Aakoneki yokuuzilo
1 Jesus sho a valelwa muBetlehem shomuJudea, pethimbo ndyoka Herodes oye a li omukwaniilwa, aakoneki yokuuzilo oye ya kuJerusalem taa ti: 2 “Omukwaniilwa gwAajuda a valwa ngashingeyi, oku li peni? Oshoka onyothi ye otwe yi mono kuuzilo notwe ya okwiinyongamena kuye.”
3 Omukwaniilwa Herodes sho e shi uvu, okwa haluka, nAajerusalem ayehe oya haluka wo. 4 Herodes okwa gongele aayambi aakuluntu ayehe naalongimpango yomoshilongo ashihe nokwe ya pulagula mpoka Kristus ta ka valelwa.
5 Yo oya ti kuye: “OmuBetlehem shomuJudea, oshoka okwa nyolwa ngeyi komuhunganeki:
6 ‘Ongoye Betlehem mevi lyaJuda,
hangoye oshishonashona lya mokati kiilando yepangelo Juda.
Oshoka mungoye otamu zi omuleli
ngoka ta ka litha aantu yandje Aaisraeli.’ ”
7 Onkee ano Herodes okwi ithana aakoneki meholamo nokwe ya pula shili ethimbo, uuna onyothi ya holoka. 8 Oye okwe ya tumu kuBetlehem a ti: “Indeni, mu ka konge nuupenda okanona; ngele mwe ka mono, ileni, mu lombwele ndje, nangame ndi ye, ndi ki inyongamene kuko.”
9 Sho yu uvu oohapu dhomukwaniilwa, oya yi. Nena onyothi ndjoka ya monene kuuzilo, oye ya kwatele komeho noya thikama kombanda yeha mpoka pwa li okanona. Oya matula uuyamba wawo noye ka pe omagano: oshingoli, iitsinino nomagadhi ga nika nawa. 10 Sho ya mono onyothi, oye yi nyanyukilwa noonkondo. 11 Oyo ya yi megumbo, oya mono mo okanona nayina Maria, oya tsu oongolo noye ki inyongamene. Oya matula uuyamba wawo noye ka pe omagano: oshingoli, iitsinino nomagadhi ga nika nawa.
12 Sho ya kumagidhwa kuKalunga mondjodhi, yaa shune we kuHerodes, oya yi nondjila yilwe koshilongo shaandjawo.
Jesus ta falwa kuEgipiti
13 Aakoneki sho ya yi, omuyengeli gwOmuwa okwa holokele Josef mondjodhi a ti: “Thikama, kutha okanona nayina, ngu u tembukile kuEgipiti. Kala hoka, sigo tandi ku lombwele, oshoka Herodes ota kongo okanona e ka dhipage.”
14 Josef okwa thikama, a kutha okanona nayina uusiku nokwa yi kuEgipiti. 15 Oko a kala sigo eso lyaHerodes, opo dhi gwanithwe ndhoka dha popiwa kOmuwa mokana komuhunganeki, sho ta ti: “Omumwandje onde mu ithana muEgipiti.”
Uunona tau dhipagwa
16 Herodes sho a dhimbulula kutya, aakoneki oye mu kotokele, okwa geye noonkondo. Oye okwa tumu kuBetlehem nopuushiinda washo okudhipagitha uunona auhe woomvula mbali naamboka uushona, opathimbo ndyoka e li lombwelwa kaakoneki.
17 Nena odha gwanithwa ndhoka dha popiwa komuhunganeki Jeremia, sho ta ti:
18 “Ekudhilo otali uvika muRama,
elilo enene noosa.
Rakel ta lilile oyana.
Ye ina hala okuhekelekwa,
oshoka oyo kaye po we.”
Jesus ta zi kuEgipiti
19 Herodes sho a si, omuyengeli gwOmuwa okwa holokele Josef mondjodhi muEgipiti 20 nokwa ti kuye: “Thikama, kutha okanona nayina, u shune koshilongo shaIsrael, oshoka mboka ya li ya hala okudhipaga okanona, ya si.” 21 Josef okwa thikama, a kutha okanona nayina nokwa shuna koshilongo shaIsrael.
22 Ano Josef sho u uvu, Arkelaus a ningi omukwaniilwa gwaJudea peha lyahe Herodes, okwa tila okuya ko. Oye sho a londodhwa kuKalunga mondjodhi, okwa ka tula moshilongo shaGalilea. 23 Oye okwa yi nokwa kala moshilando, edhina lyasho Nasaret, opo dhi ninge dhoshili ndhoka dha lombwelwa kaahunganeki kutya: “Oye te ki ithanwa Omunasareti.”
