David ta ningi omukwaniilwa gwaIsrael naJuda
(1 Ondjal. 11:1-91 14:1-7)1 Nena omazimo agehe gaIsrael oge ya kuDavid muHebron e taga ti kuye: “Tse onyama nombinzi yoye. 2 Noshitonale, manga Saul a li omukwaniilwa gwetu, owa wilike Aaisraeli molugodhi, nOmuwa okwe ku uvanekele kutya oto ka wilika aantu ye nokuninga omuleli gwawo.” 3 Osho ngaaka aawiliki ayehe yaIsrael ye ya komukwaniilwa David muHebron. Okwa hangana nayo ehangano eyapuki, oye mu gwayeke nokwa ningi omukwaniilwa gwaIsrael. 4 David okwa li e na omimvo omilongo ndatu, sho a ningi omukwaniilwa nokwa lele omimvo omilongo ne. 5 Okwa lele Juda muHebron omimvo heyali netata, nomuJerusalem Israel alihe naJuda omimvo omilongo ndatu nandatu.
6 Ethimbo sho lya thikana, omukwaniilwa David naantu ye oya piti mo, ya ka homone Jerusalem. Aayebusi mboka ya kala mo, oya dhiladhila kutya David ita ka vula okulala oshilando shawo, onkee ya ti kuye: “Ito ke ya mo muka. Aaposi niilema otaye ke ku keelela.” 7 (Ihe David okwa kutha ko epopilongulu lyaSion nosha lukwa “Oshilando shaDavid”.)
8 Esiku ndyoka David okwa ti kaantu ye: “Oku na tuu ngoka ta tondo Aayebusi a fa ndje? Kokutya a hala oku ya dhipaga ayehe? Nena na londe a pite momukanka gwomeya, a ka homone aaposi niilema mbeyaka aakweyi.” (Osha ningi omuhapo haku tiwa kutya aaposi niilema itaa vulu okuya mongulu yOmuwa.)
9 Epopilongulu sho lya kwatwa po, David okwa kala mo nokwe li luku “Oshilando shaDavid”. Okwa tungu oshilando she li kunduka, sha tameka puMillo shu uka meni. 10 David okwa ningi omunene ethimbo alihe, oshoka Omuwa Kalunga Omunankondoawike okwa li pamwe naye.
11 Omukwaniilwa Hiram gwaTiro okwa tumu oontumwa kuDavid; okwe mu kwatha omiti dhomisedeli pamwe naanashihongelo naahongi yomamanya, ye mu tungile ombala. 12 Osho ngaaka David kwa li u uvite kutya Kalunga okwe mu ningi omukwaniilwa gwaIsrael nokwa koleke uukwaniilwa we molwoshigwana she Israel.
13 Konima yetembu lyokuza kuHebron nokuya kuJerusalem, David okwa kala e na oohonda odhindji naahokanwa nokwa valelwa aamati naakadhona oyendji. 14 MuJerusalem okwa valelwa aanona mbaka: Shammua, Shobab, Natan, Salomo, 15 Ibhar, Elishua, Nefeg, Jafia, 16 Elishama, Eliada naElifelet.
Aafilisti taa sindwa
(1 Ondjal. 14:8-17)17 Aafilisti sho ya kundana kutya David a ningi omukwaniilwa gwaIsrael, etangakwiita lyawo olya piti mo, ye ke mu kwate po. David sho e shi kundana, okwa zi ko a yi meholameno. 18 Aafilisti oya thiki polusilu lwaRefaim e taye lu lala. 19 David okwa pula Omuwa a ti: “Nandi matukile Aafilisti? Oto pe ndje esindano?”
Omuwa okwa yamukula a ti: “Eeno, ya matukila! Otandi ku pe esindano!”
20 Osho ngaaka David a yi kuBaal-Perazim nokwa dhenge Aafilisti. Okwa ti: “Omuwa okwa panukile aatondi yandje a fa omeya gefundja.” Okuza kesiku ndiyaka epandja ndyoka olya lukwa Baal-Perazim. 21 Aafilisti sho ya yi ontuku, oya thigi po iimenka yawo, naDavid naantu ye oye yi kutha po.
22 Nena Aafilisti oya shuna kolusilu lwaRefaim e taye lu kwata po ishewe. 23 David okwa pula ishewe ehalo lyOmuwa, nOmuwa okwa yamukula a ti: “Ino ya ponokela okuziilila mpaka, ihe ya kunduka, u ya homone to ziilile kombinga yilwe, popepi nomiti dhomitaku. 24 Shampa wa uvu iikukulo yoompadhi momumbolongondjo gwomitaku, nena ya ponokela, oshoka otandi ka katuka ndi li komeho goye, ndi dhenge etangakwiita lyAafilisti.” 25 David okwa ningi shoka Omuwa e mu lombwele, nokwa li ta vulu okutidha Aafilisti okuza kuGeba ndongo ondjila ayihe sigo okuGeser.
