Okulila kwAaisraeli muupongekwa
1 Otwa kuutumba pomilonga dhaBabilon e tatu lili,
sho twa dhimbulukwa Sion.
2 Uuhumba wetu otwe u tsilike komiti dhopomulonga.
3 Oshoka aahepeki yetu oye tu pula,
tu ya nyanyudhe, ya ti:
“Tu imbileni omaimbilo taga popi Sion.”
4 Otatu vulu ngiini okwiimbila Omuwa
tu li mevi lyuundjendi?
5 Jerusalem, ngele otandi ku dhimbwa,
nena oshikaha shandje shokolulyo nashi lemane.
6 Elaka lyandje nali kakatele kondaathelo,
ngele otandi ku dhimbwa, Jerusalem,
ngoye ngo ho nyanyudha ndje unene!
7 Omuwa, ino dhimbwa, Aaedomi sho ya ningi,
uuna Jerusalem sha teka po.
Oyi igidha ya ti:
“Shi kumunii po, shi teyii po sigo
okomakankameno gasho!”
8 Yaye, shilando Babilon!
Oto ka hanagulwa po.
Omunelago oye ngoka te ku galulile shoka we tu ningile.
9 Omunelago oye ngoka ta kutha uuhanona woye
e te wu ndandele komamanya.
Okulila kwAaisraeli muupongekwa
1 Otwa kuutumba pomilonga dhaBabilon e tatu lili,
sho twa dhimbulukwa Sion.
2 Uuhumba wetu otwe u tsilike komiti dhopomulonga.
3 Oshoka aahepeki yetu oye tu pula,
tu ya nyanyudhe, ya ti:
“Tu imbileni omaimbilo taga popi Sion.”
4 Otatu vulu ngiini okwiimbila Omuwa
tu li mevi lyuundjendi?
5 Jerusalem, ngele otandi ku dhimbwa,
nena oshikaha shandje shokolulyo nashi lemane.
6 Elaka lyandje nali kakatele kondaathelo,
ngele otandi ku dhimbwa, Jerusalem,
ngoye ngo ho nyanyudha ndje unene!
7 Omuwa, ino dhimbwa, Aaedomi sho ya ningi,
uuna Jerusalem sha teka po.
Oyi igidha ya ti:
“Shi kumunii po, shi teyii po sigo
okomakankameno gasho!”
8 Yaye, shilando Babilon!
Oto ka hanagulwa po.
Omunelago oye ngoka te ku galulile shoka we tu ningile.
9 Omunelago oye ngoka ta kutha uuhanona woye
e te wu ndandele komamanya.
