David ta kundana eso lyaSaul
1 Saul sho a si, David okwa galuka ko kesindano lye, sho a sindi Aayamaleki e ta kala muZiklag omasiku gaali. 2 Esiku lyanofu okwe ya omumati a zi ontuku kontanda yaSaul. Okwe ya a tuula oonguwo dhe nokwa gunda omutse gwe evi, shoka tashi holola oluhodhi lwe. Okwa yi kuDavid nokwi inyongamene pevi te mu simaneke. 3 David okwe mu pula a ti: “Owa zi peni?”
Omumati okwa yamukula a ti: “Onda zi ontuku kontanda yAaisraeli.”
4 David okwa ti: “Lombwela ndje utale shoka sha ningwa ko.”
Omumati okwa yamukula a ti: “Etangakwiita olya fadhuka po olugodhi, noyendji yomaakwiita yetu oya dhipagwa, Saul nomwana Jonatan oya dhipagwa wo.”
5 David okwe mu pula: “Owe shi tseya ngiini kutya Saul naJonatan oya sa?”
6 Omumati okwa yamukula ta ti: “Sho nda yi kondundu Gilboa, onda mono Saul i itsa kegonga lye mwene, nomatembakwiita naakawilinkambe aatondi oya li ye mu endja mo noye mu kunduka. 7 Nena okwa punguluka nokwa mono ndje e ti ithana ndje. Ondi itaale nda ti: ‘Ee, tatekulu.’ 8 Okwa pula ndje kutya ongame lye, nonde mu hokololele kutya ngame Omuamaleki. 9 Nena okwa ti: ‘Ila, u sigule ndje, oshoka onda tsuwa nayi nondi li pokusa.’ 10 Osho ngaaka nda yi kuye e tandi mu dhipaga, oshoka onda li ndi shi shi kutya ota ka ongotela pevi e ta si. Nena onda hula ko oshishani komutse gwe nokagondo koshikesho she nonde yi eta kungoye, tatekulu.”
11 Omolwoluhodhi David okwa tuula oonguwo dhe, naantu ye osho ya ningi wo. 12 Oya si oluhodhi noya lili noyi idhilike iikulya sigo ongulohi omolwaSaul naJonatan nomolwaIsrael, oshigwana shaKalunga, oshoka aantu oyendji oya dhipagelwa molugodhi.
13 David okwa pula omumati ngoka e mu etele onkundana ndjoka a ti: “Ngoye ogwapeni?”
Omumati okwa yamukula a ti: “Ngame Omuamaleki, ihe onda kala moshilongo sheni.”
14 David okwe mu pula a ti: “Ngiini, ino ninga nando uugelele okuganeka oshikaha shoye, u dhipage omukwaniilwa omuhogololwa gwOmuwa?” 15 Nena David okwi ithana gumwe gwomaamati ye e ta ti kuye: “Dhipaga Omuamaleki!” Omumati nokwe mu dhipaga, 16 David okwa ti kOmuamaleki: “Ongoye we shi iyetele, sho wa pitika, u dhipage omukwaniilwa ngoka a hogololwa kOmuwa.”
David ta lili oosa dhaSaul naJonatan
17 David okwa tangumunine Saul naJonatan ontakumandjimbo ndjika 18 e ta gandja elaka, yi longwe oshigwana shaJuda. (Oya nyolwa membo lyaJashar.)
19 “Aawiliki yetu ya sile koondundu dhaIsrael.
Omapenda gaakwiita yetu ga gwile ko.
20 Inamu shi tseyitha mo muGat
nenge momapandaanda gaAshkelon.
Inamu nyanyudha aakiintu yomuFilistia;
inamu etha aakadhona aapagani ya ligole.
21 “Omvula nenge omume inayi gwila koondundu dhaGilboa;
omalundu gadho naga kale aluhe ga kunyuka!
Oshoka omahuuyanza gomapenda ga gwithilwa pevi;
ehuuyanza lyaSaul inali lomonwa we nomagadhi.
22 Uutati waJonatan owa li hau lyana,
egongamwele lyaSaul olya dhenge onkama,
aanankondo ya dhengwa pevi, aatondi ye ya dhipaga.
23 “Aaholike, Saul naJonatan, aakwetu,
mwa kala pamwe momwenyo ndele nomeso,
mondapo mu vule omakodhi, moonkondo mu vule oonime.
24 “Aakiintu muIsrael, lileni molwaSaul!
Okwe mu zaleke omizalo omitiliganembwilili,
nokwe mu poleke nuuwe noniingoli.
25 “Aakwiita omapenda yi ihata po.
Oya dhipagelwa molugodhi.
Jonatan a kangawala koondundu.
26 Mentu gwameme Jonatan, onde ku ehamenwa;
onda li ndi ku hole unene!
Ohole yoye oya li onkumithi kungame,
eeno, oya li onene yi vule ohole yaakiintu.
27 “Aakwiita aapenda ya gwila po,
omatati gawo ge ethiwa gaa na mwago.”
