Iigwana mbyoka ya hupile moshilongo
1 Omuwa okwe ethele iigwana yimwe mevi, a makele Aaisraeli mboka inaa pitila miita muKaanan. 2 Okwe shi ningi ashike, opo a longe epipi kehe lyAaisraeli okuhinga iita, unene tuu mboka inaaya kondja nkene ya valwa. 3 Osho mevi mwa kala iilando itano yAafilisti, Aakaanana ayehe, Aasidoni nAahevi mboka ya kala koondundu dhaLibanon okuza kondundu Baal Hermon sigololo eelo lyaHamat. 4 Oyo ya li emakelo lyaIsrael okutala tuu, Israel ngele ota vulika kiipango mbyoka Omuwa e yi pele oohekulu ya pitile muMoses. 5 Ano Israel okwa kala mokati kAakaanana, Aaheti, Aayamori, Aaperesi, Aahevi nAayebusi. 6 Oya hokanathana naantu yiigwana mbyoka e taa longele iikalunga yawo.
Otniel
7 Oshigwana shaIsrael osha dhimbwa Omuwa Kalunga kasho. Oya yono kuye e taa longele iikalunga yaBaal naAsheera. 8 Omuwa a geele Israel e te etha omukwaniilwa Kushan Rishataim gwaMesopotamia oku ya sinda noku ya pangela omimvo hetatu. 9 Nena Aaisraeli oya kugu kOmuwa nokwe ya tumine ekanda ndyoka lye ya mangulula. Oye nee Otniel, omuna gwondenge yaKaleb Kenas. 10 Ombepo yOmuwa ye mu lambele e ta ningi omuwiliki muIsrael. Otniel okwa yi kiita, Omuwa nokwe mu sinditha omukwaniilwa gwaMesopotamia. 11 Oshilongo sha kala mevululuko omimvo omilongo ne, opo nduno Otniel a mana oondjenda dhe.
Ehud
12 Oshigwana shaIsrael osha yonununa ishewe kOmuwa. Molwashika Omuwa okwa nkondopaleke Eglon, omukwaniilwa gwaMoab, e vule Israel. 13 Eglon okwa hangana nAayammoni nAayamaleki. Oya dhenge Israel e taa sindi Jeriko, oshilando shomilunga. 14 Eglon okwa pangele Aaisraeli omimvo omulongo nahetatu.
15 Nena Aaisraeli oya kugu kOmuwa nokwe ya tumine omulumentu, e ya mangulule. Oye Ehud, omulumentu gwolumoho, omuna gwaGera, mezimo lyaBenjamin. Oshigwana shaIsrael osha tumu Ehud komukwaniilwa Eglon gwaMoab e na ombalagelo yomukwaniilwa. 16 Ehud okwi ihambulile omwele gwa tsa e gu zala miiteta kombinga yokolulyo. 17 Okwa kutha omagano gaEglon, ngoka a li omunenenene. 18 Ehud sho e mu pe omagano, okwa lombwele aalumentu mboka ya li ya humbata omagano, ya shune kegumbo. 19 Ehud mwene okwa galukile piihongwamenka mbyoka ya li muGilgal a shuna kuEglon e ta ti: “Nkeyama, ondi na oshiholekwa okukundathana nangoye.”
Omukwaniilwa okwa lombwele aapiya ye: “Natu ikalele.” Ayehe noya zi mo.
20 Omukwaniilwa manga a kuutumba metala mezile lyaalofu, Ehud okwa yi kuye e ta ti: “Ondi ku nine elaka lya zi kuKalunga.” Omukwaniilwa okwa thikama po. 21 Ehud okwa hiti olumoho lwe miiteta kombinga yokolulyo e ta homonona mo omwele e te gu mbwangula mela lyaEglon. 22 Omwele aguhe gwa ningine mo noshikwatelo, oofu nodha mbathuka mo. Ehud ine gu kutha mo, ogwa mbandukile kombunda. 23 Nena Ehud okwa piti mo e edhile omiyelo noku dhi pata 24 e ta yi. Aapiya sho ye ya, oya mono omiyelo dha patwa. Oya dhiladhila, omukwaniilwa omo e li owala moshinyanga shokombanda kokandjugo. 25 Oya tegelele, ngaashi taa dhiladhila, ihe sho inee egulula omiyelo, oya kutha iipatululo noya patulula. Oya adha omukwaniilwa a kangawala a sa, a lala polupanda.
26 Ehud okwa yi nale, manga ya tegelela. A pitilila nale iihongwamenka. Onkee a fafagula sigo oSeira. 27 Sho a thiki kevi lyokoondundu dhaEfraim, okwa hiki epoli, i ithane Aaisraeli kiita. Nena okwe ya kwatele komeho ya kuluka ya zi koondundu. 28 Okwa ti: “Landulii ndje! Omuwa okwe mu pe esindano, mu sinde aatondi yeni Aamoabi.” Osho ngaaka oya landula Ehud e taa kwata ehala mpoka Aamoabi ya li ye na okutaaguluka omulonga Jordan noinaa pitika nando omuntu gumwe a taaguluke. 29 Uuna ndoka oya dhipaga aakwiitalela Aamoabi konyala omayuvi omulongo; inapu hupa nondhi. 30 Uuna ndoka Aaisraeli oya sindi Moab, moshilongo nomwa kala ombili omimvo omilongo hetatu.
Shamgar
31 Omuwiliki a landula ko oye Shamgar, omuna gwaAnat, ngoka a mangulula Israel, sho a dhipaga Aafilisti omathele gahamano negonga.
