Atalia, omukwaniilwa omukiintu gwaJuda
(2 Ondjal. 22:10—23:15)1 Atalia, yina yaAhasia, sho a koneke kutya omwana a dhipagwa, okwa dhipagitha aawagona ayehe. 2 Joas yaAhasia oye awike a hupu. Okwa li e na okudhipagwa pamwe nayakwawo, ihe okwa hupithwa kuhegona omukiintu Josheba yaJoram, omumwahe gwaAhasia. Okwe mu holeke nomuyamuthi gwe mongulu yimwe yokulala motempeli moka a holama Atalia, noina dhipagwa. 3 Josheba okwa dhiginine Joas omimvo hamano e mu holeka motempeli, manga Atalia ta pangele oshilongo.
4 Ihe momumvo omutiheyali omuyambi Jehoiada okwa tumine omalenga omalangeli gomukwaniilwa nokaalangeli yuuwa e te ya lombwele, ye ye kotempeli, nkoka a hangana nayo, ya ganene shoka tashi ka ningwa. Okwe ya ulukile omuna gwokombanda Joas yaAhasia 5 e te ya lombwele ta ti: “Sho tamu ya koshilonga mEsabati, oshititatu shomune otashi tonatele uuwa; 6 manga oshititatu oshikwawo tashi tonatele osheelo Sur, noshititatu oshikwawo otashi tonatele osheelo shi li konima yaalangeli yomukwaniilwa. 7 Oongundu mbali ndhoka dhaa li moshilonga mEsabati, nadhi tonatele omukwaniilwa motempeli. 8 Omu na okutonatela omukwaniilwa Joas mu na omagongamwele pomake mwe mu tula mekondeka. Kaleni puye shaa mpoka ta yi. Shaa ngoka ta hedha kune, na dhipagwe.”
9 Omalenga oga vulika komalombwelo gaJehoiada e taa eta aantu yawo kuye — mboka taa yi koshilonga mEsabati naamboka taa zimbuka moshilonga. 10 Omalenga okwe ga pe omagonga nomahuuyanza gaDavid, ngoka ga li ga pungulwa motempeli, 11 e ta langeke aantu ye na omagongamwele ya kunduka omukwaniilwa potempeli, ye mu gamene. 12 Nena Jehoiada okwa pititha mo Joas e te mu zaleke oshishani komutse gwe e te mu pe embo lyoompango dhokulela te mu gwayeke omukwaniilwa. Aantu oya hakele taa igidha taa ti: “Omukwaniilwa na kale e na omwenyo!”
13 Omukwaniilwa Atalia sho u uvu omawi gaalangeli nogaantu ayehe, okwe endelele okuya kotempeli, nkoka kwa li kwa gongala ongundu onene. 14 Okwa mono ko omukwaniilwa omupe a thikama pongundhi yoposheelo shotempeli pamisindilo. Okwa li mekondeka lyomalenga naahiki yoombenda, naantu ayehe oya li tayi igidha nenyanyu yo taa hiki oombenda, Atalia okwa tuula oonguwo dhe a sa uumbanda e ta ti: “Mwa kotokele ndje! Mwa kotokele ndje!”
15 Jehoiada ka li a hala, Atalia a dhipagelwe mehale lyotempeli, onkee a lombwele omalenga gaakwiita a ti: “Mu pititheni pokati komikweyo dhaalangeli ne mu dhipage shaa ngoka ta yelekele oku mu popila.” 16 Oye mu kwata e taye mu fala mombala noye mu dhipagele pOsheelo shuukambe.
Omaopaleko gaJehoiada
(2 Ondjal. 23:16-21)17 Omuyambi Jehoiada okwa hanganitha omukwaniilwa Joas noshigwana e te ya fala mehangano nOmuwa, ya ninge oshigwana shOmuwa. Okwa hangana nomukwaniilwa noshigwana. 18 Nena oshigwana osha yi kotempeli yaBaal e tashi yi kumuna po nokukumagula po iiyambelo niimenka e taa dhipagele omuyambi gwaBaal Mattan komeho giiyambelo.
Jehoiada okwa langeke aalangeli okutonatela otempeli. 19 Nena ye mwene pamwe nomalenga aalangeli yomukwaniilwa naalangeli yuuwa oya thindikile omukwaniilwa okuza motempeli sigo omombala ya landulwa koshigwana ashihe. Joas okwa hiti mosheelo shetonatelo e ta kuutumba koshipangelapundi she. 20 Aantu ayehe oya li ya nyanyukwa, nengungumano olya pangele moshilando, oshoka Atalia okwa dhipagwa.
