Ondjimbo yehambelelo
Episalomi lyaDavid
1 Omuwa, otandi ku pandula nomwenyo aguhe;
montaneho yookalunga otandi ku hambelele.
2 Otandi inyongamene nda taalela otempeli yoye ondjapuki,
ndi simaneke edhina lyoye, omolwesilohenda nuudhiginini woye,
oshoka owa simanekitha edhina lyoye kombanda yaayihe.
3 Sho nde ku ithana,
owu uvu omagalikano gandje;
owa nyatipaleke ndje nowa koleke ndje.
4 Omuwa, aakwaniilwa ayehe kombanda yevi
naye ku simaneke,
oshoka oyu uva oohapu dhoye.
5 Naa tange iilonga yOmuwa,
oshoka esimano lyOmuwa enene.
6 Omuwa, nando ou li pombanda megulu,
oto tonatele aadhinwa,
ihe mbo ye hole uuntsa, itaa vulu oku ku holama.
7 Nando ondi li mokati kuudhigu.
Omwenyo gwandje oto gu gamene.
Oto yelutha okwooko kwoye,
u geele aatondi yandje
e to hupitha ndje noonkondo dhoye.
8 Omuwa, oto shi ningile ndje.
Omuwa, esilohenda lyoye otali kala aluhe;
ino etha iilonga yiikaha yoye.
Ondjimbo yehambelelo
Episalomi lyaDavid
1 Omuwa, otandi ku pandula nomwenyo aguhe;
montaneho yookalunga otandi ku hambelele.
2 Otandi inyongamene nda taalela otempeli yoye ondjapuki,
ndi simaneke edhina lyoye, omolwesilohenda nuudhiginini woye,
oshoka owa simanekitha edhina lyoye kombanda yaayihe.
3 Sho nde ku ithana,
owu uvu omagalikano gandje;
owa nyatipaleke ndje nowa koleke ndje.
4 Omuwa, aakwaniilwa ayehe kombanda yevi
naye ku simaneke,
oshoka oyu uva oohapu dhoye.
5 Naa tange iilonga yOmuwa,
oshoka esimano lyOmuwa enene.
6 Omuwa, nando ou li pombanda megulu,
oto tonatele aadhinwa,
ihe mbo ye hole uuntsa, itaa vulu oku ku holama.
7 Nando ondi li mokati kuudhigu.
Omwenyo gwandje oto gu gamene.
Oto yelutha okwooko kwoye,
u geele aatondi yandje
e to hupitha ndje noonkondo dhoye.
8 Omuwa, oto shi ningile ndje.
Omuwa, esilohenda lyoye otali kala aluhe;
ino etha iilonga yiikaha yoye.
