1 Mordekai sho a koneke shoka sha ningwa po, okwa tuula oonguwo dhe moluhodhi. Okwa zala ehahi, i igundu omutoko momutse e te endagula noshilando ta kugu mokule a lulilwa, 2 sigo ta thiki peelo lyuuwa. Ina ya mo muuwa, oshoka ihamu yio muntu a zala ehahi. 3 Kiitopolwa ayihe, nkoka eutho lyomukwaniilwa lya tseyithwa, okwa li elilagano enene mokati kAajuda. Oyi idhilike iikulya, ya lili nokukuga; oyendji oya zala omahahi e taa lala momutoko.
4 Aadhike yaEster naathonwantu oye mu hokololele shoka tashi ningwa kuMordekai. Ester okwa si oluhodhi olunene. Okwa tumine Mordekai oonguwo, e dhi zale peha lyehahi, ihe ine dhi taamba. 5 Nena Ester okwi ithana Hatak, gumwe gwomaathonwantu yomuuwa, ngoka a tulwa po komukwaniilwa a kale omupiya gwe, e te mu lombwele, a ye kuMordekai a uve shoka sha ningwa po nomolwashike. 6 Hatak okwa yi kuMordekai mehalandjandja lyoshilando peelo lyuuwa. 7 Mordekai okwe mu hokololele ashihe shoka she mu ningilwa. Okwe mu tseyithile wo ondjundo yoshisiliveli Haman e yi uvaneka, yi tulwe moompungulilo dhuuwa, ngele Aajuda ayehe oya dhipagwa po. 8 Okwa pe Hatak ombapila yenyolululo lyeutho ndyoka lya gandjwa muSusa lyokudhipaga Aajuda, opo e yi fale kuEster noku mu tseyithila oshinima ashihe. Ester ne ki ikumbe omukwaniilwa noku mu indila, opo a sile ohenda oshigwana she Oshijuda. 9 Hatak okwe shi ningi, 10 naEster okwe mu pe elaka, e li fale kuMordekai, tali ti: 11 “Shaa ngoka, omulumentu nenge omukiintu, ta yi kehale lyomeni a mone omukwaniilwa ye ini ithanwa, oku na okusa. Ndjika ompango; omalenga gomukwaniilwa agehe naantu ayehe miitopolwa yoshilongo she oye yi tseya. Ope na ompito yimwe ayike okukala nomwenyo. Omuntu ngoka omukwaniilwa te mu ganeke nondhimbo ye yuukwaniilwa yoshingoli, ita dhipagwa. Ihe opwa piti omwedhi omukwaniilwa ini ithana ndje, ndi ye kuye.”
12 Mordekai sho u uvu oohapu dhaEster, 13 okwe mu tumine eyamukulo tali ti: “Ino ifundjaleka kutya ou li megameno u vule Aajuda yalwe, sho u li muuwa womukwaniilwa. 14 Ngele to mwenene ompito ndjika, ekwatho otali zile Aajuda palwe e taa ka hupithwa, ihe ngoye nezimo lyaho otamu ka yonuka po. Olye e shi tseya kutya ino ninga omunyekadhi omolwompito ndjika?”
15 Ester okwa tumine Mordekai eyamukulo tali ti: 16 “Inda, u ka gongele Aajuda ayehe muSusa; idhilikeni iikulya ne mu galikanene ndje. Inamu lya ne inamu nwa sha omasiku gatatu, uusiku nomutenya. Nangame osho te ningi pamwe naadhike yandje. Konima yaambika otandi ka ya komukwaniilwa, nando nashi kale sha pingathana nompango. Ngele ote si, nandi se.”
17 Mordekai okwa yi e ta ningi, ngaashi Ester e mu lombwele.
1 Mordekai sho a koneke shoka sha ningwa po, okwa tuula oonguwo dhe moluhodhi. Okwa zala ehahi, i igundu omutoko momutse e te endagula noshilando ta kugu mokule a lulilwa, 2 sigo ta thiki peelo lyuuwa. Ina ya mo muuwa, oshoka ihamu yio muntu a zala ehahi. 3 Kiitopolwa ayihe, nkoka eutho lyomukwaniilwa lya tseyithwa, okwa li elilagano enene mokati kAajuda. Oyi idhilike iikulya, ya lili nokukuga; oyendji oya zala omahahi e taa lala momutoko.
4 Aadhike yaEster naathonwantu oye mu hokololele shoka tashi ningwa kuMordekai. Ester okwa si oluhodhi olunene. Okwa tumine Mordekai oonguwo, e dhi zale peha lyehahi, ihe ine dhi taamba. 5 Nena Ester okwi ithana Hatak, gumwe gwomaathonwantu yomuuwa, ngoka a tulwa po komukwaniilwa a kale omupiya gwe, e te mu lombwele, a ye kuMordekai a uve shoka sha ningwa po nomolwashike. 6 Hatak okwa yi kuMordekai mehalandjandja lyoshilando peelo lyuuwa. 7 Mordekai okwe mu hokololele ashihe shoka she mu ningilwa. Okwe mu tseyithile wo ondjundo yoshisiliveli Haman e yi uvaneka, yi tulwe moompungulilo dhuuwa, ngele Aajuda ayehe oya dhipagwa po. 8 Okwa pe Hatak ombapila yenyolululo lyeutho ndyoka lya gandjwa muSusa lyokudhipaga Aajuda, opo e yi fale kuEster noku mu tseyithila oshinima ashihe. Ester ne ki ikumbe omukwaniilwa noku mu indila, opo a sile ohenda oshigwana she Oshijuda. 9 Hatak okwe shi ningi, 10 naEster okwe mu pe elaka, e li fale kuMordekai, tali ti: 11 “Shaa ngoka, omulumentu nenge omukiintu, ta yi kehale lyomeni a mone omukwaniilwa ye ini ithanwa, oku na okusa. Ndjika ompango; omalenga gomukwaniilwa agehe naantu ayehe miitopolwa yoshilongo she oye yi tseya. Ope na ompito yimwe ayike okukala nomwenyo. Omuntu ngoka omukwaniilwa te mu ganeke nondhimbo ye yuukwaniilwa yoshingoli, ita dhipagwa. Ihe opwa piti omwedhi omukwaniilwa ini ithana ndje, ndi ye kuye.”
12 Mordekai sho u uvu oohapu dhaEster, 13 okwe mu tumine eyamukulo tali ti: “Ino ifundjaleka kutya ou li megameno u vule Aajuda yalwe, sho u li muuwa womukwaniilwa. 14 Ngele to mwenene ompito ndjika, ekwatho otali zile Aajuda palwe e taa ka hupithwa, ihe ngoye nezimo lyaho otamu ka yonuka po. Olye e shi tseya kutya ino ninga omunyekadhi omolwompito ndjika?”
15 Ester okwa tumine Mordekai eyamukulo tali ti: 16 “Inda, u ka gongele Aajuda ayehe muSusa; idhilikeni iikulya ne mu galikanene ndje. Inamu lya ne inamu nwa sha omasiku gatatu, uusiku nomutenya. Nangame osho te ningi pamwe naadhike yandje. Konima yaambika otandi ka ya komukwaniilwa, nando nashi kale sha pingathana nompango. Ngele ote si, nandi se.”
17 Mordekai okwa yi e ta ningi, ngaashi Ester e mu lombwele.
