Jerusalem tashi hunganekwa
1 Ndika ehunganeko tali hunganeke Esilu lyemoniko.
Oshike sha ningwa po? Omolwashike aantu ayehe moshilando ya londa kombanda yoongulu? 2 Oshilando ashihe osha piyagana, shu udha onkugo nelondoko.
Aalumentu yoye oya dhipagwa inaaya kondja ya sile molugodhi andola. 3 Aakuluntu yoye ayehe oya fadhuka po noya kwatwa, manga inaaya umba nando oshikuti shimweshimwe. 4 Ngashingeyi ethii ndje, ndi lile nokulililila oosa dhaantu mboka ya si. Inamu kambadhala mu hekeleke ndje nando. 5 Ndika ethimbo lyeshololo, lyesindiko nolyepiyagano mEsilu lyemoniko, Omupangeliawike Omuwa Omunankondoawike okwe shi tu tumine. Omakuma goshilando shetu oga kumunwa po, noonkugo odha mbolongondja mokati koondundu.
6 Aakwiita ya zi koshilongo Elam, oye ya ya kayila uukambe, ya homata omatati niikuti. Aakwiita ya zi koshilongo Kir, oya longekidha omahuuyanza gawo. 7 Omatathapya gomuJuda ogu udha omatembakwiita; aakwiita ya kayila uukambe oya li momusholondondo ya thikama komeho gomiyelo dhaJerusalem. 8 Omagameneno agehe gaJuda oga teka po.
Uuna shika sha ningwa, omwa ka kutha omatati moshinyanga shomiti. 9-10 Omwa mono omahala ogendji moka omakuma gaJerusalem taga pumbwa okuthitikwa. Omwa konakona omagumbo agehe muJerusalem e tamu kumuna po gamwe gomugo, opo mu mone oondhopi mu thitike omakuma goshilando. 11 Omwa tungu ondama meni lyoshilando okupungula omeya taga tondoka taga zi kedhiya ekulu. Ihe ne inamu pulakena Kalunga, ngoka a dhiladhila ayihe mbika nale naangoka e yi eta po yi ningwe.
12 Omupangeliawike Omuwa Omunankondoawike okwa li te mu ithana, mu ye mu lile ne mu takume; mu kulule omitse dheni ne mu zale omahahi. 13 Ihe omwa ningi shike? Omwa yolo owala nokudhana iituthi. Omwa tsele iimuna, omwa dhipaga oonzi mu lye, nomwa nu omaviinu. Omwa ti: “Tu lyeni tse tu nweni, oshoka ngula otatu si.”
14 Omupangeliawike Omuwa Omunankondoawike oye mwenemwene a lombwele ndje a ti: “Oshili ondjo ndjika itayi ka dhimwa po sigo esiku lyokusa kweni. Ongame, Omupangeliawike Omuwa Omunankondoawike, nde dhi popi.”
Shebna ta londodhwa
15 Omupangeliawike Omuwa Omunankondoawike okwa lombwele ndje, ndi ye kuShebna, omusilishimpwiyu guuwa, ndi mu lombwele ndi tye: 16 “Oto dhiladhila ongoye olye? Epitikilo u li na olyashike, sho to ihokithile ombila memanya lyomondundu? 17 Kotoka, Omuwa ote ke ku kutha po e te ku ekelehi. 18 Ote ke ku toola po wa fa okatanga e te ke ku umbila moshilongo oshinene. Omo to ka sila ontega nomatembakwiita wa li we ga inomene. Oto ka sitha egumbo lyamwene gwoye ohoni. 19 Omuwa ote ku kutha uulenga e te ku shundula.
20 “Uuna shika tashi ka ningwa, otandi ka ithana omuntu gwandje Eliakim lyaHilkia. 21 Otandi ke mu zaleka ondjatha yoye yoshilonga nepaya e tandi mu pe oonkondo adhihe wa li u dhi na. Ota ka ninga he yAajerusalem nAajuda. 22 Otandi ke mu pa oshipatululo shegumbo lyaDavid. Ngele te egulula, kape na ngoka te edhile po; nongele te edhile po, kape na ngoka te egulula. 23 Otandi ke mu dhengela pokuma pwa kola ngomboha, noye ta ka ninga ekota lyesimano lyezimo lyahe.
24 “Ihe oluvalo olwindji lwahe, aatekulu naatekulululwa otaa ka kala kombunda ye. Ote ke ya leka ya fa iiyuma, uuyo nomatenga ge li kontsiliko. 25 Uuna shika tashi ningwa, omboha ndjoka ya li ya dhengelwa pokuma pwa kola, otayi ka nengena e tayi gu po. Shika otashi ka ninga ehulilo lyaayihe mbyoka ya li ye endjelela ko.” Omuwa oye e dhi popya.
