Etungululo lyaIsrael
1 Omuwa, Kalunga kaIsrael, 2 okwa lombwele ndje a ti: “Nyolela membo ashihe shoka nde ku lombwele, 3 oshoka ethimbo otali ya, uuna tandi ka galula aantu yandje Aaisraeli nAajuda. Otandi ke ya galulila koshilongo nde shi pele oohekulu, notaye shi lalulula ishewe, shi ninge eliko lyawo. Ongame, Omuwa, nda popi.”
4 Omuwa ota lombwele Aaisraeli nAajuda ta ti:
5 “Otandi uvu onkugo yuumbanda,
ekugagano lyetilo nolyaa shi lyombili.
6 Mweneni, ne mu shi dhiladhile!
Omusamane ota ningi tuu omusimba?
Omolwashike ano ndi wete omusamane kehe ti ikwatakwata mepunda,
ngaashi omukulukadhi ta thetwa?
Omolwashike ano kehe ngoka a pemba?
7 Esiku etilithilela otali ya;
kape na esiku tali yelekwa nalyo —
esiku lyoshiponga kuJakob,
ihe ota ka hupithwa mo mulyo.”
8 Omuwa Omunankondoawike ota ti: “Esiku ndyoka otandi ka teya po ondjoko ndjoka ya kutilwa moothingo dhawo nokudhitulula omalyenge gawo, oyo noitaa ka kala we aapika yaakwiilongo. 9 Otaa ka longela ndje, Omuwa, Kalunga kawo, noluvalo lwaDavid, ngoka tandi kwaniileke,
10 “Omupiya gwandje Jakob, ino tila;
oshigwana shaIsrael, ino haluka.
Otandi ke mu hupitha moshilongo shokokule,
moshilongo moka mwa pongekelwa mo.
Otamu ka galukila kegumbo notamu kala nombili;
otamu ka gamenwa, nokape na ngoka te mu tilitha.
11 Otandi ke ya kune, ndi mu hupithe.
Otandi ka hanagula po iigwana yaahoka nde mu halakanithile,
ihe itandi mu hanagula po.
Itandi mu etha inaandi mu geela,
ihe otandi mu putudha nuuyuuki.
Ongame, Omuwa, nda popi.”
12 Omuwa ota lombwele oshigwana she ta ti:
“Oshilalo shoye kashi shi kupangwa,
nuuvu woye waa shi kwaaludhwa.
13 Kaku na ngoka te ku hungu,
kape na omuti omolwoshilalo shoye,
noitashi ka thootela.
14 Aaholi yoye ayehe oye ku dhimbwa;
kaye na ko nasha nangoye.
Onde ku ponokele nda fa omutondi;
egeelo lyoye olya ningi enene,
oshoka omayono goye ogendji,
nuukolokoshi woye uunene.
15 Ino ngungutula we moluuvu woye,
uuwehame woye kau na ealuko.
Onde ku geele ngaaka,
oshoka omayono goye ogendji,
nuukolokoshi woye uunene.
16 Ihe ayehe mboka haye ku li po, otaa ka liwa po,
naatondi yoye ayehe otaa ka falwa muupongekwa.
Ayehe mboka taa ku hepeke, otaa ka hepekwa,
naamboka taye ku yugu, otaa ka yugwa.
17 Otandi ke ku aludha ishewe,
otandi ka panga iilalo yoye,
nando aatondi yoye naa tye:
‘Sion a ekelwahi,
kaku na ngoka te mu sile oshimpwiyu.’
Ongame, Omuwa, nda popi.”
18 Omuwa ota ti:
“Otandi ka galulila aantu yandje kevi lyawo,
nezimo kehe tandi li sile ohenda;
Jerusalem otashi ka tungululwa,
nuuwa washo otau ka dhikwa ishewe.
19 Aantu yamo otaa ka imba ekandanga;
otaa ka ligola kenyanyu.
Okeyambeko lyandje taa ka indjipala;
eyambeko lyandje otali ya simanekitha.
20 Aana yawo otaa ka kala ngaashi muuyuni wonale,
egongalo lyawo otali ka kala lya kola koshipala shandje;
otandi ka geela mboka taye ya hepeke.
21-22 Omupangeli gwawo ota ka za moshigwana shawo yene,
omuleli gwawo omokati kaantu yawo yene.
Ota ka hedha kungame, nge tandi mu ithana,
oshoka olye te shi vulu inaa ithanwa?
Otaa ka ninga aantu yandje,
notandi kala Kalunga kawo.
Ongame, Omuwa, nda popi.”
23-24 Ondjahi yOmuwa oyo oshikungulu, ombepo yeshikanyandi tayi pepele omitse dhaakolokoshi. Itayi kodha, sigo a gwanitha ayihe mbyoka a dhiladhila e yi ninge. Esiku otali ya, uuna aantu ye taa ka yelelwa kumbika.