21 Joas okwa li e na omimvo heyali, sho a ningi omukwaniilwa gwaJuda.
Atalia, omukwaniilwa omukiintu gwaJuda
(2 Ondjal. 22:10—23:15)1 Atalia, yina yaAhasia, sho a koneke kutya omwana a dhipagwa, okwa dhipagitha aawagona ayehe. 2 Joas yaAhasia oye awike a hupu. Okwa li e na okudhipagwa pamwe nayakwawo, ihe okwa hupithwa kuhegona omukiintu Josheba yaJoram, omumwahe gwaAhasia. Okwe mu holeke nomuyamuthi gwe mongulu yimwe yokulala motempeli moka a holama Atalia, noina dhipagwa. 3 Josheba okwa dhiginine Joas omimvo hamano e mu holeka motempeli, manga Atalia ta pangele oshilongo.
4 Ihe momumvo omutiheyali omuyambi Jehoiada okwa tumine omalenga omalangeli gomukwaniilwa nokaalangeli yuuwa e te ya lombwele, ye ye kotempeli, nkoka a hangana nayo, ya ganene shoka tashi ka ningwa. Okwe ya ulukile omuna gwokombanda Joas yaAhasia 5 e te ya lombwele ta ti: “Sho tamu ya koshilonga mEsabati, oshititatu shomune otashi tonatele uuwa; 6 manga oshititatu oshikwawo tashi tonatele osheelo Sur, noshititatu oshikwawo otashi tonatele osheelo shi li konima yaalangeli yomukwaniilwa. 7 Oongundu mbali ndhoka dhaa li moshilonga mEsabati, nadhi tonatele omukwaniilwa motempeli. 8 Omu na okutonatela omukwaniilwa Joas mu na omagongamwele pomake mwe mu tula mekondeka. Kaleni puye shaa mpoka ta yi. Shaa ngoka ta hedha kune, na dhipagwe.”
9 Omalenga oga vulika komalombwelo gaJehoiada e taa eta aantu yawo kuye — mboka taa yi koshilonga mEsabati naamboka taa zimbuka moshilonga. 10 Omalenga okwe ga pe omagonga nomahuuyanza gaDavid, ngoka ga li ga pungulwa motempeli, 11 e ta langeke aantu ye na omagongamwele ya kunduka omukwaniilwa potempeli, ye mu gamene. 12 Nena Jehoiada okwa pititha mo Joas e te mu zaleke oshishani komutse gwe e te mu pe embo lyoompango dhokulela te mu gwayeke omukwaniilwa. Aantu oya hakele taa igidha taa ti: “Omukwaniilwa na kale e na omwenyo!”
13 Omukwaniilwa Atalia sho u uvu omawi gaalangeli nogaantu ayehe, okwe endelele okuya kotempeli, nkoka kwa li kwa gongala ongundu onene. 14 Okwa mono ko omukwaniilwa omupe a thikama pongundhi yoposheelo shotempeli pamisindilo. Okwa li mekondeka lyomalenga naahiki yoombenda, naantu ayehe oya li tayi igidha nenyanyu yo taa hiki oombenda, Atalia okwa tuula oonguwo dhe a sa uumbanda e ta ti: “Mwa kotokele ndje! Mwa kotokele ndje!”
15 Jehoiada ka li a hala, Atalia a dhipagelwe mehale lyotempeli, onkee a lombwele omalenga gaakwiita a ti: “Mu pititheni pokati komikweyo dhaalangeli ne mu dhipage shaa ngoka ta yelekele oku mu popila.” 16 Oye mu kwata e taye mu fala mombala noye mu dhipagele pOsheelo shuukambe.
Omaopaleko gaJehoiada
(2 Ondjal. 23:16-21)17 Omuyambi Jehoiada okwa hanganitha omukwaniilwa Joas noshigwana e te ya fala mehangano nOmuwa, ya ninge oshigwana shOmuwa. Okwa hangana nomukwaniilwa noshigwana. 18 Nena oshigwana osha yi kotempeli yaBaal e tashi yi kumuna po nokukumagula po iiyambelo niimenka e taa dhipagele omuyambi gwaBaal Mattan komeho giiyambelo.
Jehoiada okwa langeke aalangeli okutonatela otempeli. 19 Nena ye mwene pamwe nomalenga aalangeli yomukwaniilwa naalangeli yuuwa oya thindikile omukwaniilwa okuza motempeli sigo omombala ya landulwa koshigwana ashihe. Joas okwa hiti mosheelo shetonatelo e ta kuutumba koshipangelapundi she. 20 Aantu ayehe oya li ya nyanyukwa, nengungumano olya pangele moshilando, oshoka Atalia okwa dhipagwa.
21 Joas okwa li e na omimvo heyali, sho a ningi omukwaniilwa gwaJuda.