Jerusalem tashi hunganekwa
1 Ndika ehunganeko tali hunganeke Esilu lyemoniko.
Oshike sha ningwa po? Omolwashike aantu ayehe moshilando ya londa kombanda yoongulu? 2 Oshilando ashihe osha piyagana, shu udha onkugo nelondoko.
Aalumentu yoye oya dhipagwa inaaya kondja ya sile molugodhi andola. 3 Aakuluntu yoye ayehe oya fadhuka po noya kwatwa, manga inaaya umba nando oshikuti shimweshimwe. 4 Ngashingeyi ethii ndje, ndi lile nokulililila oosa dhaantu mboka ya si. Inamu kambadhala mu hekeleke ndje nando. 5 Ndika ethimbo lyeshololo, lyesindiko nolyepiyagano mEsilu lyemoniko, Omupangeliawike Omuwa Omunankondoawike okwe shi tu tumine. Omakuma goshilando shetu oga kumunwa po, noonkugo odha mbolongondja mokati koondundu.
6 Aakwiita ya zi koshilongo Elam, oye ya ya kayila uukambe, ya homata omatati niikuti. Aakwiita ya zi koshilongo Kir, oya longekidha omahuuyanza gawo. 7 Omatathapya gomuJuda ogu udha omatembakwiita; aakwiita ya kayila uukambe oya li momusholondondo ya thikama komeho gomiyelo dhaJerusalem. 8 Omagameneno agehe gaJuda oga teka po.
Uuna shika sha ningwa, omwa ka kutha omatati moshinyanga shomiti. 9-10 Omwa mono omahala ogendji moka omakuma gaJerusalem taga pumbwa okuthitikwa. Omwa konakona omagumbo agehe muJerusalem e tamu kumuna po gamwe gomugo, opo mu mone oondhopi mu thitike omakuma goshilando. 11 Omwa tungu ondama meni lyoshilando okupungula omeya taga tondoka taga zi kedhiya ekulu. Ihe ne inamu pulakena Kalunga, ngoka a dhiladhila ayihe mbika nale naangoka e yi eta po yi ningwe.
12 Omupangeliawike Omuwa Omunankondoawike okwa li te mu ithana, mu ye mu lile ne mu takume; mu kulule omitse dheni ne mu zale omahahi. 13 Ihe omwa ningi shike? Omwa yolo owala nokudhana iituthi. Omwa tsele iimuna, omwa dhipaga oonzi mu lye, nomwa nu omaviinu. Omwa ti: “Tu lyeni tse tu nweni, oshoka ngula otatu si.”
14 Omupangeliawike Omuwa Omunankondoawike oye mwenemwene a lombwele ndje a ti: “Oshili ondjo ndjika itayi ka dhimwa po sigo esiku lyokusa kweni. Ongame, Omupangeliawike Omuwa Omunankondoawike, nde dhi popi.”
Shebna ta londodhwa
15 Omupangeliawike Omuwa Omunankondoawike okwa lombwele ndje, ndi ye kuShebna, omusilishimpwiyu guuwa, ndi mu lombwele ndi tye: 16 “Oto dhiladhila ongoye olye? Epitikilo u li na olyashike, sho to ihokithile ombila memanya lyomondundu? 17 Kotoka, Omuwa ote ke ku kutha po e te ku ekelehi. 18 Ote ke ku toola po wa fa okatanga e te ke ku umbila moshilongo oshinene. Omo to ka sila ontega nomatembakwiita wa li we ga inomene. Oto ka sitha egumbo lyamwene gwoye ohoni. 19 Omuwa ote ku kutha uulenga e te ku shundula.
20 “Uuna shika tashi ka ningwa, otandi ka ithana omuntu gwandje Eliakim lyaHilkia. 21 Otandi ke mu zaleka ondjatha yoye yoshilonga nepaya e tandi mu pe oonkondo adhihe wa li u dhi na. Ota ka ninga he yAajerusalem nAajuda. 22 Otandi ke mu pa oshipatululo shegumbo lyaDavid. Ngele te egulula, kape na ngoka te edhile po; nongele te edhile po, kape na ngoka te egulula. 23 Otandi ke mu dhengela pokuma pwa kola ngomboha, noye ta ka ninga ekota lyesimano lyezimo lyahe.
24 “Ihe oluvalo olwindji lwahe, aatekulu naatekulululwa otaa ka kala kombunda ye. Ote ke ya leka ya fa iiyuma, uuyo nomatenga ge li kontsiliko. 25 Uuna shika tashi ningwa, omboha ndjoka ya li ya dhengelwa pokuma pwa kola, otayi ka nengena e tayi gu po. Shika otashi ka ninga ehulilo lyaayihe mbyoka ya li ye endjelela ko.” Omuwa oye e dhi popya.
