Ehunguno lyondjoko
1 Petameko lyelelo lyaSedekia yaJosia, omukwaniilwa gwaJuda, Omuwa okwa lombwele ndje, 2 ndi ihongele ondjoko noositolopa dhoongodhi niisikayiwa ndi yi ikutile kothingo. 3 Nandi tume elaka kaakwaniilwa kuEdom, Moab, Ammon, Tiro naSidon naatumwa yawo mboka yi ile kuJerusalem, ya tale omukwaniilwa Sedekia. 4 Omuwa Omunankondoawike, Kalunga kaIsrael, okwa ti kungame, ndi ya lombwele ya faalele aakwaniilwa yawo etumwalaka lye tali ti: 5 “Koonkondo nokomatha gandje onda shiti uuyuni naantu niinamwenyo ayihe mbyoka yi li kombanda yevi; otandi li gandja kungoka nde mu hokwa. 6 Ngashingeyi otandi gandja iilongo mbika ayihe mepangelo lyomupiya gwandje, omukwaniilwa gwaBabilon, Nebukadnezzar, niiyamakuti otayi mu longele. 7 Iigwana ayihe otayi mu longele, otayi ka longela wo omwana nomutekulu gwe, sigo ethimbo lyetekopo lyoshilongo she lya thikana. Nena oshilongo she otashi ka longela iigwana yilwe naakwaniilwa aanankondo.
8 “Ihe oshigwana kehe nenge oshilongo shoka itaashi ki igandja kelelo lye, otandi ke shi tokolela iita, ondjala nelega, sigo nde etha Nebukadnezzar e shi hanagule po thiluthilu. 9 Inamu pulakena aahunganeki yeni nenge aayanekeli nenge aafatululi yoondjodhi noyomandhindhiliko nenge oompulile dheni. Ayehe otaye mu lombwele kutya itamu ka longela omukwaniilwa gwaBabilon. 10 Otaye mu kotokele notaye mu kuthitha po, mu falwe kokule noshilongo sheni. Otandi ke mu tidha mo, notamu ka hanagulwa po. 11 Ihe ngele oku na oshigwana tashi igandja komukwaniilwa gwaBabilon, shi mu longele, otandi shi kaleke mevi lyasho shene; otashi li longo nokukala mo. Ongame, Omuwa, nda popi.”
12 Shika onde shi lombwele wo omukwaniilwa gwaJuda Sedekia nda ti: “Igandjeni komukwaniilwa gwaBabilon. Mu longeleni naantu ye notamu kala mu na omwenyo. 13 Omolwashike ne naantu yeni mu na okusila miita, mondjala nomelega? Omuwa ota ti, shika otashi ningilwa oshigwana kehe itaashi igandja komukwaniilwa gwaBabilon. 14 Inamu pulakena kaahunganeki mboka taye mu lombwele, mwaa igandje kuye. Otaye mu tula muugoya. 15 Omuwa ota ti, ine ya tuma nando, oyo notaye mu fundju taa popi medhina lye. Otaye eta ashike, mu tidhwe mo ne mu ka dhipagwe pamwe naahunganeki mboka taye mu lombwele iifundja mbika.”
16 Onda lombwele aayambi noshigwana ashihe kutya Omuwa ota ti: “Inamu pulakena aahunganeki mboka taa ti, iikwaniipangitho yomotempeli otayi galulwa ko mbala kuBabilon. Otaye mu fundju. 17 Inamu ya pulakena! Igandjeni komukwaniilwa gwaBabilonia notamu kala mu na omwenyo! Omolwashike oshilando shika shi na okuninga ondumba yomakulukuma? 18 Ngele yo aahunganeki shili nongele oye na elaka lyOmuwa, naa galikane Omuwa Omunankondoawike, kaa pitike iiyuma mbyoka ya hupile motempeli nomuuwa, yi falwe kuBabilonia.”
19-20 (Omukwaniilwa Nebukadnezzar sho a fala omukwaniilwa gwaJuda Jehoiakin yaJehoiakim pamwe naawiliki yaJuda naJerusalem kuBabilonia, okwa thigi po oongudhi, ondama yoshikushu, uutemba niikwaniipangitho yilwe yomotempeli.)
21 “Pulakeneni shoka ngame, Omuwa Omunankondoawike, Kalunga kaIsrael, tandi popi iikwaniipangitho mbyoka ya thigala motempeli nomuuwa muJerusalem: 22 Otayi ka falwa kuBabilonia notayi ka kala hoka sigo esiku ndyoka tandi yi dhimbulukwa. Opo ihe tandi ke yi galulila meha ndika noku yi pungulila mo. Ongame, Omuwa, nda popi.”