Aakoneki yokuuzilo
1 Jesus sho a valelwa muBetlehem shomuJudea, pethimbo ndyoka Herodes oye a li omukwaniilwa, aakoneki yokuuzilo oye ya kuJerusalem taa ti: 2 “Omukwaniilwa gwAajuda a valwa ngashingeyi, oku li peni? Oshoka onyothi ye otwe yi mono kuuzilo notwe ya okwiinyongamena kuye.”
3 Omukwaniilwa Herodes sho e shi uvu, okwa haluka, nAajerusalem ayehe oya haluka wo. 4 Herodes okwa gongele aayambi aakuluntu ayehe naalongimpango yomoshilongo ashihe nokwe ya pulagula mpoka Kristus ta ka valelwa.
5 Yo oya ti kuye: “OmuBetlehem shomuJudea, oshoka okwa nyolwa ngeyi komuhunganeki:
6 ‘Ongoye Betlehem mevi lyaJuda,
hangoye oshishonashona lya mokati kiilando yepangelo Juda.
Oshoka mungoye otamu zi omuleli
ngoka ta ka litha aantu yandje Aaisraeli.’ ”
7 Onkee ano Herodes okwi ithana aakoneki meholamo nokwe ya pula shili ethimbo, uuna onyothi ya holoka. 8 Oye okwe ya tumu kuBetlehem a ti: “Indeni, mu ka konge nuupenda okanona; ngele mwe ka mono, ileni, mu lombwele ndje, nangame ndi ye, ndi ki inyongamene kuko.”
9 Sho yu uvu oohapu dhomukwaniilwa, oya yi. Nena onyothi ndjoka ya monene kuuzilo, oye ya kwatele komeho noya thikama kombanda yeha mpoka pwa li okanona. Oya matula uuyamba wawo noye ka pe omagano: oshingoli, iitsinino nomagadhi ga nika nawa. 10 Sho ya mono onyothi, oye yi nyanyukilwa noonkondo. 11 Oyo ya yi megumbo, oya mono mo okanona nayina Maria, oya tsu oongolo noye ki inyongamene. Oya matula uuyamba wawo noye ka pe omagano: oshingoli, iitsinino nomagadhi ga nika nawa.
12 Sho ya kumagidhwa kuKalunga mondjodhi, yaa shune we kuHerodes, oya yi nondjila yilwe koshilongo shaandjawo.
Jesus ta falwa kuEgipiti
13 Aakoneki sho ya yi, omuyengeli gwOmuwa okwa holokele Josef mondjodhi a ti: “Thikama, kutha okanona nayina, ngu u tembukile kuEgipiti. Kala hoka, sigo tandi ku lombwele, oshoka Herodes ota kongo okanona e ka dhipage.”
14 Josef okwa thikama, a kutha okanona nayina uusiku nokwa yi kuEgipiti. 15 Oko a kala sigo eso lyaHerodes, opo dhi gwanithwe ndhoka dha popiwa kOmuwa mokana komuhunganeki, sho ta ti: “Omumwandje onde mu ithana muEgipiti.”
Uunona tau dhipagwa
16 Herodes sho a dhimbulula kutya, aakoneki oye mu kotokele, okwa geye noonkondo. Oye okwa tumu kuBetlehem nopuushiinda washo okudhipagitha uunona auhe woomvula mbali naamboka uushona, opathimbo ndyoka e li lombwelwa kaakoneki.
17 Nena odha gwanithwa ndhoka dha popiwa komuhunganeki Jeremia, sho ta ti:
18 “Ekudhilo otali uvika muRama,
elilo enene noosa.
Rakel ta lilile oyana.
Ye ina hala okuhekelekwa,
oshoka oyo kaye po we.”
Jesus ta zi kuEgipiti
19 Herodes sho a si, omuyengeli gwOmuwa okwa holokele Josef mondjodhi muEgipiti 20 nokwa ti kuye: “Thikama, kutha okanona nayina, u shune koshilongo shaIsrael, oshoka mboka ya li ya hala okudhipaga okanona, ya si.” 21 Josef okwa thikama, a kutha okanona nayina nokwa shuna koshilongo shaIsrael.
22 Ano Josef sho u uvu, Arkelaus a ningi omukwaniilwa gwaJudea peha lyahe Herodes, okwa tila okuya ko. Oye sho a londodhwa kuKalunga mondjodhi, okwa ka tula moshilongo shaGalilea. 23 Oye okwa yi nokwa kala moshilando, edhina lyasho Nasaret, opo dhi ninge dhoshili ndhoka dha lombwelwa kaahunganeki kutya: “Oye te ki ithanwa Omunasareti.”