Iigwana mbyoka ya hupile moshilongo
1 Omuwa okwe ethele iigwana yimwe mevi, a makele Aaisraeli mboka inaa pitila miita muKaanan. 2 Okwe shi ningi ashike, opo a longe epipi kehe lyAaisraeli okuhinga iita, unene tuu mboka inaaya kondja nkene ya valwa. 3 Osho mevi mwa kala iilando itano yAafilisti, Aakaanana ayehe, Aasidoni nAahevi mboka ya kala koondundu dhaLibanon okuza kondundu Baal Hermon sigololo eelo lyaHamat. 4 Oyo ya li emakelo lyaIsrael okutala tuu, Israel ngele ota vulika kiipango mbyoka Omuwa e yi pele oohekulu ya pitile muMoses. 5 Ano Israel okwa kala mokati kAakaanana, Aaheti, Aayamori, Aaperesi, Aahevi nAayebusi. 6 Oya hokanathana naantu yiigwana mbyoka e taa longele iikalunga yawo.
Otniel
7 Oshigwana shaIsrael osha dhimbwa Omuwa Kalunga kasho. Oya yono kuye e taa longele iikalunga yaBaal naAsheera. 8 Omuwa a geele Israel e te etha omukwaniilwa Kushan Rishataim gwaMesopotamia oku ya sinda noku ya pangela omimvo hetatu. 9 Nena Aaisraeli oya kugu kOmuwa nokwe ya tumine ekanda ndyoka lye ya mangulula. Oye nee Otniel, omuna gwondenge yaKaleb Kenas. 10 Ombepo yOmuwa ye mu lambele e ta ningi omuwiliki muIsrael. Otniel okwa yi kiita, Omuwa nokwe mu sinditha omukwaniilwa gwaMesopotamia. 11 Oshilongo sha kala mevululuko omimvo omilongo ne, opo nduno Otniel a mana oondjenda dhe.
Ehud
12 Oshigwana shaIsrael osha yonununa ishewe kOmuwa. Molwashika Omuwa okwa nkondopaleke Eglon, omukwaniilwa gwaMoab, e vule Israel. 13 Eglon okwa hangana nAayammoni nAayamaleki. Oya dhenge Israel e taa sindi Jeriko, oshilando shomilunga. 14 Eglon okwa pangele Aaisraeli omimvo omulongo nahetatu.
15 Nena Aaisraeli oya kugu kOmuwa nokwe ya tumine omulumentu, e ya mangulule. Oye Ehud, omulumentu gwolumoho, omuna gwaGera, mezimo lyaBenjamin. Oshigwana shaIsrael osha tumu Ehud komukwaniilwa Eglon gwaMoab e na ombalagelo yomukwaniilwa. 16 Ehud okwi ihambulile omwele gwa tsa e gu zala miiteta kombinga yokolulyo. 17 Okwa kutha omagano gaEglon, ngoka a li omunenenene. 18 Ehud sho e mu pe omagano, okwa lombwele aalumentu mboka ya li ya humbata omagano, ya shune kegumbo. 19 Ehud mwene okwa galukile piihongwamenka mbyoka ya li muGilgal a shuna kuEglon e ta ti: “Nkeyama, ondi na oshiholekwa okukundathana nangoye.”
Omukwaniilwa okwa lombwele aapiya ye: “Natu ikalele.” Ayehe noya zi mo.
20 Omukwaniilwa manga a kuutumba metala mezile lyaalofu, Ehud okwa yi kuye e ta ti: “Ondi ku nine elaka lya zi kuKalunga.” Omukwaniilwa okwa thikama po. 21 Ehud okwa hiti olumoho lwe miiteta kombinga yokolulyo e ta homonona mo omwele e te gu mbwangula mela lyaEglon. 22 Omwele aguhe gwa ningine mo noshikwatelo, oofu nodha mbathuka mo. Ehud ine gu kutha mo, ogwa mbandukile kombunda. 23 Nena Ehud okwa piti mo e edhile omiyelo noku dhi pata 24 e ta yi. Aapiya sho ye ya, oya mono omiyelo dha patwa. Oya dhiladhila, omukwaniilwa omo e li owala moshinyanga shokombanda kokandjugo. 25 Oya tegelele, ngaashi taa dhiladhila, ihe sho inee egulula omiyelo, oya kutha iipatululo noya patulula. Oya adha omukwaniilwa a kangawala a sa, a lala polupanda.
26 Ehud okwa yi nale, manga ya tegelela. A pitilila nale iihongwamenka. Onkee a fafagula sigo oSeira. 27 Sho a thiki kevi lyokoondundu dhaEfraim, okwa hiki epoli, i ithane Aaisraeli kiita. Nena okwe ya kwatele komeho ya kuluka ya zi koondundu. 28 Okwa ti: “Landulii ndje! Omuwa okwe mu pe esindano, mu sinde aatondi yeni Aamoabi.” Osho ngaaka oya landula Ehud e taa kwata ehala mpoka Aamoabi ya li ye na okutaaguluka omulonga Jordan noinaa pitika nando omuntu gumwe a taaguluke. 29 Uuna ndoka oya dhipaga aakwiitalela Aamoabi konyala omayuvi omulongo; inapu hupa nondhi. 30 Uuna ndoka Aaisraeli oya sindi Moab, moshilongo nomwa kala ombili omimvo omilongo hetatu.
Shamgar
31 Omuwiliki a landula ko oye Shamgar, omuna gwaAnat, ngoka a mangulula Israel, sho a dhipaga Aafilisti omathele gahamano negonga.