Etungululo lyaIsrael
1 Omuwa, Kalunga kaIsrael, 2 okwa lombwele ndje a ti: “Nyolela membo ashihe shoka nde ku lombwele, 3 oshoka ethimbo otali ya, uuna tandi ka galula aantu yandje Aaisraeli nAajuda. Otandi ke ya galulila koshilongo nde shi pele oohekulu, notaye shi lalulula ishewe, shi ninge eliko lyawo. Ongame, Omuwa, nda popi.”
4 Omuwa ota lombwele Aaisraeli nAajuda ta ti:
5 “Otandi uvu onkugo yuumbanda,
ekugagano lyetilo nolyaa shi lyombili.
6 Mweneni, ne mu shi dhiladhile!
Omusamane ota ningi tuu omusimba?
Omolwashike ano ndi wete omusamane kehe ti ikwatakwata mepunda,
ngaashi omukulukadhi ta thetwa?
Omolwashike ano kehe ngoka a pemba?
7 Esiku etilithilela otali ya;
kape na esiku tali yelekwa nalyo —
esiku lyoshiponga kuJakob,
ihe ota ka hupithwa mo mulyo.”
8 Omuwa Omunankondoawike ota ti: “Esiku ndyoka otandi ka teya po ondjoko ndjoka ya kutilwa moothingo dhawo nokudhitulula omalyenge gawo, oyo noitaa ka kala we aapika yaakwiilongo. 9 Otaa ka longela ndje, Omuwa, Kalunga kawo, noluvalo lwaDavid, ngoka tandi kwaniileke,
10 “Omupiya gwandje Jakob, ino tila;
oshigwana shaIsrael, ino haluka.
Otandi ke mu hupitha moshilongo shokokule,
moshilongo moka mwa pongekelwa mo.
Otamu ka galukila kegumbo notamu kala nombili;
otamu ka gamenwa, nokape na ngoka te mu tilitha.
11 Otandi ke ya kune, ndi mu hupithe.
Otandi ka hanagula po iigwana yaahoka nde mu halakanithile,
ihe itandi mu hanagula po.
Itandi mu etha inaandi mu geela,
ihe otandi mu putudha nuuyuuki.
Ongame, Omuwa, nda popi.”
12 Omuwa ota lombwele oshigwana she ta ti:
“Oshilalo shoye kashi shi kupangwa,
nuuvu woye waa shi kwaaludhwa.
13 Kaku na ngoka te ku hungu,
kape na omuti omolwoshilalo shoye,
noitashi ka thootela.
14 Aaholi yoye ayehe oye ku dhimbwa;
kaye na ko nasha nangoye.
Onde ku ponokele nda fa omutondi;
egeelo lyoye olya ningi enene,
oshoka omayono goye ogendji,
nuukolokoshi woye uunene.
15 Ino ngungutula we moluuvu woye,
uuwehame woye kau na ealuko.
Onde ku geele ngaaka,
oshoka omayono goye ogendji,
nuukolokoshi woye uunene.
16 Ihe ayehe mboka haye ku li po, otaa ka liwa po,
naatondi yoye ayehe otaa ka falwa muupongekwa.
Ayehe mboka taa ku hepeke, otaa ka hepekwa,
naamboka taye ku yugu, otaa ka yugwa.
17 Otandi ke ku aludha ishewe,
otandi ka panga iilalo yoye,
nando aatondi yoye naa tye:
‘Sion a ekelwahi,
kaku na ngoka te mu sile oshimpwiyu.’
Ongame, Omuwa, nda popi.”
18 Omuwa ota ti:
“Otandi ka galulila aantu yandje kevi lyawo,
nezimo kehe tandi li sile ohenda;
Jerusalem otashi ka tungululwa,
nuuwa washo otau ka dhikwa ishewe.
19 Aantu yamo otaa ka imba ekandanga;
otaa ka ligola kenyanyu.
Okeyambeko lyandje taa ka indjipala;
eyambeko lyandje otali ya simanekitha.
20 Aana yawo otaa ka kala ngaashi muuyuni wonale,
egongalo lyawo otali ka kala lya kola koshipala shandje;
otandi ka geela mboka taye ya hepeke.
21-22 Omupangeli gwawo ota ka za moshigwana shawo yene,
omuleli gwawo omokati kaantu yawo yene.
Ota ka hedha kungame, nge tandi mu ithana,
oshoka olye te shi vulu inaa ithanwa?
Otaa ka ninga aantu yandje,
notandi kala Kalunga kawo.
Ongame, Omuwa, nda popi.”
23-24 Ondjahi yOmuwa oyo oshikungulu, ombepo yeshikanyandi tayi pepele omitse dhaakolokoshi. Itayi kodha, sigo a gwanitha ayihe mbyoka a dhiladhila e yi ninge. Esiku otali ya, uuna aantu ye taa ka yelelwa kumbika.
