1 Ondjimbolela yaSalomo.
Ondjimbo yotango
Omufuko:
2 Omathipo goye gokomilungu naga kuwike ndje;
ohole yoye ontoye yi vule omaviinu.
3 Ezimba lyomugwayo gwoye olya nika nawa;
ezimba lyoye olya fa omugwayo gwa pimpwa mo.
Omolwashoka aafuko ye ku hole.
4 Kwata ndje utale — natu endelele.
Omukwaniilwa okwa fala ndje momutala gwe.
Ookuume:
Otwa hala okuligola noku ku nyanyukilwa;
otatu tanga ohole yoye yi vule omaviinu.
Omufuko:
Omolwashoka ye ku hole shili.
5 Aakadhona yomuJerusalem,
ngame omuluudhe, ihe onda mbweshukila.
Omuluudhe nda fa omatsali gaKedar,
ihe onda sheneka nda fa omashigolapi muuwa waSalomo.
6 Inamu tongolola ndje, nando ngame omuluudhe,
molwashoka nda pya omutenya.
Aamati aana yameme oya geele ndje
noya ningi ndje omulangeli gwiitsambe yomiviinu.
Oshitsambe shandje mwene shomiviinu inandi shi langela.
7 Muholike gwandje, lombwela ndje utale,
openi ho litha iimuna yoye
nopeni ho yi gondjitha omutenya?
Omolwashike ndi na okukala tandi ku kongo mokati kiimuna yayakweni?
Mbushiki:
8 Sha yela shomaakiintu, ngele ino shi tseya,
pita mo u landule oshinkoti shoonzi
nou lithe iikombo yoye pomatsali gaanahambo.
9 Kanuunyalona kandje,
otandi ku faathanitha nokakambe okakiintu
ka kutilwa komeho getemba lyaFarao.
10 Oompanda dhoye odho opala ngiini pokati komagola
nothingo yoye metunda lyoshimona!
11 Otatu ku hambulile omagola goshingoli ge na oombandi dhoshisiliveli.
Omufuko:
12 Omukwaniilwa manga a li poshililo,
lyo ezimba lyomugwayo gwandje gwonardi otali nika nawalela.
13 Omuholike gwandje kungame oye oshihampi shomira
ta vululukwa pokati komagundji gandje.
14 Omuholike gwandje kungame okwa fa ehila lyoongala dhohenna
miitsambe yomiviinu kuEn-gedi.
Mbushiki:
15 Kanuunyalona kandje, ngoye owo opala ngiini!
Memememe, owa poloka mo ngiini!
Omeho goye oga fa oonguti.
Omufuko:
16 Muholike gwandje, ngoye owo opala ngiini!
Oh, oshuuluko shoye oshi thike peni, taa!
Ombete yetu oya hapa nawa.
Mbushiki:
17 Egumbo lyetu olya tungwa momiti dhomisendeli,
nomitenge dhalyo momikiperesi.
Omufuko:
1 Ondjimbolela yaSalomo.
Ondjimbo yotango
Omufuko:
2 Omathipo goye gokomilungu naga kuwike ndje;
ohole yoye ontoye yi vule omaviinu.
3 Ezimba lyomugwayo gwoye olya nika nawa;
ezimba lyoye olya fa omugwayo gwa pimpwa mo.
Omolwashoka aafuko ye ku hole.
4 Kwata ndje utale — natu endelele.
Omukwaniilwa okwa fala ndje momutala gwe.
Ookuume:
Otwa hala okuligola noku ku nyanyukilwa;
otatu tanga ohole yoye yi vule omaviinu.
Omufuko:
Omolwashoka ye ku hole shili.
5 Aakadhona yomuJerusalem,
ngame omuluudhe, ihe onda mbweshukila.
Omuluudhe nda fa omatsali gaKedar,
ihe onda sheneka nda fa omashigolapi muuwa waSalomo.
6 Inamu tongolola ndje, nando ngame omuluudhe,
molwashoka nda pya omutenya.
Aamati aana yameme oya geele ndje
noya ningi ndje omulangeli gwiitsambe yomiviinu.
Oshitsambe shandje mwene shomiviinu inandi shi langela.
7 Muholike gwandje, lombwela ndje utale,
openi ho litha iimuna yoye
nopeni ho yi gondjitha omutenya?
Omolwashike ndi na okukala tandi ku kongo mokati kiimuna yayakweni?
Mbushiki:
8 Sha yela shomaakiintu, ngele ino shi tseya,
pita mo u landule oshinkoti shoonzi
nou lithe iikombo yoye pomatsali gaanahambo.
9 Kanuunyalona kandje,
otandi ku faathanitha nokakambe okakiintu
ka kutilwa komeho getemba lyaFarao.
10 Oompanda dhoye odho opala ngiini pokati komagola
nothingo yoye metunda lyoshimona!
11 Otatu ku hambulile omagola goshingoli ge na oombandi dhoshisiliveli.
Omufuko:
12 Omukwaniilwa manga a li poshililo,
lyo ezimba lyomugwayo gwandje gwonardi otali nika nawalela.
13 Omuholike gwandje kungame oye oshihampi shomira
ta vululukwa pokati komagundji gandje.
14 Omuholike gwandje kungame okwa fa ehila lyoongala dhohenna
miitsambe yomiviinu kuEn-gedi.
Mbushiki:
15 Kanuunyalona kandje, ngoye owo opala ngiini!
Memememe, owa poloka mo ngiini!
Omeho goye oga fa oonguti.
Omufuko:
16 Muholike gwandje, ngoye owo opala ngiini!
Oh, oshuuluko shoye oshi thike peni, taa!
Ombete yetu oya hapa nawa.
Mbushiki:
17 Egumbo lyetu olya tungwa momiti dhomisendeli,
nomitenge dhalyo momikiperesi.
Omufuko:
