1 Oshigwana shaIsrael osha li sha fa omuviinu gwa kanyata omandjembele. Sho sha likola iiyimati oyindji, oshi indjipalitha omwaalu gwiiyambelo yasho. Evi lyasho sho lya vala nawa, osho opaleke shi vule shito oongudhimanya dhiimenka shi dhi longele. 2 Aantu yomitima omikotokeli otaa ka sa uudhigu molwoondjo dhawo. Kalunga ota ka kumuna po iiyambelo yawo e ta yonagula po oongudhi dhawo dhiimenka.
3 Aantu mbaka otaa ka tya: “Katu na omukwaniilwa, oshoka inatu tila Omuwa. Ihe omukwaniilwa ote tu kwatha shike?” 4 Otaa popi oohapu dhaa na shilonga notaa ningi omauvaneko giifundja nomauvaneno gowala. Uuyuuki wa shituka uukeenuuyuuki tau koko wa fa iigwanga yuuzigo mepya lya pululwa.
5 Aantu mboka taa kala moshilando Samaria, otaa ka tila e taa si oluhodhi omolwoshikalunga shoshingoli puBetaven. Oyo naayambi mboka ya longele oshimenka shika, otaye ke shi lilila. Otaa ka kugagana, sho tashi hulwa eadhimo lyasho lyoshingoli. 6 Oshimenka otashi ka falwa kuAssur, shi ninge ombalagelo komupangeli omunene. Israel ota ka kuthwa esimano, ota ka sithwa ohoni molwaashoka ye shi ningi. 7 Omukwaniilwa gwe ota ka falwa ngoshipipili kombanda yomeya. 8 Iimenka yokoondungu dhoondundu dhaBetaven, nkoka oshigwana shaIsrael hashi yi simanekele, otayi ka yonagulwa po. Omano noongwena otayi ka mena piiyambelo yayo. Aantu otaa ki ithana oondundu taa ti: “Tu holekeni!” niikulundundu: “Tu siikileni!”
Omuwa tu uvitha epangulo kuIsrael
9 Omuwa ota ti: “Oshigwana shaIsrael inashi etha nando okuyona kungame, ngaashi ya li ya yono puGibea. Onkee iita otayi ke ya adha puGibea. 10 Otandi ka ponokela aantu mbaka aalunde notandi ya geele. Iigwana otayi ke ya hangena, noyo otaa ka geelelwa oondjo dhawo odhindji. 11 Israel nale okwa li a fa ondema ya dheuka nawa, yi ilongekidha noya hala okuyungula iilya. Ihe onda tokola oku mu tula ondjoko kothingo ye yo opala nonde mu tula miilonga iidhigu. Juda onde mu hilitha oshipululo naIsrael onde mu kookololitha oshihelelitho. 12 Nda ti: ‘Ipululila eputa epe, tsika uuyuuki noto teya omayambeko ngoka taga pendutha okwiigameka kwoye kungame. Ndika olyo ethimbo lyokugalukila kungame, Omuwa gwoye, nangame otandi ya notandi mu pe omayambeko.’ 13 Ihe ne omwa kunu uukolokoshi nokuteya iiyimati yawo. Omwa li iiyimati ya zi miifundja yeni.
“Oshoka omwi inekela omatembakwiita geni naakwiita yeni oyendji, 14 iita otayi ka adha aantu yeni, noohote dheni otadhi ka kumunwa po. Esiku ndyoka otali ka kala lya fa uuna omukwaniilwa Shalman a hanagula po oshilando Betabel molugodhi, naakulukadhi naanona oya sile mo. 15 Shika osho tamu ka ningilwa, ne aantu yokuBetel omolwiihuna mbyoka mwa longo. Omukwaniilwa gwaIsrael ota ka sa, shampa tuu olugodhi lwa tameke.”
1 Oshigwana shaIsrael osha li sha fa omuviinu gwa kanyata omandjembele. Sho sha likola iiyimati oyindji, oshi indjipalitha omwaalu gwiiyambelo yasho. Evi lyasho sho lya vala nawa, osho opaleke shi vule shito oongudhimanya dhiimenka shi dhi longele. 2 Aantu yomitima omikotokeli otaa ka sa uudhigu molwoondjo dhawo. Kalunga ota ka kumuna po iiyambelo yawo e ta yonagula po oongudhi dhawo dhiimenka.
3 Aantu mbaka otaa ka tya: “Katu na omukwaniilwa, oshoka inatu tila Omuwa. Ihe omukwaniilwa ote tu kwatha shike?” 4 Otaa popi oohapu dhaa na shilonga notaa ningi omauvaneko giifundja nomauvaneno gowala. Uuyuuki wa shituka uukeenuuyuuki tau koko wa fa iigwanga yuuzigo mepya lya pululwa.
5 Aantu mboka taa kala moshilando Samaria, otaa ka tila e taa si oluhodhi omolwoshikalunga shoshingoli puBetaven. Oyo naayambi mboka ya longele oshimenka shika, otaye ke shi lilila. Otaa ka kugagana, sho tashi hulwa eadhimo lyasho lyoshingoli. 6 Oshimenka otashi ka falwa kuAssur, shi ninge ombalagelo komupangeli omunene. Israel ota ka kuthwa esimano, ota ka sithwa ohoni molwaashoka ye shi ningi. 7 Omukwaniilwa gwe ota ka falwa ngoshipipili kombanda yomeya. 8 Iimenka yokoondungu dhoondundu dhaBetaven, nkoka oshigwana shaIsrael hashi yi simanekele, otayi ka yonagulwa po. Omano noongwena otayi ka mena piiyambelo yayo. Aantu otaa ki ithana oondundu taa ti: “Tu holekeni!” niikulundundu: “Tu siikileni!”
Omuwa tu uvitha epangulo kuIsrael
9 Omuwa ota ti: “Oshigwana shaIsrael inashi etha nando okuyona kungame, ngaashi ya li ya yono puGibea. Onkee iita otayi ke ya adha puGibea. 10 Otandi ka ponokela aantu mbaka aalunde notandi ya geele. Iigwana otayi ke ya hangena, noyo otaa ka geelelwa oondjo dhawo odhindji. 11 Israel nale okwa li a fa ondema ya dheuka nawa, yi ilongekidha noya hala okuyungula iilya. Ihe onda tokola oku mu tula ondjoko kothingo ye yo opala nonde mu tula miilonga iidhigu. Juda onde mu hilitha oshipululo naIsrael onde mu kookololitha oshihelelitho. 12 Nda ti: ‘Ipululila eputa epe, tsika uuyuuki noto teya omayambeko ngoka taga pendutha okwiigameka kwoye kungame. Ndika olyo ethimbo lyokugalukila kungame, Omuwa gwoye, nangame otandi ya notandi mu pe omayambeko.’ 13 Ihe ne omwa kunu uukolokoshi nokuteya iiyimati yawo. Omwa li iiyimati ya zi miifundja yeni.
“Oshoka omwi inekela omatembakwiita geni naakwiita yeni oyendji, 14 iita otayi ka adha aantu yeni, noohote dheni otadhi ka kumunwa po. Esiku ndyoka otali ka kala lya fa uuna omukwaniilwa Shalman a hanagula po oshilando Betabel molugodhi, naakulukadhi naanona oya sile mo. 15 Shika osho tamu ka ningilwa, ne aantu yokuBetel omolwiihuna mbyoka mwa longo. Omukwaniilwa gwaIsrael ota ka sa, shampa tuu olugodhi lwa tameke.”
