1 Ngame ongala yokelundu lyaSharon,
ongala yomavo gomomadhiya.
Mbushiki:
2 Omuholike gwandje mokati kaakadhona
okwa fa ongala ya sheneka mokati komano.
3 Omuholike gwandje mokati kaamati
okwa fa omuyapula mokati komiti dhomokuti.
Otandi yuulukwa okukuutumba momuzile gwagwo,
niiyimati yagwo oyi na omulyo mokana kandje.
4 Okwa fala ndje mondunda yomaviinu,
nepandela lye kombanda yandje olyo ohole.
5 Kolekii ndje nomakaka gomandjembele,
ne mu ndjangeke ndje niiyapula,
oshoka onda pya ompiya yohole.
6 Olumoho lwe olu li kohi yomutse gwandje,
nolulyo lwe otalu papatele ndje.
7 Ne aafuko Aajerusalem,
otandi mu ganitha poomenye nopoompalala dhokomalundu:
inamu pendutha ohole nenge mu yi kudhile,
manga inaayi shi yuulukwa.
Ondjimbo ontiyali
Omufuko:
8 Pulakena! Omuholike gwandje!
Tala, oye ngwiyaka te ya.
Ota nuka omalondo koondundu,
ta ndjomboka kiikulundundu.
9 Omuholike gwandje okwa fa omenye nenge ompalala ongundjuka.
Oye ngwiya a thikama pondje pekuma lyetu.
Ota talele momakende,
to ontamene miitenda ya tatakana.
10 Omuholike gwandje okwa lombwele ndje a ti:
“Kanuunyalona kandje, yambuka;
nandjelo gwandje, ila!
11 Oshoka tala, okufu okwa kuka,
nethimbo lyuutalala lya piti.
12 Iihwa oya ziza moshiheke,
ethimbo lyoondjimbo lya thikana,
netendeguti otali kululula moshilongo shetu.
13 Omikwiyu otadhi tiliganeke oondhiye,
nomiviinu dha sheneka otadhi taandelitha ezimba lya nika nawa.
Kanuunyalona kandje, yambuka;
nandjelo gwandje, ila!
14 Kanguti kandje momakolombongo, ngoka to holama
momakololo gometayimanya, talitha ndje ondjelo yoye,
uvitha ndje ewi lyoye,
oshoka ewi lyoye ohali kolitha,
nondjelo yoye ohayi fuula.
15 Tu yulileni oombandje,
uuyandje mboka hau li po iitsambe yomiviinu,
oshoka iitsambe yetu oya sheneka.”
Omufuko:
16 Omuholike gwandje ogwandje mwene, nangame ogwe,
ogwaangoka ta litha mokati koongala dhokelundu,
17 sigo oshingulohi kwa pepelela,
nomizizimba tadhi lelepala.
Galuka ko, muholike gwandje,
ngaashi omenye nenge ompalala ongundjuka
koondundu dha nika iikwekwenyete.
1 Ngame ongala yokelundu lyaSharon,
ongala yomavo gomomadhiya.
Mbushiki:
2 Omuholike gwandje mokati kaakadhona
okwa fa ongala ya sheneka mokati komano.
3 Omuholike gwandje mokati kaamati
okwa fa omuyapula mokati komiti dhomokuti.
Otandi yuulukwa okukuutumba momuzile gwagwo,
niiyimati yagwo oyi na omulyo mokana kandje.
4 Okwa fala ndje mondunda yomaviinu,
nepandela lye kombanda yandje olyo ohole.
5 Kolekii ndje nomakaka gomandjembele,
ne mu ndjangeke ndje niiyapula,
oshoka onda pya ompiya yohole.
6 Olumoho lwe olu li kohi yomutse gwandje,
nolulyo lwe otalu papatele ndje.
7 Ne aafuko Aajerusalem,
otandi mu ganitha poomenye nopoompalala dhokomalundu:
inamu pendutha ohole nenge mu yi kudhile,
manga inaayi shi yuulukwa.
Ondjimbo ontiyali
Omufuko:
8 Pulakena! Omuholike gwandje!
Tala, oye ngwiyaka te ya.
Ota nuka omalondo koondundu,
ta ndjomboka kiikulundundu.
9 Omuholike gwandje okwa fa omenye nenge ompalala ongundjuka.
Oye ngwiya a thikama pondje pekuma lyetu.
Ota talele momakende,
to ontamene miitenda ya tatakana.
10 Omuholike gwandje okwa lombwele ndje a ti:
“Kanuunyalona kandje, yambuka;
nandjelo gwandje, ila!
11 Oshoka tala, okufu okwa kuka,
nethimbo lyuutalala lya piti.
12 Iihwa oya ziza moshiheke,
ethimbo lyoondjimbo lya thikana,
netendeguti otali kululula moshilongo shetu.
13 Omikwiyu otadhi tiliganeke oondhiye,
nomiviinu dha sheneka otadhi taandelitha ezimba lya nika nawa.
Kanuunyalona kandje, yambuka;
nandjelo gwandje, ila!
14 Kanguti kandje momakolombongo, ngoka to holama
momakololo gometayimanya, talitha ndje ondjelo yoye,
uvitha ndje ewi lyoye,
oshoka ewi lyoye ohali kolitha,
nondjelo yoye ohayi fuula.
15 Tu yulileni oombandje,
uuyandje mboka hau li po iitsambe yomiviinu,
oshoka iitsambe yetu oya sheneka.”
Omufuko:
16 Omuholike gwandje ogwandje mwene, nangame ogwe,
ogwaangoka ta litha mokati koongala dhokelundu,
17 sigo oshingulohi kwa pepelela,
nomizizimba tadhi lelepala.
Galuka ko, muholike gwandje,
ngaashi omenye nenge ompalala ongundjuka
koondundu dha nika iikwekwenyete.
