Etililo lyOmbepo Ondjapuki
1 Ano esiku lyaPentekoste sho lya thikana, ooitaali ayehe oya adhika ya gongala peha limwe. 2 Ombaadhilila aantu oyu uvu oshihomo oshinene tashi zi kegulu noshu udhitha ondjugo moka ya li ya kuutumba. 3 Oyo oya mono ihe omalaka ga fa gomulilo taga halakanene mokati kawo, nomuntu kehe ngoka a li mo, okwa lambelwa kulimwe. 4 Oyo ayehe oyu udhithwa ihe Ombepo Ondjapuki e taa tameke okupopya omalaka omakwiilongo, ngashika naanaa Ombepo e ya pe owino oku ga popya.
5 MuJerusalem omwa li mu na aalumentu Aajuda haa simaneke Kalunga ya za kiilongo ayihe yokombanda yevi. 6 Oyo sho yu uvu oshihomo shika, oya gongala kumwe ongundu onene. Ayehe oya li ya kumwa, oshoka kehe gumwe gwomokati kawo oku uvu, ooitaali taa popi melaka lyaandjawo. 7 Oyo oya haluka noya kumwa e taa pulathana: “Aantu mbaka taa popi ngashingeyi, kaye shi ayehe Aagalilea? 8 Ongiini ano, sho kehe gumwe gwomutse e ya uvite taa popi elaka lyoshilongo shaandjawo moka a valelwa? 9 Otse otwa za kuPartia, kuMedia nokuElam, kuMesopotamia, muJudea nokuKappadokia, kuPontus nokuAsia, 10 kuFrigia naPamfilia, kuEgipiti nokomikunda dhaLibia ndhoka dhi li popepi naKireni. Yamwe yomutse oya za kuRoma, 11 Aajuda naapagani mboka yi itedhululila muujuda. Yamwe yomutse oya za kuKreta nokuArabia. Ihe tse atuhe otu ya uvite taa popi iilonga iinene yaKalunga melaka lyetu.” 12 Aantu ayehe oya haluka noya kumwa. Oyo oya ti: “Shika otashi ti ngiini ano?”
13 Ihe ooyakwawo yalwe oya sheke ooitaali ya ti: “Aantu mbaka oya kolwa.”
Euvitho lyaPetrus
14 Nena Petrus okwa thikama pamwe naayapostoli ooyakwawo omulongo nagumwe. Oye okwa tameke okupopitha ongundu yaantu newi enene a ti: “Aajuda ooyakwetu, nane yalwe amuhe mboka mwa kala muJerusalem, pulakenii ndje ndi mu lombwele: 15 One otamu dhiladhila kutya aantu mbaka oya kolwa, ihe hasho. Otundi oyo ngaa ontimugoyi yongula. 16 Shika osho shoka sha popiwa komuhunganeki Joel. Kalunga ota ti:
17 ‘Pomasiku gahugunina otandi ka ninga ngeyi, Omuwa ta ti.
Otandi ka tilila Ombepo yandje maantu ayehe;
aana yeni aamati naakadhona otaa ka hunganeka,
aamati aagundjuka otaa ka mona omamoniko,
aasamane aakulupe otaa ka yaguma.
18 Eeno, maayakuli yandje ayehe, aalumentu naakiintu,
otandi ka tilila mo Ombepo yandje pomasiku ngoka,
oyo notaa ka hunganeka.
19 Otandi ka holola iilongankondo pombanda kegulu,
niikumithalonga pevi, kombanda yevi.
Otaku ka holoka ombinzi nomulilo nolwithi lwa gundakana.
20 Etango otali ka luudha,
nomwedhi otagu ka tiligana gwa fa ombinzi,
esiku ndyoka lyOmuwa enene
nolya simana manga inaali thikana.
21 Ihe kehe ngoka ti ithana edhina lyOmuwa, ota hupithwa.’
22 “Aaisraeli ne, pulakeneni oohapu ndhika! Jesus Omunasareti okwa li omulumentu a hogololwa kuKalunga. Kalunga okwe shi mu hololele kiilongankondo, kiikumithalonga nokomandhindhiliko ngoka Kalunga e mu longitha mokati keni. One omu shi shi nawa. 23 Pahalo lye nopawino ye Kalunga okwa kala e shi tokola nale kutya Jesus ota ka gandjwa miikaha yeni notamu ke mu dhipaga. One nomwa longitha aalumentu aalunde oku mu alela komushigakano. 24 Ihe Kalunga okwe mu yumudha kuusi. Oye okwe mu mangulula mo muuwehame weso, oshoka eso inali vula oku mu kwata uupika. 25 Oshoka David ote mu popi ta ti:
‘Ethimbo alihe onda mono Omuwa e li komeho gandje.