David ta kundana eso lyaSaul
1 Saul sho a si, David okwa galuka ko kesindano lye, sho a sindi Aayamaleki e ta kala muZiklag omasiku gaali. 2 Esiku lyanofu okwe ya omumati a zi ontuku kontanda yaSaul. Okwe ya a tuula oonguwo dhe nokwa gunda omutse gwe evi, shoka tashi holola oluhodhi lwe. Okwa yi kuDavid nokwi inyongamene pevi te mu simaneke. 3 David okwe mu pula a ti: “Owa zi peni?”
Omumati okwa yamukula a ti: “Onda zi ontuku kontanda yAaisraeli.”
4 David okwa ti: “Lombwela ndje utale shoka sha ningwa ko.”
Omumati okwa yamukula a ti: “Etangakwiita olya fadhuka po olugodhi, noyendji yomaakwiita yetu oya dhipagwa, Saul nomwana Jonatan oya dhipagwa wo.”
5 David okwe mu pula: “Owe shi tseya ngiini kutya Saul naJonatan oya sa?”
6 Omumati okwa yamukula ta ti: “Sho nda yi kondundu Gilboa, onda mono Saul i itsa kegonga lye mwene, nomatembakwiita naakawilinkambe aatondi oya li ye mu endja mo noye mu kunduka. 7 Nena okwa punguluka nokwa mono ndje e ti ithana ndje. Ondi itaale nda ti: ‘Ee, tatekulu.’ 8 Okwa pula ndje kutya ongame lye, nonde mu hokololele kutya ngame Omuamaleki. 9 Nena okwa ti: ‘Ila, u sigule ndje, oshoka onda tsuwa nayi nondi li pokusa.’ 10 Osho ngaaka nda yi kuye e tandi mu dhipaga, oshoka onda li ndi shi shi kutya ota ka ongotela pevi e ta si. Nena onda hula ko oshishani komutse gwe nokagondo koshikesho she nonde yi eta kungoye, tatekulu.”
11 Omolwoluhodhi David okwa tuula oonguwo dhe, naantu ye osho ya ningi wo. 12 Oya si oluhodhi noya lili noyi idhilike iikulya sigo ongulohi omolwaSaul naJonatan nomolwaIsrael, oshigwana shaKalunga, oshoka aantu oyendji oya dhipagelwa molugodhi.
13 David okwa pula omumati ngoka e mu etele onkundana ndjoka a ti: “Ngoye ogwapeni?”
Omumati okwa yamukula a ti: “Ngame Omuamaleki, ihe onda kala moshilongo sheni.”
14 David okwe mu pula a ti: “Ngiini, ino ninga nando uugelele okuganeka oshikaha shoye, u dhipage omukwaniilwa omuhogololwa gwOmuwa?” 15 Nena David okwi ithana gumwe gwomaamati ye e ta ti kuye: “Dhipaga Omuamaleki!” Omumati nokwe mu dhipaga, 16 David okwa ti kOmuamaleki: “Ongoye we shi iyetele, sho wa pitika, u dhipage omukwaniilwa ngoka a hogololwa kOmuwa.”
David ta lili oosa dhaSaul naJonatan
17 David okwa tangumunine Saul naJonatan ontakumandjimbo ndjika 18 e ta gandja elaka, yi longwe oshigwana shaJuda. (Oya nyolwa membo lyaJashar.)
19 “Aawiliki yetu ya sile koondundu dhaIsrael.
Omapenda gaakwiita yetu ga gwile ko.
20 Inamu shi tseyitha mo muGat
nenge momapandaanda gaAshkelon.
Inamu nyanyudha aakiintu yomuFilistia;
inamu etha aakadhona aapagani ya ligole.
21 “Omvula nenge omume inayi gwila koondundu dhaGilboa;
omalundu gadho naga kale aluhe ga kunyuka!
Oshoka omahuuyanza gomapenda ga gwithilwa pevi;
ehuuyanza lyaSaul inali lomonwa we nomagadhi.
22 Uutati waJonatan owa li hau lyana,
egongamwele lyaSaul olya dhenge onkama,
aanankondo ya dhengwa pevi, aatondi ye ya dhipaga.
23 “Aaholike, Saul naJonatan, aakwetu,
mwa kala pamwe momwenyo ndele nomeso,
mondapo mu vule omakodhi, moonkondo mu vule oonime.
24 “Aakiintu muIsrael, lileni molwaSaul!
Okwe mu zaleke omizalo omitiliganembwilili,
nokwe mu poleke nuuwe noniingoli.
25 “Aakwiita omapenda yi ihata po.
Oya dhipagelwa molugodhi.
Jonatan a kangawala koondundu.
26 Mentu gwameme Jonatan, onde ku ehamenwa;
onda li ndi ku hole unene!
Ohole yoye oya li onkumithi kungame,
eeno, oya li onene yi vule ohole yaakiintu.
27 “Aakwiita aapenda ya gwila po,
omatati gawo ge ethiwa gaa na mwago.”
