Ombili yaaluhe
(Mika. 4:1-3)1 Ndika olyo elaka ndyoka Kalunga a gandja kuJesaja yaAmos tali popi Juda naJerusalem:
2 Momasiku tage ke ya ondundu hoka kwa tungilwa otempeli,
otayi ka ninga ondeendeka yi vule adhihe,
otayi ki itumba kombanda yoondundu adhihe.
Iigwana oyindji otayi ka matukila kuyo,
3 naantu yayo otaa ka tya:
“Natu londeni kondundu yOmuwa,
tu ye kotempeli yaKalunga kaIsrael.
Ote ke tu nongeka shoka a hala tu longe;
otatu ke enda momapola e ga hogolola.
Oshoka elongo lyOmuwa otali zi muJerusalem;
okuza muSion ota popitha aantu ye.”
4 Oye ta loteke oontamanana mokati kiigwana iinankondo.
Otaa ka hambula omagonga gawo, omatemo
nomagongamwele gawo iimwitho.
Iigwana itayi ka ya we kiita,
itayi ilongekidhile we olugodhi.
5 Ngashingeyi ne yomoluvalo lwaJakob, yambukeni, ileni tu lyangeni muuyelele mboka Omuwa te tu minikile nawo.
Einenepeko tali vudhwa mo
6 Kalunga, ongoye we etha aantu yoye, oluvalo lwaJakob! Evi olyu udha uunganga wokUuzilo nuumpulile wokuFilistia. Aantu ohaa panga uukuume naakwiilongo. 7 Evi lyawo olyu udha oshisiliveli noshingoli, nopwaa na ehulilo lyomapungulilo guuyamba wawo. Evi lyawo olyu udha uukambe, nomatembakwiita gawo kage na ehulilo. 8 Evi olyu udha iimenka, nohaa longele iinima mbyoka ye yi longa nomake gawo yene.
9 Omuntu kehe ota ka fupipikwa nokusithwa ohoni. Omuwa, ino ya dhimina po!
10 Otaa ka holama momakololo goondundu notaa fulu omakwena mevi, ya kambadhale okuhenuka ondjahi yOmuwa noya ka holame etilitho lye neadhimo lyoonkondo dhe! 11 Esiku onali ya, uuna uuntsa wopantu tau hulithwa po neinomo lyuuntu tali hanagulwa po. Nena Omuwa oye awike ta ka simana pombanda. 12 Esiku ndyoka Omuwa Omunankondoawike ota ka fupipika shaa ngoka e na oonkondo, kehe ngoka ti itanga noti inomo. 13 Ota ka komangela po omisedeli omile dhaLibanon noomwandi adhihe moshilongo Baasha. 14 Ota ka yeleka oondundu adhihe oondeendeka niikulundundu, 15 oshungo kehe ondeendeka nomakuma gepopilongulu kehe. 16 Ota ka ninginitha oosikepa oonenenene dho opala. 17-18 Eitango lyopantu otali hulithwa po, neinomo lyopantu otali shundulwa. Iimenka otayi ka hula po thiluthilu, nOmuwa awike ta ka simana pombanda esiku ndyoka.
19 Aantu otaa ka holama momakololo moondundu notaa fulu omakwena mevi, ya kambadhale okuhenuka ondjahi yOmuwa noya holame etilitho neadhimo lyoonkondo dhe, uuna te ya a ndjingandjinge evi. 20 Uuna esiku ndyoka nali ya, otaa ka ekelahi iimenka yoshisiliveli noyoshingoli mbyoka ye yi hambula notaye yi thigile oombuku nomalimalima. 21 Uuna Omuwa te ya a ndjingandjinge evi, aantu otaa ka holama moombogo nomomakololo goondundu ya kambadhale okuhenuka ondjahi yOmuwa noya holame etilitho neadhimo lyoonkondo dhe.