Oye oku li kolulyo lwandje, opo ndaa punduke.
26 Onkee omutima gwandje ogu udha enyanyu
nelaka lyandje otali ligola;
nokuli ngame nando ondi li monkalo yokusa,
otandi vululukwa nombili metegameno.
27 Oshoka omwenyo gwandje ito gu ethele maasi.
Ngoye ito pitika, omuntu gwoye omwiinekelwa a ole.
28 Ongoye u ulukile ndje oondjila ndhoka tadhi fala komwenyo.
Ngame nonda nyanyukwa,
oshoka ou li pungame.’
29 “Aamwameme, onda hala, ndi mu fatululile kombinga yatatekulu David. Oye okwa si e ta fumvikwa, nombila ye oyi li sigo onena mpaka putse. 30 Oye okwa li omuhunganeki nokwa li a tseya omauvaneko ngoka Kalunga e ge mu uvanekela. Kalunga okwa ganene David egano kutya ota ka langeka gumwe gwomoyana koshipundi she shuukwaniilwa naanaa, ngashika David a li. 31 David okwa mono shoka Kalunga ta ka ninga, onkee okwa popi eyumuko lyaKristus sho a ti:
‘Kalunga ine mu ethela maasi,
olutu lwe inalu vula okwoola.’
32 OJesus tuu nguka Kalunga e mu yumudha kuusi, natse atuhe oonzapo dhoshinima shika. 33 Oye okwa yeluthilwa pombanda kolulyo lwaKalunga e ta taamba kuye Ombepo Ondjapuki, ndjoka He e yi uvaneka. Ano shoka mu wete nomu uvite ngashingeyi, osho omagano ngoka Jesus e ge tu tilile. 34 Oshoka David ye mwene ina londa megulu, aawe, oye okwa ti:
‘Omuwa okwa lombwele Omuwa gwandje:
Kala omutumba mpaka kolulyo lwandje,
35 sigo tandi tula aatondi yoye kohi yoompadhi dhoye.’
36 “Onkee ano Aaisraeli ayehe oye na okutseya kutya Jesus ngoka mwe mu alele komushigakano, Kalunga okwe mu ningi Omuwa naKristus.”
37 Aantu sho yu uvu oohapu ndhoka, odhe ya dhenge pomutima. Oyo noya pula Petrus naayapostoli ooyakwawo ya ti: “Aamwameme, otu na okuninga shike?”
38 Petrus okwe ya yamukula a ti: “Itedhululeni, mu ethe uulunde, kehe gumwe gwomune polwe, mu shashelwe medhina lyaJesus Kristus. Nena Kalunga ota dhimi po oondjo dheni note mu pe omagano gOmbepo Ondjapuki. 39 Oshoka euvaneko ndika Kalunga okwe li mu uvanekela, one naana yeni naantu ayehe mboka ye li kokule, oomboka ayehe Omuwa Kalunga ketu te ya ithana, ye ye kuye.”
40 Petrus okwe ya tompo nokwe ya kumagidha noohapu dhilwe odhindji a ti: “Etheni, mu hupithwe mo megeelo ndyoka tali ka adha aakolokoshi mboka.” 41 Oyendji yomuyo oyi itaale oohapu dhe noya shashwa. Esiku ndyoka Omuwa okwa gwedhele ko ongundu yooitaali, aantu ye thike pomayuvi gatatu. 42 Oyo oya kala taa longwa kaayapostoli e taa topola shoka ye shi na naayapostoli noya lile pamwe e taa galikana Kalunga pamwe.
Okukalamwenyo kwooitaali yotango
43 Iilongankondo niikumithalonga oyindji mbyoka Kalunga e yi longitha aayapostoli, oye etele kehe gumwe uumbanda netilo. 44 Ooitaali ayehe oya tsikile okukala muukumwe neliko lyawo alihe oye li tula mumwe. 45 Oyo oya landitha po omapya gawo niimuna yawo e taa topolelathana iimaliwa mbyoka, nakehe gumwe okwa pewa shoka e shi pumbwa. 46 Esiku kehe oya tsikile okugongala pamwe motempeli mombepo yimwe e taa li iikulya yawo pamwe momagumbo gawo noye yi li nenyanyu noneifupipiko. 47 Oyo oya kala nokuhambelela Kalunga noya li ya hokiwa kaantu ayehe. Esiku kehe Omuwa okwa gwedhele ko aahupithwa kongundu yawo.
