Oshihako oshitiheyali
1 Onzigona sho a matula oshihako oshitiheyali, megulu omwa mwena thilu ethimbo li thike lwopetata lyotundi. 2 Nonda mono ko aayengeli yaheyali ya thikama koshipala shaKalunga. Oyo oya pewa omankuma gaheyali.
3 Omuyengeli mukwawo e na oshitsininitho shoshingoli okwe ya nokwa thikama poshiyambelo. Oye okwa pewa iitsinino oyindji, yi gwedhe komagalikano gaantu yaKalunga noyi tulwe koshiyambelo shoshingoli shi li mombamba yoshipangelapundi. 4 Olwithi lwiitsinino pamwe nomagalikano gaantu yaKalunga oya yeluka pombanda moshikaha shomuyengeli ngoka a thikama koshipala shaKalunga. 5 Omuyengeli okwa kutha oshitsininitho nokwe shi hwameke nomulilo gwokoshiyambelo e te shi umbile kombanda yevi. Oko okwa ningi omityalakato nomakudhilo noombadhi nekakamo lyevi.
Omankuma
6 Nena aayengeli mboka yaheyali oyi ilongekidha okuhika omankuma gawo gaheyali.
7 Omuyengeli gwotango okwa hiki enkuma lye. Oompawe nomulilo mumwe nombinzi oya koloka noya gwile kombanda yevi. Nena oshititatu shevi noshomiti osha lungunithwa po, nomwiidhi aguhe omutalala.
8 Omuyengeli omutiyali okwa hiki enkuma lye. Opo oshinima sha fa ondundu onene ya hwama omulilo, oshu umbilwa mefuta. Nena oshititatu shefuta osha shituka ombinzi, 9 noshititatu shiinamwenyo ayihe yomefuta osha si, noshititatu shoosikepa adhihe osha yonagulwa po.
10 Omuyengeli omutitatu okwa hiki enkuma lye. Onyothi onene ya tema ya fa onyeka, oya gu kegulu noya gwile koshititatu shomilonga dhomeya noshoothithiya. 11 (Edhina lyonyothi ndjika Uululu). Nena oshititatu shomeya osha lulu, naantu oyendji oya si, sho ya nu omeya ngoka omalulu.
12 Omuyengeli omutine okwa hiki enkuma lye. Nena oshititatu shetango, shomwedhi noshoonyothi osha dhengwa, oyo noya kanitha oshititatu shuuyelele wayo; nokwa kala kwaa na nando uuyelele ethimbo li thike poshititatu shesiku noshuusiku wo.
13 Opo ihe ondu uvu nonda mono ontsa tayi tuka mookathele noya lili newi enene ya ti: “Iihuna! Iihuna! Iihuna otayi ka kala yi thike peni kaantu ayehe yokombanda yevi, uuna omankuma gaayengeli ooyakwawo yatatu taga ka hika!”
Oshihako oshitiheyali
1 Onzigona sho a matula oshihako oshitiheyali, megulu omwa mwena thilu ethimbo li thike lwopetata lyotundi. 2 Nonda mono ko aayengeli yaheyali ya thikama koshipala shaKalunga. Oyo oya pewa omankuma gaheyali.
3 Omuyengeli mukwawo e na oshitsininitho shoshingoli okwe ya nokwa thikama poshiyambelo. Oye okwa pewa iitsinino oyindji, yi gwedhe komagalikano gaantu yaKalunga noyi tulwe koshiyambelo shoshingoli shi li mombamba yoshipangelapundi. 4 Olwithi lwiitsinino pamwe nomagalikano gaantu yaKalunga oya yeluka pombanda moshikaha shomuyengeli ngoka a thikama koshipala shaKalunga. 5 Omuyengeli okwa kutha oshitsininitho nokwe shi hwameke nomulilo gwokoshiyambelo e te shi umbile kombanda yevi. Oko okwa ningi omityalakato nomakudhilo noombadhi nekakamo lyevi.
Omankuma
6 Nena aayengeli mboka yaheyali oyi ilongekidha okuhika omankuma gawo gaheyali.
7 Omuyengeli gwotango okwa hiki enkuma lye. Oompawe nomulilo mumwe nombinzi oya koloka noya gwile kombanda yevi. Nena oshititatu shevi noshomiti osha lungunithwa po, nomwiidhi aguhe omutalala.
8 Omuyengeli omutiyali okwa hiki enkuma lye. Opo oshinima sha fa ondundu onene ya hwama omulilo, oshu umbilwa mefuta. Nena oshititatu shefuta osha shituka ombinzi, 9 noshititatu shiinamwenyo ayihe yomefuta osha si, noshititatu shoosikepa adhihe osha yonagulwa po.
10 Omuyengeli omutitatu okwa hiki enkuma lye. Onyothi onene ya tema ya fa onyeka, oya gu kegulu noya gwile koshititatu shomilonga dhomeya noshoothithiya. 11 (Edhina lyonyothi ndjika Uululu). Nena oshititatu shomeya osha lulu, naantu oyendji oya si, sho ya nu omeya ngoka omalulu.
12 Omuyengeli omutine okwa hiki enkuma lye. Nena oshititatu shetango, shomwedhi noshoonyothi osha dhengwa, oyo noya kanitha oshititatu shuuyelele wayo; nokwa kala kwaa na nando uuyelele ethimbo li thike poshititatu shesiku noshuusiku wo.
13 Opo ihe ondu uvu nonda mono ontsa tayi tuka mookathele noya lili newi enene ya ti: “Iihuna! Iihuna! Iihuna otayi ka kala yi thike peni kaantu ayehe yokombanda yevi, uuna omankuma gaayengeli ooyakwawo yatatu taga ka hika!”
