Tola
1 Konima yeso lyaAbimelek Tola yaPua, omutekulu kwaDodo, okwa holoka, a mangulule Israel. Okwa li gwomezimo lyaIssaskar nokwa kalele muShamir kevi lyokoondundu dhaEfraim. 2 Okwa wilike Israel omimvo omilongo mbali nandatu. Nena okwa mana oondjenda nokwa fumvikwa muShamir.
Jair
3 Tola okwa landulwa kuJair gwokuGilead. Okwa wilike Israel omimvo omilongo mbali nambali. 4 Okwa li e na oyanamati omilongo ndatu, mboka ya kayile uusino omilongo ndatu. Oya li ye na iilando omilongo ndatu muGilead, mbyoka hayi ithanwa nduno iilando yaJair.
5 Jair okwa si nokwa fumvikwa puKamon.
Jefta
6 Aaisraeli oya yono ishewe kOmuwa, sho ya simaneke ooBaal nooAstarte, osho wo iikalunga yaSiria, yaSidoni, yaMoab, yaAmmon noyAafilisti. Oye etha Omuwa yo inaye mu simaneka we. 7 Onkee Omuwa okwa geele Aaisraeli nokwe etha Aafilisti nAayammoni ye ya sinde. 8 Omimvo omulongo nahetatu oya thininike nokuhepeka Aaisraeli ayehe mboka ya kala moshilongo shAayamori kuuzilo womulonga Jordan muGilead. 9 Aayammoni oya taaguluka nokuli omulonga Jordan ye ya, ya kondjithe ezimo lyaJuda, lyaBenjamin nolyaEfraim. Israel okwa li muudhigu kaawu shi kutumbulwa.
10 Nena Aaisraeli oya kugile Omuwa e taa ti: “Otwa yono kungoye, oshoka otwe ku etha, Kalunga ketu, notwa simaneke ooBaal.”
11 Omuwa okwe ya yamukula a ti: “Aayegipiti, Aayamori, Aayammoni, Aafilisti, 12 Aasidoni, Aayamaleki nAamaon oye mu hepeke monale, nomwa kugu kungame. Inandi mu hupitha miikaha yawo? 13 Ihe ne omwe etha ndje owala e tamu simaneke iikalunga yilwe, onkee itandi mu hupitha we. 14 Indeni, ki ithaneni iikalunga yeni mbyoka mwa hogolola. Nayi mu mangulule, sho mwa adhika kuudhigu.”
15 Ihe oshigwana shaIsrael osha yamukula sha ti kOmuwa: “Otwa yono. Ninga shoka she ku opalela, shaa tuu to tu hupitha nena.” 16 Osho ya manguluka kiikalunga yawo iikwiilongo noya longele Omuwa; oye nokwe ehamenwa uudhigu waIsrael.
17 Nena Aayammoni oya gongala, ya ye kiita noya yungu ontanda muGilead. Aaisraeli oya gongala wo noya yungu ontanda muMispe muGilead. 18 Nkwiyaka oshigwana naawiliki yomazimo gaIsrael oya pulathana: “Olye ta wilike olugodhi okukondjitha Aayammoni? Ngoka te shi ningi, oye na kale omuwiliki gwaantu ayehe yomuGilead.”
Tola
1 Konima yeso lyaAbimelek Tola yaPua, omutekulu kwaDodo, okwa holoka, a mangulule Israel. Okwa li gwomezimo lyaIssaskar nokwa kalele muShamir kevi lyokoondundu dhaEfraim. 2 Okwa wilike Israel omimvo omilongo mbali nandatu. Nena okwa mana oondjenda nokwa fumvikwa muShamir.
Jair
3 Tola okwa landulwa kuJair gwokuGilead. Okwa wilike Israel omimvo omilongo mbali nambali. 4 Okwa li e na oyanamati omilongo ndatu, mboka ya kayile uusino omilongo ndatu. Oya li ye na iilando omilongo ndatu muGilead, mbyoka hayi ithanwa nduno iilando yaJair.
5 Jair okwa si nokwa fumvikwa puKamon.
Jefta
6 Aaisraeli oya yono ishewe kOmuwa, sho ya simaneke ooBaal nooAstarte, osho wo iikalunga yaSiria, yaSidoni, yaMoab, yaAmmon noyAafilisti. Oye etha Omuwa yo inaye mu simaneka we. 7 Onkee Omuwa okwa geele Aaisraeli nokwe etha Aafilisti nAayammoni ye ya sinde. 8 Omimvo omulongo nahetatu oya thininike nokuhepeka Aaisraeli ayehe mboka ya kala moshilongo shAayamori kuuzilo womulonga Jordan muGilead. 9 Aayammoni oya taaguluka nokuli omulonga Jordan ye ya, ya kondjithe ezimo lyaJuda, lyaBenjamin nolyaEfraim. Israel okwa li muudhigu kaawu shi kutumbulwa.
10 Nena Aaisraeli oya kugile Omuwa e taa ti: “Otwa yono kungoye, oshoka otwe ku etha, Kalunga ketu, notwa simaneke ooBaal.”
11 Omuwa okwe ya yamukula a ti: “Aayegipiti, Aayamori, Aayammoni, Aafilisti, 12 Aasidoni, Aayamaleki nAamaon oye mu hepeke monale, nomwa kugu kungame. Inandi mu hupitha miikaha yawo? 13 Ihe ne omwe etha ndje owala e tamu simaneke iikalunga yilwe, onkee itandi mu hupitha we. 14 Indeni, ki ithaneni iikalunga yeni mbyoka mwa hogolola. Nayi mu mangulule, sho mwa adhika kuudhigu.”
15 Ihe oshigwana shaIsrael osha yamukula sha ti kOmuwa: “Otwa yono. Ninga shoka she ku opalela, shaa tuu to tu hupitha nena.” 16 Osho ya manguluka kiikalunga yawo iikwiilongo noya longele Omuwa; oye nokwe ehamenwa uudhigu waIsrael.
17 Nena Aayammoni oya gongala, ya ye kiita noya yungu ontanda muGilead. Aaisraeli oya gongala wo noya yungu ontanda muMispe muGilead. 18 Nkwiyaka oshigwana naawiliki yomazimo gaIsrael oya pulathana: “Olye ta wilike olugodhi okukondjitha Aayammoni? Ngoka te shi ningi, oye na kale omuwiliki gwaantu ayehe yomuGilead.”
