Eadhimo nesimano lyaSion
1 Thikama, yela,
oshoka uuyelele woye owa holoka,
neadhimo lyOmuwa otali ku tayimine noonte dhalyo.
2 Tala, omilema odha siikila evi
nuuluudhe thokothoko iigwana,
ihe Omuwa ota adhimine kombanda yoye,
nesimano lye otali ku minikile.
3 Iigwana otayi ke ya kuuyelele woye,
naakwaniilwa keminikilo lyeadhimo lyoye.
4 Ligamena koombinga noombinga.
Ayehe oya gongala notaa ya kungoye;
aamwoye aamati otaa ya taa zi kokule,
naamwoye aakadhona taa kwiininwa.
Oto ke shi mona e to adhima;
5 omwenyo gwoye otagu nyanyukwa nokushambukwa.
Uuyamba wokomafuta otau etwa kungoye,
aayamba yomiigwana otaa ya kungoye.
6 Iiyendo yoongamelo otayi ka napakana noshilongo sheni,
oongamelo oongundjuka dhokuMidian nokuEfa.
Adhihe otadhi zi kuSheba dha humbata oshingoli niitsinino.
Aantu notaa ka holola esimano lyOmuwa.
7 Oonzi adhihe dhokuKedar niikombo yokuNebaiot
otayi ka etwa kungoye,
yi ninge omafikilondjambo go opalela Omuwa.
Omuwa ota ka adhimitha otempeli ye shi vule shito.
8 Oolye mboka taa ya taa mweluluka ya fa iikogo,
noya fa oonguti tadhi ya kiihandhila yadho?
9 Otaku zi oosikepa tadhi ya tadhi zi koontuntu dhokokule,
tadhi eta aantu yaKalunga kegumbo.
Otadhi ya eta pamwe noshingoli noshisiliveli shawo,
opo ya simaneke edhina lyOmuwa, Kalunga kaIsrael omuyapuki,
ngoka a simanekitha iigwana, yo yi simaneke aantu ye.
10 Aakwiilongo otaa ka tungulula edhingililokuma lyoye.
Aakwaniilwa yawo otaa ku longele.
Onde ku geele mondjahi yandje,
ihe ngashingeyi otandi ku hololele ohole nesilohenda lyandje.
11 Iiyelo yoye otayi kala ye eguluka omutenya nuusiku,
opo aakwaniilwa yiigwana ye ku etele uuyamba wayo
12 Ihe iigwana mbyoka itaayi ku longele,
otayi ka hanagulwa po thilu.
13 Eopalo lyaLibanon otali ya kungoye.
Iipilangi yomikiperesi, yomisedeli noyomihongo
otayi ka etwa okwoopaleka nayo Jerusalem
nokupoleka otempeli yandje.
14 Aamati aana yaahepeki yoye
otaa ke ya yi isizimika meifupipiko.
Mboka ye ku dhini nale,
otaa ka nyongama poompadhi dhoye.
Otaye ke ku luka “Oshilando shOmuwa,”
“Sion, oshilando shaKalunga kaIsrael omuyapuki.”
15 Owa li oshilando she ethiwa nosha tondika,
nokapwa li ngoka a pitile mungoye.
Ihe otandi ke ku nenepeka noku ku opaleka,
oto ka ninga ehala lyenyanyu aluhe sigo aluhe.
16 Oto ka likola uuyamba wiigwana nowaakwaniilwa yayo.
Oto ka tseya kutya ongame Omuwa, omuhupithi gwoye,
nOmunankondo gwaJakob oye omukulili gwoye.
17 Otandi ku etele oshingoli peha lyoshikushu,
oshisiliveli peha lyiiyela iiluudhe.
Peha lyoshiti otandi ku etele oshikushu
nopeha lyomamanya, iiyela iiluudhe.
Aapangeli yoye itaye ke ku hepeka we;
otaye ke ku lela nuuyuuki nombili.
18 Mevi lyoye kamu na we ngoka ta hokolola uukolokoshi,
ehanagulo neyonuko kali mo moshilongo shoye.
Otandi ke ku gamena noku ku shiga nda fa ekuma;
nangoye oto ka hambelela ndje, oshoka onde ku hupitha.
19 Etango itali ku minikile we omutenya,
nomwedhi kagu shi we uuyelele woye uusiku.
Ongame, Omuwa, tandi ka kala uuyelele woye waaluhe,
eadhimo lyesimano lyandje otali ku minikile.
20 Omasiku guuthigwa woye otaga kuka.
Ongame, Omuwa, tandi kala uuyelele woye waaluhe.
Etango lyoye itali ningine we,
nomwedhi gwoye itagu si we.
21 Aantu yoye ayehe otaa ka ninga aayuuki,
notaa ka thigulula oshilongo sigo aluhe.
Onde ya tsike, onde ya tula mo,
opo ndi hololele ayehe eadhimo lyandje.
22 Aashuushuka yomune otaa ka ninga eyuvi,
naashona otaa ningi oshigwana oshinankondo.
Ongame Omuwa; otandi shi ningi methimbo lyo opala.
