Jeremia ta yi monzimbogo
1 Omuwa okwa lombwele ndje a ti: 2 “Kulukila monzimbogo yomuhongi gwiiyuma, omo tandi ku lombwelele oohapu.”Omuwa okwa lombwele ndje a ti: “Kulukila monzimbogo…” 3 Onda yi mo nonda adha omuhongi gwiiyuma ta longele poshidhingolokitaafula she. 4 Oshihongwa ngele osha yonuka, ngaashi hashi ningwa olwindji, okwe shi mbumbinga nokwa hongo oshiyuma shilwe shi ili.
5 Omuwa okwa lombwele ndje a ti: 6 “Kandi na uuthemba okuninga aantu yandje Aaisraeli, ngaashi omuhongi gwiiyuma ta ningi neloya? Omu li miikaha yandje ngashika eloya li li miikaha yomuhongi gwiiyuma. 7 Ngele nda ti, otii ka tudha mo oshigwana nenge oshilongo, ndi shi teyagule noku shi hanagula po, 8 ihe oshigwana shoka ngele oshi itedhulula she etha uuwinayi washo, itandi ka ninga we, ngaashi nda tile. 9 Kombinga onkwawo ngele tandi ti, otandi ka tsika nenge ndi tunge po oshigwana nenge oshilongo, 10 ihe oshigwana shoka itashi vulika kungame e tashi kolokosha, itii ka ninga shoka nda tile. 11 Onkee ano lombwela Aajuda nAajerusalem kutya otandi ya dhiladhilile omageelo. Ya lombwela, ya tule po uulunde wawo — ya ethe oondjila dhawo oombwinayi nokwoopaleka iikala niilonga yawo. 12 Otaa ka yamukula taa ti: ‘Aawe, omolwashike tu na oku shi ninga? Otatu kala twa tangalala notatu ningi naanaa ngaashi twa hala, kehe ngoka meikukutiko lyomwenyo gwe.’ ”
Oshigwana tashi ekelehi Omuwa
13 Omuwa ota ti:
“Ka puleni utale koshigwana kehe,
ngele oshinima sha tya ngaaka osha ningilwe nale.
Aaisraeli oya hunu!
14 Oondundu dhaLibanon otadhi kala tuu dhaa na olumi?
Omalunza gomeya koondungu dhadho otaga pwine po tuu,
uupompolonga waahwiyaka waa pompolokithe omeya omatalala?
15 Ihe aantu yandje oya dhimbwa ndje;
otaa fikile iimenka iitsinino.
Oya puka mo mondjila ndjoka ya li ye na okweenda nayo,
itaa landula we ondjila yandje;
otaa ende nomapola inaaga palwa.
16 Oya ningi evi lyawo eha lyehalutho, li dhinike sigo aluhe.
Ayehe mboka taa piti po, otaa pukapuka komitse;
otaa haluka ya kumwa.
17 Aantu yandje otandi ya halakanithile komeho gaatondi yawo,
ya fa ontsi tayi pepwa po kombepo yokuuzilo.
Otandi ya pilamene;
itandi ya kwatha mesiku lyuudhigu wawo.”
Jeremia ta tsilwa ondumbo
18 Aantu oya ti: “Jeremia natu mu ninge sha! Oshoka aayambi ohaye tu longo aluhe ompango, aanandunge ohaye tu tsu omayele, naahunganeki ohaa uvitha oohapu dhaKalunga. Natu mu nukileni nomalaka getu, tse twaa pulakene we shoka ta popi.”
19 Onda galikana nda ti: “Omuwa, uva shoka tandi ti nou pulakene shoka aatondi yandje taa popi ndje. 20 Uuwinayi otau ningi tuu ondjambi yuuwanawa? Oya fulile ndje ekelo, ndi gwile mo. Dhimbulukwa, nkene nde ya kungoye notandi ya popile, opo waaye ya geele. 21 Ihe ngashingeyi, Omuwa oyana naa se kondjala; ya dhipagela miita. Aakiiintu yawo naa ninge aaselekadhi yaa na oluvalo; aalumentu naa se po kelega, aalumentu aagundjuka naa sile miita. 22 Tuma ongundu yaayugi yi hanagule po omagumbo gawo pwaa na elondodho; ya halutha, ya lilagane muumbanda. Oya fulile ndje ekelo, ndi gwile mo, noya lukilile ndje omwigo gu yule ndje. 23 Ihe, Omuwa, oto tseya iipotha yawo yokudhipaga ndje. Ino ya kuthila po uuwinayi wawo nenge u dhime po uulunde mboka ye u ningi. Ya hata pevi, ngoye u ya tamaneke esiku lyondjahi yoye.”