Etililo lyOmbepo Ondjapuki
1 Ano esiku lyaPentekoste sho lya thikana, ooitaali ayehe oya adhika ya gongala peha limwe. 2 Ombaadhilila aantu oyu uvu oshihomo oshinene tashi zi kegulu noshu udhitha ondjugo moka ya li ya kuutumba. 3 Oyo oya mono ihe omalaka ga fa gomulilo taga halakanene mokati kawo, nomuntu kehe ngoka a li mo, okwa lambelwa kulimwe. 4 Oyo ayehe oyu udhithwa ihe Ombepo Ondjapuki e taa tameke okupopya omalaka omakwiilongo, ngashika naanaa Ombepo e ya pe owino oku ga popya.
5 MuJerusalem omwa li mu na aalumentu Aajuda haa simaneke Kalunga ya za kiilongo ayihe yokombanda yevi. 6 Oyo sho yu uvu oshihomo shika, oya gongala kumwe ongundu onene. Ayehe oya li ya kumwa, oshoka kehe gumwe gwomokati kawo oku uvu, ooitaali taa popi melaka lyaandjawo. 7 Oyo oya haluka noya kumwa e taa pulathana: “Aantu mbaka taa popi ngashingeyi, kaye shi ayehe Aagalilea? 8 Ongiini ano, sho kehe gumwe gwomutse e ya uvite taa popi elaka lyoshilongo shaandjawo moka a valelwa? 9 Otse otwa za kuPartia, kuMedia nokuElam, kuMesopotamia, muJudea nokuKappadokia, kuPontus nokuAsia, 10 kuFrigia naPamfilia, kuEgipiti nokomikunda dhaLibia ndhoka dhi li popepi naKireni. Yamwe yomutse oya za kuRoma, 11 Aajuda naapagani mboka yi itedhululila muujuda. Yamwe yomutse oya za kuKreta nokuArabia. Ihe tse atuhe otu ya uvite taa popi iilonga iinene yaKalunga melaka lyetu.” 12 Aantu ayehe oya haluka noya kumwa. Oyo oya ti: “Shika otashi ti ngiini ano?”
13 Ihe ooyakwawo yalwe oya sheke ooitaali ya ti: “Aantu mbaka oya kolwa.”
Euvitho lyaPetrus
14 Nena Petrus okwa thikama pamwe naayapostoli ooyakwawo omulongo nagumwe. Oye okwa tameke okupopitha ongundu yaantu newi enene a ti: “Aajuda ooyakwetu, nane yalwe amuhe mboka mwa kala muJerusalem, pulakenii ndje ndi mu lombwele: 15 One otamu dhiladhila kutya aantu mbaka oya kolwa, ihe hasho. Otundi oyo ngaa ontimugoyi yongula. 16 Shika osho shoka sha popiwa komuhunganeki Joel. Kalunga ota ti:
17 ‘Pomasiku gahugunina otandi ka ninga ngeyi, Omuwa ta ti.
Otandi ka tilila Ombepo yandje maantu ayehe;
aana yeni aamati naakadhona otaa ka hunganeka,
aamati aagundjuka otaa ka mona omamoniko,
aasamane aakulupe otaa ka yaguma.
18 Eeno, maayakuli yandje ayehe, aalumentu naakiintu,
otandi ka tilila mo Ombepo yandje pomasiku ngoka,
oyo notaa ka hunganeka.
19 Otandi ka holola iilongankondo pombanda kegulu,
niikumithalonga pevi, kombanda yevi.
Otaku ka holoka ombinzi nomulilo nolwithi lwa gundakana.
20 Etango otali ka luudha,
nomwedhi otagu ka tiligana gwa fa ombinzi,
esiku ndyoka lyOmuwa enene
nolya simana manga inaali thikana.
21 Ihe kehe ngoka ti ithana edhina lyOmuwa, ota hupithwa.’
22 “Aaisraeli ne, pulakeneni oohapu ndhika! Jesus Omunasareti okwa li omulumentu a hogololwa kuKalunga. Kalunga okwe shi mu hololele kiilongankondo, kiikumithalonga nokomandhindhiliko ngoka Kalunga e mu longitha mokati keni. One omu shi shi nawa. 23 Pahalo lye nopawino ye Kalunga okwa kala e shi tokola nale kutya Jesus ota ka gandjwa miikaha yeni notamu ke mu dhipaga. One nomwa longitha aalumentu aalunde oku mu alela komushigakano. 24 Ihe Kalunga okwe mu yumudha kuusi. Oye okwe mu mangulula mo muuwehame weso, oshoka eso inali vula oku mu kwata uupika. 25 Oshoka David ote mu popi ta ti:
‘Ethimbo alihe onda mono Omuwa e li komeho gandje.
