Hiskia ta yelitha elongelokalunga
1 Oshituthi sho sha hulu, Aaisraeli ayehe oya yi niilando ayihe muJuda e taa kumuna po oongundhimanya e taa teya po iiyelekela ya dhilikilwa oshikalungakiintu Asheera, taa yonagula po iiyambelo ayihe nomahala giinonoma yuupagani. Oye shi ningi muJuda alihe nomiitopolwa yaBenjamin, Efraim naManasse e taa shuna kaandjawo.
2 Omukwaniilwa Hiskia okwa pongololulula iilonga yaayambi noyAalevi, shaa ngoka a kale e na oshimpwiyu she te shi dhiginine. Muka omwa kwatelelwa okuyamba omafikilondjambo nomakwatathanondjambo, okukala melongelokalunga motempeli nokuhambelela nokutanga Omuwa miitopolwa yi ili noyi ili yomotempeli. 3 Omukwaniilwa okwa kutha miimuna ye mwene iinamwenyo tayi yambwa omafikilondjambo ongula nongulohi kehe, mEsabati, mOshituthi shomwedhi omupe nomiituthi iikwawo pampango yOmuwa.
4 Omukwaniilwa okwa lombwele Aajerusalem, ye etele aayambi nAalevi omayambo ngoka ge ya uthilwa, opo ya kale ethimbo alihe miilonga pampango yOmuwa. 5 Nanziya elaka sho lya gandjwa, Aaisraeli oye eta omagano giilya yawo iiwanawa, omaviinu, omagadhi gooholivi, omagadhi goonyushi niinima yilwe yomomapya gawo; oye eta iitimulongo yashaa shoka ya likola. 6 Aantu ayehe mboka ya kala miilando yaJuda, oye eta iitimulongo yomoongombe noonzi dhawo noye eta wo omagano ogendjigendji, ngoka ya yoololela Omuwa, Kalunga kawo. 7 Omagano oga tameke okuthika momwedhi omutitatu noga tsikile okundumbilwa oomwedhi ne dha landula ko. 8 Omukwaniilwa Hiskia nomalenga ge sho ya mono, nkene aantu ya gandja oshindji, oya hambelele Omuwa nokupandula aantu ye Aaisraeli. 9 Omukwaniilwa okwa pula aayambi nAalevi shoka taa ningi nomagano ngaka, 10 nomuyambimukuluntu Azaria gwomoluvalo lwaSadok okwa ti kuye: “Okuza mpoka aantu sho ya tameke okweeta omagano gawo kotempeli, iikulya oya kala ya ha nokwa hupu oyindji. Otu na ayihe mbika, oshoka Omuwa okwa yambeke aantu ye.”
11 Palombwelo lyomukwaniilwa oya longekidha oompungulilo motempeli 12 e taa pungula mo omagano niitimulongo ayihe. Omulevi Konania okwa langekwa a kale omutonateli gwadho nomuyakuli gwe omumwayina Shimei. 13 Aalevi mboka omulongo ya pewa iilonga mewiliko lyawo, oyo Jehiel, Azazia, Nahat, Asahel, Jerimot, Josabad, Eliel, Ismakia, Mahat naBenaia. Ayihe mbika oya ningwa palombwelo lyomukwaniilwa Hiskia nomuyambimukuluntu Azaria. 14 Omulevi Kore kaImna, ngoka a li omulangeli omukuluntu pOsheelo shokuuzilo wotempeli, okwa li omutonateli gwokutaamba omagano ge etelwa Omuwa nogwoku ga topola. 15 Miilando yilwe moka mwa kala aayambi, Kore okwa yakulwa moshilonga she nuudhiginini kAalevi mbaka: Eden, Miniamin, Jeshua, Shemaia, Amaria naShekania. Oya topolele Aalevi aakwawo iikulya pailonga yawo, 16 hapamaludhi. Oya gandja oshitopolwa kaalumentu yomimvo omilongo ndatu nenge ye vule po, mboka ya li ye na iinakugwanithwa motempeli pamalangeko gawo. 17 Aayambi oya pewa iilonga yawo pamaludhi, nAalevi yomimvo omilongo mbali nenge ye vule po, oya pewa iilonga yawo pamatanga giilonga. 18 Oya nyolwa momisholondondo naakiintu yawo, oyana naatekulu yawo yalwe, oshoka oya li yi ilongekidhila okugwanitha iilonga yawo iiyapuki ethimbo kehe. 19 Mokati kaayambi mboka ya li miilando ya pewa oluvalo lwaAaron, nenge miinapelo yayo, omwa li aantu mboka ye na oshimpwiyu shokutopola iikulya kaalumentu ayehe yomomazimo gaayambi nokukehe ngoka a li mo momisholondondo dhomaludhi gAalevi.
20 MuJuda alihe omukwaniilwa Hiskia okwa ningi shoka shu uka nosho opalela Omuwa, Kalunga ke. 21 Okwa li omunelago, oshoka shaa shoka a ningile otempeli nenge egwanitho lyompango, okwe shi ningi mombepo yuudhiginini neinekelo nokwiiyapulila Kalunga ke.