Jeremia ta yi monzimbogo
1 Omuwa okwa lombwele ndje a ti: 2 “Kulukila monzimbogo yomuhongi gwiiyuma, omo tandi ku lombwelele oohapu.”Omuwa okwa lombwele ndje a ti: “Kulukila monzimbogo…” 3 Onda yi mo nonda adha omuhongi gwiiyuma ta longele poshidhingolokitaafula she. 4 Oshihongwa ngele osha yonuka, ngaashi hashi ningwa olwindji, okwe shi mbumbinga nokwa hongo oshiyuma shilwe shi ili.
5 Omuwa okwa lombwele ndje a ti: 6 “Kandi na uuthemba okuninga aantu yandje Aaisraeli, ngaashi omuhongi gwiiyuma ta ningi neloya? Omu li miikaha yandje ngashika eloya li li miikaha yomuhongi gwiiyuma. 7 Ngele nda ti, otii ka tudha mo oshigwana nenge oshilongo, ndi shi teyagule noku shi hanagula po, 8 ihe oshigwana shoka ngele oshi itedhulula she etha uuwinayi washo, itandi ka ninga we, ngaashi nda tile. 9 Kombinga onkwawo ngele tandi ti, otandi ka tsika nenge ndi tunge po oshigwana nenge oshilongo, 10 ihe oshigwana shoka itashi vulika kungame e tashi kolokosha, itii ka ninga shoka nda tile. 11 Onkee ano lombwela Aajuda nAajerusalem kutya otandi ya dhiladhilile omageelo. Ya lombwela, ya tule po uulunde wawo — ya ethe oondjila dhawo oombwinayi nokwoopaleka iikala niilonga yawo. 12 Otaa ka yamukula taa ti: ‘Aawe, omolwashike tu na oku shi ninga? Otatu kala twa tangalala notatu ningi naanaa ngaashi twa hala, kehe ngoka meikukutiko lyomwenyo gwe.’ ”
Oshigwana tashi ekelehi Omuwa
13 Omuwa ota ti:
“Ka puleni utale koshigwana kehe,
ngele oshinima sha tya ngaaka osha ningilwe nale.
Aaisraeli oya hunu!
14 Oondundu dhaLibanon otadhi kala tuu dhaa na olumi?
Omalunza gomeya koondungu dhadho otaga pwine po tuu,
uupompolonga waahwiyaka waa pompolokithe omeya omatalala?
15 Ihe aantu yandje oya dhimbwa ndje;
otaa fikile iimenka iitsinino.
Oya puka mo mondjila ndjoka ya li ye na okweenda nayo,
itaa landula we ondjila yandje;
otaa ende nomapola inaaga palwa.
16 Oya ningi evi lyawo eha lyehalutho, li dhinike sigo aluhe.
Ayehe mboka taa piti po, otaa pukapuka komitse;
otaa haluka ya kumwa.
17 Aantu yandje otandi ya halakanithile komeho gaatondi yawo,
ya fa ontsi tayi pepwa po kombepo yokuuzilo.
Otandi ya pilamene;
itandi ya kwatha mesiku lyuudhigu wawo.”
Jeremia ta tsilwa ondumbo
18 Aantu oya ti: “Jeremia natu mu ninge sha! Oshoka aayambi ohaye tu longo aluhe ompango, aanandunge ohaye tu tsu omayele, naahunganeki ohaa uvitha oohapu dhaKalunga. Natu mu nukileni nomalaka getu, tse twaa pulakene we shoka ta popi.”
19 Onda galikana nda ti: “Omuwa, uva shoka tandi ti nou pulakene shoka aatondi yandje taa popi ndje. 20 Uuwinayi otau ningi tuu ondjambi yuuwanawa? Oya fulile ndje ekelo, ndi gwile mo. Dhimbulukwa, nkene nde ya kungoye notandi ya popile, opo waaye ya geele. 21 Ihe ngashingeyi, Omuwa oyana naa se kondjala; ya dhipagela miita. Aakiiintu yawo naa ninge aaselekadhi yaa na oluvalo; aalumentu naa se po kelega, aalumentu aagundjuka naa sile miita. 22 Tuma ongundu yaayugi yi hanagule po omagumbo gawo pwaa na elondodho; ya halutha, ya lilagane muumbanda. Oya fulile ndje ekelo, ndi gwile mo, noya lukilile ndje omwigo gu yule ndje. 23 Ihe, Omuwa, oto tseya iipotha yawo yokudhipaga ndje. Ino ya kuthila po uuwinayi wawo nenge u dhime po uulunde mboka ye u ningi. Ya hata pevi, ngoye u ya tamaneke esiku lyondjahi yoye.”
