1 “Omuhunganeki nenge omulalindjodhi ota vulu okuuvaneka oshilongandhindhiliko nenge oshinyengandunge, 2 opo e mu fale mokusimaneka nokulongela ookalunga mboka inaamu ya simaneka nale. Nonando shoka u uvaneka tashi tsu, 3 inamu mu pulakena. Omuwa Kalunga keni ote mu longitha, opo e mu lole a tale, ngele omu hole tuu shili Omuwa komutima aguhe. 4 Landuleni Omuwa Kalunga keni, ne mu mu tile; vulikeni kuye ne mu dhiginine iipango ye; mu longeleni noku mu inekela. 5 Ihe omuhunganeki nenge omulalindjodhi kehe te mu tsitha ondumbo nOmuwa Kalunga keni, ngoka e mu tembudha mo muEgipiti, moka mwa li aapika, mu dhipagii po. Omuntu a tya ngaaka omudhudhu nota kambadhala e mu gamune mondjila ndjoka Omuwa Kalunga keni e mu lombwele mu kale mo. Na dhipagwe, opo mu ikanyutulule kuuwinayi.
6 “Ngele oku na mumwanyoko nenge omumwoyemati nenge omumwoyekadhona nenge omukulukadhi u mu hole unene nenge kuume koye kopothingo te ku hongolola monanguwi ta ti: ‘Natu ka longele ookalunga yalwe,’ mboka ne noohokulu inaamu ya tseya, 7 ookalunga yiigwana mbyoka ye mu kunduka, mbyoka yi li popepi nenge kokule nane, okuza kooha dhevi sigo okoonkwawo, 8 ino mu pitika e ku heke; ino mu pulakena nokuli. Ino mu sila ohenda nande nenge u mu etele olukeno, ino mu gamena. 9 Mu dhipaga! Ongoye mu dhaadhiga tango nemanya, opo ihe ayehe naye mu dhenge nomamanya! 10 Mu dhipaga nomamanya! Okwa kambadhala e ku gamune kOmuwa Kalunga koye, ngoka e ku mangulula muEgipiti, moka wa li omupika. 11 Nena Aaisraeli ayehe otaye shi uvu shoka sha ningwa po e taa tila, nokape na ngoka na longo we oshinima oshiwinayi sha tya ngaaka.”
12 “Oto vulu okuuva kutya moshilando shontumba mwaambyoka Omuwa Kalunga koye te ku pe, 13 mokati keni omu na aalumentu yaamakaha mboka taa hekaheka aantu yomoshilando shawo okulongela ookalunga yalwe mboka inaamu ya tseya. 14 Shi konakona nokupulakena nawalela. Ngele oshoshili kutya iinima iinyanyalithi ya tya ngaaka oya ningwa mokati keni. 15 Nena dhipaga po aantu ayehe yomoshilando shoka niimuna yawo ayihe. Oshilando shi dhima po thilu. 16 Gongela omaliko agehe gaantu mboka ya kala mo e to ga ndumbile ondumba mehalandjandja lyoshilando. Fika po ihe oshilando naashihe shi li mo, shi ninge omudhidhindjambo kOmuwa Kalunga koye. Nashi ninge ondumba yomakulukuma aluhe sigo aluhe noitashi tungululwa we. 17 Ino ihupithila sha mushoka sha pangulilwa okudhimwa po, opo Omuwa a geyuluke e te ku sile ohenda. Ote ku etele olukeno e te ku indjipaleke, u ninge aantu oyendji, ngaashi u uvanekele oohokulu, 18 ngele to vulika kiipango ye ayihe mbyoka nde ku pe nena, e to ningi shoka shu uka momeho gOmuwa Kalunga koye.”
1 “Omuhunganeki nenge omulalindjodhi ota vulu okuuvaneka oshilongandhindhiliko nenge oshinyengandunge, 2 opo e mu fale mokusimaneka nokulongela ookalunga mboka inaamu ya simaneka nale. Nonando shoka u uvaneka tashi tsu, 3 inamu mu pulakena. Omuwa Kalunga keni ote mu longitha, opo e mu lole a tale, ngele omu hole tuu shili Omuwa komutima aguhe. 4 Landuleni Omuwa Kalunga keni, ne mu mu tile; vulikeni kuye ne mu dhiginine iipango ye; mu longeleni noku mu inekela. 5 Ihe omuhunganeki nenge omulalindjodhi kehe te mu tsitha ondumbo nOmuwa Kalunga keni, ngoka e mu tembudha mo muEgipiti, moka mwa li aapika, mu dhipagii po. Omuntu a tya ngaaka omudhudhu nota kambadhala e mu gamune mondjila ndjoka Omuwa Kalunga keni e mu lombwele mu kale mo. Na dhipagwe, opo mu ikanyutulule kuuwinayi.
6 “Ngele oku na mumwanyoko nenge omumwoyemati nenge omumwoyekadhona nenge omukulukadhi u mu hole unene nenge kuume koye kopothingo te ku hongolola monanguwi ta ti: ‘Natu ka longele ookalunga yalwe,’ mboka ne noohokulu inaamu ya tseya, 7 ookalunga yiigwana mbyoka ye mu kunduka, mbyoka yi li popepi nenge kokule nane, okuza kooha dhevi sigo okoonkwawo, 8 ino mu pitika e ku heke; ino mu pulakena nokuli. Ino mu sila ohenda nande nenge u mu etele olukeno, ino mu gamena. 9 Mu dhipaga! Ongoye mu dhaadhiga tango nemanya, opo ihe ayehe naye mu dhenge nomamanya! 10 Mu dhipaga nomamanya! Okwa kambadhala e ku gamune kOmuwa Kalunga koye, ngoka e ku mangulula muEgipiti, moka wa li omupika. 11 Nena Aaisraeli ayehe otaye shi uvu shoka sha ningwa po e taa tila, nokape na ngoka na longo we oshinima oshiwinayi sha tya ngaaka.”
12 “Oto vulu okuuva kutya moshilando shontumba mwaambyoka Omuwa Kalunga koye te ku pe, 13 mokati keni omu na aalumentu yaamakaha mboka taa hekaheka aantu yomoshilando shawo okulongela ookalunga yalwe mboka inaamu ya tseya. 14 Shi konakona nokupulakena nawalela. Ngele oshoshili kutya iinima iinyanyalithi ya tya ngaaka oya ningwa mokati keni. 15 Nena dhipaga po aantu ayehe yomoshilando shoka niimuna yawo ayihe. Oshilando shi dhima po thilu. 16 Gongela omaliko agehe gaantu mboka ya kala mo e to ga ndumbile ondumba mehalandjandja lyoshilando. Fika po ihe oshilando naashihe shi li mo, shi ninge omudhidhindjambo kOmuwa Kalunga koye. Nashi ninge ondumba yomakulukuma aluhe sigo aluhe noitashi tungululwa we. 17 Ino ihupithila sha mushoka sha pangulilwa okudhimwa po, opo Omuwa a geyuluke e te ku sile ohenda. Ote ku etele olukeno e te ku indjipaleke, u ninge aantu oyendji, ngaashi u uvanekele oohokulu, 18 ngele to vulika kiipango ye ayihe mbyoka nde ku pe nena, e to ningi shoka shu uka momeho gOmuwa Kalunga koye.”
