1 Oompadhi dhoye dha zala oongaku
odho opala ngiini,
ngoye mukadhona omvalekele!
Omaziti moombwetelo dhoye oga ngongwa konkulungu
ngaashi oshimona shontsino shomothingo.
2 Ekuvu lyoye olya fa okayo ka hongekeka,
moka ongwedhakanitha yomaviinu ihaayi pu mo.
Ela lyoye ongondumba yiilya
ya kundukwa koongala dha sheneka.
3 Omagundji goye oga fa uumbambyona uyali,
oto ti uukwanambwiyu wombambi.
4 Othingo yoye oya fa oshungo yomayego goondjamba.
Omeho goye ongomadhiya muHeshbon posheelo shaBat Rabbim.
Eyulu lyoye olya fa oshungo kuLibanon
ya taalela lwokuDamaskus.
5 Omutse gwoye ogwa yeluka gwa fa Karmel.
Omafufu gokomutse gwoye ogo omaluudhe nohaga adhima —
oondhinga dhago odha kwata omukwaniilwa.
6 Ngoye owo opala ngiini,
oto kolitha ndje ngiini,
ngoye muholike gwandje,
mukadhona gwenyanyu lyandje!
7 Ongoye omule gwokashendjelutu wa fa omulunga,
nomagundji goye ongomahila goondjembele.
8 Onda popi nda ti:
“Etha utale ndi londe komulunga,
ndi kwate omahila gagwo.”
Omagundji goye naga kale ga fa omahila goondjembele,
ezimba lyomufudho gwoye ongaandyoka lyiiyapula,
9 nokana koye ka fa omaviinu omatoye.
Omufuko:
Eeno, ihe otaga thenunukile nombili momuholike gwandje,
notaga kungulukile komilungu dhoonakukotha.
10 Ngame mwene ogwomuholike gwandje,
noha yuulukwa ndje.
11 Ila, muholike gwandje, tu pite mo
tu uke pondje komalundu,
natu ye tu ka tokelwe komikunda.
12 Natu meneke tu ye kiitsambe yomiviinu;
natu ka tale, omiviinu ngele dha tutuma,
oongala dhadho ngele odha sheneka,
nomigranati ngele odhi li metifa lyoongala.
Noko nkoka tandi ke ku pela ohole yandje.
13 Iiyimati yohole ohayi gandja ezimba,
nopiiyelo yetu ope na iiyimati ayihe iitoye,
iipe niikulu; onde yi ku pungulila, muholike gwandje.
1 Oompadhi dhoye dha zala oongaku
odho opala ngiini,
ngoye mukadhona omvalekele!
Omaziti moombwetelo dhoye oga ngongwa konkulungu
ngaashi oshimona shontsino shomothingo.
2 Ekuvu lyoye olya fa okayo ka hongekeka,
moka ongwedhakanitha yomaviinu ihaayi pu mo.
Ela lyoye ongondumba yiilya
ya kundukwa koongala dha sheneka.
3 Omagundji goye oga fa uumbambyona uyali,
oto ti uukwanambwiyu wombambi.
4 Othingo yoye oya fa oshungo yomayego goondjamba.
Omeho goye ongomadhiya muHeshbon posheelo shaBat Rabbim.
Eyulu lyoye olya fa oshungo kuLibanon
ya taalela lwokuDamaskus.
5 Omutse gwoye ogwa yeluka gwa fa Karmel.
Omafufu gokomutse gwoye ogo omaluudhe nohaga adhima —
oondhinga dhago odha kwata omukwaniilwa.
6 Ngoye owo opala ngiini,
oto kolitha ndje ngiini,
ngoye muholike gwandje,
mukadhona gwenyanyu lyandje!
7 Ongoye omule gwokashendjelutu wa fa omulunga,
nomagundji goye ongomahila goondjembele.
8 Onda popi nda ti:
“Etha utale ndi londe komulunga,
ndi kwate omahila gagwo.”
Omagundji goye naga kale ga fa omahila goondjembele,
ezimba lyomufudho gwoye ongaandyoka lyiiyapula,
9 nokana koye ka fa omaviinu omatoye.
Omufuko:
Eeno, ihe otaga thenunukile nombili momuholike gwandje,
notaga kungulukile komilungu dhoonakukotha.
10 Ngame mwene ogwomuholike gwandje,
noha yuulukwa ndje.
11 Ila, muholike gwandje, tu pite mo
tu uke pondje komalundu,
natu ye tu ka tokelwe komikunda.
12 Natu meneke tu ye kiitsambe yomiviinu;
natu ka tale, omiviinu ngele dha tutuma,
oongala dhadho ngele odha sheneka,
nomigranati ngele odhi li metifa lyoongala.
Noko nkoka tandi ke ku pela ohole yandje.
13 Iiyimati yohole ohayi gandja ezimba,
nopiiyelo yetu ope na iiyimati ayihe iitoye,
iipe niikulu; onde yi ku pungulila, muholike gwandje.