David ta ningi omukwaniilwa gwaIsrael naJuda
(1 Ondjal. 11:1-91 14:1-7)1 Nena omazimo agehe gaIsrael oge ya kuDavid muHebron e taga ti kuye: “Tse onyama nombinzi yoye. 2 Noshitonale, manga Saul a li omukwaniilwa gwetu, owa wilike Aaisraeli molugodhi, nOmuwa okwe ku uvanekele kutya oto ka wilika aantu ye nokuninga omuleli gwawo.” 3 Osho ngaaka aawiliki ayehe yaIsrael ye ya komukwaniilwa David muHebron. Okwa hangana nayo ehangano eyapuki, oye mu gwayeke nokwa ningi omukwaniilwa gwaIsrael. 4 David okwa li e na omimvo omilongo ndatu, sho a ningi omukwaniilwa nokwa lele omimvo omilongo ne. 5 Okwa lele Juda muHebron omimvo heyali netata, nomuJerusalem Israel alihe naJuda omimvo omilongo ndatu nandatu.
6 Ethimbo sho lya thikana, omukwaniilwa David naantu ye oya piti mo, ya ka homone Jerusalem. Aayebusi mboka ya kala mo, oya dhiladhila kutya David ita ka vula okulala oshilando shawo, onkee ya ti kuye: “Ito ke ya mo muka. Aaposi niilema otaye ke ku keelela.” 7 (Ihe David okwa kutha ko epopilongulu lyaSion nosha lukwa “Oshilando shaDavid”.)
8 Esiku ndyoka David okwa ti kaantu ye: “Oku na tuu ngoka ta tondo Aayebusi a fa ndje? Kokutya a hala oku ya dhipaga ayehe? Nena na londe a pite momukanka gwomeya, a ka homone aaposi niilema mbeyaka aakweyi.” (Osha ningi omuhapo haku tiwa kutya aaposi niilema itaa vulu okuya mongulu yOmuwa.)
9 Epopilongulu sho lya kwatwa po, David okwa kala mo nokwe li luku “Oshilando shaDavid”. Okwa tungu oshilando she li kunduka, sha tameka puMillo shu uka meni. 10 David okwa ningi omunene ethimbo alihe, oshoka Omuwa Kalunga Omunankondoawike okwa li pamwe naye.
11 Omukwaniilwa Hiram gwaTiro okwa tumu oontumwa kuDavid; okwe mu kwatha omiti dhomisedeli pamwe naanashihongelo naahongi yomamanya, ye mu tungile ombala. 12 Osho ngaaka David kwa li u uvite kutya Kalunga okwe mu ningi omukwaniilwa gwaIsrael nokwa koleke uukwaniilwa we molwoshigwana she Israel.
13 Konima yetembu lyokuza kuHebron nokuya kuJerusalem, David okwa kala e na oohonda odhindji naahokanwa nokwa valelwa aamati naakadhona oyendji. 14 MuJerusalem okwa valelwa aanona mbaka: Shammua, Shobab, Natan, Salomo, 15 Ibhar, Elishua, Nefeg, Jafia, 16 Elishama, Eliada naElifelet.
Aafilisti taa sindwa
(1 Ondjal. 14:8-17)17 Aafilisti sho ya kundana kutya David a ningi omukwaniilwa gwaIsrael, etangakwiita lyawo olya piti mo, ye ke mu kwate po. David sho e shi kundana, okwa zi ko a yi meholameno. 18 Aafilisti oya thiki polusilu lwaRefaim e taye lu lala. 19 David okwa pula Omuwa a ti: “Nandi matukile Aafilisti? Oto pe ndje esindano?”
Omuwa okwa yamukula a ti: “Eeno, ya matukila! Otandi ku pe esindano!”
20 Osho ngaaka David a yi kuBaal-Perazim nokwa dhenge Aafilisti. Okwa ti: “Omuwa okwa panukile aatondi yandje a fa omeya gefundja.” Okuza kesiku ndiyaka epandja ndyoka olya lukwa Baal-Perazim. 21 Aafilisti sho ya yi ontuku, oya thigi po iimenka yawo, naDavid naantu ye oye yi kutha po.
22 Nena Aafilisti oya shuna kolusilu lwaRefaim e taye lu kwata po ishewe. 23 David okwa pula ishewe ehalo lyOmuwa, nOmuwa okwa yamukula a ti: “Ino ya ponokela okuziilila mpaka, ihe ya kunduka, u ya homone to ziilile kombinga yilwe, popepi nomiti dhomitaku. 24 Shampa wa uvu iikukulo yoompadhi momumbolongondjo gwomitaku, nena ya ponokela, oshoka otandi ka katuka ndi li komeho goye, ndi dhenge etangakwiita lyAafilisti.” 25 David okwa ningi shoka Omuwa e mu lombwele, nokwa li ta vulu okutidha Aafilisti okuza kuGeba ndongo ondjila ayihe sigo okuGeser.
