Hiskia, omukwaniilwa gwaJuda
(2 Aak. 18:1-3)1 Hiskia okwa ningi omukwaniilwa gwaJuda mepipi lyomimvo omilongo mbali nantano, nokwa lele muJerusalem omimvo omilongo mbali nomugoyi. Yina oye Abia yaSakaria. 2 Hiskia okwa landula oshinkoti shahekulu David, a longo shoka sho opalela Omuwa.
Eyelitho lyotempeli
3 Momwedhi gwotango gwomumvo ngoka Hiskia a ningi omukwaniilwa, okwa egulululula omiyelo dhotempeli e te dhi opalekitha. 4 Okwa gongele ongundu yaayambi nAalevi mehale lyokuuzilo wotempeli 5 e ta popi nayo ta ti: “Ne Aalevi, iyapuleni ne mu yelithe otempeli yOmuwa, Kalunga koohokulu. Motempeli kuthii mo shaa shoka tashi yi nyateke. 6 Ootate oyi iteka Omuwa, Kalunga ketu, e taa longo shoka inaashi mu opalela. Oye mu etha e taa pilamene ehala lye eyapuki. 7 Oye edhile po omiyelo dhotempeli, ya dhimitha oolamba noye etha okufika iitsinino nenge okulungunitha omafikilondjambo motempeli yaKalunga kaIsrael. 8 Molwashika Omuwa okwa geele Juda naJerusalem, naashoka e ya ningile, osha kakamitha e tashi halutha shaa ngoka. 9 Ootate oya dhipagelwa miita, aakulukadhi yetu naana yetu oya kwatwa po aapika.
10 “Ngame onda tokola ndi hangane nOmuwa, Kalunga kaIsrael, opo kee tu geele we. 11 Aamwandjemati, inamu shelelelwa we. Onelela mboka mwa hogololwa kOmuwa, mu mu fikile iitsinino ne mu fale aantu moku mu simaneka.”
12-14 Aalevi mboka ya li po, oyomoludhi lwaKohat, Mahat gaAmasai naJoel yaAzaria
lwaMerari, Kish yaAbdi naAzaria yaJehallelel
lwaGerson, Joa yaSimma naEden lyaJoa
lwaElzafan, Shimri naJeuel
lwaAsaf, Sakaria naMattania
lwaHeman, Jehuel naShimui
lwaJedutun, Shemaia naUssiel.
15 Aantu mbaka oya gongele Aalevi aakwawo, naayehe oyi iyapula. Palombwelo lyomukwaniilwa oya tameke ihe okuyapululula otempeli pampango yOmuwa. 16 Aayambi oya yi motempeli, ye yi yapule, noya kutha mo iinima ayihe mbyoka ya li ya nyata e taye yi fala mehale lyotempeli. Aalevi oye yi taamba e taye yi tutile pondje yoshilando kesilu lyokalonga Kidron.
17 Iilonga mbika oya li ya tamekwa mesiku lyotango lyomwedhi gwotango, nomesiku etihetatu oye yi manene mondunda yokuthikila yotempeli. Oya longo ishewe omasiku gahetatu, sigo etimulongo netihamano lyomwedhi, opo otempeli yi opalekelwe elongelokalunga.
Eyapulululo lyotempeli
18 Aalevi oye ya komukwaniilwa Hiskia e taa ti: “Otwa mana omaopaleko gotempeli ayihe, oshiyambelo shokulungunithila omayambo, oshitaafula shiikwiila iiyapuki niilongitho yayo ayihe. 19 Otwe eta mo wo iilongitho mbyoka omukwaniilwa Ahas a li a kutha mo pethimbo ndyoka a li i iteka Kalunga, notwe yi yelitha. Ayihe oyi li komeho goshiyambelo shOmuwa.”
20 Hiskia okwa gongele mbala aawiliki yoshilando, noyo ayehe oya yi kotempeli. 21 Oya kutha oontsezi heyali, oonzi heyali, oonzigona heyali niikombo iheyali, ye yi yambele omagandjelo goondjo dhezimo lyomukwaniilwa nodhoshigwana shaJuda nokuyapula otempeli. Omukwaniilwa okwa lombwele aayambi, oluvalo lwaAaron, ye yi yambele koshiyambelo shOmuwa. 22 Aayambi oya dhipaga tango oontsezi, taku landula oonzi, nena oonzigona e taa shashamine ombinzi yondjambo kehe koshiyambelo. 23 Hugunina oya kutha iikombo ye yi eta komukwaniilwa nokaagalikani, mboka ya tenteke iikaha yawo kuyo. 24 Nena aayambi oya dhipaga iikombo e taa tile ombinzi yayo koshiyambelo, yi ninge ondjambo yokukutha po oondjo dhaantu ayehe, oshoka omukwaniilwa okwa lombwele, omafikilondjambo nomayonondjambo ga ningilwe Israel alihe.
