1 Momwedhi omutiheyali gwomumvo ngoka Ismael yaNetania, omutekulu gwaElishama, gwomezimo lyaawa, gumwe gwomomalenga omakuluntu, okwa yi kuMispa e na aalumentu omulongo, a ka talele po Gedalia. Manga ya li taa li uulalelo, 2 Ismael pamwe naalumentu omulongo oya pweya mo omagongamwele gawo e taa dhipaga Gedalia. 3 Ismael okwa dhipaga Aaisraeli ayehe ya li puGedalia puMispa, osho wo aakwiita Aababilonia mboka ya li po.
4 Ongula sho kwa shi, manga aantu kaaye shi po sha, 5 aalumentu omilongo hetatu oya thiki ya zi kuShekem, Shilo naSamaria. Oya li ya kulula oombenzi dhawo, ya tuula oonguwo dhawo, yo yi ishata oontsa. Oya li ye na iikulya niitsinino, ya ka yambele motempeli yOmuwa. 6 Ismael okwa zi muMispa, e ke ya tsakaneke, te ende ta lili. Sho a thiki kuyo, okwa ti: “Ileni mu tale Gedalia yaAhikam.” 7 Nanziya sho ya yi meni lyoshilando, Ismael naantu ye oye ya dhipaga po e taa umbile omidhimba dhawo momuthima.
8 Ihe mongundu yawo omwa li aalumentu omulongo, mboka ya lombwele Ismael ya ti: “Ino tu dhipaga. Otu na osiima, iishokelya, omagadhi gooholivi nomagadhi goonyushi ga holekwa momapya.” Onkee okwe ya hupitha ko. 9 Momuthima moka Ismael u umbile omidhimba dhaantu mboka a dhipaga, ogwa li omunene gwa hupilwe komukwaniilwa Asa, sho a li a homonwa komukwaniilwa gwaIsrael Baasha. Ismael okwe gu udha omidhimba. 10 Opo ihe okwa kwata po oonkwatwa aakadhona aana yokombanda noshihupe shaantu mboka ya li muMispa, oomboka Nebusaradan, elenga ekuluntu lyaalangeli, lye ya thigile melelo lyaGedalia yaAhikam. Ismael okwe ya kwata po e tu uka nayo lwokoshilongo Ammon.
11 Johanan yaKarea noondjayi dhiita ndhoka dha li puye, odha kundana iihuna mbyoka Ismael a longo. 12 Odhe mu landula dhi li naantu yadho e tadhi mu adha petale lyaGibeon. 13 Oonkwatwa dhaIsmael sho dha mono Johanan noondjayi adhihe dhi li puye, oya nyanyukwa 14 noya galuka e taa matukile kudho. 15 Ihe Ismael naalumentu ye yahetatu oya fadhuka po Johanan e taa ka holama mevi lyaAmmon.
16 Johanan noondjayi dhiita odha kutha aantu mboka ya li ya kwatwa po kuIsmael, sho a dhipaga po Gedalia — aakwiita, aakulukadhi, aanona naathonwantu. 17-18 Oya li ya tila Aababilonia, oshoka Ismael okwa dhipaga Gedalia, ngoka omukwaniilwa gwaBabilonia e mu langeke omuleli gwoshilongo. Onkee oya dhiladhila okutembukila kuEgipiti, ya ka holame Aababilonia. Mondjila oya kankama puGerut-Kimham popepi naBetlehem.
1 Momwedhi omutiheyali gwomumvo ngoka Ismael yaNetania, omutekulu gwaElishama, gwomezimo lyaawa, gumwe gwomomalenga omakuluntu, okwa yi kuMispa e na aalumentu omulongo, a ka talele po Gedalia. Manga ya li taa li uulalelo, 2 Ismael pamwe naalumentu omulongo oya pweya mo omagongamwele gawo e taa dhipaga Gedalia. 3 Ismael okwa dhipaga Aaisraeli ayehe ya li puGedalia puMispa, osho wo aakwiita Aababilonia mboka ya li po.
4 Ongula sho kwa shi, manga aantu kaaye shi po sha, 5 aalumentu omilongo hetatu oya thiki ya zi kuShekem, Shilo naSamaria. Oya li ya kulula oombenzi dhawo, ya tuula oonguwo dhawo, yo yi ishata oontsa. Oya li ye na iikulya niitsinino, ya ka yambele motempeli yOmuwa. 6 Ismael okwa zi muMispa, e ke ya tsakaneke, te ende ta lili. Sho a thiki kuyo, okwa ti: “Ileni mu tale Gedalia yaAhikam.” 7 Nanziya sho ya yi meni lyoshilando, Ismael naantu ye oye ya dhipaga po e taa umbile omidhimba dhawo momuthima.
8 Ihe mongundu yawo omwa li aalumentu omulongo, mboka ya lombwele Ismael ya ti: “Ino tu dhipaga. Otu na osiima, iishokelya, omagadhi gooholivi nomagadhi goonyushi ga holekwa momapya.” Onkee okwe ya hupitha ko. 9 Momuthima moka Ismael u umbile omidhimba dhaantu mboka a dhipaga, ogwa li omunene gwa hupilwe komukwaniilwa Asa, sho a li a homonwa komukwaniilwa gwaIsrael Baasha. Ismael okwe gu udha omidhimba. 10 Opo ihe okwa kwata po oonkwatwa aakadhona aana yokombanda noshihupe shaantu mboka ya li muMispa, oomboka Nebusaradan, elenga ekuluntu lyaalangeli, lye ya thigile melelo lyaGedalia yaAhikam. Ismael okwe ya kwata po e tu uka nayo lwokoshilongo Ammon.
11 Johanan yaKarea noondjayi dhiita ndhoka dha li puye, odha kundana iihuna mbyoka Ismael a longo. 12 Odhe mu landula dhi li naantu yadho e tadhi mu adha petale lyaGibeon. 13 Oonkwatwa dhaIsmael sho dha mono Johanan noondjayi adhihe dhi li puye, oya nyanyukwa 14 noya galuka e taa matukile kudho. 15 Ihe Ismael naalumentu ye yahetatu oya fadhuka po Johanan e taa ka holama mevi lyaAmmon.
16 Johanan noondjayi dhiita odha kutha aantu mboka ya li ya kwatwa po kuIsmael, sho a dhipaga po Gedalia — aakwiita, aakulukadhi, aanona naathonwantu. 17-18 Oya li ya tila Aababilonia, oshoka Ismael okwa dhipaga Gedalia, ngoka omukwaniilwa gwaBabilonia e mu langeke omuleli gwoshilongo. Onkee oya dhiladhila okutembukila kuEgipiti, ya ka holame Aababilonia. Mondjila oya kankama puGerut-Kimham popepi naBetlehem.