22 Inamu inekela we omuntu. Oye omufudho gwowala. Oku na omwago gwashike?
Ombili yaaluhe
(Mika. 4:1-3)1 Ndika olyo elaka ndyoka Kalunga a gandja kuJesaja yaAmos tali popi Juda naJerusalem:
2 Momasiku tage ke ya ondundu hoka kwa tungilwa otempeli,
otayi ka ninga ondeendeka yi vule adhihe,
otayi ki itumba kombanda yoondundu adhihe.
Iigwana oyindji otayi ka matukila kuyo,
3 naantu yayo otaa ka tya:
“Natu londeni kondundu yOmuwa,
tu ye kotempeli yaKalunga kaIsrael.
Ote ke tu nongeka shoka a hala tu longe;
otatu ke enda momapola e ga hogolola.
Oshoka elongo lyOmuwa otali zi muJerusalem;
okuza muSion ota popitha aantu ye.”
4 Oye ta loteke oontamanana mokati kiigwana iinankondo.
Otaa ka hambula omagonga gawo, omatemo
nomagongamwele gawo iimwitho.
Iigwana itayi ka ya we kiita,
itayi ilongekidhile we olugodhi.
5 Ngashingeyi ne yomoluvalo lwaJakob, yambukeni, ileni tu lyangeni muuyelele mboka Omuwa te tu minikile nawo.
Einenepeko tali vudhwa mo
6 Kalunga, ongoye we etha aantu yoye, oluvalo lwaJakob! Evi olyu udha uunganga wokUuzilo nuumpulile wokuFilistia. Aantu ohaa panga uukuume naakwiilongo. 7 Evi lyawo olyu udha oshisiliveli noshingoli, nopwaa na ehulilo lyomapungulilo guuyamba wawo. Evi lyawo olyu udha uukambe, nomatembakwiita gawo kage na ehulilo. 8 Evi olyu udha iimenka, nohaa longele iinima mbyoka ye yi longa nomake gawo yene.
9 Omuntu kehe ota ka fupipikwa nokusithwa ohoni. Omuwa, ino ya dhimina po!
10 Otaa ka holama momakololo goondundu notaa fulu omakwena mevi, ya kambadhale okuhenuka ondjahi yOmuwa noya ka holame etilitho lye neadhimo lyoonkondo dhe! 11 Esiku onali ya, uuna uuntsa wopantu tau hulithwa po neinomo lyuuntu tali hanagulwa po. Nena Omuwa oye awike ta ka simana pombanda. 12 Esiku ndyoka Omuwa Omunankondoawike ota ka fupipika shaa ngoka e na oonkondo, kehe ngoka ti itanga noti inomo. 13 Ota ka komangela po omisedeli omile dhaLibanon noomwandi adhihe moshilongo Baasha. 14 Ota ka yeleka oondundu adhihe oondeendeka niikulundundu, 15 oshungo kehe ondeendeka nomakuma gepopilongulu kehe. 16 Ota ka ninginitha oosikepa oonenenene dho opala. 17-18 Eitango lyopantu otali hulithwa po, neinomo lyopantu otali shundulwa. Iimenka otayi ka hula po thiluthilu, nOmuwa awike ta ka simana pombanda esiku ndyoka.
19 Aantu otaa ka holama momakololo moondundu notaa fulu omakwena mevi, ya kambadhale okuhenuka ondjahi yOmuwa noya holame etilitho neadhimo lyoonkondo dhe, uuna te ya a ndjingandjinge evi. 20 Uuna esiku ndyoka nali ya, otaa ka ekelahi iimenka yoshisiliveli noyoshingoli mbyoka ye yi hambula notaye yi thigile oombuku nomalimalima. 21 Uuna Omuwa te ya a ndjingandjinge evi, aantu otaa ka holama moombogo nomomakololo goondundu ya kambadhale okuhenuka ondjahi yOmuwa noya holame etilitho neadhimo lyoonkondo dhe.
22 Inamu inekela we omuntu. Oye omufudho gwowala. Oku na omwago gwashike?