25 Omukwaniilwa okwa landula omalombwelo ngoka Omuwa e ga lombwele omukwaniilwa David mokana kaGad, omuhunganeki gwomukwaniilwa, nokomuhunganeki Natan; okwa tula Aalevi motempeli ye na iiyaha, uuharpa niiketala, 26 iihikomwa ngaashi mbyoka ya li hayi longithwa kuDavid. Aayambi oya li ya thikama mpeyaka ye na omankuma. 27 Hiskia okwa ti, efikilondjambo nali etwe po. Eyambo sho lya tameke, aantu oyi imbi taa hambelele Omuwa, naahiki oya tameke okuhika omankuma niihikomwa ayihe yilwe. 28 Ayehe mboka ya li ko, oya simaneke Omuwa nokwiimba nokuhika, sigo oondjambo dha lungunithwa po. 29 Omukwaniilwa Hiskia naantu ayehe oya tsu oongolo e taa simaneke Kalunga. 30 Omukwaniilwa naawiliki yoshigwana oya lombwele Aalevi, ya imbile Omuwa omaimbilohambelelo ngoka ga nyolwa kuDavid nokomuhunganeki Asaf. Oyi imbi nenyanyu, oya tsu oongolo e taa galikana Kalunga.
31 Hiskia okwa ti kaantu: “Ngashingeyi sho mwi iyapula, eteleni Omuwa oontselelandjambo nomapandulondjambo.” Oye shi ningi, nayamwe yomuyo oye eta wo kehalo lyawo yene omafikilondjambo. 32 Oye eta oontsezi omilongo heyali, oonzi ethele limwe noonzigona omathele gaali, dhi lungunithilwe Omuwa; 33 oye eta wo oontsezi omathele gahamano noonzi omayuvi gatatu, dhi ninge oondjambo dhokuliwa kaantu. 34 Nokuli kakwa li aayambi ya gwana okudhipaga iimuna mbika ayihe, onkee Aalevi oye ya kwatha, sigo iilonga ya tsakanithwa, naayambi yi iyapula. (Aalevi oya li aadhiginini muuyogoki wopamisindilo ye vule aayambi.) 35 Kakele komidhidhindjambo, aayambi oya li ye na wo oshimpwiyu shokufika oofu ndhoka dha zi momakwatathanondjambo noshokutilahi iinuwandjambo tayi longithwa pamwe nomafikilondjambo.
Osho ngaaka elongelokalunga motempeli lya tameke ishewe. 36 Omukwaniilwa Hiskia noshigwana ashihe oya li ya nyanyukwa, molwashoka Kalunga e ya kwatha okugwanitha ayihe mbika mbalambala.
Hiskia, omukwaniilwa gwaJuda
(2 Aak. 18:1-3)1 Hiskia okwa ningi omukwaniilwa gwaJuda mepipi lyomimvo omilongo mbali nantano, nokwa lele muJerusalem omimvo omilongo mbali nomugoyi. Yina oye Abia yaSakaria. 2 Hiskia okwa landula oshinkoti shahekulu David, a longo shoka sho opalela Omuwa.
Eyelitho lyotempeli
3 Momwedhi gwotango gwomumvo ngoka Hiskia a ningi omukwaniilwa, okwa egulululula omiyelo dhotempeli e te dhi opalekitha. 4 Okwa gongele ongundu yaayambi nAalevi mehale lyokuuzilo wotempeli 5 e ta popi nayo ta ti: “Ne Aalevi, iyapuleni ne mu yelithe otempeli yOmuwa, Kalunga koohokulu. Motempeli kuthii mo shaa shoka tashi yi nyateke. 6 Ootate oyi iteka Omuwa, Kalunga ketu, e taa longo shoka inaashi mu opalela. Oye mu etha e taa pilamene ehala lye eyapuki. 7 Oye edhile po omiyelo dhotempeli, ya dhimitha oolamba noye etha okufika iitsinino nenge okulungunitha omafikilondjambo motempeli yaKalunga kaIsrael. 8 Molwashika Omuwa okwa geele Juda naJerusalem, naashoka e ya ningile, osha kakamitha e tashi halutha shaa ngoka. 9 Ootate oya dhipagelwa miita, aakulukadhi yetu naana yetu oya kwatwa po aapika.
10 “Ngame onda tokola ndi hangane nOmuwa, Kalunga kaIsrael, opo kee tu geele we. 11 Aamwandjemati, inamu shelelelwa we. Onelela mboka mwa hogololwa kOmuwa, mu mu fikile iitsinino ne mu fale aantu moku mu simaneka.”
12-14 Aalevi mboka ya li po, oyomoludhi lwaKohat, Mahat gaAmasai naJoel yaAzaria
lwaMerari, Kish yaAbdi naAzaria yaJehallelel
lwaGerson, Joa yaSimma naEden lyaJoa
lwaElzafan, Shimri naJeuel
lwaAsaf, Sakaria naMattania
lwaHeman, Jehuel naShimui
lwaJedutun, Shemaia naUssiel.