Hiskia ta yelitha elongelokalunga
1 Oshituthi sho sha hulu, Aaisraeli ayehe oya yi niilando ayihe muJuda e taa kumuna po oongundhimanya e taa teya po iiyelekela ya dhilikilwa oshikalungakiintu Asheera, taa yonagula po iiyambelo ayihe nomahala giinonoma yuupagani. Oye shi ningi muJuda alihe nomiitopolwa yaBenjamin, Efraim naManasse e taa shuna kaandjawo.
2 Omukwaniilwa Hiskia okwa pongololulula iilonga yaayambi noyAalevi, shaa ngoka a kale e na oshimpwiyu she te shi dhiginine. Muka omwa kwatelelwa okuyamba omafikilondjambo nomakwatathanondjambo, okukala melongelokalunga motempeli nokuhambelela nokutanga Omuwa miitopolwa yi ili noyi ili yomotempeli. 3 Omukwaniilwa okwa kutha miimuna ye mwene iinamwenyo tayi yambwa omafikilondjambo ongula nongulohi kehe, mEsabati, mOshituthi shomwedhi omupe nomiituthi iikwawo pampango yOmuwa.
4 Omukwaniilwa okwa lombwele Aajerusalem, ye etele aayambi nAalevi omayambo ngoka ge ya uthilwa, opo ya kale ethimbo alihe miilonga pampango yOmuwa. 5 Nanziya elaka sho lya gandjwa, Aaisraeli oye eta omagano giilya yawo iiwanawa, omaviinu, omagadhi gooholivi, omagadhi goonyushi niinima yilwe yomomapya gawo; oye eta iitimulongo yashaa shoka ya likola. 6 Aantu ayehe mboka ya kala miilando yaJuda, oye eta iitimulongo yomoongombe noonzi dhawo noye eta wo omagano ogendjigendji, ngoka ya yoololela Omuwa, Kalunga kawo. 7 Omagano oga tameke okuthika momwedhi omutitatu noga tsikile okundumbilwa oomwedhi ne dha landula ko. 8 Omukwaniilwa Hiskia nomalenga ge sho ya mono, nkene aantu ya gandja oshindji, oya hambelele Omuwa nokupandula aantu ye Aaisraeli. 9 Omukwaniilwa okwa pula aayambi nAalevi shoka taa ningi nomagano ngaka, 10 nomuyambimukuluntu Azaria gwomoluvalo lwaSadok okwa ti kuye: “Okuza mpoka aantu sho ya tameke okweeta omagano gawo kotempeli, iikulya oya kala ya ha nokwa hupu oyindji. Otu na ayihe mbika, oshoka Omuwa okwa yambeke aantu ye.”
11 Palombwelo lyomukwaniilwa oya longekidha oompungulilo motempeli 12 e taa pungula mo omagano niitimulongo ayihe. Omulevi Konania okwa langekwa a kale omutonateli gwadho nomuyakuli gwe omumwayina Shimei. 13 Aalevi mboka omulongo ya pewa iilonga mewiliko lyawo, oyo Jehiel, Azazia, Nahat, Asahel, Jerimot, Josabad, Eliel, Ismakia, Mahat naBenaia. Ayihe mbika oya ningwa palombwelo lyomukwaniilwa Hiskia nomuyambimukuluntu Azaria. 14 Omulevi Kore kaImna, ngoka a li omulangeli omukuluntu pOsheelo shokuuzilo wotempeli, okwa li omutonateli gwokutaamba omagano ge etelwa Omuwa nogwoku ga topola. 15 Miilando yilwe moka mwa kala aayambi, Kore okwa yakulwa moshilonga she nuudhiginini kAalevi mbaka: Eden, Miniamin, Jeshua, Shemaia, Amaria naShekania. Oya topolele Aalevi aakwawo iikulya pailonga yawo, 16 hapamaludhi. Oya gandja oshitopolwa kaalumentu yomimvo omilongo ndatu nenge ye vule po, mboka ya li ye na iinakugwanithwa motempeli pamalangeko gawo. 17 Aayambi oya pewa iilonga yawo pamaludhi, nAalevi yomimvo omilongo mbali nenge ye vule po, oya pewa iilonga yawo pamatanga giilonga. 18 Oya nyolwa momisholondondo naakiintu yawo, oyana naatekulu yawo yalwe, oshoka oya li yi ilongekidhila okugwanitha iilonga yawo iiyapuki ethimbo kehe. 19 Mokati kaayambi mboka ya li miilando ya pewa oluvalo lwaAaron, nenge miinapelo yayo, omwa li aantu mboka ye na oshimpwiyu shokutopola iikulya kaalumentu ayehe yomomazimo gaayambi nokukehe ngoka a li mo momisholondondo dhomaludhi gAalevi.
20 MuJuda alihe omukwaniilwa Hiskia okwa ningi shoka shu uka nosho opalela Omuwa, Kalunga ke. 21 Okwa li omunelago, oshoka shaa shoka a ningile otempeli nenge egwanitho lyompango, okwe shi ningi mombepo yuudhiginini neinekelo nokwiiyapulila Kalunga ke.