Eadhimo nesimano lyaSion
1 Thikama, yela,
oshoka uuyelele woye owa holoka,
neadhimo lyOmuwa otali ku tayimine noonte dhalyo.
2 Tala, omilema odha siikila evi
nuuluudhe thokothoko iigwana,
ihe Omuwa ota adhimine kombanda yoye,
nesimano lye otali ku minikile.
3 Iigwana otayi ke ya kuuyelele woye,
naakwaniilwa keminikilo lyeadhimo lyoye.
4 Ligamena koombinga noombinga.
Ayehe oya gongala notaa ya kungoye;
aamwoye aamati otaa ya taa zi kokule,
naamwoye aakadhona taa kwiininwa.
Oto ke shi mona e to adhima;
5 omwenyo gwoye otagu nyanyukwa nokushambukwa.
Uuyamba wokomafuta otau etwa kungoye,
aayamba yomiigwana otaa ya kungoye.
6 Iiyendo yoongamelo otayi ka napakana noshilongo sheni,
oongamelo oongundjuka dhokuMidian nokuEfa.
Adhihe otadhi zi kuSheba dha humbata oshingoli niitsinino.
Aantu notaa ka holola esimano lyOmuwa.
7 Oonzi adhihe dhokuKedar niikombo yokuNebaiot
otayi ka etwa kungoye,
yi ninge omafikilondjambo go opalela Omuwa.
Omuwa ota ka adhimitha otempeli ye shi vule shito.
8 Oolye mboka taa ya taa mweluluka ya fa iikogo,
noya fa oonguti tadhi ya kiihandhila yadho?
9 Otaku zi oosikepa tadhi ya tadhi zi koontuntu dhokokule,
tadhi eta aantu yaKalunga kegumbo.
Otadhi ya eta pamwe noshingoli noshisiliveli shawo,
opo ya simaneke edhina lyOmuwa, Kalunga kaIsrael omuyapuki,
ngoka a simanekitha iigwana, yo yi simaneke aantu ye.
10 Aakwiilongo otaa ka tungulula edhingililokuma lyoye.
Aakwaniilwa yawo otaa ku longele.
Onde ku geele mondjahi yandje,
ihe ngashingeyi otandi ku hololele ohole nesilohenda lyandje.
11 Iiyelo yoye otayi kala ye eguluka omutenya nuusiku,
opo aakwaniilwa yiigwana ye ku etele uuyamba wayo
12 Ihe iigwana mbyoka itaayi ku longele,
otayi ka hanagulwa po thilu.
13 Eopalo lyaLibanon otali ya kungoye.
Iipilangi yomikiperesi, yomisedeli noyomihongo
otayi ka etwa okwoopaleka nayo Jerusalem
nokupoleka otempeli yandje.
14 Aamati aana yaahepeki yoye
otaa ke ya yi isizimika meifupipiko.
Mboka ye ku dhini nale,
otaa ka nyongama poompadhi dhoye.
Otaye ke ku luka “Oshilando shOmuwa,”
“Sion, oshilando shaKalunga kaIsrael omuyapuki.”
15 Owa li oshilando she ethiwa nosha tondika,
nokapwa li ngoka a pitile mungoye.
Ihe otandi ke ku nenepeka noku ku opaleka,
oto ka ninga ehala lyenyanyu aluhe sigo aluhe.
16 Oto ka likola uuyamba wiigwana nowaakwaniilwa yayo.
Oto ka tseya kutya ongame Omuwa, omuhupithi gwoye,
nOmunankondo gwaJakob oye omukulili gwoye.
17 Otandi ku etele oshingoli peha lyoshikushu,
oshisiliveli peha lyiiyela iiluudhe.
Peha lyoshiti otandi ku etele oshikushu
nopeha lyomamanya, iiyela iiluudhe.
Aapangeli yoye itaye ke ku hepeka we;
otaye ke ku lela nuuyuuki nombili.
18 Mevi lyoye kamu na we ngoka ta hokolola uukolokoshi,
ehanagulo neyonuko kali mo moshilongo shoye.
Otandi ke ku gamena noku ku shiga nda fa ekuma;
nangoye oto ka hambelela ndje, oshoka onde ku hupitha.
19 Etango itali ku minikile we omutenya,
nomwedhi kagu shi we uuyelele woye uusiku.
Ongame, Omuwa, tandi ka kala uuyelele woye waaluhe,
eadhimo lyesimano lyandje otali ku minikile.
20 Omasiku guuthigwa woye otaga kuka.
Ongame, Omuwa, tandi kala uuyelele woye waaluhe.
Etango lyoye itali ningine we,
nomwedhi gwoye itagu si we.
21 Aantu yoye ayehe otaa ka ninga aayuuki,
notaa ka thigulula oshilongo sigo aluhe.
Onde ya tsike, onde ya tula mo,
opo ndi hololele ayehe eadhimo lyandje.
22 Aashuushuka yomune otaa ka ninga eyuvi,
naashona otaa ningi oshigwana oshinankondo.
Ongame Omuwa; otandi shi ningi methimbo lyo opala.
