Okutakumina Babilon
1 “Babilon, kuluka ko koshipangelapundi shoye,
kuutumba pevi montsi yevi.
Owa li nale wa fa omufuko,
oshilando ihaashi sindika,
ihe ku shi we omvalekele nomulelwa ondembula.
Ngashingeyi wa ningi omupika!
2 Kutha omuhi, nkwalula omunziya!
Isiikulula oshipala!
Hula mo utale ohema yoye ombwanawa!
Humina ohema yoye, u ka tokole omilonga!
3 Aantu otaa tala epenge lyoye;
otaa ka tala okufupipikwa kwoye nohoni yoye.
Ondi na onkone, nokape na ngoka ta politha ndje.”
4 Kalunga kaIsrael omuyapuki ote tu mangulula —
edhina lye Omuwa Omunankondoawike.
5 “Shilando ngoye, omufuko gwAababilon,
kuutumba wa tya thilu, inda momilema;
ito ithanwa we omunyekadhi gwiigwana.
6 Onda geele aantu yandje;
onda kala nayo ya fa yaa shi yandje.
Onde ya gandja miikaha yoye,
ongoye noino ya sila nando ohenda;
naakulupe owe ya ningi onyanya.
7 Owa dhiladhila u kale omunyekadhi aluhe.
Ino ipula niinima mbika
nenge u dhiladhile, nkene tayi ka hula po.
8 “Pulakena shika, ngoye omuholi gwiipala,
ngoka u li nawa e to ipopile to ti:
‘Ongame omunene nokaku na we.
Kandi na mpoka tandi ningi omuselekadhi
nenge ndi kale ndaa na oluvalo.’
9 Ihe ohaluka yowala, mesiku limwe
iinima mbika ayihe tayi ka ningwa.
Nando ou na oonganga odhindji noompulile ku mana,
omusamane gwoye oto ke mu kanitha,
oye pamwe naamwoye.
10 “Owa kala wa hokwa uuwinayi woye;
owa dhiladhila kutya kape na ngoka te ku mono.
Owa pukithwa koondunge nokuunongo woye.
Owi ipopile wa ti: ‘Ongame kalunga,
kaku na we gulwe a fa ndje.’
11 Oshiponga otashi ku ya,
nokaku na onganga tayi vulu oku shi kodheka.
Ehanagulo otali ku adha ohaluka —
ehanagulo inoo li yaguma nale.
12 Holoka noonganga noompulile dhoye,
ndhoka wa li ho anekelitha okuza muugundjuka woye.
Pamwe otadhi ke ku kwatha ngaa;
pamwe to ka halutha tuu aatondi yoye.
13 Owi ilolokitha nomayele gaagandjindunge yoye oyendji.
Aakonekinyothi yoye naa holoke po, opo ye ku hupithe —
aantu mboka haa koneke oonyothi,
mboka haa konenene oshipala shegulu,
naye ku lombwele omwedhi nomwedhi
shoka tashi ku ningilwa.
14 “Otaa ka fa etutu,
nomulilo otagu ke ya lungunitha po!
Itaa ka vula nando okwiihupitha.
Omalaka gomulilo otage ke ya latha po,
kagu shi omulilo gwokuhuhulukwa.
15 Mbika ayihe otaye yi ku ningile,
oomboka mwa longele kumwe nayo okuza kuugundjuka woye.
Shaa ngoka gwomuyo oti iyukile,
kaku na ngoka ta vulu oku ku hupitha.”
Okutakumina Babilon
1 “Babilon, kuluka ko koshipangelapundi shoye,
kuutumba pevi montsi yevi.
Owa li nale wa fa omufuko,
oshilando ihaashi sindika,
ihe ku shi we omvalekele nomulelwa ondembula.
Ngashingeyi wa ningi omupika!
2 Kutha omuhi, nkwalula omunziya!
Isiikulula oshipala!
Hula mo utale ohema yoye ombwanawa!
Humina ohema yoye, u ka tokole omilonga!
3 Aantu otaa tala epenge lyoye;
otaa ka tala okufupipikwa kwoye nohoni yoye.
Ondi na onkone, nokape na ngoka ta politha ndje.”
4 Kalunga kaIsrael omuyapuki ote tu mangulula —
edhina lye Omuwa Omunankondoawike.
5 “Shilando ngoye, omufuko gwAababilon,
kuutumba wa tya thilu, inda momilema;
ito ithanwa we omunyekadhi gwiigwana.
6 Onda geele aantu yandje;
onda kala nayo ya fa yaa shi yandje.
Onde ya gandja miikaha yoye,
ongoye noino ya sila nando ohenda;
naakulupe owe ya ningi onyanya.
7 Owa dhiladhila u kale omunyekadhi aluhe.
Ino ipula niinima mbika
nenge u dhiladhile, nkene tayi ka hula po.
8 “Pulakena shika, ngoye omuholi gwiipala,
ngoka u li nawa e to ipopile to ti:
‘Ongame omunene nokaku na we.
Kandi na mpoka tandi ningi omuselekadhi
nenge ndi kale ndaa na oluvalo.’
9 Ihe ohaluka yowala, mesiku limwe
iinima mbika ayihe tayi ka ningwa.
Nando ou na oonganga odhindji noompulile ku mana,
omusamane gwoye oto ke mu kanitha,
oye pamwe naamwoye.
10 “Owa kala wa hokwa uuwinayi woye;
owa dhiladhila kutya kape na ngoka te ku mono.
Owa pukithwa koondunge nokuunongo woye.
Owi ipopile wa ti: ‘Ongame kalunga,
kaku na we gulwe a fa ndje.’
11 Oshiponga otashi ku ya,
nokaku na onganga tayi vulu oku shi kodheka.
Ehanagulo otali ku adha ohaluka —
ehanagulo inoo li yaguma nale.
12 Holoka noonganga noompulile dhoye,
ndhoka wa li ho anekelitha okuza muugundjuka woye.
Pamwe otadhi ke ku kwatha ngaa;
pamwe to ka halutha tuu aatondi yoye.
13 Owi ilolokitha nomayele gaagandjindunge yoye oyendji.
Aakonekinyothi yoye naa holoke po, opo ye ku hupithe —
aantu mboka haa koneke oonyothi,
mboka haa konenene oshipala shegulu,
naye ku lombwele omwedhi nomwedhi
shoka tashi ku ningilwa.
14 “Otaa ka fa etutu,
nomulilo otagu ke ya lungunitha po!
Itaa ka vula nando okwiihupitha.
Omalaka gomulilo otage ke ya latha po,
kagu shi omulilo gwokuhuhulukwa.
15 Mbika ayihe otaye yi ku ningile,
oomboka mwa longele kumwe nayo okuza kuugundjuka woye.
Shaa ngoka gwomuyo oti iyukile,
kaku na ngoka ta vulu oku ku hupitha.”
