Omuwa ta geele Egipiti
1 Omuwa okwa popi ishewe a ti: 2 “Muna gwomuntu, hunganeka, u popye shoka ngame, Omuwa Omupangeliawike, tandi ti. Kololoka oohapu ndhika:
Esiku etilithi otali ya!
3 Esiku olya thikana, uuna Omuwa ti ikwatele ko,
esiku lyomuzimbi nolyomalwa kiigwana.
4 MuEgipiti otamu ka kala iita
nuuwehame uunene muSudan.
Oyendji otaa ka dhipagwa muEgipiti;
oshilongo otashi ka yugwa,
otashi ka ninga omakulukuma.
5 “Iita mbyoka otayi ka dhipaga aakwiita ya hehelwa ya za kuSudan, Lidia, Libia, Arabia, Kub, nokuli mboka ya za koshigwana shandje.”
6 Omuwa Omupangeliawike ota ti: “Okuza kuMigdol muumbangalantu sigo okuAswan muumbugantu, aapopili yaEgipiti ayehe otaa ka dhipagelwa molugodhi. Etangakwiita lya kinga otali ka halakanithwa. Ongame, Omuwa Omupangeliawike, nda popi. 7 Oshilongo otashi ka mbugala lela mokati kiilongo ya mbugala yomuuyuni, niilando yasho otayi ka kumunwa po thilu. 8 Nge tandi tomeke Egipiti naapopili yasho taa dhipagwa po, otaa ka tseya kutya ongame Omuwa.
9 “Uuna esiku ndyoka tali thiki, naEgipiti lya hanagulwa po, otandi ka tuma aatumwa moosikepa, ya ka haluthe Aasudani mombili yawo. Otaa ka kakama kuuwehame. Esiku ndyoka olya thikana!”
10 Omuwa Omupangeliawike ota ti: “Otandi ka longitha Nebukadnezzar, omukwaniilwa gwaBabilon, a hulithe po uuyamba waEgipiti. 11 Oye pamwe netangakwiita lye lyaa na ohenda, ote ya a mbugaleke evi. Otaa ponokele Egipiti nomagongamwele, nevi otali ka udha omidhimba. 12 Otandi ka kukutika Niili nokugandja Egipiti miikaha yaantu aapwidhi. Aakwiilongo otaa ka mbugaleka oshilongo ashihe. Ongame, Omuwa, nda popi.”
13 Omuwa Omupangeliawike ota ti: “Otandi ka hanagula po iimenka niikalunga yiifundja muMemfis. Itamu ka kala we ngoka ta lele Egipiti, notandi ka tilitha aantu ayehe. 14 Otandi mbugaleke Egipiti muumbugantu nokutomeka Zoan omulilo muumbangalantu. Otandi ka pangula oshilandopangelo Thebes. 15 Otandi ka polithila ondjahi yandje moshilando Pelusium, oshilandohote sha kola shaEgipiti. Otandi ka hanagula po uuyamba waThebes. 16 Egipiti otandi li tomeke omulilo, naPelusium otashi ka kala muuwehame uunene. Omakuma gaThebes otaga kumunwa po, noshilando otashi ka kungululwa po kefundja. 17 Aagundjuka yomiilando Heliopolis naPi-Beset otaa ka sila molugodhi, naantu yalwe otaa ka kwatwa po oonkwatwa. 18 Omilema otadhi ka kwidhidhika Takpanhes, uuna tandi teya po oonkondo dhaEgipiti nokuhulitha po omwiityo gwasho guuntsa. Oshikogo otashi ka kwidhidhika Egipiti, naantu yomiilando yasho otaa ka kwatwa po oonkwatwa. 19 Uuna tandi geele Egipiti ngeyi, otaa ka tseya kutya ongame Omuwa.”
Etekopo lyoonkondo dhomukwaniilwa gwaEgipiti
20 Mesiku etiheyali lyomwedhi gwotango lyomumvo omutimulongo nogwotango guupongekwa wetu, Omuwa okwa lombwele ndje a ti: 21 “Muna gwomuntu, onda teya okwooko kwomukwaniilwa gwaEgipiti. Kape na ngoka e ku manga nenge e ku tule melapi, opo ku aluke kwo ku ka kwate ishewe egongamwele. 22 Ngame, Omuwa Omupangeliawike, otandi ti ngashingeyi: Ngame omutondi gwomukwaniilwa gwaEgipiti. Otandi ka teya po omaako ge agehe gaali, okwooko okundjolowele nokukwawo hoka kwa teka nale, negongamwele otali ka gwila pevi. 23 Aayegipiti otandi ke ya halakanithila nuuyuni auhe. 24 Omaako gomukwaniilwa gwaBabilonia otandi ke ga koleka e tandi tula egongamwele lyandje moshikaha she. Ihe omaako gomukwaniilwa gwaEgipiti otandi ga teya, nota ka kema e ta si montaneho yaatondi ye. 25 Eeno, otandi ke mu nkundipaleka nokukoleka omukwaniilwa gwaBabilon. Uuna tandi mu pe egongamwele lyandje, oye note li taganekele lwokuEgipiti, shaa ngoka ota ka tseya kutya ongame Omuwa. 26 Aayegipiti otandi ke ya halakanithila nuuyuni. Notaa ka tseya kutya ongame Omuwa.”