Oye oku li kolulyo lwandje, opo ndaa punduke.
26 Onkee omutima gwandje ogu udha enyanyu
nelaka lyandje otali ligola;
nokuli ngame nando ondi li monkalo yokusa,
otandi vululukwa nombili metegameno.
27 Oshoka omwenyo gwandje ito gu ethele maasi.
Ngoye ito pitika, omuntu gwoye omwiinekelwa a ole.
28 Ongoye u ulukile ndje oondjila ndhoka tadhi fala komwenyo.
Ngame nonda nyanyukwa,
oshoka ou li pungame.’
29 “Aamwameme, onda hala, ndi mu fatululile kombinga yatatekulu David. Oye okwa si e ta fumvikwa, nombila ye oyi li sigo onena mpaka putse. 30 Oye okwa li omuhunganeki nokwa li a tseya omauvaneko ngoka Kalunga e ge mu uvanekela. Kalunga okwa ganene David egano kutya ota ka langeka gumwe gwomoyana koshipundi she shuukwaniilwa naanaa, ngashika David a li. 31 David okwa mono shoka Kalunga ta ka ninga, onkee okwa popi eyumuko lyaKristus sho a ti:
‘Kalunga ine mu ethela maasi,
olutu lwe inalu vula okwoola.’
32 OJesus tuu nguka Kalunga e mu yumudha kuusi, natse atuhe oonzapo dhoshinima shika. 33 Oye okwa yeluthilwa pombanda kolulyo lwaKalunga e ta taamba kuye Ombepo Ondjapuki, ndjoka He e yi uvaneka. Ano shoka mu wete nomu uvite ngashingeyi, osho omagano ngoka Jesus e ge tu tilile. 34 Oshoka David ye mwene ina londa megulu, aawe, oye okwa ti:
‘Omuwa okwa lombwele Omuwa gwandje:
Kala omutumba mpaka kolulyo lwandje,
35 sigo tandi tula aatondi yoye kohi yoompadhi dhoye.’
36 “Onkee ano Aaisraeli ayehe oye na okutseya kutya Jesus ngoka mwe mu alele komushigakano, Kalunga okwe mu ningi Omuwa naKristus.”
37 Aantu sho yu uvu oohapu ndhoka, odhe ya dhenge pomutima. Oyo noya pula Petrus naayapostoli ooyakwawo ya ti: “Aamwameme, otu na okuninga shike?”
38 Petrus okwe ya yamukula a ti: “Itedhululeni, mu ethe uulunde, kehe gumwe gwomune polwe, mu shashelwe medhina lyaJesus Kristus. Nena Kalunga ota dhimi po oondjo dheni note mu pe omagano gOmbepo Ondjapuki. 39 Oshoka euvaneko ndika Kalunga okwe li mu uvanekela, one naana yeni naantu ayehe mboka ye li kokule, oomboka ayehe Omuwa Kalunga ketu te ya ithana, ye ye kuye.”
40 Petrus okwe ya tompo nokwe ya kumagidha noohapu dhilwe odhindji a ti: “Etheni, mu hupithwe mo megeelo ndyoka tali ka adha aakolokoshi mboka.” 41 Oyendji yomuyo oyi itaale oohapu dhe noya shashwa. Esiku ndyoka Omuwa okwa gwedhele ko ongundu yooitaali, aantu ye thike pomayuvi gatatu. 42 Oyo oya kala taa longwa kaayapostoli e taa topola shoka ye shi na naayapostoli noya lile pamwe e taa galikana Kalunga pamwe.
Okukalamwenyo kwooitaali yotango
43 Iilongankondo niikumithalonga oyindji mbyoka Kalunga e yi longitha aayapostoli, oye etele kehe gumwe uumbanda netilo. 44 Ooitaali ayehe oya tsikile okukala muukumwe neliko lyawo alihe oye li tula mumwe. 45 Oyo oya landitha po omapya gawo niimuna yawo e taa topolelathana iimaliwa mbyoka, nakehe gumwe okwa pewa shoka e shi pumbwa. 46 Esiku kehe oya tsikile okugongala pamwe motempeli mombepo yimwe e taa li iikulya yawo pamwe momagumbo gawo noye yi li nenyanyu noneifupipiko. 47 Oyo oya kala nokuhambelela Kalunga noya li ya hokiwa kaantu ayehe. Esiku kehe Omuwa okwa gwedhele ko aahupithwa kongundu yawo.