15 Aantu mbaka oya gongele Aalevi aakwawo, naayehe oyi iyapula. Palombwelo lyomukwaniilwa oya tameke ihe okuyapululula otempeli pampango yOmuwa. 16 Aayambi oya yi motempeli, ye yi yapule, noya kutha mo iinima ayihe mbyoka ya li ya nyata e taye yi fala mehale lyotempeli. Aalevi oye yi taamba e taye yi tutile pondje yoshilando kesilu lyokalonga Kidron.
17 Iilonga mbika oya li ya tamekwa mesiku lyotango lyomwedhi gwotango, nomesiku etihetatu oye yi manene mondunda yokuthikila yotempeli. Oya longo ishewe omasiku gahetatu, sigo etimulongo netihamano lyomwedhi, opo otempeli yi opalekelwe elongelokalunga.
Eyapulululo lyotempeli
18 Aalevi oye ya komukwaniilwa Hiskia e taa ti: “Otwa mana omaopaleko gotempeli ayihe, oshiyambelo shokulungunithila omayambo, oshitaafula shiikwiila iiyapuki niilongitho yayo ayihe. 19 Otwe eta mo wo iilongitho mbyoka omukwaniilwa Ahas a li a kutha mo pethimbo ndyoka a li i iteka Kalunga, notwe yi yelitha. Ayihe oyi li komeho goshiyambelo shOmuwa.”
20 Hiskia okwa gongele mbala aawiliki yoshilando, noyo ayehe oya yi kotempeli. 21 Oya kutha oontsezi heyali, oonzi heyali, oonzigona heyali niikombo iheyali, ye yi yambele omagandjelo goondjo dhezimo lyomukwaniilwa nodhoshigwana shaJuda nokuyapula otempeli. Omukwaniilwa okwa lombwele aayambi, oluvalo lwaAaron, ye yi yambele koshiyambelo shOmuwa. 22 Aayambi oya dhipaga tango oontsezi, taku landula oonzi, nena oonzigona e taa shashamine ombinzi yondjambo kehe koshiyambelo. 23 Hugunina oya kutha iikombo ye yi eta komukwaniilwa nokaagalikani, mboka ya tenteke iikaha yawo kuyo. 24 Nena aayambi oya dhipaga iikombo e taa tile ombinzi yayo koshiyambelo, yi ninge ondjambo yokukutha po oondjo dhaantu ayehe, oshoka omukwaniilwa okwa lombwele, omafikilondjambo nomayonondjambo ga ningilwe Israel alihe.
25 Omukwaniilwa okwa landula omalombwelo ngoka Omuwa e ga lombwele omukwaniilwa David mokana kaGad, omuhunganeki gwomukwaniilwa, nokomuhunganeki Natan; okwa tula Aalevi motempeli ye na iiyaha, uuharpa niiketala, 26 iihikomwa ngaashi mbyoka ya li hayi longithwa kuDavid. Aayambi oya li ya thikama mpeyaka ye na omankuma. 27 Hiskia okwa ti, efikilondjambo nali etwe po. Eyambo sho lya tameke, aantu oyi imbi taa hambelele Omuwa, naahiki oya tameke okuhika omankuma niihikomwa ayihe yilwe. 28 Ayehe mboka ya li ko, oya simaneke Omuwa nokwiimba nokuhika, sigo oondjambo dha lungunithwa po. 29 Omukwaniilwa Hiskia naantu ayehe oya tsu oongolo e taa simaneke Kalunga. 30 Omukwaniilwa naawiliki yoshigwana oya lombwele Aalevi, ya imbile Omuwa omaimbilohambelelo ngoka ga nyolwa kuDavid nokomuhunganeki Asaf. Oyi imbi nenyanyu, oya tsu oongolo e taa galikana Kalunga.
31 Hiskia okwa ti kaantu: “Ngashingeyi sho mwi iyapula, eteleni Omuwa oontselelandjambo nomapandulondjambo.” Oye shi ningi, nayamwe yomuyo oye eta wo kehalo lyawo yene omafikilondjambo. 32 Oye eta oontsezi omilongo heyali, oonzi ethele limwe noonzigona omathele gaali, dhi lungunithilwe Omuwa; 33 oye eta wo oontsezi omathele gahamano noonzi omayuvi gatatu, dhi ninge oondjambo dhokuliwa kaantu. 34 Nokuli kakwa li aayambi ya gwana okudhipaga iimuna mbika ayihe, onkee Aalevi oye ya kwatha, sigo iilonga ya tsakanithwa, naayambi yi iyapula. (Aalevi oya li aadhiginini muuyogoki wopamisindilo ye vule aayambi.) 35 Kakele komidhidhindjambo, aayambi oya li ye na wo oshimpwiyu shokufika oofu ndhoka dha zi momakwatathanondjambo noshokutilahi iinuwandjambo tayi longithwa pamwe nomafikilondjambo.
Osho ngaaka elongelokalunga motempeli lya tameke ishewe. 36 Omukwaniilwa Hiskia noshigwana ashihe oya li ya nyanyukwa, molwashoka Kalunga e ya kwatha okugwanitha ayihe mbika mbalambala.