Ehunguno lyondjoko
1 Petameko lyelelo lyaSedekia yaJosia, omukwaniilwa gwaJuda, Omuwa okwa lombwele ndje, 2 ndi ihongele ondjoko noositolopa dhoongodhi niisikayiwa ndi yi ikutile kothingo. 3 Nandi tume elaka kaakwaniilwa kuEdom, Moab, Ammon, Tiro naSidon naatumwa yawo mboka yi ile kuJerusalem, ya tale omukwaniilwa Sedekia. 4 Omuwa Omunankondoawike, Kalunga kaIsrael, okwa ti kungame, ndi ya lombwele ya faalele aakwaniilwa yawo etumwalaka lye tali ti: 5 “Koonkondo nokomatha gandje onda shiti uuyuni naantu niinamwenyo ayihe mbyoka yi li kombanda yevi; otandi li gandja kungoka nde mu hokwa. 6 Ngashingeyi otandi gandja iilongo mbika ayihe mepangelo lyomupiya gwandje, omukwaniilwa gwaBabilon, Nebukadnezzar, niiyamakuti otayi mu longele. 7 Iigwana ayihe otayi mu longele, otayi ka longela wo omwana nomutekulu gwe, sigo ethimbo lyetekopo lyoshilongo she lya thikana. Nena oshilongo she otashi ka longela iigwana yilwe naakwaniilwa aanankondo.
8 “Ihe oshigwana kehe nenge oshilongo shoka itaashi ki igandja kelelo lye, otandi ke shi tokolela iita, ondjala nelega, sigo nde etha Nebukadnezzar e shi hanagule po thiluthilu. 9 Inamu pulakena aahunganeki yeni nenge aayanekeli nenge aafatululi yoondjodhi noyomandhindhiliko nenge oompulile dheni. Ayehe otaye mu lombwele kutya itamu ka longela omukwaniilwa gwaBabilon. 10 Otaye mu kotokele notaye mu kuthitha po, mu falwe kokule noshilongo sheni. Otandi ke mu tidha mo, notamu ka hanagulwa po. 11 Ihe ngele oku na oshigwana tashi igandja komukwaniilwa gwaBabilon, shi mu longele, otandi shi kaleke mevi lyasho shene; otashi li longo nokukala mo. Ongame, Omuwa, nda popi.”
12 Shika onde shi lombwele wo omukwaniilwa gwaJuda Sedekia nda ti: “Igandjeni komukwaniilwa gwaBabilon. Mu longeleni naantu ye notamu kala mu na omwenyo. 13 Omolwashike ne naantu yeni mu na okusila miita, mondjala nomelega? Omuwa ota ti, shika otashi ningilwa oshigwana kehe itaashi igandja komukwaniilwa gwaBabilon. 14 Inamu pulakena kaahunganeki mboka taye mu lombwele, mwaa igandje kuye. Otaye mu tula muugoya. 15 Omuwa ota ti, ine ya tuma nando, oyo notaye mu fundju taa popi medhina lye. Otaye eta ashike, mu tidhwe mo ne mu ka dhipagwe pamwe naahunganeki mboka taye mu lombwele iifundja mbika.”
16 Onda lombwele aayambi noshigwana ashihe kutya Omuwa ota ti: “Inamu pulakena aahunganeki mboka taa ti, iikwaniipangitho yomotempeli otayi galulwa ko mbala kuBabilon. Otaye mu fundju. 17 Inamu ya pulakena! Igandjeni komukwaniilwa gwaBabilonia notamu kala mu na omwenyo! Omolwashike oshilando shika shi na okuninga ondumba yomakulukuma? 18 Ngele yo aahunganeki shili nongele oye na elaka lyOmuwa, naa galikane Omuwa Omunankondoawike, kaa pitike iiyuma mbyoka ya hupile motempeli nomuuwa, yi falwe kuBabilonia.”
19-20 (Omukwaniilwa Nebukadnezzar sho a fala omukwaniilwa gwaJuda Jehoiakin yaJehoiakim pamwe naawiliki yaJuda naJerusalem kuBabilonia, okwa thigi po oongudhi, ondama yoshikushu, uutemba niikwaniipangitho yilwe yomotempeli.)
21 “Pulakeneni shoka ngame, Omuwa Omunankondoawike, Kalunga kaIsrael, tandi popi iikwaniipangitho mbyoka ya thigala motempeli nomuuwa muJerusalem: 22 Otayi ka falwa kuBabilonia notayi ka kala hoka sigo esiku ndyoka tandi yi dhimbulukwa. Opo ihe tandi ke yi galulila meha ndika noku yi pungulila mo. Ongame, Omuwa, nda popi.”