Omuwa ta geele Egipiti
1 Omuwa okwa popi ishewe a ti: 2 “Muna gwomuntu, hunganeka, u popye shoka ngame, Omuwa Omupangeliawike, tandi ti. Kololoka oohapu ndhika:
Esiku etilithi otali ya!
3 Esiku olya thikana, uuna Omuwa ti ikwatele ko,
esiku lyomuzimbi nolyomalwa kiigwana.
4 MuEgipiti otamu ka kala iita
nuuwehame uunene muSudan.
Oyendji otaa ka dhipagwa muEgipiti;
oshilongo otashi ka yugwa,
otashi ka ninga omakulukuma.
5 “Iita mbyoka otayi ka dhipaga aakwiita ya hehelwa ya za kuSudan, Lidia, Libia, Arabia, Kub, nokuli mboka ya za koshigwana shandje.”
6 Omuwa Omupangeliawike ota ti: “Okuza kuMigdol muumbangalantu sigo okuAswan muumbugantu, aapopili yaEgipiti ayehe otaa ka dhipagelwa molugodhi. Etangakwiita lya kinga otali ka halakanithwa. Ongame, Omuwa Omupangeliawike, nda popi. 7 Oshilongo otashi ka mbugala lela mokati kiilongo ya mbugala yomuuyuni, niilando yasho otayi ka kumunwa po thilu. 8 Nge tandi tomeke Egipiti naapopili yasho taa dhipagwa po, otaa ka tseya kutya ongame Omuwa.
9 “Uuna esiku ndyoka tali thiki, naEgipiti lya hanagulwa po, otandi ka tuma aatumwa moosikepa, ya ka haluthe Aasudani mombili yawo. Otaa ka kakama kuuwehame. Esiku ndyoka olya thikana!”
10 Omuwa Omupangeliawike ota ti: “Otandi ka longitha Nebukadnezzar, omukwaniilwa gwaBabilon, a hulithe po uuyamba waEgipiti. 11 Oye pamwe netangakwiita lye lyaa na ohenda, ote ya a mbugaleke evi. Otaa ponokele Egipiti nomagongamwele, nevi otali ka udha omidhimba. 12 Otandi ka kukutika Niili nokugandja Egipiti miikaha yaantu aapwidhi. Aakwiilongo otaa ka mbugaleka oshilongo ashihe. Ongame, Omuwa, nda popi.”
13 Omuwa Omupangeliawike ota ti: “Otandi ka hanagula po iimenka niikalunga yiifundja muMemfis. Itamu ka kala we ngoka ta lele Egipiti, notandi ka tilitha aantu ayehe. 14 Otandi mbugaleke Egipiti muumbugantu nokutomeka Zoan omulilo muumbangalantu. Otandi ka pangula oshilandopangelo Thebes. 15 Otandi ka polithila ondjahi yandje moshilando Pelusium, oshilandohote sha kola shaEgipiti. Otandi ka hanagula po uuyamba waThebes. 16 Egipiti otandi li tomeke omulilo, naPelusium otashi ka kala muuwehame uunene. Omakuma gaThebes otaga kumunwa po, noshilando otashi ka kungululwa po kefundja. 17 Aagundjuka yomiilando Heliopolis naPi-Beset otaa ka sila molugodhi, naantu yalwe otaa ka kwatwa po oonkwatwa. 18 Omilema otadhi ka kwidhidhika Takpanhes, uuna tandi teya po oonkondo dhaEgipiti nokuhulitha po omwiityo gwasho guuntsa. Oshikogo otashi ka kwidhidhika Egipiti, naantu yomiilando yasho otaa ka kwatwa po oonkwatwa. 19 Uuna tandi geele Egipiti ngeyi, otaa ka tseya kutya ongame Omuwa.”
Etekopo lyoonkondo dhomukwaniilwa gwaEgipiti
20 Mesiku etiheyali lyomwedhi gwotango lyomumvo omutimulongo nogwotango guupongekwa wetu, Omuwa okwa lombwele ndje a ti: 21 “Muna gwomuntu, onda teya okwooko kwomukwaniilwa gwaEgipiti. Kape na ngoka e ku manga nenge e ku tule melapi, opo ku aluke kwo ku ka kwate ishewe egongamwele. 22 Ngame, Omuwa Omupangeliawike, otandi ti ngashingeyi: Ngame omutondi gwomukwaniilwa gwaEgipiti. Otandi ka teya po omaako ge agehe gaali, okwooko okundjolowele nokukwawo hoka kwa teka nale, negongamwele otali ka gwila pevi. 23 Aayegipiti otandi ke ya halakanithila nuuyuni auhe. 24 Omaako gomukwaniilwa gwaBabilonia otandi ke ga koleka e tandi tula egongamwele lyandje moshikaha she. Ihe omaako gomukwaniilwa gwaEgipiti otandi ga teya, nota ka kema e ta si montaneho yaatondi ye. 25 Eeno, otandi ke mu nkundipaleka nokukoleka omukwaniilwa gwaBabilon. Uuna tandi mu pe egongamwele lyandje, oye note li taganekele lwokuEgipiti, shaa ngoka ota ka tseya kutya ongame Omuwa. 26 Aayegipiti otandi ke ya halakanithila nuuyuni. Notaa ka tseya kutya ongame Omuwa.”
