Okupula edhimopo lyoondjo
Episalomi lyaDavid, konima omuprofeti Natan sho a popi naye molwepunduko lyawo naBatseba
1 Kalunga, sila ndje ohenda
omoluuwanawa woye owindji.
Dhima po oondjo dhandje
omolwesilohenda lyoye enene.
2 Yoga ndje uuwinayi wandje auhe,
ngu u thete po ondjo yandje.
3 Omayono gandje onde ga dhimbulula;
oondjo dhandje odhi li aluhe momeho gandje.
4 Okungoye awike nda yono,
nonda ningi shoka ho shi tondo.
Onkee ano ino puka, sho to pangula ndje;
oshu uka, sho to geele ndje.
5 Ngame omulunde okuza kevalo,
okuza kesiku ndyoka nda valelwa muuyuni.
6 Ngoye oto pula, ndi kale moshili;
pe ndje omadhiladhilo ge na oondunge.
7 Kutha po ondjo yandje, ndi kale nda yogekeka;
yoga ndje, ndi kale nda yela
ndi vule oonguwo oontokele.
8 Pulakenitha ndje omawi genyanyu nogeligolo;
nonando wa dhenge ndje nokudhengelela,
otandi ka nyanyukwa natango.
9 Isiikila, waa tale oondjo dhandje,
dhima po omayono gandje agehe.
10 Kalunga, shitila ndje omutima omuyogoki,
ngu u tule meni lyandje ombepo ompe noyevuliko.
11 Ino kutha ndje po koshipala shoye;
ngoye ino kutha ndje Ombepo yoye ondjapuki.
12 Pe ndje natango enyanyu lyomehupitho lyoye,
ngoye u ninge ndje omuvuliki.
13 Nena aalunde otandi ke ya longa okuvulika kiipango yoye,
notaa ka galukila kungoye.
14 Kalunga, omuhupithi gwandje,
keelela ndje ndaa dhipagwe,
notandi ka hokolola nenyanyu uuyuuki woye.
15 Omuwa, makula okana kandje,
e tandi ku hambelele.
16 Omayambo ito ga pumbwa, ando nde ge ku pe;
omafikilondjambo ino ga hokwa.
17 Kalunga, ombepo yi ishonopeka oyo eyambo lyandje,
omutima gwi itedhulula ito gu ekelehi.
18 Kalunga, sila Sion ohenda, ngu u mu kwathe;
tungulula omakuma gaJerusalem.
19 Nena oto ka nyanyukilwa omayambo gu uka nomafikilondjambo getu.
Oondumetana otadhi ka yambelwa koshiyambelo shoye.
Okupula edhimopo lyoondjo
Episalomi lyaDavid, konima omuprofeti Natan sho a popi naye molwepunduko lyawo naBatseba
1 Kalunga, sila ndje ohenda
omoluuwanawa woye owindji.
Dhima po oondjo dhandje
omolwesilohenda lyoye enene.
2 Yoga ndje uuwinayi wandje auhe,
ngu u thete po ondjo yandje.
3 Omayono gandje onde ga dhimbulula;
oondjo dhandje odhi li aluhe momeho gandje.
4 Okungoye awike nda yono,
nonda ningi shoka ho shi tondo.
Onkee ano ino puka, sho to pangula ndje;
oshu uka, sho to geele ndje.
5 Ngame omulunde okuza kevalo,
okuza kesiku ndyoka nda valelwa muuyuni.
6 Ngoye oto pula, ndi kale moshili;
pe ndje omadhiladhilo ge na oondunge.
7 Kutha po ondjo yandje, ndi kale nda yogekeka;
yoga ndje, ndi kale nda yela
ndi vule oonguwo oontokele.
8 Pulakenitha ndje omawi genyanyu nogeligolo;
nonando wa dhenge ndje nokudhengelela,
otandi ka nyanyukwa natango.
9 Isiikila, waa tale oondjo dhandje,
dhima po omayono gandje agehe.
10 Kalunga, shitila ndje omutima omuyogoki,
ngu u tule meni lyandje ombepo ompe noyevuliko.
11 Ino kutha ndje po koshipala shoye;
ngoye ino kutha ndje Ombepo yoye ondjapuki.
12 Pe ndje natango enyanyu lyomehupitho lyoye,
ngoye u ninge ndje omuvuliki.
13 Nena aalunde otandi ke ya longa okuvulika kiipango yoye,
notaa ka galukila kungoye.
14 Kalunga, omuhupithi gwandje,
keelela ndje ndaa dhipagwe,
notandi ka hokolola nenyanyu uuyuuki woye.
15 Omuwa, makula okana kandje,
e tandi ku hambelele.
16 Omayambo ito ga pumbwa, ando nde ge ku pe;
omafikilondjambo ino ga hokwa.
17 Kalunga, ombepo yi ishonopeka oyo eyambo lyandje,
omutima gwi itedhulula ito gu ekelehi.
18 Kalunga, sila Sion ohenda, ngu u mu kwathe;
tungulula omakuma gaJerusalem.
19 Nena oto ka nyanyukilwa omayambo gu uka nomafikilondjambo getu.
Oondumetana otadhi ka yambelwa koshiyambelo shoye.
