Aafarisayi oya hala oshikumithalonga
(Mrk. 8:11-13Luk. 12:54-56)1 Ano aafarisayi naasadukayi oye ya kuJesus ya hala oku mu makela noye mu indile, e ya talithe oshikumithalonga shokuulika kutya ota longithwa kuKalunga. 2 Jesus okwe ya yamukula a ti: “Ethimbo lyongulohi ohamu ti: ‘Otaku ka kala ombepo ombwanawa, oshoka egulu olya tiligana.’ 3 Ongula onene ohamu ti: ‘Nena otatu ka mona omvula yoshikungulu, oshoka egulu olya tiligana nolya luudha.’ Omu shi kundhindhilika oshipala shegulu, ihe omandhindhiliko gomathimbo kamu shi ku ga dhimbulula. 4 Aantu yopethimbo ndika aawinayi naahondeli, omwa hala oshikumithalonga, ihe itamu pewa oshikumithalonga shilwe, osho tuu shoka shaJona.” Oye nokwe ya thigi po e ta yi.
Efulika lyaafarisayi naasadukayi
(Mrk. 8:14-21)5 Ano aalongwa sho ya taagulukile komunkulo gwahandiyaka yefuta, oya dhimbwa okweetelela iikwiila. 6 Jesus okwa ti kuyo: “Kotokeleni, ne mu iyageke efulika lyaafarisayi naasadukayi.”
7 Oyo ya lombwelathana ya ti: “Ota popi molwaashoka inaatu za ko niikwiila.”
8 Jesus sho e shi dhimbulula, okwa ti kuyo: “Ooyitaali ne aankundi, omolwashike tamu ilombwele kutya omolwashono inaamu za ko niikwiila? 9 Kamu uvite ko natango, ne inamu dhimbulukwa iikwiila mbiyaka itano kaantu omayuvi gatano, noontungwa ngapi mwa toola dhiihupe? 10 Osho wo iikwiila mbiyaka iheyali kaantu omayuvi gane, noontungwa ngapi mwa toola iihupe? 11 Omolwashike kaamu uvite ko natango kutya ngame inandi popya kombinga yiikwiila? Ihe onda popi efulika lyaafarisayi naasadukayi.”
12 Oyo noyu uvu ko ihe kutya ine ya lombwela okwiiyageka efulika lyiikwiila, ihe elongo lyaafarisayi naasadukayi.
Ehempululo lyaPetrus
(Mrk. 8:27-30Luk. 9:18-21)13 Jesus sho e ya komikunda dhaKesarea Filippi, okwa pula aalongwa ye e ta ti: “Aantu otaa ti ngiini, Omuna gwOmuntu oye lye?”
14 Oyo oya ti: “Aantu yamwe otaa ti oJohannes Omushashi, yamwe otaa ti oElia, yamwe otaa ti oJeremia nenge gumwe gwomaahunganeki.”
15 Oye a ti kuyo: “Ne otamu tile ndje ngiini, ongame lye?”
16 Nena Simon Petrus okwe mu yamukula a ti: “Ongoye Kristus, Omuna gwaKalunga omunamwenyo.”
17 Jesus okwe mu yamukula a ti: “Ongoye omunelago, Simon yaJona, oshoka kaku na nando omuntu gumwe e ku hololele shino, aawe, oTate megulu. 18 Nangame wo otandi ku lombwele: Ongoye emanya, Petrus, nokemanya tuu ndika otandi tungile ko egongalo lyandje, lyo itali ka sindwa nando okoonkondo dheso. 19 Ongame tandi ku pe iipatululo yOshilongo shegulu. Shoka to shi manga kombanda yevi, otashi kala sha mangwa nomegulu. Ihe shono to shi mangulula kombanda yevi, nomegulu wo otashi kala sha mangululwa.”
20 Nena okwi indike aalongwa ye oku shi lombwela nando omuntu kutya oye Kristus.
Jesus ta popi okuhepekwa kwe nokulandulwa kwe
(Mrk. 8:31—9:1Luk. 9:22-27)21 Okuza mpoka Jesus okwa tameke okuhololela aalongwa ye kutya oku na okuya kuJerusalem oku ka hepekwa nomahepeko ogendji kaakuluntu, kaayambi aakuluntu nokaalongimpango. Oye ta dhipagwa, ihe esiku etitatu ota yumudhwa.
22 Petrus okwe mu kutha paantu nokwa tameke oku mu ganda a ti: “Omuwa, shi valelwe, u ningwe ngaaka!”
23 Ihe Jesus okwa punguluka e ta ti kuPetrus: “Za po pungame, Satana! Ongoye omwigo gwandje, oshoka ito dhiladhila shoka shopaKalunga, ihe ooshoka shopantu.”
24 Opo ihe Jesus okwa lombwele aalongwa ye: “Ngele ku na ngoka, a hala okulandula ndje, oye ni idhimbwe ye mwene, ni itsike omushigakano gwe, ye na landule ndje. 25 Oshoka oongoka a hala okuhupitha omwenyo gwe, oye te gu kanitha, ihe ngoka ta kanitha omwenyo gwe omolwandje, oye te gu ilikolele. 26 Oshoka otashi kwatha shike, omuntu nando ni ilikolele uuyuni auhe, ye e ta kanitha omwenyo gwe? Nenge omuntu ota gandja shike, shi ninge ekulilo lyomwenyo gwe? 27 Oshoka Omuna gwOmuntu ote ke ya e li mesimano lyaHe pamwe naayengeli ye nota futu kehe gumwe shi thike piilonga ye. 28 Otandi mu lombwele: Opu na yamwe mwaambaka ya thikama mpaka itaa makele eso, sigo taa mono okugaluka kwOmuna gwOmuntu, te ya omukwaniilwa.”
