadhi tulwe kohake.” 14 Omukwaniilwa okwa tokola shi ningwe, neutho ndika olya gandjwa muSusa. Omidhimba dhaana aamati omulongo yaHaman odha tsilikwa puuyelele. 15 Mesiku etimulongo netine lyaAdar Aajuda yomuSusa oya dhipaga ishewe aantu omathele gatatu moshilando. Natango inaa hakana iihakanwa nande.
16 Aajuda yomiitopolwa oya li ya gongala okwiipopila. Oya manguluka kaatondi yawo, sho ya dhipaga aantu omayuvi omilongo heyali nagatano mboka ya li ye ya tonde. Ihe inaa hakana iihakanwa. 17 Esiku ndika etimulongo netitatu lyaAdar. Mesiku etimulongo netine inaku dhipagwa we omuntu, nolya ningi esiku lyoshituthi nolyenyanyu. 18 Aajuda yomuSusa oya yapula esiku etimulongo netitano, li ninge esiku lyoshituthi nolyenyanyu, oshoka oya dhipagele aatondi yawo mesiku etimulongo netitatu mesiku etimulongo netine. 19 Omolwashoka ano Aajuda mboka ya kala momikunda omishona, oya ningi esiku etimulongo netine lyomwedhi Adar esiku lyenyanyu nolyoshituthi notaa tuminathana iikunditha.
Oshituthi shaPurim
20 Mordekai okwa nyolitha ondjokonona yiinima mbika e ta tumine Aajuda ayehe moshilongo shaPersia, ongele popepi nenge kokule, oontumwafo 21 tadhi ya lombwele, ya dhane oshituthi kehe omumvo mesiku etimulongo netine netimulongo netitano lyaAdar. 22 Momasiku ngaka Aajuda oyi imangulula kaatondi yawo, nomomwedhi nguka oluhodhi lwawo olwa shituka enyanyu nokutakuma kwawo eligolo. Oya lombwelwa, ya dhane momasiku ngaka iituthi noonshingo nokutuminathana iikunditha yiikulya nokupa oohepele omagano. 23 Okudhana oshituthi shika okwa ningi omukalondjigilile, ngaashi Mordekai e ya nyolele.
24 Haman yaHammedata, oluvalo lwaAgag nomutondi gwAajuda, okwa li u umbu iihogololitho (nenge “purim”, ngaashi ye shi luka), opo a uthe esiku lyokuyonagula po Aajuda; okwa dhiladhila e ya kombe po sheke. 25 Ihe Ester okwa yi komukwaniilwa, nomukwaniilwa okwa gandja eutho lyopakunyola, ndyoka lya galulile Haman omupya ngoka e gu dhiladhilile Aajuda. Oye pamwe noyana oya tulwa kohake. 26 Omolwashoka omasiku ngaka oga lukwa Purim. Molwontumwafo yaMordekai nomolwiinima ayihe mbyoka ye yi ningilwa, 27 Aajuda oyi iyuthile omukalo gwokwaalunduluka kutya yo yene noluvalo lwawo naayehe mboka taa iningi Aajuda, oye na okudhana omasiku ngaka gaali kehe omumvo palombwelo lyaMordekai pethimbo lyo opala. 28 Omasiku ngaka oga li ge na okudhimbulukiwa pwaa na elunduluko nokudhanwa kepipi kehe lyAajuda megumbo kehe moshitopolwa kehe nomoshilando kehe.
29 Omunyekadhi Ester yaAbihail pamwe naMordekai oya nyola ontumwafo ontiyali kombinga yaPurim nokulongitha oonkondo dhawo, opo ye yi koleke. 30 Mordekai okwa tumine Aajuda ayehe yomiitopolwa 127 yoshilongo shaPersia oontumwafo noku ya halela ombili negameno. 31 Okwa koleke kutya Aajuda ayehe noluvalo lwawo oye na okudhana omasiku gaPurim pethimbo lyo opala, ngaashi omunyekadhi Ester naMordekai, Omujuda, ye shi utha nongaashi Aajuda yo yene ya li yu utha kombinga yeidhiliko lyiikulya noontakumo. 32 Elombwelo lyaEster olya koleke omautho gaPurim noga nyolelwa membo.