Aafarisayi oya hala oshikumithalonga
(Mrk. 8:11-13Luk. 12:54-56)1 Ano aafarisayi naasadukayi oye ya kuJesus ya hala oku mu makela noye mu indile, e ya talithe oshikumithalonga shokuulika kutya ota longithwa kuKalunga. 2 Jesus okwe ya yamukula a ti: “Ethimbo lyongulohi ohamu ti: ‘Otaku ka kala ombepo ombwanawa, oshoka egulu olya tiligana.’ 3 Ongula onene ohamu ti: ‘Nena otatu ka mona omvula yoshikungulu, oshoka egulu olya tiligana nolya luudha.’ Omu shi kundhindhilika oshipala shegulu, ihe omandhindhiliko gomathimbo kamu shi ku ga dhimbulula. 4 Aantu yopethimbo ndika aawinayi naahondeli, omwa hala oshikumithalonga, ihe itamu pewa oshikumithalonga shilwe, osho tuu shoka shaJona.” Oye nokwe ya thigi po e ta yi.
Efulika lyaafarisayi naasadukayi
(Mrk. 8:14-21)5 Ano aalongwa sho ya taagulukile komunkulo gwahandiyaka yefuta, oya dhimbwa okweetelela iikwiila. 6 Jesus okwa ti kuyo: “Kotokeleni, ne mu iyageke efulika lyaafarisayi naasadukayi.”
7 Oyo ya lombwelathana ya ti: “Ota popi molwaashoka inaatu za ko niikwiila.”
8 Jesus sho e shi dhimbulula, okwa ti kuyo: “Ooyitaali ne aankundi, omolwashike tamu ilombwele kutya omolwashono inaamu za ko niikwiila? 9 Kamu uvite ko natango, ne inamu dhimbulukwa iikwiila mbiyaka itano kaantu omayuvi gatano, noontungwa ngapi mwa toola dhiihupe? 10 Osho wo iikwiila mbiyaka iheyali kaantu omayuvi gane, noontungwa ngapi mwa toola iihupe? 11 Omolwashike kaamu uvite ko natango kutya ngame inandi popya kombinga yiikwiila? Ihe onda popi efulika lyaafarisayi naasadukayi.”
12 Oyo noyu uvu ko ihe kutya ine ya lombwela okwiiyageka efulika lyiikwiila, ihe elongo lyaafarisayi naasadukayi.
Ehempululo lyaPetrus
(Mrk. 8:27-30Luk. 9:18-21)13 Jesus sho e ya komikunda dhaKesarea Filippi, okwa pula aalongwa ye e ta ti: “Aantu otaa ti ngiini, Omuna gwOmuntu oye lye?”
14 Oyo oya ti: “Aantu yamwe otaa ti oJohannes Omushashi, yamwe otaa ti oElia, yamwe otaa ti oJeremia nenge gumwe gwomaahunganeki.”
15 Oye a ti kuyo: “Ne otamu tile ndje ngiini, ongame lye?”
16 Nena Simon Petrus okwe mu yamukula a ti: “Ongoye Kristus, Omuna gwaKalunga omunamwenyo.”
17 Jesus okwe mu yamukula a ti: “Ongoye omunelago, Simon yaJona, oshoka kaku na nando omuntu gumwe e ku hololele shino, aawe, oTate megulu. 18 Nangame wo otandi ku lombwele: Ongoye emanya, Petrus, nokemanya tuu ndika otandi tungile ko egongalo lyandje, lyo itali ka sindwa nando okoonkondo dheso. 19 Ongame tandi ku pe iipatululo yOshilongo shegulu. Shoka to shi manga kombanda yevi, otashi kala sha mangwa nomegulu. Ihe shono to shi mangulula kombanda yevi, nomegulu wo otashi kala sha mangululwa.”
20 Nena okwi indike aalongwa ye oku shi lombwela nando omuntu kutya oye Kristus.
Jesus ta popi okuhepekwa kwe nokulandulwa kwe
(Mrk. 8:31—9:1Luk. 9:22-27)21 Okuza mpoka Jesus okwa tameke okuhololela aalongwa ye kutya oku na okuya kuJerusalem oku ka hepekwa nomahepeko ogendji kaakuluntu, kaayambi aakuluntu nokaalongimpango. Oye ta dhipagwa, ihe esiku etitatu ota yumudhwa.
22 Petrus okwe mu kutha paantu nokwa tameke oku mu ganda a ti: “Omuwa, shi valelwe, u ningwe ngaaka!”
23 Ihe Jesus okwa punguluka e ta ti kuPetrus: “Za po pungame, Satana! Ongoye omwigo gwandje, oshoka ito dhiladhila shoka shopaKalunga, ihe ooshoka shopantu.”
24 Opo ihe Jesus okwa lombwele aalongwa ye: “Ngele ku na ngoka, a hala okulandula ndje, oye ni idhimbwe ye mwene, ni itsike omushigakano gwe, ye na landule ndje. 25 Oshoka oongoka a hala okuhupitha omwenyo gwe, oye te gu kanitha, ihe ngoka ta kanitha omwenyo gwe omolwandje, oye te gu ilikolele. 26 Oshoka otashi kwatha shike, omuntu nando ni ilikolele uuyuni auhe, ye e ta kanitha omwenyo gwe? Nenge omuntu ota gandja shike, shi ninge ekulilo lyomwenyo gwe? 27 Oshoka Omuna gwOmuntu ote ke ya e li mesimano lyaHe pamwe naayengeli ye nota futu kehe gumwe shi thike piilonga ye. 28 Otandi mu lombwele: Opu na yamwe mwaambaka ya thikama mpaka itaa makele eso, sigo taa mono okugaluka kwOmuna gwOmuntu, te ya omukwaniilwa.”
